法國飯店

Open Now

Now Closed

本身同朋友已經傾好左假期入黃金海岸哂下太陽，但入面都冇乜餐廳，好彩我地做足功課，見呢間法國飯店嗰食評都幾好評價，就揀左係呢到食嘢，同大家分享下先。⭐️古法燒西班牙豬腩仔配蜜糖香桃汁$248西班牙豬腩仔入口軟腍無比，而且經過古法燒製過程令到豬腩仔嘅油脂香味更加突出，配搭酸酸甜甜嘅蜜糖香桃汁，開胃又解膩，真係好出色嘅一道菜式😍⭐️煙三文魚他他伴牛油果紅莓汁$168夏日熱辣辣食返個煙三文魚他他就最岩啦，三文魚新鮮唔腥，魚油香好重，配上酸酸地嘅紅莓汁，胃口即刻好好🤤⭐️傳統法式油封燒鴨腿配酸梅汁 $258油封燒鴨腿都幾大隻下，肉質嫩滑，鴨皮十分香脆，咸度適中，仲好多肉添，點埋佢個酸梅汁，酸微微咁好特別。

今次要向大家介紹嘅係呢間位於屯門黃金海岸嘅法國餐廳，主打傳統嘅法國菜，無論係環境定係食物質素都保持高水準，除咗可以一邊食一邊望住個無敵大海景，仲可以靜靜地咁同朋友一邊傾一邊食好味嘅法國菜，真係十分之享受。前菜有叫左個鮮蝦牛油果水牛芝士沙律。我哋就揀咗鮮蝦牛油果水牛芝士沙律，鮮蝦顏色呈鮮橙色好靚，而且又勁彈牙，睇得出好新鮮，唔係雪藏蝦。而牛油果同水牛芝士味道都配合得好好，一款健康好味嘅沙律。主食就有叫古法燒西班牙豬腩仔配蜜糖香桃汁，燒到金黃色的外皮，一咬落去好酥脆，絕對使人回味無窮~另外仲有香草墨汁意大利粉配墨魚及車厘茄，意粉煮到軟硬適中，香草同墨汁味道好濃郁，食到我成咀都污糟晒🤤但係墨汁同墨魚一齊真係好味不得了👍🏻👍🏻

今次要同大家推介呢間好出色嘅法國飯店！係我食過數一數二好味法國菜🤭估唔到屯門呢啲咁偏嘅地方都有咁出色嘅餐廳😍仲要對住黃金海岸嘅海景，呢餐飯真係食得好滿足又難忘呀👏🏻😆我地揀咗好耐就決定叫呢個法式芥末野菜焗無骨鹹豬手，呢個真係岩哂我呢啲懶人😂，因為佢係無骨嫁！食落肉質嫩滑多汁，仲有滿滿嘅骨膠原😆另外再叫多個煙三文魚伴鮮蝦沙律一齊分享，新鮮大大隻嘅蝦超級鮮甜，而煙三文魚又肉質細緻肥美，啖啖都鮮嫩可口，係一個鮮味滿滿的健康沙律🥰

之前次次去親黃金海岸都唔食嘢就急急腳走，今日想玩耐啲所以就決定食埋嘢！我哋就揀咗入面最靚嘅呢間高級法國菜餐廳，好彩佢係真係幾高質，環境同店員嘅服務態度都非常之好👍🏻慣咗每次食西餐都一定會叫個沙律，呢個半生熟芝麻吞拿魚伴香桃沙沙，吞拿魚新鮮，加左芝麻更香。另外主食就叫咗蕃茄龍蝦汁海鮮意大利飯嘅龍蝦汁超濃郁，海鮮都勁新鮮，連埋飯撈埋一齊食，真係好滋味。而炭燒西班牙黑豚鞍排燒得剛好，有油香之餘亦都唔會過於肥膩，好好食。最後仲有個黑松露野菌湯都好足料，啖啖都好香黑松露味。

雖然住屯門但好耐冇入黃金海岸，假期又好天就一同朋友去玩返日，跟著試左入面嘅呢間叫法國飯店嘅餐廳，真係幾高質，環境都好好望到海😍呢個蕃茄龍蝦汁海鮮意大利飯真係好推介大家可以試吓，比我想像中出色好多。首先面頭嘅海鮮十分之新鮮，然後個龍蝦汁超濃郁，意大利飯滿滿吸收晒龍蝦汁嘅精華，食落真係不得了，好好味😋而煙三文魚伴鮮蝦沙律都好食，煙三文魚油脂豐富，厚切又肥美。而煙三文魚同鮮蝦都十分新鮮，連埋沙律菜食好fresh😍最後仲有個半生熟芝麻吞拿魚伴香桃沙沙，擺盤好靚，吞拿魚口感好好，入口即化，配埋香桃沙沙甜甜地一齊食仲好味😋

