放下素 (Closed)

素菜放題你食過未？ 近年來大家越泥越注重健康 多菜少肉都唔再只係口號 我地今次就去左銅鑼灣試呢間素食放題店😚店舖面積都幾大 所以坐得都幾舒服 餐廳好有理念 一坐底會先同你解釋佢哋有請身體有殘疾嘅人士做侍應 所以如果溝通有問題 可以塭番佢地其他職員😊 而另外因為響應環保 有別於其他放題buffet 呢到每人只會用自己一套餐具同碟♻️呢到既食物都幾多元化架 除左有20幾款素菜熱食 炸物 沙律 飯麵 中西湯 甜品之外 仲有比較特別既素漢堡 pizza🍕 同乾果機👅 有幾款我地覺得幾特別 又好食 要介紹下既😆 首先當然係佢地既招牌素漢堡啦 漢堡扒係用多種食材製成 唔同出面既素漢堡 呢到既唔會落化學物質 全天然食材 仲加左鷹咀豆 有口感之餘又有豐富既蛋白質🤤 仲有麵包機比你物烘熱麵包 仲有黑松露沙律醬可以落 食落幾好味😋另外pizza都係烘得好香脆 用上茄醬同素芝士 同平常既pizza 一樣咁好食👍🏻 不過佢地個墨西哥卷就好辣 唔太食得辣既朋友就要留意啦🌮仲有出面比較少有既乾果機 因為要烘乾果需時10幾個鐘 真係唔係到到肯做 呢到有橙 蘋果 蕃茄片 感覺好味又健康🍊🍎🍅炸物方面 炸金菇同炸南瓜都好

偶爾茹素未嘗不可，尤其是現代素食可以好好味，不過有些齋菜，其實用了化學材料令其更有肉感及好看，若然真的為了健康吃素，就要識得揀。今日與媽咪去了新開不久的「放下素」，據說對材料的採用非常堅持，只用天然食物及以少糖少油烹調，其實更考大廚功力。難得平民價錢，午市自助餐$100以下，晚上都只不過$108/$138。每場至少有80種不同選擇，中式為多西式同樣吸引。進店先見沙律吧，算一算，廿五款蔬果的選擇，特色是沙律菜不多反而果款豐富，而且仲可以DIY配涼粉。而我最欣賞的就是第26款，自製果乾，坊間未見過。蔬菜不止生的，冰鎮菜心及秋葵，新鮮翠嫩，原味奉上亦夠甜。涼拌萵筍及青瓜木耳皆非常爽脆。全店最吸睛的非蘇格蘭蛋莫屬，外殻換上紫薯，口感有點脆、味道有點甜，很容易取得女生的心。    熱身之後，我建議自製一個漢堡品嚐，經過麵包機烘脆的漢堡包出奇的有水準，配合酥脆多汁漢堡扒、脆的菜蔬及甜的果點，最後配上醬汁，自己揀的怎會不滿意！千祈不要錯過拿破崙薄餅，餅皮超薄極脆，想不到蕃茄醬汁調得酸香味討好，喜出望外！旁邊的墨西哥薄餅極辣，唔知道係咪真係用墨西哥辣椒，有勇氣的必吃。其餘中式食品，粉麵飯、豆腐、小

🔎銅鑼灣謝斐道535號Tower 535地庫B04號舖*「素食款式多，仲有素漢堡選擇」- 素一.鍾意食素嘅我又去CWB食素，今次去呢間個名好特別，叫「放下素」。裝修間隔都幾靚。單單沙律吧就有10多款新鮮蔬果同埋豆類食品，仲配有多款唔同醬汁。另外，呢個有少少特別嘅，就係佢哋會有自製嘅素包，可以整熱咗你揀嘅麵包先。再加埋素嘅漢堡扒，真係唔錯嫁。仲可以最後睇下自己想落咩醬料配搭返。口感素漢堡扒幾實，都好似真嘅一樣，食落好似都同真分別不大。但素食又健康D，得閒真係不妨去試下。🍽7/10

