Lemongrass (Closed)

這個晚上，又是個外出吃飯的日子，近近地，就在離家不遠的奧海城 Lemongrass開餐。 雖只是個平日的晚上，想不到這泰國菜餐廳竟然生意滔滔，我坐不多時，店內已幾近全場滿座，實在令我意想不到。幸好我來得早，不然的話，便可能要在門外等候了。先來杯飲品，是名字漂亮，晶瑩透亮的「雪山荔枝」（$44）。這荔枝味的凍飲，下了不少椰果條，夠冰凍，也夠解渴。 一點不辣，只有甜味的「瑪沙曼咖喱牛腩」（$118）與即製「馬來鬆餅」（$40）就最夾了，熱烘烘的鬆餅，香噴噴的咖喱牛腩與甜滋滋的咖喱汁，三者加起來都算好味，可惜，這兒的鬆餅只得兩塊，實在太少，過百元一客的牛腩，份量也不是太多，就顯得不太抵食。 幸好，這兒正做特價的「泰式明爐烏頭配香茅梅子肉碎湯」（$166）的原條烏頭啖啖是肉，蘸以泰式酸辣汁，開胃惹味，讓我這隻饞嘴貓兒吃得甚為滿足，都算可以彌補馬來鬆餅份量太少的缺陷。簡單的一餐，不算特別的好，仍能讓已有好一段日子沒吃過泰國菜的我，一解我對泰國菜的思念。

今日放假緊係帶下老婆去食好西，事源老婆話想去奥海成間新裝修戲院睇下戲，就過左黎呢頭， 睇完戲行下街都七點零，就開始搵嘢食，行經呢間 lemongrass 見到都幾多人等位， 好奇就行埋去睇下餐牌， 原來係食泰國嘢， 見到別人枱上的食物都好似唔錯， 於是就排埋隊一份決定食呢間。等候時間唔算太耐， 等左一陣就有位。餐廳有好多優惠， 68蚊有兩杯飲品， 咖哩煮龍蝦配薄餅都係98蚊， 明爐烏頭魚 168蚊， 咖哩麵包蟹 298蚊， 呢幾個優惠仲可以一同使用， 我同老婆 就叫左明爐烏頭魚， 湯底酸味適中， 送飯簡直一流，魚嘅肉質嫩滑，配菜也很多。第二度菜就係咖哩龍蝦配薄餅， 啲咖哩汁真係好有泰國嘅地道風味，帶點甜好香口， 配埋薄餅真係冇得頂， 絕對係要再encode 薄餅去送咖哩汁， 講反隻龍蝦先， size都大過一隻手掌， 蟹鉗啲肉大大舊， 烹調 時間啱啱好， 肉質爽口彈牙。第三道菜就係烤牛肉配糯米飯， 牛肉睇落去好似全熟， 但食落口 竟然很鬆軟， 唔錯唔錯，再配埋熱辣辣嘅糯米飯，加埋特色醬汁 一同進口，簡直係ichiban....本身都諗住嗌多一度菜，好彩最後都冇， 因為食完呢三樣嘢兩個人已

LEMONGRASS係我好喜歡的一種味道，每次去泰國都會去某一大牌子入一入貨，貪佢平香港一大截，點解香港各大品牌都咁貴架，搞到我已經好耐好耐無係香港消費了奧海城有好多餐廳選擇，今日我就揀左呢間泰國餐廳，餐廳環境好大，都幾適合大伙兒黎食飯有好多食物優惠，牆上仲寫住蟹半價，不過是日唔係咁想食海鮮，下次多D人一齊食先再ORDER鮮魚竹笙湯 ($88)本身食泰國野就點都會叫冬蔭公，但鮮魚竹笙湯實在太吸引，奶白色的湯入面有大大塊魚，魚無咩細骨容易食，湯好鮮甜，竹笙完整的一塊唔係平價貨，好似海棉咁吸收魚湯泰國臘腸炒椰菜苗 ($92)食飯例牌要叫碟菜，泰國臘腸無中國臘腸咁硬，椰菜苗好似每次食泰國菜先會食得到，唔知係咪泰國盛產既呢明爐烏頭 ($166.4)明爐烏頭有8折，同樣地係食泰國菜經典菜色，大多都係用烏頭，貪佢多魚肉少魚骨，已經魚肉實淨點滾都唔會散，今次的特別之處就係另外俾左碗湯，唔怕煲乾水，湯味道酸酸的好開胃，面頭擺左大量粉絲，同竹笙一樣有海棉功用

