六両三

Open Now

Now Closed

在尖沙咀無意中行過一間台式餐廳，店員主動出黎sell客，話無味精的牛肉麵，有湯飯。我自己本身都有食開幾間連鎖嘅牛肉麵餐廳，今次見到呢間小店，就入去試下嚕！其實兩人係坐得擠迫嘅，不過諗住試吓囉，迫到係完全聽到👂隔離講咩😅所以，預快食係OK嘅⋯講番野食，叫左：紅燒牛肉湯（粗）麵、紅燒半筋半肉湯飯，麻辣要+$5及一糖心蛋～食評：湯底唔錯嘅，淡淡牛肉香味，牛筋出色，牛肋肉及牛𦟌淋淋，但可以再入味一啲😌湯就一定無飲晒，呷了幾啖啦，的確食完係無口渴，要讚😊有興趣的朋友可快食一試😊

最近勁多人去旅行，同朋友傾開都好掛住台灣，佢就尖沙咀有間台菜好好食，我未試過更係跟佢見識下。原來係係北京道附近，叫六両三既舖頭。因為好少經開呢頭，所以一直都唔知有呢間野。 佢個舖面已經好吸引，好有特色似日式小店。 入到去更加有親切感，舖頭細細但好溫暖既感覺。 見佢餐牌都唔係好多野簡個種，而係麻雀雖少五臟俱全既。 最重要係價錢都好大眾化，份量又夠。 我地點左個麻辣乾拌麵，再叫幾個小食。 佢既拌麵真係好可口，唔會太稔，而且麻辣味好開胃，唔會好似大陸既死辣。 小食就叫左涼拌小黃瓜，涼拌麻辣牛腱頭麻辣鴨血豆腐，滷肉青菜，麻辣豬大腸。 嘩，因為掛住台灣既美食就忍唔住係咁叫，而佢既野食都真係好好食，滷水味好香又唔會太咸，而且滷肉有炒過，所以唔覺好肥。 最後再叫左冬瓜茶同荔枝烏龍茶，超好飲。 真係好正既台菜店。

第一次食哩間小店, 出品真係唔錯, 唔怪得咁多人讚。六點鐘已經去到，好彩早左咋🤩遲半個鐘已經滿左座要排隊。紅燒牛筋牛肋條湯飯(＄107 )無論湯底, 牛筋同牛肋條都冇令人失望,  每樣都係大大件, 牛筋腍得黎滿滿膠質感覺。牛肋條入味軟腍, 咬落去連埋湯汁既牛骨香,好味!溏心蛋整得入味流心~~ 再加左半份百頁豆腐, 好有台灣味道!牛筋麵•蕃茄•濃 •台灣粗麵  ($90)湯底食得出係熬住出黎既蕃茄味而唔係溝出黎既味道, 仲有唔少鮮茄係入面。粗麵食落好實在唔會過腍, 同埋都好掛湯, 牛筋同飯個款一樣大條又好味, 係出色的。紅燒手打牛筋丸湯 $62最中意D勁彈牙有咬口既牛筋丸, 哩隻仲要係重牛味兼爆汁,必食！蜜釀桂花茶（熱）$22食台灣野除左珍珠奶茶外都中意飲下依D養生野, 蜂蜜加上清香桂花, 飲落好舒服!

六兩三台灣牛肉麵以其正宗的台灣風味聞名，價格相對合理。我點了半筋半肉麵加濃湯和台灣粗麵，另外加了溏心蛋。這碗牛肉麵以彈牙的粗麵搭配著嫩滑的牛肉，筋肉的比例恰到好處，味道濃郁而鮮美。濃湯的滋味豐富，讓整碗麵更加美味。溏心蛋的加入增添了濃郁的口感和豐富的蛋香。另外，我還點了麻辣鴨血豆腐和滷蘭花乾作為配菜。麻辣鴨血豆腐的辣味和豆腐的嫩滑相得益彰，鴨血的鮮嫩口感也令人滿意。滷蘭花乾則是一道類似豆腐乾的配菜，給整餐增添了一份清淡的口感。另外一道主菜是牛肋條麵，我選擇了濃湯、台灣幼麵和加溏心蛋。這碗牛肋條麵的湯頭濃郁，牛肋條的肉質鮮嫩多汁，配上幼麵的細膩口感，非常順滑。溏心蛋的加入增添了豐富的口感和蛋香。最後，我點了一道皮蛋豆腐作為小吃。這道皮蛋豆腐的味道鮮美，皮蛋的鹹香和豆腐的滑嫩完美結合，是一道經典的台灣小吃。總的來說，六兩三台灣牛肉麵以其正宗的台灣風味和合理的價格吸引了許多食客。他們的牛肉麵具有豐富的口感和濃郁的湯頭，配菜也多樣豐富。無論是麵的選擇、湯的濃淡還是配料的搭配，都能讓人品嚐到道地的台灣味道。如果你對台灣美食有興趣，我推薦你去尖沙咀的六兩三台灣牛肉麵店，品嚐他們正宗的台灣風味餐點。