位於銅鑼灣登龍街28號永光中心三樓的放下素，主打素食自助餐。自助餐分幾個時段，今次和朋友試了晚餐的早鳥時段，晚上六時至七時十分，當天的入座率約六成。每個座位前都放置了一套碗碟，因為環保起見，每位客人都會用同一套碗碟，所以個人則喜歡一個碟盛載鹹的食物，另外一個碗子擺放甜品。 順便一提，餐廳主要提供熱水和室溫水，也可以額外付費點鮮榨果汁。🙆‍♀️🙆‍♀️食物主要分中式和西式，價錢牌上指食物約有八十款。西式的有沙津吧，有不少蔬果如西蘭花、紅腰豆、粟米等，色彩豐富。蘋果有用鹽水浸過，能保持色澤之餘，蘋果味道更甜。西式區域還有炒意粉、蕃茄Pizza等。中式的素菜則是較為傳統的款式，有頗多的炸物，如炸雜菜春卷、炸南瓜等，口感香脆，因為放在自助餐桌的數量不會太多，職員補充食物的速度頗快，食物能保持新鮮。這款婆婆煮豆腐味道鹹香，醬汁有頗濃的醬油味，充滿家常菜的感覺。另外，還有齋鹵味，冬菇炆支竹等菜色。餐廳還提供是日湯水和南瓜湯，味道清新簡單。個人頗喜歡南瓜湯，味道微甜，是天然的南瓜味，可當作甜品來吃。

今次好榮幸得到Letgoveg 嘅邀請免費食左一餐好多選擇嘅素食自助晚餐我同好友一行人夜晚6點左右到來第一個感覺係有D似日本酒店嘅早餐buffet形式款式都算好多畀客人選第一 round 我就主攻 煎炸食物有好多 天婦羅任我揀😍還選擇左個樣好靚嘅炸紫薯雞蛋重有煎糕都好好食 其實呢D食物出面都係用大致相同材料去做 所以對我呢D平時好少食素嘅人黎講起碼唔會餓親先 la..🤭不過個人覺得炸物放左一陣唔太熱，略為扣分之後開始試一D我平時唔揀黎食嘅野冰震秋葵 清甜唔潺齋Pizza 好香好味嘅芝士豉油皇雞髀菇 呢個超好味推介紫薯西米露 甜度適中有好味仲有好多好多嘅嘢食， 講都講唔曬其實入去之前我有少少擔心會食唔飽落樓要去食雲吞麵但原來只要啲嘢好食我都可以食得好飽㗎😂之所以咁好食不外乎兩個原因1〉食材嘅選料 新鮮到不得了蔬菜一食落口就知新鮮嘅味道 根本唔需要花巧嘢2〉廚師嘅功架味道好與壞 其實好睇師傅嘅手勢能夠在眾多嘅食物中可以保持到中上嘅質素一睇就知係煮慣素食嘅高手可以令我呢個平時食開大魚大肉嘅 食肉獸 食到唔停手 真係唔簡單介紹返其實呢間係一間社企喺呢度工作嘅人有部分係傷健人士提供左好多工作

大家心目中素食係食得清？無味道？抑或系一大盤酸齋？錯啦！放下素素食除咗健康，仲要有質素，價錢仲好優惠！放下素素食主張環保，節省地球資源，所以每人有一套餐具取食物或飲品，自助餐架唔會再有餐具取每日食物款式多達120款，咦？薑醋蛋都有得食私心極推炸芋餅，好好味，食咗3大件天婦羅成晚都多人棒場一向熱愛飲湯養生Venus 飲咗幾碗粉葛牛蒡湯下火，無味精足料，好似媽媽煲一樣好多人都為咗呢個素Pizza嚟㗎，經典口味，無需花巧已經好好味，仲好脆tim！唔好以為素食好單一好沉悶，紫薯釀蛋好食又呃like，多國菜式都有，以下係西班牙、愛爾蘭素食菜式，好受歡迎，一出即有大批食客取沙律吧有齊新鮮蔬果乾果機烘焙12小時先出爐，隨機製造不同蔬果，睇下當日有邊款