今日行奧海城 行到見肚餓 ，就搵左間餐廳醫肚，都係第一次見過一間咁靚既泰國🇹🇭餐廳唸都無唸就沖左入去一試 ，順便呃like 影下相 打下卡咁 坐左個梳化位 超舒服 ，傾訴一流👍🏻比起一般既泰國餐廳佢地餐牌多左好多吾同既精緻甜品同特飲 不過今次食得好飽 下次先再試一次 睇得出野食係有用心裝飾過 令人胃口大增 ！今次叫左碟串燒豬、馬拉盞炒椰菜苗、蟹肉炒粉絲，全部都好好食😝D豬串燒同我平時係九龍城食開果間串燒鋪一樣咁有水準，好入味，再加埋個醬汁簡直一流馬拉盞炒椰菜苗 爽口入味同好香 自己整應該學吾到 蟹肉炒粉絲 蟹肉份量足夠 食落去有蟹肉既味道之餘 粉絲都吸收左蟹肉既鮮味 入口即容既感覺 我最愛一道送💕下次要帶多d 朋友黎呢間泰國野食 因為真係真係環境吾錯既地方！

最喜歡食泰國菜的我，平時都會去旺角，九龍城食。撞正今日同老公在奧海城行街，見到有間Lemongrass 泰菜館，當然要試下一到門口已經見到好多盆栽，青青綠綠好有大自然感覺睇到門口的餐牌，已經流晒口水，好吸引！餐廳裝修簡約，好舒服😌，牆上的裝飾很別緻水吧上的黑板，七彩繽紛，寫上推介的飲品餐牌上的食物很多，甜品都很吸引泰色凰爪叫了微辣，酸酸甜甜加上了少少檸檬，好fresh,好好味，食吾停菠蘿海鮮炒飯，好香口，一啲都吾油膩，大蝦炸得炸卜卜，肉質亦爽口鮮甜。泰色花螺都係第一次食，平時食只係得螺肉，今次食到有草茹及番茄仔幾特別，茹茹吸入泰式醬汁酸酸好入味，推介龍眼冰食泰國菜必叫飲品，龍眼肉大大粒，甜甜地非常新鮮

今日係朗豪坊行街街，表妹話奧海城有間泰國菜聽講唔錯，於是我地就覺得來試一試啦。我地步行很快就到啦。一黎到門口見到原隻龍蝦只需要HKD98，真係超吸引，仲可以選冬陰功煮、鹹蛋黃炒或者咖喱，仲可以揀配白飯或鬆餅添！睇埋個menu sellHKD68可以任選兩個特飲，都超抵。因為我表妹想食撈檬，而我想食炒金邊粉，所以我地就點左兩個主食啦。話咁快個龍蝦就來啦，我地揀左冬陰功煮，裡面都好多料，野菌、車厘茄、芜茜等等，個湯唔會太辣，酸酸地都幾開胃，龍蝦開曬邊，食落都好方便，個餅好香牛油味，配埋個冬陰功好好味個金邊粉賣相好靚，蛋網包住D金邊粉，上面有隻炸大蝦，仲有D青檸，蔥、芜茜、花生碎、辣椒粉同埋砂糖係隔離，味道都好香口，唔錯！個豬頸肉撈檬味道都唔錯，野食份量都幾大，撈埋D甜酸汁超開胃好味道！我哩杯藍蝶花椰果冰係紫色架，有椰果係下面，飲落口好有口感，酸酸甜甜，味道都唔錯餐廳蟹類全部半價，本來仲霖住叫，但實在太飽啦，於是約好下次再來食個蟹！

香港人生活壓力大，經常都會掛住東南亞國家既風景／美食，生日慶祝亦唔想大排筵席，於是黎到奧海城 Lemongrass。前菜 - 燒生蠔 & 燒帶子生豪本身肥大肉厚，以芝士伴燒，輕易營造香濃又Juicy口感。相比之下帶子清淡，建議先食帶子後食生蠔，味覺體驗更好。主菜 - 海南雞半隻 & 金邊粉海南雞比雞油飯易學，雞隻挑選巧經驗，特定重量範圍既雞先會肉質滑嫩、肥瘦均勻。餐廳選材做得唔錯，立即追加一碗黃油飯，成碟ＫＯ！飲品 - 椰皇簡簡單單，就以椰皇當蛋糕，大得黎清甜多汁，飲極都有！