呢間台灣料理每次經過都見見到有人排隊等位，剛巧平晚經過無人排隊就試吓。必試招牌菜： 手打牛筋丸麵 /百頁豆腐/白桃鳥龍茶呢間主要係食台灣牛肉麵店，不過都有其它台灣小吃，哈哈😂，其實我不吃牛肉，但能吃牛丸，我就試了手打牛筋丸麵，估唔到咁出色，牛骨湯底，濃湯但唔鹹，手打牛筋丸好多肉汁又彈牙，配咗粗麵食🍝好掂。加咗百頁豆腐同涼拌小黃瓜🥒 （半份）百頁豆腐 - 味道清淡，但調味甜甜地都唔錯。涼拌小黃瓜🥒 - 用了白醋整的小青瓜，酸酸甜甜幾開胃🤤。白桃鳥龍茶 - 很喜歡💕這個無糖白桃鳥龍茶 ，淡淡的白桃味道，很清香。想讚個濃湯底，服務員話湯底絕不落味精，我渴完後都冇口喝，抵讚。

台灣嘅牛肉麵店「六両三」一向以香濃冇味精吸引唔小客戶嚟，豬太郎當然唔例外！.➜牛筋牛肋條麵新鮮自家製嘅蕃茄湯底有濃濃嘅蕃茄同牛骨香味，一邊食麵，一邊飲濃郁香甜嘅零味精湯底，唔會覺得口乾㗎！配料方面有啖啖膠原蛋白嘅牛筋，食落唔膩，而且分量十足嘅，牛肋條都煮到好軟腍！豬太郎仲加左溏心蛋 大大粒，一咬流心。.➜涼拌麻辣牛腱頭香辣又開胃嘅牛腱頭食落好有口感，微辣嘅香味每人胃口大開。.➜滷甜不辣充滿台灣風味嘅甜不辣口感紮實好有咬口，鹹甜嘅滋味，絕對為開胃小食嘅好選擇。.「六両三」嘅店員姨姨相當親切，見到客人落完單都會介紹下點樣加啲配料令湯麵味道更加好，見豬太郎飲咗大半碗湯，都好開心咁問係咪好味呢，勁可愛。.#msmessypig_food

令你回頭嘅台灣菜，之前食過其他已經覺得好好食，今次返嚟食牛肉麵，湯底濃郁，入味，牛肉亦都好出色，可以優惠價加多啲小食，我同個朋友都覺得好抵食。麻辣牛腱頭，爽口惹味。

之前喺尖沙咀返工都成日嗌外賣嘅小店，因為佢真係好好食，佢嘅辣湯底好正，次次都必點！因為有少少喉嚨痛，今次就淨係叫咗紅燒湯底唔叫辣湯，但係一樣都好好食！本身呢度嘅牛丸係我最鍾意食，食落好彈牙同埋中間會有啲汁爆出嚟，所以即使無論個湯底辣定唔辣都一樣好出色😂同埋佢嘅台灣粗麵係會煙煙韌韌嘅食落好有質感，正！但係因為掛住食，連相都唔記得咗影🫣我男朋友就嗌咗半筋半肉麵，佢揀嘅係幼麵食落都煙韌韌咁，佢都覺得呢間餐廳都幾好，有質素，已經嚟第二次啦☺️另外都叫咗呢個滷肉湯青菜($28)食落個生菜都幾脆口，唔會話太老，同埋加埋少少滷肉汁喺上面，可以話係調到個眉出嚟！估唔到係平日夜晚都全場爆滿，我之前喺呢邊返工嗰陣係訂外賣有嘅仲會有discount添都真係幾抵食！

