利苑酒家 (創紀之城五期(apm))

Open Now

Now Closed

利苑是其中一家我們家聚常會選擇的餐廳， 原因之一係佢哋經常有特別菜式而又合我哋"何車"...而且味道也很不錯。爸像喵...愛吃魚利苑又常劏幾十斤大蘇眉、鮋追、山瑞... 甚至鱷魚等特別種類。其他菜式如...海山骨、粉絲虎蝦煲、 過橋象拔蚌、沙溪米鴨、蘆筍百合炒帶子/牛柳粒等也是我們的至愛甜品這裏也出色...楊枝甘露、榴槤布甸、 蛋白杏仁茶 也是必點。其中榴槤布甸，夏天時令...我媽最愛，連最怕糖尿病嘅爸爸，飯後也會忍不住點一客...所以我叫它做"榴槤忘返"服務方面當然是叫好的...不會懷疑，人手充足，更換碗碟、上菜、加水也不會要客人久等發呆， 舉手得痳痹

邀請爸媽偕同一向痛錫小弟的姑媽參觀寒舍。一行人大駕光臨，光只是坐坐當然不行，離開前自然要來喝口茶吃些點心才能圓滿....樓上商場本來有間街坊茶樓，但爸爸說要到APM內的"利苑"喝.....小弟自然恭敬不如從命....四個大人加一個不太吃東西的小朋友，最後竟叫至一整桌都是食物，食力可算是相當驚人....先來一碟鹵水雞腳。鹵色沉鬱夠入味帶輕微甜；雞腳已被鹵至非常軟淰，基本上完全不用費任何的力也可輕易將之咬斷....生拆魚茸粥弄出來的水準竟比粥店來得更精彩，粥底極綿吃至滿口都是魚鮮，掏每一口進肚子內那是魚茸肉而且一點也不腥。試間如此般足料又怎會不好吃 ? 就連切件油條都是脆的....這碗熱魚粥，可算是跡近完美的....叉燒燒得色水非常深，肉甚為軟熟，肉面塗足了糖味道偏甜。若然能吃著多些帶燶的且呈半肥的話，這碟東西必能更得我的歡心....呈少許蜂巢狀外皮的芋南非常酥脆，內裡的芋蓉調味甚濃而幼滑。缺點是菇粒下得太少因而少了一咲香....蘿蔔糕長長方方的頗為工整，外皮焦焦的煎得甚香口沒見爛茸茸。只是若然糕內可以多一點蘿蔔絲及臘味粒的話自不然更具風味....蝦餃皮不太黏亦不太濕爛，厚薄也蠻適中的；饀

出品味道一般，但比起現時眾多連鎖粵菜餐廳好。價錢高卻得來一般的評價，這算是感概粵菜在香港每況越下。老火例湯、炸子雞，可以一嚐，其他真的很普通！沒有特色。建議請客，可以到此一次。家常！便飯，可免

利苑酒家環境舒適，食物質素不錯，所以今年繼續到利苑酒家生日飯。鴻運乳豬全體乳豬外皮脆扑扑，中間是薄薄的脂肪，既香口又不覺油膩，底層的豬肉十分嫩滑。鱆魚奇糧蓮藕煲豬展這個湯是真材實料的，湯的味道濃郁，肯定是老火湯吧。親戚朋友都一碗接一碗添飲，可想而知評價很高。薑蔥粉絲焗老虎蝦球蝦肉大大粒，爽口彈牙，而不能不試粉絲，所有材料味道融為一體，味道很好。石窩香燒龍躉腩炸炸炸……. 的聲音，令我們胃口大增呢，每塊龍躉腩都厚厚的，而且啖啖肉，加上調味適好，不會蓋過龍躉的味道。醬油脆皮燒雞皮脆肉嫩正好形容這款燒雞呢，用上雞脾和雞胸部位，啖啖肉，即燒即做不覺油膩。濃湯野菌泡青蔬上湯味道濃郁，疏菜清甜，爽口。點心：松露蘑菇包外形與蘑菇相似度十足，賣相特別。灌湯小籠包皮薄餡靚正好形容這個小籠包，粉皮厚薄平均，內裹滿滿的高湯，很美味。咸水角、雲南野菌餃利苑的點心質素很有保證，咸水角香脆美味，而野菌餃精瑩通透。香芒軟枕香芒果肉清甜，口感煙韌，確是一款不錯的飯後甜品呢。壽包今日是公公生日，壽包當然是重要角色啦，每個壽包形狀可愛，很美味。公公生日快樂！

