六両三

Open Now

Now Closed

今次黎左呢間食dinner, 放工過去，已見好多人排緊隊。等左30分鐘左右到我地，可以入去。佢有好多牛肉麵揀，仲有小食我地揀左三寶牛肉麵，牛腱牛肋麵 同埋 麻辣鴨血 同 小黃瓜落完單，d 野食都好快到，個麵好大碗，好足料，個紅燒湯底都好好味。麻辣鴨血，我自己唔算食得辣，但都食到，仲有小黃瓜個呆都腌得岩岩好 唔會好酸。但食到3分2 時，有侍應提我地食野限時45分鐘左右，而我地得返好少時間，佢提我地就夠鐘，搞到食到有d 趕咁，平時食lunch 既時間都要一個鐘，食家呢個dinner 限時係一個鐘都無🙈🙈如果限時可以比多dd 時間就好啦。因為我食野食得好慢🤣🤣

台灣人主理牛肉麵滷肉飯 湯底熬至少一天店主Ivan係台灣基隆人，來港多年廣東話相當流利 老闆自家秘製既特色湯底真係非常好飲開店之前係台灣拜師學藝牛骨湯湯頭用10斤牛筒骨熬至少30小時，加蔬菜香料藥材等繼續熬製直至骨髓全溶化同呈現乳白色 所以飲到係真真正正既牛骨精華濃鮮湯底牛肉麵湯底有川味紅燒及清燉兩款 川味四川花椒、豆辦醬、台灣豉油及藥材熬製的湯頭製作燒湯濃郁帶微辣配料有牛肋條牛腱選用美國牛肉，先炆後焗牛肉同牛筋唔會煮到腍晒爛晒，入味之餘仍保持有咬口 麵身質感Q彈亦掛湯仲可以加自家提煉嘅牛骨髓辣油 添加紅燒牛肉麵之中，香氣即刻更濃辣仲有唔少台式小食喇! 可以試下由台灣入貨既皮蛋 醇香口感彈牙又唔會有臭味當然唔少得一杯特色台灣奶茶喇!香甜順口 正宗台灣奶茶味道 珍珠又彈牙尖沙咀宜昌街3號地下平均消費$100評分8/10

被小店門面充滿古式風味的裝潢所吸引，而內裡佈置同樣一致、有質感。空間不算大，有種像日式居酒屋的格調。阿宏蔥油拌麵 ($46)• 可自行選擇需不需要蔥花，保留的話便會有滿滿一層舖在拌麵之上。• 麵的質感柔軟飽滿，外面不會有多餘的水份而影響到蔥油的口感和味道。• 蔥油的油香頗溫和、有層次，當中的蔥段已經處理得十分香腍、入口即溶的口感。麻辣鴨血 ($48)• 一貫台灣夜市可以吃到的味道，鴨血口感軟硬度適中。• 辣度很低，辣一點的話應會更加滋味。

牛肉麵💰$75😈今日我地1516係食韓國野定台灣野😢最尾揀左台灣野既六両三💛佢呢到無得book位都係去到門口拎飛入去既😬今日閒日唔算太多人所以等左兩三張枱就入得去💛我同🐻都係食牛肉麵🍜不過我地就每人加$10加左蛋我地一個加溏心蛋一個加滷蛋🥚不過我地一致認為滷蛋比較好食啲因為可能溏心蛋配拉麵🍜會夾啲😈而牛肉麵既牛𦟌好淋身同埋好多塊好重牛味仲要我地最有驚喜就係個油麥菜🥬平時台灣麵都係蘿蔔同生菜但呢個油麥菜好食😄而湯底都好濃唔會太偏甜唔錯🥠皮蛋豆腐💰$36😈另外我地仲叫左個皮蛋豆腐💛佢係一磚好大舊既豆腐上面加左啲小木魚同埋有好多皮蛋係側面好香🤤佢個醬汁甜甜地再配落凍冰冰既豆腐呢個冷盤我都幾鍾意🍚滷肉飯💰$18 (小)😈我地每次都會喪叫小食💛我地仲加左個細既滷肉飯🍚怕大既會食唔唒😈呢個細既滷肉飯岩岩好兩個人Share又唔怕食太飽食唔落其他野😝滷肉飯個汁我幾鍾意甜甜地同埋好多肉汁可以送飯而飯粒仲係圓身珍珠米好有咬口😬冬瓜茶都係加💰$15仲要唔會太甜食咁多野再飲都唔錯

叫左一個川味紅燒一個麻辣牛肉麵兩個都完全唔掂牛展冇味d麵冇味杯檸檬冬瓜茶淡過水另外個甜不辣還可以啦唔係難食但係亦都唔係好食menu其他野未試過但係唔會俾機會因為連招牌菜都差既時候，其他野都唔會好得去邊完全唔明點解會成日咁多人排隊個人認為滿漢全席仲好味過佢真係可一不可再啊大佬