第一次同屋企人食全素buffet，特別跑一餐母親節飯，感覺好新鮮同誠意推介，裝修簡單，晚市價錢都只需要138一位，主要賣點係性價比高嘅素食🍏🍐🥝🍆🥦🥬🥒🌽🥕 冇諗過蔬菜都可以咁多唔同煮法，有中式、西式、冷盤、熱盤，餐廳更有新鮮烤焗嘅生果片，Pizza漢堡甜品樣樣都有，又好食，見到廚房一盤一盤咁送出嚟，就知道每一款餸菜嘅受歡迎程度！記得我哋有試當日嘅南瓜湯、粟米粥，清清地唔會太咸又無咁油膩！🎃💕•至從食過全素後，發現慢慢試下素食，對環境、動物、甚至自己都有好處，開始欣賞佛，要努力改變，多啲新嘗試！蔬菜係可以好有營養好飽肚！

你會不會偶然食一餐素食？或者你是一個冇肉不成餐的人？在香港，要品嚐一餐性價比高的素食不易。近年，亦有不少餐廳開始經營素食自助餐。今天，在銅鑼灣登龍街的永光中心三樓，就品嚐了一間對食物有追求，性價比不低的素食自助餐。晚餐一位只需138元，就可食60-70分鐘，品種亦相當多，由冷盤到熱盤，大約有數十款，更有不少特別的菜式。由門口開始，從右到左。門口擺了各式生果，可自由組合凱薩沙拉。更放置了一盤色彩繽紛的芋圓子。再行過一點，是一座焗爐，烤焗不同生果，口感十分有趣，亦嘗到生果的鮮味，值得一試。行過焗爐，是數款西方小食，西班牙蛋餅、素漢堡扒及香煎蘿蔔糕、不得不提的是愛爾蘭蛋，外層是紫薯，用炸過的紫薯包裹雞蛋，很有趣，亦很好食！西方小食旁邊是餅底很薄的薄餅，口味跟水手薄餅差不多。墨西哥蛋卷在薄餅旁邊，另一款不行不推介的美食，雖然餡只是蔬果，但配上辣椒醬，相當開胃。向左再行多兩步，便到另一區，除了有醋蛋，更有不同的小炒及炒粉麵飯，如XO醬炒腸粉等。不過，重點推介是，在同區的各式炸物，炸得十分乾爽，不會太油，火喉掌握得很好。其實還有粽，湯、粥及糖水，品種太多，但胃口有限，不能一一盡試。在用餐中途，老闆

今次特別些，食。。。素。。。近排都愈來愈多人食素。大家對食素都有要求，而且比以前多左好多素食自助餐。今次，一於試下依間素食自助餐。👨‍🍳👩‍🍳食物質素：有西式，中式，台式之分。西式，pizza，素意粉，素漢堡，素咖啡薯仔餅，愛爾蘭蛋。。。。。中式，炒腸粉，炒飯，涼瓜炒蛋，四季豆蚊茄子。。。炸物，秋葵，茄子，金菇。。。仲有我最鐘意食反沙芋仲有涼拌菜，冰鎮菜心，秋葵食物種類真多，而質素一樣保持到。墨西哥卷，辣椒由墨西哥黎，堅辣。Pizza餅皮係薄，脆身。愛爾蘭蛋（改良版），用紫薯包住隻蛋，有紫薯甜味，但又搶唔到蛋原先獨有既味道。好少地方有得食，驚喜。炸物係幾好，唔會太油膩，食完隻碟都唔會有好多油。炸粉又唔厚。想再清d，依到沙律菜同配料，都算多，咩都有。食物保持原材料而做出素食，保持原有味道，而且迎合到大眾對食物要求，中西台式都配合得宜。🛋️🛋️環境：有少量卡位，舒適👦👧適合人數：有長枱，適合大班人🥰😍Souffle 舒服指數：4/5💰💰性價比高指數：4/5