以前細個飲茶都會見到芋角丶咸水角但是而家芋角好似慢慢消失左而媽咪突然話想食咁俾我揾到e度有 梗係試下啦去到時間比較晚, 差不多2點想叫古法馬拉糕丶荷葉飯都無曬最後叫左蝦餃，芋角，义燒包同一個小食蝦餃有驚喜！ 皮薄不硬，size 也剛好易一啖ko 正！ 有D酒樓D蝦餃皮一係太硬一係一筴全破！e度涼左D都無穿又無硬講到明想搵芋角 就當然有叫啦不過就不過不失啦！搵到已經好難得！叉燒包係機本野！又OK 喎！無死甜！好小食試左e個脆過之前去間用冰鎮既酒樓！總結是會再去！

今年香港電影金像獎,攞咗最佳電影,套戲有冇咁勁我未睇唔知道,不過好同意'廣東話'係要撐嘅,所以呢個食評我會用廣東話嚟寫,抽下水,應下節.今次我想講吓利苑,十年後呢間利苑仲係唔係APM我就唔知道,十年前就已經開始幫襯.呢十年間睇住佢嘅轉變,以前係官塘區真係好名牌吓,依家就水準一時時啦,老實講.屋企人生日,近近哋又唔係太失禮嘅就揀咗呢度,叫咗個$1088(4人用){燉品海鮮餐},再加兩個餸.四喜烤麩烤麩得果幾粒,味道正常冇乜特別,夏麵館一人套餐份量仲多過佢.鹵水豆腐豆腐切成六件,好滑,有啲花生伴碟有嘢𡁻下.原盅滋補蛹蟲草燉水鴨湯(半埕）中菜館嘅燉湯一般嚟講都唔錯,飲咗一碗仔,都好滋潤咁,不過唔講唔知係水鴨.XO醬翡翠富貴蝦球冇乜XO醬嘅香辣,青荳爽口,蝦球都有啲鮮味.雙冬炆東星斑(1條）我唔係咁鐘意食啲汁結噠噠嘅嘢,所以冇試呢個餸;浄係覺得條魚係雪藏嘢,新鮮使乜炸完去炆..醬油脆皮燒雞(半隻）講真,脆皮雞無乜邊間唔好食,皮脆肉滑係應該嘅,正如'雞有雞味'係應該嘅.濃湯泡田園青蔬個菜睇落去真係幾普通,蕃薯苗嘅嘢,勝在纖維重,個湯底味道有啲味精水feel..海鮮湯西施泡飯同

冬至飯年年都一家人食, 為何今年會"星級"呢, 因為APM利苑係2015的米芝連, 拎到一粒星, 所以當堂令到我們一家的冬至飯, 都係升級的感覺.  每年的冬至飯都是中午食, 不過我們點的菜跟晚飯沒有什麼大太差別, 只是頭盤是四款小點心而已.小點心包括常常都會點燒賣及小粉菓, 但另外兩款是我之前沒有食過的松露蘑菇包及XO醬炒腸粉, 我本身就是一個菇怪, 什麼菇都喜歡吃, 一上枱看見一籠子的菇型東西在我面前, 已經對其外表充滿好感, 因為佢的外表已經像是一粒冬菇的外貌, 好可愛!  咬開很香的松露味已湧出來, 是松露醬加上雜菌, 香氣四溢.  XO醬腸粉雖然在外面的酒樓也常點, 但不是太油, 就是醬油上得不均勻, 又或者根本沒有XO醬的蝦干瑶柱的鮮味.  不過這兒的腸粉, 每一段都上滿了醬油的顏色, 但不會過鹹, 伴著XO醬的鮮味, 還加上芽菜, 少許肉絲作伴炒, 各種材料有不同的口感及層次, 自己一個人都掃了很多條.小點心食完, 就順序開始主菜環節: 乳豬全體, 冬瑤海中寶, 芝蘭炒龍躉球, 德洲煎牛柳, 咕嚕蝦球, 脆皮燒雞, 輕濤拍岸乳豬燒雞都是常吃的東西, 這兒的出品當然沒有問題