午飯時候, 尖沙咀到處到好多人, 隨便去左呢間六両三, 排隊等了半小時才可以入, 入到去Order左碗紅燒牛肉麵+冬瓜茶, 杯冬瓜茶好飲, 但真係從來未食過一碗咁難食的牛肉麵, 湯底色係有的, 但湯底味太淡, 無味的, 好似水煮咁, 係真係只用水, 無任何調味去煮咁, 食左半碗無食, 放棄左, 以後唔會再去。

睇返食評, 原來我今個月平均每星期食一餐台灣菜, 滷友記, 一起食堂, 燈籠滷味同六両三。而我的美味排名是一起食堂>燈籠滷味>滷友記>六両三。當晚睇完醫生後就到附近搵飯食, 六両三就在診所一分鐘路程都唔使。大概下午6:30到達, 幸運地坐到最後一張枱。六両三都幾受歡迎, 7點多離開既時候, 一眼望過去門外有大約10個人等緊位。我地點左滷肉飯, 麻醬麵, 紅燒牛肋條, 冬瓜茶同蜂蜜🍯咸金橘。成餐飯我最推介係杯冬瓜茶, 清新天然既味道, 甜度剛剛好。紅燒牛肋條 - 因為一起食堂牛肋條的美味所以好掛住, 今晚ENCORE再叫牛肋條食。就咁睇六両三牛肋條既外表, 肥肉分佈比一起食堂的多, 但奇怪既係一咬落去, 口感比一起食堂的牛肋條乾同韌, 但其實佢又入味架喎, 所以應該唔係炆得唔夠耐既問題, 而係來貨既問題。呢碟牛肋條既唔得🙅🏻‍♀️我心(我偏好半肥瘦同軟腍既肉)亦唔得🙅‍♂️老公心(佢偏好瘦肉)。滷肉飯 - 米飯偏乾, 滷肉偏水, 滷肉同一個問題, 肥肉分佈較多, 但瘦肉部份好乾硬。麻醬麵 - $50, 呢個不錯, 醬汁充足香濃, 同我近期愛吃的賈以食日麻花麵有幾分相似

-{黃店💛尖沙咀台灣菜🍜}依間一年前黎過 覺得質素唔錯 今次又黎食🤤🤤半筋半牛肉麵🤤 ($85)價錢偏貴 有好多牛筋同牛肉😂覺得牛筋高質過牛肉😋個麵似烏冬咁但好硬身 有啲怪🥲同埋啲湯冇乜牛味😌勝在份量多👀而隻滷蛋 滷水味都唔重🥸👖褲評: 6/10🤤細滷肉飯🤤 ($18)細細碗但啲肥肉好香😚啲飯粒粒分明 啲汁好啱撈飯😆👖褲評: 8/10🤤甜不辣🤤 ($25)個魚板幾有咬口 魚味都有 算係幾高質🥳👖褲評: 7/10🤤檸檬冬瓜茶🤤 ($18)成為左mvp😂😂😂冬瓜茶本來甜甜地加上檸檬嘅酸味飲落多左陣清新嘅味道😙但細杯左啲🤓👖褲評: 7.8/10定價偏貴 如果食台灣菜會有更多好嘅選擇😂一年後黎性價比冇咁高了🥲性價比: 6/10服務: 7.8/10環境: 8.3/10🚩六両三🚩地址: 尖沙咀宜昌街3號地下 #fuudjai #fuudjai黃店 #fuudjai台灣菜 #fuudjai觀塘 #fuudjai尖沙咀

六両三嘅食物普遍係抵食嘅，廿幾蚊個滷肉飯、四十幾蚊個麻辣麵邊度搵先😂，仲要係堂食喎～（希望佢哋唔好睇到呢句說話而加價喇🥺）滷肉飯 ($28)：睇落細細碗，其實都夠食，半肥瘦嘅滷肉煮得幾惹味，飯亦都煮得恰到好處，軟硬適中，唔錯！麻辣乾拌麵 ($48)：本來睇落以為冇乜料到，點知食落先發覺原來都幾辣，個辣醬應該有加蒜頭，香辣惹味，不過因為佢冇其他餸做配搭，感覺上就dry左少少啦🤷🏻‍♀️麻辣鴨血 ($48)：一碟有三嚿鴨血同埋兩嚿台灣豆腐。鴨血唔算煮得好入味，整體表現不過不失啦。甜不辣 ($25)：平時好少食甜不辣，今次決定試一試先。食落質感似硬身嘅年糕幾特別，不過唔係我哋杯茶😂

