六両三

Open Now

Now Closed

.去到星期五夜晚如果想係尖沙咀食飯真係好難🤯咁岩呢間門口排隊既人唔多但呢間食飯得40分鐘 真係就到40分鐘就催一催你🙃唔理你叫幾多野食都催你⏰.🥢 三寶牛肉麵 $100本身落單叫左麻辣少辣🌶但黎到個麻辣都幾辣不過啲麵就幾好食🍜有啲似手打麵既感覺但牛肉就因為太辣而唔係好食到啲牛味🐮.🥢滷肉伴麵 $48滷肉既味都幾入味 食落幾淋🍝啲醬都幾夠又好重滷肉味呢個係超平價之選同埋好有台灣風味😀.🥢皮蛋豆腐 $38雖然台灣都幾出名 但我食落都覺得幾普通本身凍食 夏天食下降下溫都幾好☀️本身豆腐冇乜味 加埋啲醬汁就幾正但醬汁唔太夠皮蛋我本身都好鐘意食所以覺得正🌝.🥢滷豬腳 $48🥢滷甜不辣 $28豬腳整得好好食😋超淋仲要勁入味炆到啲肉同啲骨就黎分離咁🐷甜不辣就台灣風味好重鐘意佢煙煙韌韌既口感好正🤤.

嚟咗好多次，由剛剛初時開得牛肉麵同滷肉飯嘅時候，已經成日幫襯！ 六両三一向都多人食，大家記得攞咗飛先，唔係就咁企係餐廳出面排㗎！🌟推介🌟 必食牛腱牛肋條麵+ 滷蛋 $93超大碗👍🏻👍🏻👍🏻👍🏻👍🏻 麵條就超讚，有韌度；湯底濃郁😋😋 牛腱比較好味；牛肋條就稍為有少少硬；滷蛋好香滷水汁，但又唔會鹹👍🏻 如果大家鐘意食流心蛋的話，咁就建議食溏心蛋比較好！三寶牛肉麵 + 溏心蛋 $107三寶就係牛筋、牛腱同牛肋條；溏心蛋都有滷過架👍🏻👍🏻滷肉飯（小) $18 每次嚟到都一定會點一碗滷肉飯食！滷肉半肥瘦適中剛好，唔會好油膩👍🏻👍🏻 🌟推介🌟 必食滷甜不辣 $25其實今次第一次試呢個，之前都無點過～ 估唔到咁好食😍😍 甜不辣即係魚肉餅，加上滷水汁同甜醬真係好好味😋👍🏻👍🏻金牌台灣啤酒 $25

平時晏晝行過黎度非常多人排隊今晚因為OT關係所以8點中經過哩度冇人排隊所以決定試下其實自己之前一年都去八至九次台灣入到去裡面嘅設計真係好似台灣牛肉麵嘅格局傳來一陣陣嘅牛肉麵香味即刻叫左一個半根本牛腩嘅紅燒牛肉麵辣道適中 湯底濃郁 牛筋嘅軟硬度非常配合麵條亦都唔會太淋 可以睇倒麵條有同牛肉湯一齊煮非常深色入味小食就係叫左鴨血現就係期待唔會好似喺街買返嚟嘅即食咁樣啦當然無失望鴨血一流香辣程度適中用左一個小鐵板上所以熱度非常好飲咗一個檸檬古早味冬瓜茶 ok 唯一唔好就係用餐時間只可用餐45分鐘 不過都明白嘅

行過覺得好特別，全木加木趟門，門口仲要有兩張木櫈俾人坐喺度等位👍🏻起初仲以為係日式餐廳，友人話呢間係食台式嘢😅👌🏻下次嚟試下沒有味精的堅持✊🏻👍🏻紅燒三寶牛肉麵湯飲落有少少薑嘅味道，麵硬咗少少🤏下次可能要叫煮淋少少，牛筋好淋、牛肉都淋唔會好硬、牛𦟌都可以，個油麥菜好香好味😋麻辣牛肉麵（小辣）見佢食到眼濕濕。麵硬咗少少🤏涼伴小黃瓜🥒讚不絕口。。。下次我都要試下🤤蜂蜜咸柑橘🍊（熱）可能冇攪勻，所以唔覺好甜，剛剛好走時見人食個滷肉飯好正咁，下次就嚟試下

本身響尖咀返開工聽講呢間台灣店出名入坐後叫左紅燒牛肉湯 同湯飯--------------------------味道比想像中強差人意同平時食開湯底既都偏咸同藥材苦味偏重一路食覺得不過不失到慢慢偏向難食無味精但應該都要顧下味蕾呀最後食左三分一百頁豆腐算係最好茶都好飲既店員都友善-------------------------本身少寫食評但都抒發下感受-------------------------

