利東潮州粉麵

Open Now

Now Closed

上星期食完粥做宵夜，今日就吃港式粉麵。-牛坑腩河粉$41加配油菜一碟$11 牛嘅脂肪好香，肉質一啲都唔韌，而且幾嫩，油菜新鮮，亦會食到油香。-牛沙瓜幼麵$41咁大個人第一次食牛沙瓜，原來都係牛嘅胃，呢個胃係最細，而且排最尾，量唔多，所以好快賣完。我哋落單嗰陣，個店員都要問下廚房賣晒未。口感食落有少少似豬肚，但就好似冇乜經過調味。 -雙拼: 鮮蝦雲吞+ 靚金錢肚幼麵 $44雲吞做到應有水準，蝦係彈牙嘅。但個牛肚睇落係幾「靚」，而且都爽口嘅，但真係好普通，冇乜味。

今日為大家介紹的這間粉面餐廳，就是吃牛雜的，他的位置在安定輕鐵站附近，基本上你一離開輕鐵站，便會看見利東潮州粉麵餐廳，店內裝潢相然較為普通，但牆壁上也有壁畫，配合安定友愛舊屋村的獨特味道。店內座位不過30，但卻有一種親民的感覺。我選了一碗牛肚米粉，這碗牛肚米份量充足，米粉比起一般粉麵的幼細一點，蔥蒜新鮮，吃下去蔥味十足。非常值得一試的必定是它的辣椒油，個人十分愛吃辣，辣油加上豉油，十分香辣，不過只有辣沒有香，配搭米粉份外融洽。除此以外，魚皮可以加$11一小碟，剛好1-2人份量，份量挺多脆口，沒有燶味的，因為有時候魚皮會有燶味，此店的魚算是厚身的那種，不是薄透那類魚皮。最後凍檸茶作結，茶味較鮮，相對茶濃，讓檸檬味稍微較弱的感覺。這一間絕對是親民價錢，總共只是50多元。

店鋪輕鐵站隔離，去買啲嘢，外賣已經搞掂忘記叫老闆分湯，但係很細心已經分咗牛腩好入味，叫了牛三寶米線腩牛筋牛肚，三樣都出色嘅，另外叫咗個四寶可分別係魚蛋、魚片、頭魚皮餃、同紫菜同樣OK份量都夠晒

今晚夜左收工，攰好無哂力又餓，諗起隔離村呢度魚蛋粉，諗住快快手食完返屋企，我記得佢新開張之前食過一次普普通通，無咩特別，（姐係唔係好又唔係錯）所以今晚諗住是旦食，再幫襯。我叫咗碗牛雜米，米粉係幼身嗰隻我唔鍾意，好快淋 同吸哂d啲湯，食到咁上下已經淋哂牛雜好煙銀，我未做阿婆既年紀已經咬唔開，味道太鹹了，啲鹹入晒味。我食完好口乾，口乾左成晚！太肚餓關係，都食咗半碗米粉，d送就算啦！，但服務算幾好，貴唔貴就睇值唔值而定，咁我會覺得好貴囉！

以前舖位仲係街市既時候，我都係食車仔麵多過早餐，真係好一般，啲方包又淋😒.見佢搬左係ok隔離，諗住試下個早餐，睇下有無好食到，點知比以前更難食，個湯底好怪，我叫雪菜煙肉，啲雪菜肉絲有酸酸既味道，好似變左咁，唯獨塊煙肉係正常 (只係烚熟就擺/微微煎一下)。我老公食沙爹牛肉，佢都係話好難食，食到一半佢都唔食...個價錢係平啲，(其實安定果邊都差唔多價錢)，但啲早餐真係好難食，難怪無咩人幫襯，之後都唔會再幫襯🤮

屋企附近開咗間潮州粉麵，口碑唔錯，身為潮州人既我，當然要試試！今日趁阿囝返左學，去剪個靚髮，跟手就黎咗呢間利東潮州粉麵食野。我叫咗牛腩拼魚皮餃，$32+$7=$39。碗粉份量正常，牛腩好腍，夾住D肥膏，正！打算減肥既我唔理啦！食咗先講啦！魚皮餃有三大粒，個餡都幾有水準，係個皮食第一啖時有少少怪味，但食落口又唔覺了。個腩汁湯底淆得好，不太咸，我差唔多飲晒。總括來說，呢間利東潮州粉麵很不錯，位置又方便(在輕鐵站旁)，值得一試再試！下次試下佢個牛三寶(牛腩、牛根、牛肚)先！

今天半天都是圍繞市中心，置樂和安定，午餐跟晚餐均在這裡。媽媽說她要替朋友烤蛋糕，烤完蛋糕帶我去吃牛腩麵，我問她好不好吃，她說ok的，吃過數遍，那我亦相信媽媽的口味。媽媽點了她最愛的牛雜麵，而我就吃牛腩拼水餃幼麵配豆漿一瓶。媽媽給了一塊牛肚讓我嚐嚐，挺不錯的，牛肚爽口彈牙頗鮮美。至於牛腩不會過於肥膩，雖有脂肪卻不多，肉質軟嫩富牛香。水餃略為失色，兩顆水餃皮破掉，肉餡味道普通，可能這裡不是擅長煮水餃? 湯底入口不油，麵條彈力十足沒鹼水味。