琴晚去尖沙咀搵食，嚟到呢間好多好評嘅餐廳嚟試一試佢！我地大約6點幾入座，去到唔使等位，七點左右開始就好多人啦呢邊係用手機落單嘅，所以唔使收加一服務費！🍚滷肉飯 - $32滷肉肥瘦相間，肉同飯嘅比例啱啱好，每啖飯都可以食到滷肉嘅油香👍🏻🍜三寶牛肉麵 - $125呢個價錢係加多咗隻糖心蛋&小食！糖心蛋醃得好入味，入邊非常流心。本身會擔心牛肋條會好韌，好多時出去食嘅牛肋條都係黐牙同埋好難咬，但呢度嘅牛肋條煮得好腍，而且大大條👍🏻🍜半筋半肉麵 - $133呢個價錢係加多咗隻糖心蛋&小食&飲品&轉麻辣湯底！真係超抵wo!!😆牛筋好彈牙，唔會好似煮到溶咗咁～呢個麻辣大概係三少辣嘅程度，食得辣先好叫呀！🧆涼拌麻辣豬大腸 & 麻辣鴨血豆腐 （半份）食完啲辣嘢，食個涼拌豬大腸都幾好👍🏻涼拌豬大腸我就覺得唔太辣，食唔到辣嘅人都可以試吓～🥤冬瓜茶配埋杯冬瓜茶可以解辣又解膩😋-總結：成餐兩個人食咗$290，食到超級飽！呢個價錢可以有兩碗麵、一個飯、兩個小食、一杯飲品，晚市嚟講真係冇得輸🤭

好耐冇食台灣嘢～今日帶大家黎到尖沙咀一間小店，即使平日夜晚都係滿座，門口仲經常有人等位，果然厲害🙌🏼餐廳採用木系裝修，聽聞老闆來自台灣，而招牌係牛肉麵，無落任何味精，湯底使用牛筒骨熬至少30小時。🌟三寶牛肉麵 $95 加溏心蛋+$12招牌紅燒牛肉湯麵系列絕對必試🔥！三寶牛肉包括牛腱、牛筋和牛肋條，紅燒湯底入味，可自選粗/幼麵底🍜，三款牛肉的口感各不同，餐廳仲有建議食法～加辣後更惹味，同時餐廳仲建議加醋，呢個配搭出奇地驚喜，食到最後令整體感覺冇咁漏，同時酸酸辣辣咁好開胃～🌟麻辣乾拌麵 $48加溏心蛋+$12麵條偏幼身，其椒麻味非常突出，辣味帶後勁🌶️，然後同青瓜絲撈埋一齊🍜，口感豐富同時惹味😋！另外加配咗溏心蛋🥚食落好似日本拉麵舖嘅感覺，有事先醃製過，咬開帶流心蛋漿，蛋味濃郁。🌟涼拌麻辣豬大腸 (半份)+$18 / 涼拌麻辣牛腱頭 (半份) +$18兩者是用同一款汁～豬大腸清得好乾淨無異味，同時醃得超級入味；而牛腱頭出邊好少見，食落爽口惹味😙🌟麻辣鴨血豆腐 (半份) +$28鴨血沒有腥味，豆腐索晒啲汁好惹味～🌟滷甜不辣 (半份) +$8口感煙靭，味道酸甜開胃。🌟皮蛋豆腐 $38豆腐霸氣地原

係香港有好多間台灣菜，每一間都各有特色，今次就去試試屢獲好評嘅「六兩三」😋去到就已經見到有一群外國人喺門口排隊，睇嚟餐廳都好受遊客歡迎👀👨🏼👩🏼餐廳唔算太大，但裝修就好有心思，有個水bar 位可以睇到店員煮食，而且有啲燈籠吊喺度，好似去咗台灣嘅夜市咁有feel🏮麻醬麵 $48 (加糖心蛋$12) 麵條係幼身個隻，唔好見到佢就咁一碗麵好似好寡咁，濃稠嘅麻醬加埋芝麻同青瓜絲撈埋一齊🍜令到成碗麵口感更豐富，冇咁單調，而且麻醬好香，簡簡單單已經好出色，餐廳仲附有「加辣」選項，應該會更惹味😋另外加配嘅糖心蛋好香甜🥚一咬開啲蛋醬係個口入面爆出嚟，成個口俾蛋醬「醬」住嘅感覺好正🤤麻辣鴨血豆腐 $48我個人比較鍾意食鴨血，因為佢冇豬紅咁容易散，更有口感，佢一份小食啲鴨血都幾大舊，連埋芫荽同麻辣汁一齊食，超夾😳不過最令我驚喜嘅唔係鴨血，而係匿埋咗喺下面嘅百頁豆腐，第一次食就已經愛上咗，因為百頁豆腐有好多層一絲絲嘅texture，所以成塊豆腐都完美咁索哂啲麻辣汁，超級滿足😋半筋半肉麵 $98終於嚟到今日嘅重頭戲牛肉麵啦😍因為我鍾意食牛筋，所以就嗌咗半筋半肉，佢啲肉就係牛腱🐮餐廳仲係牆上印咗食麵5 步曲，教