前幾日搵到呢一間係尖沙咀嘅台灣菜 價錢唔算平 但係就勝在係黃店💛夜晚差唔多9點先去到 見到入面仲係坐滿哂 不過最後等咗2分鐘就有位😀但係就見到門口黐住入座時間得40分鐘😨😨😨😨係40分鐘！會否太少😑😑😑不過知道食台灣野都唔會食好耐 同埋佢10點就關門 所以照食啦🍜阿宏蔥油拌麵 $46的確係好多醬 但係食落去又唔覺得佢特別濃味🥲完全唔係我想像嘅蔥油拌麵🍜三寶牛肉麵加滷蛋 $101好貴 有時都唔係好明點解香港食台灣野可以咁貴！味道正正常常 不過不失🔺麻辣鴨血 $48好奇怪😔麻辣味不重 鴨血嘅味道同口感好奇怪 而且唔夠滑😭😭🟤皮蛋豆腐 $35呢個係全晚最好食嘅一碟😅😅豆腐上舖滿木耳絲 香滑凍豆腐沾上醬汁 再加埋皮蛋 味道唔會過鹹 而且開胃 總括來講的確有點失望 首先淨係可以坐40分鐘的確有啲倉猝 另外食物質素的確唔值呢個價錢 但係黃店就支持一下吧

⭐紅燒牛肉麵 $75⭐味道：6/10👧🏿👦🏻:湯底牛香唔濃較為清淡，但食完一碗都唔口渴，相信真係冇味精嘅👍🏻一碗有4大塊厚切牛展，軟淋唔柴，好滿足。麵條較為粗身。⭐滷肉飯 $18⭐味道：7/10👧🏿👦🏻: 肉粒肥肉比例好高，滿滿油脂感，配埋微甜嘅汁，超餸飯🥰可惜嘅係佢比較單調，只有五花腩，個人鐘意啲有埋香菇肉鬆口感豐富嘅滷肉飯。～～～～整體評分～～～～抵食：8/10環境：7/10服務：7/10

見咁多人比好評就一於同朋友去試下 我就叫左三寶牛肉麵 + 糖心蛋 $105 再同朋友share一份麻辣鴨血 $48+滷豬腳 $48一食落去, 其實佢同鐵牛差不多, 未至於可以得到咁多好評. 個湯底只可以用還可以形容. 難食佢一定唔係, 但係好食佢都一定唔係, 不過收呢個價錢仲要排隊食就真係減哂分. 三寶包括牛腱, 牛筋同牛肋條 牛唔會太冧 呢樣係啱我口味的, 肉嘅份量都可以, 唔算小. 但係味道無其他評論講得咁誇張好食, 只係味道非常普通但係又over-priced嘅台灣麵. 麻辣鴨血就非常過份, 完全無麻辣味, 可能唔係我想像果種啦. 不過個豬腳唔錯嘅 $48係會覺得好食嘅👍🏻

🔸紅燒牛肉麵其實食落個麵底係無乜味嘅，不過軟硬適中。呢度標榜無味精，所以個湯底都係無乜味嘅。牛肉係好淋嘅，不過個人比較鍾意有咬口多啲！唯一讚嘅係滷蛋滷得好入味！評分：6/10價錢：💰$75 + $8(滷蛋)🔸滷肉飯(小)呢個係抵食之選！珍珠米係我嘅至愛，滷肉汁甜甜地，滷肉半肥瘦。仲有兩塊醃蘿蔔，好味！食得出係煮得長時間嘅心機味道！評分：8/10👍🏻👍🏻價錢：💰$18🔸阿宏蔥油拌麵好多蔥，全部醃到黑色，我初初仲以為係木耳😂個麵都唔係太多油。不過不失。評分：6.5/10價錢：💰$46總括嚟講，佢嘅滷製醃製食品係入味嘅。不過牛肉麵味道偏淡，性價比不高。

今次唔係我第一次食六兩三了! 食過幾次，水準都KEEP到，好味道。今次叫了| 半筋半肉麵(紅燒) $85| (Rate: 8.5/10)|麻辣鴨血配粉絲|  (Rate: 5/10)|滷肉飯(大) $28| (Rate: 6.5/10)| 半筋半肉麵(紅燒) $85| (Rate: 8.5/10)一如既往咁好食!!牛筋好大條，好稔，又入味。肉既牛味都好濃，大件得黎又唔會韌。我最中訛就係個麵底，好有咬口，唔會淋PAT PAT，但同時又好入味，唔會有生麵既味道。湯底就唔洗講，唔會係出面食既死咸，牛肉咪好濃，我飲左好多啖，哈哈。|麻辣鴨血配粉絲|  (Rate: 5/10)呢個唔記得左影相，印象中配埋粉絲大碗裝係期間限定既。見到冇理由唔試下啦！不過我覺得麻麻地，麻辣湯底冇層次，只有咸辣，鴨血好大塊但味道就不過不失，都唔算太好味。|滷肉飯(大) $28| (Rate: 6.5/10)當晚剛剛好我地叫左最後一碗滷肉飯，味道中上，一定冇台灣咁好食哈哈。今次略嫌滷肉汁唔夠多，飯粒少少硬，可能係因為最後一碗既關係。整體來說，牛肉麵係最出色，每次想食台灣野都係諗起六兩三

