六両三

Open Now

Now Closed

終於有機會去六両三堂食啦 (⁎⁍̴̛ᴗ⁍̴̛⁎) 一直都有留意開呢間台式小店 每次經過尖沙咀個陣都會見到長長既人龍👥 今次終於夠早去到唔洗點排！由於店舖位置有限 所以限左只有40分鐘用餐時間🤧一入到去真係要爭分奪秒呀🤪🐮 「川味紅燒三寶牛肉麵」$88食台灣野又點能夠唔食牛肉麵呢😌試左呢度既招牌菜「三寶牛肉麵 」🍜 三寶分別有牛腱、牛筋、牛肋條 份量十足🤤湯底帶少少麻辣🌶提升左牛湯既鮮味 而麵質都好彈牙 推薦大食既你一試！😎🍚 「紅燒牛肉飯湯」$70由於唔想食兩碗麵既關係 所以另外一碗要左湯飯🤓湯底好清😗連埋飯一齊食岩岩好 但畸嫌啲飯有啲痴埋左一舊 要用啲時間撈均🤔🥚 「皮蛋豆腐 」$35小食方面都有唔少選擇🤨最後揀左好耐冇食既皮蛋豆腐 同平時食開既冇咩好大分別~🤪🥤「冬瓜茶」$20每次食台灣野唔係飲珍珠奶茶就係冬瓜茶 今次比左機會後者👐但可惜冬瓜茶冇得走甜 真係有啲過甜 >,<

之前見到熟人推薦，於是同朋友一齊嚟試吓。我叫咗蔥油麵，上面有乾蔥同生蔥，食落都幾香，但味道偏淡。仲加咗道涼拌小黃瓜，本身以為係麻辣蒜香嗰種，點知原本係醃製酸青瓜，可能蔥油麵味道唔重，青瓜食落都頗酸。食物整體來講有質素，服務都幾好，店員有主動提醒袋可以掛喺檯下面嘅鉤，美中不足係要等位。

尖沙咀台灣牛肉麵聽過好多人介紹今次試咗個半筋半肉牛肉麵 ($90) 同滷肉飯牛肉夠冧無渣牛筋都炆到好冧入味麵身軟硬恰到好處唯一係覺得個湯底可以再濃啲滷肉飯有大碗($28)細碗($18)揀細碗就啱晒啲男朋友成日都嘈女朋友食少少就話飽結果男朋友要食晒兩份野食一碗牛肉麵一個細滷肉飯呢個combo就啱晒😌

人在尖沙咀，突然想食台式料理。輾轉尋覓下搵到呢間台式餐廳。去到門口，大排長龍，等咗差不多成30分鐘先有位。一入到去，即刻scan QR code落單叫嘢食(實在太餓)。叫咗幾樣菜式，當中滷肉飯同檸檬冬瓜茶最深得我心🤍如果他日再回訪，一定會食返呢2樣嘢～

呢間台灣餐廳聽人講咗好多次小編終於有機會去試😙成日聽到人講話要排長龍但小編6:00到完全冇人等😎Super Lucky🎐📍 滷肉飯 ($18）呢個細嘅滷肉飯$18真係性價比好高👍🏻係小店嘅王牌之一👑份量好充足 仲有兩塊醃黃瓜做襯托美觀💯味道💯滷肉都算半肥瘦 勝在肉質軟淋而且滷肉汁夠多 足以拎黎撈飯😍📍牛三寶拼盤 ($90）小編朋友非常之鍾意食🐄所以就即刻嗌左呢個拼盤牛三寶包括：牛筋、牛筋條、牛鍵三樣都超級入味 尤其牛筋極度淋身 入口即溶💓牛鍵好有咬口 牛肋條好鬆軟款款都大大嚿 真係食到冇停口😝😘📍甜不辣 ($10)呢個小食一定係必點啦❤️‍🔥細份來講價錢又唔算好貴 魚漿好煙韌 好好咬配埋酸甜汁真係好開胃大人細路都啱食🤘🏻—————————————————————味道😋：8/10抵食🥳：9/10環境🥂：8/10

點樣食推介✨💛良心平價台灣菜💛💛尖沙嘴黃店💛六両三地址：尖沙咀宜昌街3號地下🍖滷肉飯 小 $18 (7.5/10) 🌟好抵食🌟到底幾耐冇見過10幾蚊一碗飯😱，真係癲左咁抵！想講我不嬲細食開，佢依碗飯嘅份量夠曬我食有突！同平時屋企嘅飯碗差唔多大細，飯裝到滿曬，再淋上一大羹滷肉，jeng！ 每一啖飯都可以食到半肥瘦嘅滷肉🤣，佢地嘅滷肉偏甜好啱我口味👍🏻👍🏻🍖麻辣乾拌麵 $48 (6.8/10)麵質偏淋，咬落唔算好有口感，佢就真係夠曬辣，但可以再麻d，唔知點解調味會酸酸地🙈，整體一般，食左一啖就讓左比男朋友食，嘻嘻🥸🍖甜不辣 小 $10 (7/10) 🌟好抵食🌟我本人勁鍾意食甜不辣，見到咁平真係點可以唔嗌黎食(⁎⁍̴̛ᴗ⁍̴̛⁎)，佢面頭會淋左d甜酸醬，我就覺得太酸唔係好啱口味🙈🍖蜂蜜鹹金橘 中 $18 (7/10)都幾解渴，偏鹹，不過不失🤣回頭指數: 🍧🍧 (滿分:🍧🍧🍧🍧🍧)好坐指數: 🧎🏻‍♀🧎🏻‍♀️🧎🏻‍♀️(滿分:🧎🏻‍♀️🧎🏻‍♀️🧎🏻‍♀️🧎🏻‍♀️🧎🏻‍♀️)大家要注意依間餐廳限時40分鐘，比較適合當快餐黎食，趕時間又唔肚餓食佢真係一流，上菜速度超快，店家仲標榜唔會落味精，咁我食完真係唔覺得口