因為屋企人有初一、十五食齋嘅習慣，所以有時都會留意吓邊到有啲好食/特別嘅素食餐廳，可以帶屋企人食吓。近年見到素食自助餐越嚟越流行，價錢方面亦都變得越嚟越相宜，即使係晚市時段都只係百令蚊，比起去一啲傳統素食菜館化算好多。今次就去咗銅鑼灣一間新開無耐嘅試下，主要係因為見到有沙律吧同可以自製素漢堡，作為一個麵包控，真係去到邊都要食包！之前都有試過其他素食放題，擠迫嘅環境真係坐得唔太舒服。而今次依間環境相比之下光鮮同闊落好多。最期待嘅沙律吧真係有唔少配料，有沙律菜、青瓜、蕃茄、紅腰豆、紅椒、洋蔥、粟米、西蘭花、南瓜、菠蘿、蘋果、木瓜、青蘋果、橙等等⋯而醬料就有千島同黑松露沙律醬而沙律吧旁邊就有烘麵包機！即烘熱辣辣嘅麵包真係特別好食！除左有圓型啲漢堡包之外，亦有法包提供！可以自製漢堡或多士之用！唔止有新鮮生果，另外仲有一部乾果機，即時製作新鮮蘋果、香橙、蕃茄乾等等第3樣吸引我嘅就係一堆炸物喇！有茄子、秋葵、南瓜、金菇、香蕉、蠔餅等⋯每樣都炸得好鬆脆，而我最愛嘅就係炸香蕉！熱辣辣，外脆內軟，香甜好食！另外當然亦有傳統少少嘅素菜類，豆卜、豆腐、木耳、冬菇、蓮藕、茄子、四季豆、南瓜、甜酸齋、涼拌系列等

一個出色的素食自助餐，在我來說，食物一定要夠新鮮吸引，唔可以偏重"假肉"，而且食物唔可以千篇一律。呢間喺銅鑼灣只係開咗幾個月嘅素食自助餐，除了擁有以上的元素，竟然還給我驚喜。食物分了兩區，一邊是西式的，而另外一邊是中式食物。在這裡，除了日常可以吃到的素食款式，更破天荒吃到未曾在別處吃過的~芝士薯仔餅 😍 😍 😍。同埋唔係太多地方有提供的~脆薄 pizza 😍 😍。中式方面，提供了多款熱葷。各式其式，味道恰到好處。但當我嘗到中湯的一剎那，直有驚為天人的感覺，相逄恨晚，( 因為差不多到最後才喝它，都差不多飽了)。跟店方了解後，知道湯裏頭有 : 冬瓜, 木棉花, 棉茵陳, 紅蘿蔔, 和九種豆類。真心係落重本，怪不得這麼好飲 😘😘😘。店方還透露，西廚本身學的是法國廚藝，而中廚就更大有來頭，曾先後是星雲大師和邵逸夫的私廚 😎。才百多元的自助素食，有這樣的條件陣容，怪不得其門如市。9-5-2019

銅鑼灣開業三個多月的素食放下素，餐廳引入台式元素，裝修以70年代的Starbuck 風格，簡約舒適。大部分選用本地食材，亦有部份從台灣入口，每天提供超過 80 款不同中西素食，主理廚師有多年烹調素菜經驗，對食品有要求，品質有保證。步入餐廳首先見到多款新鮮時令疏果的沙律吧，配有多款醬汁，任君選擇。沙律吧旁便是乾果風乾機，放下素其中一個特色是供應自家製風乾乾果，番茄、菠蘿、蘋果、火龍果等等，需要十多小時製作，風乾乾果只在晚市供應。中式除傳統寺廟齋外還有創新菜式，香橙胡蘿蔔令我驚喜，橙味突出但沒有蓋過蘿蔔甜味，互相平衡。涼拌萵筍，拌入香椿醬，加上松子仁，清香爽口。天婦羅有特色，今天有金菇、南瓜、秋葵及茄子，脆口不油膩，蓮藕餅口感豐富，薑醋蛋非常入味，選用八珍甜醋，加入豆腐卜吸收精華，薑亦夠味，喜歡薑醋朋友一定要試。原自拿玻里的經典 Pizza Margherita 材料非常簡單，番茄水牛芝士及羅勒，紅白綠代表意大利國旗，而放下素的變奏版 Pizza 是薄身脆口，更合早利亞胃口。店子提供專業烘包機，食客可以選擇做漢堡或是法包三文治，自由配搭蔬菜及黑松露醬或千島醬。先烘香麵包，順次序放上青瓜番茄