上個星期同朋友慶祝生日，所以就上OpenRice睇下屯門有啲咩好嘢食，見到大家都想去沙灘玩吓，所以就決定揀呢間係黃金海岸評價都唔錯嘅法國餐廳同佢慶祝生日😍首先叫左個風乾火腿蕃茄醬焗燒春雞，風乾火腿鹹香味十足，而燒春雞又燒到外皮焦香，配上紅酒汁簡直係完美。之後叫嘅炭燒美國安格斯純黑牛肉眼扒配黑椒汁，美國安格斯牛肉眼扒屬於好高級嘅品質，一啲雪藏味都冇，牛肉口感嫩，而且牛肉味香濃，好正。跟住就係半生熟芝麻吞拿魚配香桃沙沙同埋煙三文魚半鮮蝦沙律，呢兩個刺身嘅沙律我都覺得好好味，無論係吞拿魚、三文魚定係鮮蝦都十分之新鮮。兩個都食落好清新，一啲都唔Heavy，完全唔怕肥係健康人士必叫嘅好選擇😋

喺屯門黃金海岸玩完食埋嘢就揀咗呢間法國飯店餐廳，環境乾淨企理好似都幾唔錯，以下就同大家分享下我哋叫嘅食物質素同味道😎。呢個炭燒美國安格斯純黑牛肉眼扒賣相十分之吸引，好靚嘅網燒坑紋令到人更加想試下咩味道，燒至7成熟就岩岩好，滿滿嘅肉汁又帶有陣陣牛肉嘅香味。而呢個炭燒西班牙黑豚鞍排都唔錯，因為本身我唔食牛，所以就叫咗呢個，估唔到雖然係豬，但係肉質都一啲都唔會鞋，同埋燒完都會keep住有肉汁jucy嘅感覺。見到佢哋仲有其他好多唔同嘅法國菜，下次如果有機會再嚟一定會試吓佢哋嗰個法式油封燒鴨腿！因為見到好多人都有叫呢個🤪

同事之前推介左我如果入屯門黃金海岸一定要來呢間餐廳試吓，自己都有做吓啲research睇吓入面有咩食，發現入面嘅餐廳最吸引我嘅都係呢間法國菜，見到價錢雖然貴少少，但好彩食完之後覺得性價比都高，同埋環境都十分之舒適。呢個炭燒西班牙黑豚鞍排厚度十足，炭燒得好好，肉保留了肉汁，雖然厚但唔乾唔硬，有豬肉嘅彈性，調味都不錯，即使不沾汁，味道都夠。另外仲要多咗個風乾火腿蕃茄醬焗燒春雞配紅酒汁，本身自己好鍾意食燒春雞，好彩呢度係燒春雞都整得好好，食落唔會話好乾，肉質仲係好軟熟，而且有好香嘅蕃茄味，酸酸甜甜嘅雞肉正呀！另外仲有配咗個紅酒汁，又係另一番風味。

第一次去到呢間法國菜餐廳食嘢，因為係黃金海岸附近，食完仲可以去玩，估唔到又幾好味。第一道傳統法式油封燒鴨腿配酸梅汁，呢道法國傳統菜式真係十分之滿意，首先係佢哋嘅燒鴨腿燒到金黃色嘅外皮，而又可以保持內裏肉質仍然keep住好Juicy，鴨香嘅味道配上酸酸甜甜嘅酸梅汁，令人會胃口大開，食極都唔想停。第二道香草墨汁意大利粉配墨魚及車厘茄，採用嘅墨魚十分之新鮮，除咗一啲腥味都冇，仲食落口感彈牙，配埋香草墨汁加上口感一流嘅意大利粉，確實係唔錯。就連佢哋嘅黑松露野菌湯都同樣值得推介，湯嘅質感啱啱好，仲有好香濃嘅黑松露同蘑菇味，平時唔係太鍾意飲湯嘅我都飲晒。

同好姊妹一齊去沙灘到玩，之後就決定食埋飯先走，見周圍附近都好似冇乜特別想食嘅餐廳，除咗呢間法國飯店感覺上啲食物嘅水準都唔錯！所以就決定嚟試下🤪傳統法式油封燒鴨腿配酸梅汁 💲2️⃣5️⃣8️⃣食法國菜一定要成油封燒鴨腿！切開鴨腿肉質食落一啲都唔會鞋，非常軟腍而且好入味😋配上酸梅汁可以解油膩，十分之吸引🤤古法燒西班牙豬腩仔配蜜糖香桃汁💲2️⃣4️⃣8️⃣呢個古法燒西班牙豬腩仔外皮燒至份外脆身，而肉質鮮嫩多汁，再配上特製蜜糖香桃汁，甜甜哋咁好滋味。鮮蝦牛油果水牛芝士沙律💲1️⃣6️⃣8️⃣呢個沙律味道幾好，比起我平時食嘅沙律好食好多，因為佢加咗水牛芝士，平時食啲沙律好淡，但加左芝士之後就有香濃嘅芝士味！再混合埋好新鮮嘅大蝦同牛油果，呢個配搭新鮮得嚟又好完美。