喺落雨既日子，去邊都好似變得唔方便，出街又要自己顧住自己把傘，又要顧住其他人把傘，因為一個不留神，就會俾人地把傘插中，幸運既，可能只係叫痛，唔好彩既，分分鐘會變瞎。呢個時候，呢個天氣，商場就變成佐我既庇護所，只想躲在商場裡，直至雨點慢慢停下。今日既商場選擇，正是奧海城。奧海城呢個商場，於我而言，其實無乜好行，感覺更像是一個兒童王國，因為無論去到那裡，你都唔難聽到小朋友在跑，小朋友在叫，不竟，這可算是一個屋苑商場，圍著這樓的，也盡是住宅。不是住在這裡的我，在這商場裡行走，眼中的，就只有美食。以前會在這裡的 food court 覓食，但今天卻想吃得輕鬆一點，舒服一點，最後選了這間裝潢不錯的泰國餐廳。Lemongrass 係其中一種我好鐘意既氣味，家裡也會放上 Lemongrass 的香氛，味道令人好relax ，好有 Spa 既感覺。比較可惜既係，Lemongrass 餐廳裡，其實係無 Lemongrass 既氣味既，但係就的確係一間泰國餐廳黎既。裡面既裝潢，亦都充滿泰國既色彩，以木色為主調，加上一些花草既襯托。餐牌既選擇有好多，比較震撼既會係肉蟹半價，同埋龍蝦只售$98既優惠。而其他食

成餐飯原本相安無事，嘢係好食，侍應係好服務的，只係衰在酸叔的芒果糯米飯 糯米及紫米一食落口就覺得好酸，我地發現應該係變左，然後通知咗一個應該話得是嘅女侍應（帶眼鏡頭髮）， 同佢講糯米飯應該變咗味，跟住佢話冇問題，同我哋取消，然後佢將碟嘢攞入廚房 過了一陣喺廚房原封不動地攞返出嚟放係我檯面同我講：唔係喎! 我食係甜㗎喎! 仲教我地將芒果加奶再加糯米飯一齊食，就唔會酸㗎啦! 嘩，我唔係遊客，我地係香港人黎㗎! 跟住我哋話唔要啦，然後叫佢轉椰汁糕，佢即刻面黑咁同我哋講今日冇椰汁糕，然後無啦啦有個女人攞住個牌叫我哋埋單， 焗我哋走 算，橫掂我地都食完，以後都唔會再去，就埋單走人……

喺香港食泰國野我諗個個都會諗起九龍城，但有時未必咁方便去到，而且而家咁熱都係離不開行商場，最近就有朋友話試過奧海城呢間lemongrass 🍋🌾都好抵食，所以今日放工黎開奧海城就試下。一來到門口見佢sell呢個原隻龍蝦$98真係好似幾吸引，而且係門口望入去環境幾大幾舒服，咁就一於入去啦😄睇左餐牌，除左決定叫個龍蝦之外就揀左個無骨海南雞飯🐥同埋飲品。個menu sell $68可以任揀兩個特飲🍹🍸都好抵呀~我地揀左一個碟豆花椰果同埋一個菠蘿冰。唔駛等好耐就先來兩杯飲品，然後海南雞飯套餐都黎左。個飯餐都好齊全，有雞有菜有飯同湯。本來係expect來個好泰式的清雞湯，原來佢畀的係青紅蘿蔔老火湯🤣仲好啦，好滋潤同清甜🤗油飯夠香同埋唔會太油，個雞就真係好滑同埋去哂骨🤤正~雖然膏相對係多少少，不過唔係咁D肉點會咁滑😂😍其實扒左一啖飯個龍蝦就黎啦!😛真係好大碗! 而且真係有一大隻龍蝦開哂邊😍😋我揀左冬蔭功湯，都好足料入面有好多蕃茜、香芽、好多唔同種的菇，仲有幾粒車厘茄🍅咁個冬蔭湯就偏酸多過辣，都好香，配個龍蝦真係唔錯，唔會太搶個龍蝦的味😋😍至於個馬來鬆餅跟住就送埋來，有一陣牛油香味🤤剛剛焗起仲好熱辣

本身係附近返工，有一晚就約左朋友係呢度食飯，因為見佢幾抵唔算貴🤗🤗🤗見佢地有呢個promo都幾吸引，不過朋友唔食蝦類所以無叫到。佢呢個燒雞又係好抵，但又係無叫因為驚食唔晒🤪🤪🤪🤪🤪叫左碟泰式炒通菜，估唔到又炒得幾好味，d菜都好爽口，唔會軟林林老晒咁😇😇😇呢個又係做緊promo，豬仔肉串燒，有6串，本身都覺得應該正正常常無乜特別，但入口好林，d肉一d都唔硬，仲好juicy添，再配埋個汁簡直一流👍🏻👍🏻👍🏻呢杯野係藍蝴蝶花特飲，隔離杯仔係檸檬汁，佢係俾你倒入杯飲品混在一起飲，呢杯野真係值得推介，真係好好飲，好fresh😋最後呢個係檸檬蒸烏頭，佢個湯汁酸酸的好開胃，個魚好新鮮，肉質好鮮嫩不錯👏🏻👏🏻