今晚嚟呢間《放下素》食素食自助餐，佢地賣嘅唔係「假肉」，唔係「味精」，係素。純天然嘅素！雖然食到好飽好飽，但又冇乜壓力，因為呢度嘅素冇味精冇色素。清新天然，冇負擔。而最最最重要嘅一點！佢地啲食物唔會好似平時素菜咁油膩。食完成餐飯隻碟都冇油㗎！真係有 #越食越健康 嘅感覺。講返食物啦！呢度食物種類都唔少，除咗一般常見嘅中式齋菜之外，仲有一啲好特別嘅西式素食。例如漢堡扒、黑松露意粉，最特別嘅連 #愛爾蘭蛋 都有！外皮係紫薯做嘅，炸到脆卜卜，好香口但唔油膩。好味！小朋友最愛素Pizza, 香濃番茄芝士pizza,烤到脆卜卜，細食嘅雷大囡竟然食左三件...好味程度5星！見隔離枱好多人都鍾意砌一個素漢堡出嚟，材料好豐富好吸引，但嗰刻我已經太飽食唔落啦，下次試吓先！而中式素菜都好多款，但全部都係自然素，無添加，雖然見唔到平時熟悉嘅「假肉」，但咁樣反而食得健康左。炸芋丸、炸腐皮卷、咕嚕麵筋...感有盡有，連薑醋蛋都有。仲有幾款懷舊小食。愛正係 #糯米粉煎甜薄撐 ，我同母親大人加埋雷大囡，加埋差唔多食左人地半碟😅😅 真係煎得好好，外皮香口但中層軟糯，加埋不過甜嘅砂糖同香口嘅芝麻花生。真係令人忍唔到口.

近年很多素食自助餐館開業﹐Foodamin不時相約喜愛素食的朋友仔到處試試﹐今天來到新開張約3個月的 {{ 放下素 }} 午餐。 {{ 放下素 }} 是以環保概念為前提、引入台灣素食元素﹐以及標榜客人放下對食物服務要求的素食自助餐館。沒有美輪美奐的裝潢﹐感覺像飯堂一般﹐每道食物亦以簡約清淡的蔬果素菜為主﹐簡單烹調。以中式熱葷為主調﹐如酸齋、涼瓜炒蛋﹐炒瓜菜、炒雲耳、燜枝竹、燜蓮藕、燜紅蘿蔔、薑醋蛋、炒飯、熱湯、煎豆沙餅等﹐偶有油炸物如炸秋葵、炸芋餅和炸蕃薯等。西式食品有蕃茄醬pizza和自製素漢堡。餐廳放了一台焗製果乾機烘製不同果乾﹐foodamin推介香橙果乾﹐甜甜酸酸減去不少膩感。另外﹐亦有沙律吧和水果供應。星期日午餐時段座無空席﹐店外等位的食客亦不少。有興趣試的朋友最好先預約啊。

今日係佛吉祥日，查到呢家新開張就順路而來；11:45及慕名而来；環境乾淨整齊；入座後仲介紹話係社會企業，所以員工服務如有不佳請多多包涵及與正常員工商洽，的確見到啲傷殘不便員工，讚嘆發心！主旨係‘我願意放下對食物服務要求，造福世界’ 牆上鐘錶亦如是主題，有特點！食物多種，煎炸物較多也有特色，甜品係馬蹄露非常爽口好味，中湯足料到位；有炒粉炒飯披薩薯仔餅，仲有姜醋蛋！其他中式熱菜及西式前菜沙拉吧皆不過不失，12:45夠鐘離開，還會再來！是日週末，98蚊1個鐘；比起平時78蚊45分鐘差唔多；另設加一。