暑假啦梗係要去返個陽光與海灘迎接美好嘅假期，游完水就要去餐廳食下啲好嘢👏🏻，今次就嚟到屯門黃金海岸嘅呢間法國飯店，環境已經覺得好優雅，估唔到食物嘅水準都好高級。風乾火腿蕃茄醬焗燒春雞都整得好好味，燒春雞仍然可以保持內裏口感嫩，而有肉汁，風乾火腿嘅鹹香味道都好出，兩者配上配紅酒好夾。傳統法式油封燒鴨腿我都食過幾次，我知道係需要浸泡在鴨油中烹煮，再經過低溫高溫烤焗，需要繁複嘅工序同時間。呢間餐廳我覺得都整得幾好食同正宗，佢鴨腿外皮烤到卜卜脆，勁鬆脆！連埋鴨肉一齊食，真係唔錯。

同朋友好耐冇見啦，所以就約咗去沙灘到玩🏖️，之後就去左呢間高級嘅法國餐廳食飯。呢間餐廳環境比人好舒服優雅嘅感覺，佢係主打法國菜，選擇都幾多，位置好闊落，又可以安靜咁對住個海食飯，成餐飯都食得幾開心。🤩香草墨汁意大利粉配墨魚及車厘茄$168🤩超濃稠嘅墨汁配意大利粉係最佳嘅配搭，而且墨魚都份量十足，好新鮮👍🏻🤩香蒜大蝦扁意粉配蕃茄汁$180🤩酸酸甜甜嘅蕃茄汁配上扁意粉，令人忍唔住一啖接一啖不停食，跟住仲有超級新鮮彈牙嘅大蝦，好正😍🤩煙三文魚他他伴牛油果紅莓汁$168🤩充滿油脂嘅煙三文魚，肥美十足，配上牛油果同紅莓汁，清新感十足。

諗咗好耐同男朋友慶祝一周年應該去邊度好，最後就決定去屯門黃金海岸嗰邊沙灘游下水曬下太陽，感受下夏日嘅氣氛！估唔到嗰邊有間咁靚嘅法國餐廳，話晒都慶祝梗係要食返啲好嘢🥰首先一定要叫個炭燒美國安格斯純黑牛肉眼扒，佢係配左黑椒汁，黑椒汁嘅味道辣辣地配埋牛扒惹味十足！而且肉眼扒食落口感嫩滑，而且口裏面總會徘徊着一浸浸超香嘅牛肉味道！大滿足！跟住呢個香草墨汁意大利粉配墨魚及車厘茄，加咗車厘茄之後顏色好睇好多，而且食落有酸酸地咁，令人更加開胃！之後主角嘅墨魚都好新鮮又彈牙🤪

今次介紹嘅係一間環境好靚嘅海景餐廳，位於屯門黃金海岸，去開玩嘅朋友就可以考慮嚟試下啦，食物質素都好高質🤭❤️鮮蝦牛油果水牛芝士沙律$168呢個沙律好好味，材料好豐富，有我鐘意嘅水牛芝士，勁濃郁芝士香味，但係又加埋沙律菜、鮮蝦、牛油果，又令到沙律清新返嘅感覺，岩岩好。❤️香蒜大蝦扁意粉配蕃茄汁$180首先大蝦份量都正常，而且好香蒜味，鮮蝦都好新鮮，而扁意粉煮到熟透得嚟又唔會太硬太淋，口感岩岩好。❤️炭燒美國安格斯純黑牛肉眼扒配黑椒汁 $418跟著呢個真係超級推介，因為個安格斯純黑牛肉眼扒牛味好香濃，而且勁有肉汁，炭燒到成塊肉都好香，有埋黑椒汁就更加惹味。

今次同朋友嚟到呢一間法國飯店，餐廳面積大好闊落，將有個大玻璃窗可以見到無敵大海景😋，店員服務態度都好親切，食物質素方面我覺得都好高質，算係一間比較高級嘅餐廳🤩首先嚟個煙三文魚伴鮮蝦沙律打下底先，煙三文魚好肥美呀，再配埋超級新鮮嘅鮮蝦，隻隻都好彈牙！之後食埋沙律菜夠晒營養均衡😋然後就係呢個蕃茄龍蝦汁海鮮意大利飯，意大利飯粒口感岩岩好好，而且有滿滿嘅龍蝦汁，勁香呀。跟住仲有呢個香脆焗深海鱈魚柳配南瓜蓉忌廉汁，鱈魚柳外皮脆到好香脆，魚肉多，配忌廉汁味道一流😋