全日第一餐就喺呢度開始，由於已經下午3點幾，又唔想食快餐，又有啲食店正值休息時間，於是入咗嚟。店員喺我哋入座時都表明呢度都差唔多到休息，我哋又好餓，大家都係"唔好急最緊要快''心態，叫了午市套餐嘅豬手飯同海南雞飯，出餐唔洗等好耐，食物唔係餸尾，豬手夠'"林"，汁夠香濃。雞呢，喺呢個時侯都唔會有最好嘅脾位啦，但總算唔係雞肋。雖然時間好似好趕，店員都冇趕收工表現，我哋之後仲有2枱客，佢哋亦有招呼!

其實由朗豪坊行10-15分鐘就會到奥海城，有時係旺角行完街，都會行去個邊揾食。貪佢唔會太多人外，仲有好多唔同種類的餐廳可以選擇。今次就去左位於二期1樓(係Uniqlo樓上)的Lemon Grass食泰菜。餐廳最近做緊大肉蟹的推廣，半價$284就可以食到超豐富的咖哩或胡椒炒蟹/粉絲蟹煲！不過由於我倆都唔多好蟹，所以就無試到，大家如果鍾意食蟹的，都幾抵食。我好欣賞泰菜的小食，因為通常都會用大量的香料及香口的烹調手法去煮。今次我們先叫了串燒，我們就揀左半份牛加半份豬串燒。兩款串燒都燒得幾香，當中我比較鍾意豬多D，豬肉有少少的油香，比牛肉無咁乾身。呢個串燒沙嗲醬有花生粒及重椰香味，整體香得黎唔會辣。個醬配埋個串燒食，味道會更有層次哦。泰式蔗蝦有3大條，個份量比其他餐廳更大。表面炸得金黃色，但不太油膩！咬開後，蝦肉好厚身，而且好真材實料，見到微微的橙色，用左好多蝦哦！另外，我們叫左份比較飽肚少少的香芒軟殻蟹米紙卷⋯⋯一碟8件的米紙卷上面放上炸得香口的軟殻蟹，未食淨係見顏色已經覺得幾吸引了！用柔軟的米紙包住米粉及新鮮脆口的蔬菜絲，點埋個泰式酸汁，真係非常開胃！唯一挑剔係軟殻蟹無包係米紙卷內，就變得

收工同女友去左行街，行左陣肚餓所以去左搵食～經過見到呢間食泰國菜，價錢又唔貴，所以揀左呢到。坐左喺水吧附近，上面黑板寫左有咩野飲。($68兩杯)我地兩杯就揀左椰子同藍蝶花椰果冰，其實我唔知藍蝶花係咩味，剩係知飲落杯青檸底既野飲到有陣清香味，令到杯野無咁重甜同酸味。串燒半打，要左3牛3雞，串燒其實無太大特別，無燒到乾。而佢兜沙嗲醬好好味，如果再多啲醬狠不得拎黎撈飯。泰式蔗蝦，熱辣辣出黎食落好香口，無一般舖頭食開咁實，好明顯係人手造的。香芒軟殼蟹米紙卷，米紙包住粉絲、蘿蔔絲同青瓜絲，芒果唔多只係拎黎吊味，令到成碟野清新好多，亦減低左軟殼蟹既油膩感覺。青咖哩雞，用椰汁煮既關係所以好香，味道唔錯，不過就稍為偏辣。芒果糯米飯，食泰國菜無人唔識既甜品，白糯米比較香同軟身，黑糯米就比較煙韌，芒果超甜。

今日去左奧海城行街，睇完戲又到左晚餐時間，男朋友上網搵左一間泰國菜餐廳Lemongrass，早早係銅鑼灣總店試過一次，味道好滋味，原來奧海城都有分店。男朋友叫左金邊粉，蛋網包住金邊粉，金邊粉炒得夠乾身，加上花生碎，砂糖，青檸等等，味道更加香口，而且賣相非常吸引。另外叫左一個蠔仔蛋，蠔仔大大隻好鮮甜，雞蛋炒得嫩滑旁邊帶點焦香，入口好香口蛋味好濃郁。最後我地再叫左一個咖哩龍蝦，男朋友超愛龍蝦，咖哩味濃好惹味，入口帶點椰香，龍蝦大大隻肉質好爽嫩好鮮甜，調味好香濃超豐富。我地決定下次會再黎試一試其他菜式架。