外公每年生日, 都會在利苑擺壽宴, 今年亦不例外, 一共二十位親友, 坐滿一整圍大檯, 大家一面聊天, 一面享受高質素的菜餚:碧綠帝苗餃是一款素餃, 完全沒有肉的, 但味道是很豐富的, 在於餃中加入大量的皇帝菜, 啖啖鮮香, 至於皇帝菜是什麼味道? 我不太懂形容, 就像是芫茜蔥的味道吧!家鄉蒸粉果不像一般的蒸粉果, 皮厚如嚼膠般.利苑的蒸粉果稱得上一等一的好吃! 在於其薄得透光的澄麵外皮, 薄得餡料有什麼都能看清楚. 餡料方面, 有沙葛, 花生, 冬菇, 豬肉, 香蔥, 芫茜等, 材料均切得細碎, 口感細緻柔和.蜜汁叉燒包叉燒包一向不是我的菜, 飲茶大都不會點的,但利苑的叉燒包令我改觀了, 叉燒包的開口相當別緻工整, 名牌的就是與眾不同.外皮蓬鬆柔軟, 吃罷都沒有令人飽滯的感覺. 叉燒真的能清楚嚐到蜜汁, 玫瑰露酒的味道, 而叉燒又不會太肥或有筋, 未試過如此突出的叉燒包.北菇蒸燒賣大路得來好吃! 豬肉沒有筋, 每一口都爽滑彈牙! 配上同樣爽脆的大蝦, 誰也搶不到誰的風頭, 有名牌的風範!鴻運乳豬全體乳豬皮像薯片般香脆, 中間夾著一層似有還無的脂肪層, 薄薄的, 咬落完全沒有肥膩感,

今日同家人黎到利苑酒家食晚飯打開餐牌 見到有個冰燒三層肉 個名幾特別 又好似好正咁 就叫黎試試一上菜見到 原來個份量勁少 我地一行6-7個人都係每人食得1-2舊就食完 不過個口感就真係幾好 外皮酥脆 又可以點下個沙嗲醬黎食 脆脆地酸酸地咁 有啲似片皮鴨嗰隻味 都幾好食跟住仲叫左個魚頭煲 XO醬豉油皇雞絲炒麵同埋金絲脆麻花 我地都幾鍾意 料好足 食材亦都好新鮮 超越普通酒樓既水準 最後既甜品 就梗係食我自己最鍾意食既楊枝甘露啦 果然無令我失望 啲芒果都算幾甜 有甜品店既幾分影子最後埋單都唔算貴 值得一戰

驚喜:::::: 以為「利苑」會好貴　但原本又唔算啵！香港呢個時勢，就算係去啲服務超差，阿姐10問9唔應 + 周地垃圾環境嘈雜嘅Cheap Cheap酒樓，都唔會平得去邊。對住班毫不醒水的樓面，分分鐘貼錢買難受！而家話晒都係母親大人生日嘅開心時刻，俾貴少少，就買到優質嘅食物、環境同服務，一年一次又何樂而不為呢？今次幫襯利苑apm分店，叫嘅係「$1088燉品海鮮餐」，全包7餸1湯1甜品 + 茶介，雖然個餐For 4位用，但我哋5個人去食飽得剛剛好!! 除返開,計埋加一大概係 $240一個人，食物如此美味，絕對收貨。 ▼ …上菜順序… ▼ 1. 鹵水豆腐 (小食)：鹵水入味，不是粗糙而是滑一滑的豆腐，花生軟身，有香濃的鹵水味，正! 2. 天麻燉魚皇湯 (1埕)：好好飲*v*！睇湯渣就知真材實料，5個人各飲完一碗都仲有湯剩! 3. 椒鹽雞軟骨 (小食)：香、脆、炸粉薄身，軟骨亦唔會炸到乾硬化!!食食食! 4. 醬油脆皮雞 (半隻)：皮脆肉嫩Juicy，夾雜適當肥位的油脂，齒頰留香 5. 玉帶子如意百合：帶子大大粒，數量亦唔少，連啲荷蘭豆都好美味，真係好想向大廚請教一下！ 6. 清蒸海石斑：母