尖沙咀人氣黃店，店門面幾靚，有點日式風格，原來係食台菜；因為店內座位唔多，等位係基本，用餐時間係40分鐘。三寶牛肉麵 麻辣湯底$93 唔算平但幾大碗幾足料，牛腱算腍，但未到入口溶化；牛筋幾夠骨膠原；牛肋條則唔夠鬆化。湯底我覺得唔係好辣，但友人試左條油麥菜就辣到出汗，的確菜係比較吸味既。滷肉飯 小$18 都唔算細，好抵食，滷肉半肥瘦，仲有兩片小黃瓜，滷汁撈飯好味。麻辣鴨血 $48 三件鴨血兩件百頁豆腐，雖則鴨血好大件，夠實。豆腐吸晒湯汁，但完全唔覺麻辣，感覺唔係好抵食。

皮蛋豆腐: 味道都幾好，可以一試葱油撈麵: 完全沒有葱油的香味，味道很淡。幸好有配上皮蛋豆腐一起吃，如果唔係，整個麵基本上沒有什麼味道可言。冰冬瓜茶: 普通，偏甜(店家有註明不可以走甜、走冰，未知可否少甜)落單至上菜過程很快，大約5分鐘。我用餐時間是下午兩點半，人流不算多所以座位安排不會太密集。環境舒服、乾淨。整體而言，可以一試，但味道確實普通，價錢偏貴，埋單$96(店舖沒有提供下午茶、午餐及套餐等優惠）。

三寶麵嘅三寶分別係牛腱 牛筋 牛肋條💁‍♂️餸就真係大大件 牛腱 牛肋條都幾濃牛味😌肉質又幾腍幾滑 牛筋炆得夠火喉 入口唔韌😆牛骨湯底望落好濃 較為深色😎不過入口偏淡味 令到麵條食落感覺有啲寡🥲雖然麵嘅質感夠結實爽身👏🏻細心睇餐廳堅持唔用味精 👍🏻希望食客品嚐到最真實嘅牛骨湯🐮呢種心的確好值得欣賞 味道就見仁見智🤔麻辣醬都無乜特別 唔太香口🙁溏心蛋要另外加 加埋之後$110🤨味道價錢唔成正比😕

去到尖沙咀想食台灣野，見到呢間小店好多人推介就試試🤪餐廳裝潢好古色古香，全木系嘅設計。不過位與位都幾狹窄，食嘅時候已被人撞過幾次😂價錢算親民，款式選擇唔算多，不過大家都係食個幾款～ 🔸 麻醬麵（HK$50）因為唔太想食肉，就叫左款寡啲嘅款🤣呢款拌麵有花生醬同麻辣醬，麻辣味比較重，加上青瓜絲食到後期都唔會太單調😀🔸滷肉拌麵（HK$46）呢碗拌麵上面就有好多滷肉，肥肉偏多，滷肉好入味😁不過食到後期就有少少鹹～🔸百頁豆腐 （HK$25）小食方面呢度冇咩炸物，試咗呢款百頁豆腐，喺台灣好鍾意食😍熱辣辣配上特製醬汁，好有古早味

我最鐘意食台灣料理, 每次男朋友問我食咩, 我都會話台灣菜, 知道而間店人氣滿滿, 所以我地都等左一段時間先入到去, 店鋪比較細, 坐得會逼夾少少, 手機落order, 上菜都算快。 紅燒半筋半肉面+滷蛋 ($98) 食面先飲湯, 湯底顏色濃郁, 但算清澈, 飲落藥材味都幾濃, 男朋友幾鍾意, 面質都唔錯, 肉係牛展片, 我自己就還好, 比較鍾意一舊舊既牛肉, 牛筋都係, 唔夠軟諗, 所以牛肉面唔算好推介。滷肉飯 (小) ($18)好抵食, 而且都輕巧得意, 面頭仲有2塊醃蘿蔔做點綴, 味道都唔錯, 唔會死咸。甜不辣 ($25)我最愛小食, 夠煙韌, 沾埋醬汁, 甜甜地, 正!皮蛋豆腐 ($35)幾大份, 個汁濃左少少, 皮蛋有點硬, 有溏心效果會更好。冬瓜檸檬茶 ($18)檸檬味幾出, 幾清新, 但建議加多少少錢轉大杯, 有啲唔夠飲。

今天下午４人由入門時望見＇都覺得又Ｄ中計！店內服務員或廚師每個都黑面咁款！叫人寫單要叫三次！又唔係多人！場也不大！枱上有紙巾但得返—張，問服務員黑面對待！都有比！問有冇豉油！答（冇喎）不想做或欠佢債咁款！算了！埋單比＄４位419元但冇人理！是否不用埋？下午－碗麵要－百元的黑面hea對待？牛肉可以！但其它沒有味道hea出品（失敗之選）不要再去！唔想做就摺咗佢啦！