好多次經過想去食但都好多人排隊，難得今日冇人排所以終於試到了😭叫咗個好出名嘅三寶牛肉麵，食落果然好有台灣嘅味道 🇹🇼一路食嗰陣店員都會播吓啲台灣歌手嘅歌，成間鋪頭氣氛就好似去咗次台灣旅行咁🤣不過我覺得唔加辣會好啲，因為佢隻辣醬實在太辣了🥵好彩有水任飲同埋有紙巾提供，就算挑戰唔到都唔驚🤣值得一提嘅係枱面有橡根比客人扎起頭髮，對於女客人嚟講呢樣真係好貼心🥺🥺🥺地址：尖沙咀宜昌街3號地下

一直都想食好耐，可惜舖頭比較細，每次都等好耐先入房次次都放棄左，今次一於下定決心👍🏻果然無令我失望😆-滷肉飯🐷$28-細細碗既滷肉飯好出色🐷滷肉好入味，肥瘦分明混合冬菜惹味十分👍🏻面頭仲有兩小片黃色酸瓜中和番滷肉既肥膩感🥒米飯煮到軟硬適中、恰到好處、粒粒分明🍚川味紅燒半筋半肉麵🐂$90-牛肉牛展位炆到勁稔身同入味，筋都同樣煮到好稔身，牛筋牛肉都選擇紅燒口味🥩，超級入味！配菜有油麥菜🥬唯獨牛肉湯比較淡口少少，飲落同睇落會有少少落差，都香牛味🐂麵質地比較粗身，我個人就不是太喜歡🙊百頁豆腐🎹$25-好少何會有地方有得食百頁豆腐！質地煙煙韌韌咁有少少似食梗魚膚腐咁🐟個汁偏鹹少少，4️⃣大件食落啖啖都係好滿足👍🏻皮蛋豆腐🥚$35-友人表示呢個每次必點！滑溜溜既豆腐舖上木魚碎，四周散落溏心皮蛋件。配上甜甜既醬油同麻油，混合面頭既蔥花🌱口感豐富，惹味十分！甜不辣🍬$25-甜不辣個醬特別，甜甜辣辣，食落似魚餅幾特別🐟-冬瓜茶$20-細杯少少都夠凍🧊

唔係講笑，呢碗野我係食唔晒🤣一次食牛食到食唔晒🤣🤣覺得自己愧對「牛魔王」呢個稱號•👅紅燒半筋半肉麵牛筋炆得好淋，好滑，「咕」一聲就滑左入喉嚨😛肉條又好大條🤣有少少肥加大大肉，食完啲牛都已經食唔落啲麵啦😏湯底好濃，但又唔會太咸，一定會再返兜呢間😚•👅 皮蛋豆腐呢個皮蛋豆腐又係好好食🤣🤣凍嘅，但個汁同豆腐同皮蛋好夾，好似食啲豆腐花咁🤤加埋上面郁下郁下嘅木魚，點埋啲汁食好好口感😍

見OpenRice好評如潮，平時又有人龍，即管試吓。麻辣鴨血 - 份量係四大舊，可惜味道淡如水、少少麻又唔辣、成碟只有一粒麻椒，係我食過最差嘅鴨血魯肉飯 - 正常無驚亦無喜，好彩只係叫個細嘅就算係黃店，做餐廳應該要有誠意，加多幾粒麻椒，汁唔好煮咁水，我諗都只係一兩蚊成本嘅分別卦，但起碼唔會令人覺得 - 無下次。至於服務，咁嘅價錢，無高期望，但店員態度比起茶記伙記更冷淡，更冷漠，其實如果你唔太想喺食肆度做，就唔應該留喺度。