蒸粉果好似韮菜餃皮薄餡靚重韮菜味燒賣少肉多蝦彈牙非常羅白糕好'林'but足料三層肉(燒肉)燒得啱啱好鳳爪爽脆好韌, 唔好咬生腸有少少肥但係真係好爽脆香蔥芝麻蒸腸粉冇香蔥會好食d麻麻地千層馬拉糕prefer the old traditional馬拉糕dirty tea pot

和同事到利苑飲茶,當然由老闆比錢,食飯唔比錢是常識吧是日例湯--名字不詳,用左好多豬肉黎煲,所以肉味好濃,不過略為咸左一點$108 冰燒三層肉,應該係是日最美味的.真的肥肉與瘦肉分明,入口鬆化帶油脂香,而且外皮酥脆!雖然份量好少.咁先顯得精美$42 日式木魚燒茄子.感覺上調味不夠濃,雖然已經將醬汁收在表面,但係食到既只係茄子既原味.木魚既作用亦不大綜合來講所有點心水準都是中上的,但沒有突出和令人回味既款式.另外環境比較靜,是個飲茶既好地方呢!

侯生很晚才起床，但又很想飲茶，便去了觀塘利苑，兩點多不用等位，服務員跟我們說午茶至3:30pm, 一個小時都ok 啦！我們點了5個點心：蘿蔔糕-- 侯生問點解得辣醬冇甜醬！我⋯煎包-- 不是平常的生煎包，忘記了名字，味道不差，但怪怪的蝦餃-- 皮薄，不俗！咸水角-- 很好吃，不過很粘牙 排骨陳村粉-- ok但排骨多肥膏

點左兩款禽類，鴿子、怪味雞，味道唔錯架。XO醬炒腸粉，幾好XO醬惹味。牛柳粒軟稔幾好味。鳳爪、牛肉球OK。斑腩魚湯米線，魚湯好清甜。仲有點左超正既甜品係榴槤布甸同埋芒果布甸，真係好好味。

APM商場看似有很多食肆，但真正能吃了不多。家喻滬曉是其中一間但已吃過很多遍。泰式的那家食肆早年KK試過被偷電話而店方極不合作，垃圾。潮館的食物不好吃，而且要吃潮州菜，當然不是到商場而要去打冷啦。王家沙質素時好時壞加上生意太好，上菜進食收碟離開也要極速進行。所以，我最後決定和爸爸來利苑吃晚飯。大約8點左右到，可以立即入座。我還以為週末晚上會滿座呢。雖然只有我和爸爸兩個人，但侍應安排我們坐了一張大概可以坐6人的桌子，空間感十足！一個看來經驗十足的侍應叔叔招呼我們，問我們要吃什麼。我說你們的魚頗貴，也不打算吃鮑魚，侍應叔叔一點也沒有表示不屑的表情，其實我有點驚訝，因為這裡始終是利苑，我看鄰桌的大都大魚大肉。侍應叔叔聽了我的要求仍舊態度親切的招待，很好人。點了一份鵝掌給爸爸，因為他很久沒吃，賣相不錯，上桌時是熱呼呼的，爸爸說不錯！汁不會過咸另外每人點了這個蕃茄菠菜菇，造型挺可愛的骰。蕃茄鮮甜菠菜新鮮，建議可把這道菜"發大黎做"，變成一大碟正式的主菜。由於魚頭煲賣完，我便點了雜菜煲 (2個煲相差很大吧，我知道...) 說起煲仔菜式，對我來說熱是最重要！這裡的做到！(好吧我好像要求很低的樣子)