假日正午12點，有幸辦完事在附近，經過發現六両三在此，見不用等位，就即改變計劃，入去一試。點了紅燒牛肉面，試一下湯頭，注意是不辣的，清甜味美，沒有過濃死咸，亦沒有味精，隱隱有點藥材味，搭落還有點細個時喝保衛爾牛肉汁的風味，有驚喜。麵是粗麵，軟硬適中，可惜的是間中有幾條頭位置仍有點硬，似未熟透，但大部份仍是合格。牛肉淋滑，牛味佳，肉中間有滑滑的筋位，沒有過咸，件數給得慷慨，吃得開心。唯一的遺憾是麵不太掛湯，但應不是店家的錯吧？好似無聽過台灣牛肉麵要掛湯的..（.除了那這重油重辣的店，一層油當然掛得上）大概是這家湯太好我才覺得遺憾，只好把麵放在大湯匙裡跟湯一起吃好了。

夜晚OT，之後放工，最開心係可以食到一餐好味嘅晚餐。而呢間走全木的設計，好似日式居酒屋，但其實是供應基隆廟口夜市的小食店，是由來港二十年的基隆人開的。價錢比較便宜，而食物有滿滿的台灣味道😋滷肉飯 (HK$28)．呢度嘅招牌菜，也是我每次回訪都必食．大碗的，滿滿的白飯．上面的豬肉粒，見得到清晰的兩層脂肪及瘦肉，肉味香濃、入味，入口軟滑．2片黃蘿蔔，清甜爽口．白飯配美味不太鹹的滷水汁，好滿足呀😋皮蛋豆腐 (HK$35)．看見表面的鰹魚乾，吹呀吹，好吸睛啦～．豆腐，好冰涼，入口軟滑，清甜豆腐嘅味道．皮蛋多的是，彈牙爽口呀冬瓜檸檬茶 (HK$18)．點咗少冰．冬瓜檸檬茶本身已經一早煮好、調味好，凍在雪櫃中．杯面有幾片檸檬，唔夠檸味可以自己篤多啲

坊間不少售賣台式牛肉麵的店舖，卻有不少店舖的牛肉麵湯底使用湯精等人工香料，雖令湯麵更香，但會令人非常口渴😖不過以下這間台式小店的牛肉麵湯底，以不添加味精的湯底，吸引了不少客人慕名而來😋🤤🏞環境尖沙咀店的面積較細，但裝修卻絕不馬虎：木系為主的店舖格局🪵，簡約而富有台灣本土風味的裝潢🎊🪅🎏🍜食物1. 半筋牛肉麵🍖🍜（$90）🔸 餐廳的湯底不加味精，每日將牛骨熬製30個鐘，再加上蔬果、藥材、香料等，湯味香濃有層次，而且不會覺得口渴；牛肉麵的麵條粗身，麵質彈牙；牛筋爽口、牛肉炆得軟淋不太韌😋2. 甜不辣🐟（$25）🔸 甜不辣彈牙有咬口，但如果甜醬另上會更好。如有需要可以嘗試與店員講一聲😯3. 冬瓜檸檬茶🍋🥤（$18）🔸 檸檬味較重，不覺有冬瓜味；甜度不算太高，可接受水平，清涼解渴🥵💁🏻‍♀️服務自助的點餐形式：下單後8-10分鐘即可享受美食。店員有禮，使人賓至如歸🤗👀總結無可否認，在食物的選擇方面不算很多，但勝在製作用心和認真，而且價錢經濟實惠🤑湯底不落味精更是可以encore這間餐廳的理由😉———————————————————————餐廳評分（5分為最高）美味：🐤🐤🐤🐤環境：🐤🐤🐤🐤服務：🐤

冇得去旅行，唯有喺香港品嚐各國嘅美食。happy Friday去咗尖沙咀，結果試咗一間之前排咗好耐隊，結果放棄冇食嘅台灣餐廳。今次都排咗大概30-45mins.叫咗以下嘅食物牛腱牛肋條麵$85牛肉幾入味，而且炆得好淋。麵質都幾爽口，唔重麵粉味。飲咗幾啖湯，飲完都冇口渴。滷肉飯（大）$25不過不失，整體都幾入味，肥瘦適中，以價錢來講，算係大碗。食完都幾飽。麻辣鴨血$45鴨血份量比想像中少，而且質地比較老，好似自己網上買嗰啲仲好味😅冬瓜茶$15冬瓜茶好清甜，雖然冇得小甜，但都唔係死甜。如果以台式餐廳黎講，表現唔算話十分突出。但餐廳裏面嘅環境幾有台灣嘅感覺，值得一讚👍🏼

平時行過門口見到好多人排隊⋯所以一直都好想試冇得去台灣喺香港食下台灣嘢都好我哋晚上六點到，等咗10分鐘…我哋叫咗個台灣牛肉麵食得出係冇味精嘅牛肉麵，湯底好清甜牛肉牛筋好好味皮蛋豆腐份量好多我哋兩個人都食唔晒豆腐好滑，滷肉飯都好味😋