首先，抵達店面的時候，需要拿票等候約2桌。之後，因為還未齊人，不需入座，需要再等，直到所有人到齊方可入座。朋友點了一個麻辣牛腱牛肋條面走青，牛肋條偏硬不好咬，朋友表示失望。由於是麻辣和雙拼牛，所以價格比較貴，要$90，朋友覺得不值得。我點了一個最普通的牛肉麵，加了一顆滷蛋。滷蛋沒有什麼特別，也沒有什麼滷香味，如果不是特別熱愛牛肉麵加蛋的話，可以不用花$10加它。湯底方面不錯，有牛肉味，店家表示不加味精，崇尚自然。店面裝潢挺古早，但是比較小，因此比較擁擠，加上椅子不太好坐，所以一般都是吃完馬上走（他們有限用餐時間）。之前看到其他食評提到店家有提供綁頭髮的橡皮圈，我們當天也有一隻碗放在桌上，但已經沒有橡皮圈。另外，倒水是自助服務，所以如果不是坐靠近水的地方可能不太方便。整體來說，沒有很差，但也不會特別推薦，適合平常上班lunch吃。

之前男朋友介紹我試呢間台灣野，琴日咁岩行過又唔洗排隊就入去一試啦。環顧四周環境，感覺佈置幾傳統，我覺得最值得一讚既係佢有提供橡膠比客人綁頭髮，呢個真係加曬分，不過門口貼住限時食40分鐘對我呢D食野慢既人黎講都有D壓力，好彩上菜都黎得快食台灣野，就緊係要佢呢期大熱既麻辣鴨血啦!佢有冬炒、大大舊鴨血同皮蛋豆腐。不過試完之後完全令我對麻辣鴨血改觀。首先佢完全唔麻又唔辣，皮蛋豆腐有小小鞋身，而個鴨血口感尚可接受，感覺不過不失啦

年多前還在六兩三附近上班，吃過幾次覺得不錯，今次再吃就是失望和一肚火。。。一坐下，店員安排我坐最近門口的第一張枱門口位，坐低不夠20秒，便馬上被趟門別人推開門時狠狠的夾到手臂，我們二人被安排坐這四人位，但被門100%會夾中的位置，完全沒提示及指引給客人不要坐，然後被夾紅了手，跟眼鏡店員男理論時，他視若無睹，要跟他不停反應起碼6，7次，然後先換來一句唔好意思，仲要係黑面咁款， 老實，這價錢食三寶麵，質素完全不及前幾天在荃灣吃段純貞好味，服務差是重點，以後不會再去也不推薦朋友來，完～

小店坐位唔多 所以我地星期五晏晝1:00去都要等大約半個鐘 然後用餐時間只有40分鐘喔～😆-▪️牛肉麵 (川味紅燒) 𝙱𝚛𝚊𝚒𝚜𝚎𝚍 𝙱𝚎𝚎𝚏 𝙽𝚘𝚘𝚍𝚕𝚎我食牛肉麵第一啖係先試佢個湯底🥄一飲落口就可以感受到個湯底係熬咗好耐 好深色 好濃牛味 同少少藥材味(?) 微辣 而且完全「無味精」👍🏻味道唔係鹹而係好濃郁 所以食完都唔會覺得口渴😋 牛腱超級腍好好味！仲有少少骨膠原 而且有四大塊 😋 個麵底彈牙 但我自己唔太好粗嘅麵🙊▪️滷肉飯 (大) 𝙱𝚛𝚊𝚒𝚜𝚎𝚍 𝙿𝚘𝚛𝚔 𝚁𝚒𝚌𝚎一大碗白飯 上面鋪左滷肉同一塊醃黃蘿蔔白飯粒粒分明 粒粒飯都好飽滿 滷肉切得幾大嚿 肥肉部份較多 食落口感軟腍 滷水亦好香 鹹鹹甜甜 撈飯好正 唔覺唔覺就食曬成碗😚 如果再多少少滷肉就更好啦～▪️滷蛋 𝙲𝚘𝚛𝚗𝚎𝚍 𝙴𝚐𝚐普通 其實我本來想叫滷水糖心蛋😂點知嚟到先發現嗌錯咗🤦🏻‍♀️▪️甜不辣 (小) 𝚃𝚊𝚖𝚙𝚞𝚛𝚊甜不辣上面有啲甜甜地嘅醬汁 食落幾夾▪️冬瓜茶 (加大) 𝙼𝚎𝚕𝚘𝚗 𝚃𝚎𝚊我覺得有少少太甜 (我平時飲嘢叫微糖)-總括而言：滷肉飯好抵食🥳牛肉麵係比較健康嘅味道 如果想要鹹d嘅湯底嘅話 就未必啱你~ *店家好細心

經過尖沙咀想食小小嘢，就上網搵到呢間，當時5點鍾佢哋啱啱開門營業，我哋坐低就睇睇餐牌，但係佢哋啲員工就不停大聲講話，環境十分嘈。後來我哋叫左一個牛肉牛根麵一個滷肉麵，首先講吓牛肉牛根麵，牛肉係炆得好淋，但冇咬口又冇乜肉味，湯就一般唔太差亦唔係好正，個麵底先至係重點～難食！係預先煮定曬備用，麵已經唔係用靚嘅麵，仲要煮定，真係服左呢間野仲要收咁嘅價錢，仲會有人排隊等。我選擇支持小店，但就唔會盲目去支持，希望佢哋日後有改善⋯⋯