黎到尖沙咀搵野食，想食台式野就搵左呢間唔錯評分既試下~牆身有推薦食法，可以參考下~呢間係QR Code落單，好方便～麻辣鴨血豆腐，蜂巢豆腐吸晒湯汁精華，鴨血又滑又多汁，口感過癮！涼拌麻辣牛腱頭，粒粒有嚼勁，麻辣味夠晒香辣，好有辣勁！滷肉燙青菜，生菜熱辣辣，保持咗生菜嘅脆口同鮮，淋上滷肉汁一齊食，有少少偏油，唔太食得慣~三寶牛肉麵加滷蛋，嗌左佢地既招牌麵！配料有齊牛腱、牛筋和牛肋條，肉質口感偏淋身，紅燒湯夠入味，三款配材各有特色，最中意係牛腱～店舖推介食法，加牛骨髓入湯，令湯底更加還原台灣地道口味，加完之後湯底會香濃，同有少少辣～手打牛筋丸麵，中意食瀨尿牛丸一定要試！因為佢啲牛筋丸真係有勁多汁，而且又濃又入味，好有驚喜！一碗有成7粒，食起上黎好滿足，又唔怕分比人，而麵質呢碗揀左粗麵，係比較烏冬更煙韌既口感。溏心蛋，溏心好入味，好推薦加～檸檬冬瓜茶，一般冬瓜茶我都幾中意，加左檸檬之後，冇咁甜清新左，仲更加good!

最近搬咗去尖沙咀，試吓附近食肆，經過橫街中一間台灣食店，名字特別，於是入來一事。因為下午茶時間，比較少人，地方非常寬敞。座位雖然比較細小，但座位與座位之間有空間，舒服。全店裝修有台灣特色，加上台灣的流行曲播放，在店內感覺猶如在台灣。因為下午茶時間，兩個人淨係叫咗碗牛筋丸麵，小型滷肉飯，加幾款小食，以為樣樣細細碟，點知碟碟大大份，食唔晒。本來想試出名的牛筋腩麵，因為名字源自他們的選了，對牛筋腩嘅重量要求，非常特別。但因為朋友好想食牛筋丸，於是乎點了。以為普通牛丸，點知佢哋嘅牛筋丸超好食，彈牙，湯龍得好味，粗麵條也有道地味道。至於滷肉飯，好似醬爆滷肉飯，個飯成座山，又有半隻蛋，子薑，這個組合好好味。至於小食，甜不辣，同埋百折豆腐，加上特製醬汁，煙靭好味。特別推介皮蛋豆腐，以及辣辣豬大腸，兩款餸菜，一個清新入味，另一個喜歡豬大腸的人，絕對不會失望。至於佢哋嘅薑母茶，恰到好處，飲完暖暖哋，好舒服。雖然小店，但係店員充足，親切友善。

今日同屋企人在尖沙咀食台灣菜 呢間六兩三都幾有人氣🙌🏻😆 我地都叫左2個餐 當中包左小食 主食 跟飲品🤪首先係手打牛筋丸麵 因為之前見到其他post都蠻多人推介 😆湯底叫左川味紅燒 而麵底就揀左台灣粗麵 👍 牛筋丸好彈牙 食落口又唔會好有硬既筋 同埋都幾多汁 手打既果然係唔同啲既 😚 粗麵也很掛汁 整體上個湯味道剛好 唔會過油也沒有太咸另一個主食則是 三寶牛肉麵 🍜 三寶係指牛肉 牛筋 同埋 牛肚！ 滿足哂我地咩都想食既人☺️所有配料都非常新鮮 牛肉好鮮甜 🙌🏻牛筋都很好腍 牛肚也軟嫩可口🥹 大推呀！跟餐小食則是半份麻辣鴨血豆腐❤️喜歡它既麻辣後勁很香很重 😍 豆腐也夠軟嫩滑爽 鴨血也夠彈口！ 且大大舊好好食 其獨特風味令人難忘😚另一款小食則揀左涼拌麻辣豬大腸 豬大腸勁爽口 口感勁豐富 風味十足 鮮甜可口至於飲料方面 冬瓜檸檬茶唔會太甜 好解渴 飲落去好清新 仲點了 無糖白桃烏龍 飲落我陣陣芳香 滋味醇厚👍最後我地仲叫左 涼拌麻辣牛腱頭 同滷肉燙青菜個牛腱頭好腍身易入口 作為一個開胃小食一流青菜🥬上有啲滷肉 青菜好清爽！加埋滷肉就相益得彰 會推薦大家嚟呢到食台灣菜！

今日嚟到尖沙咀食台灣食物，因為天氣涼涼哋，想食下一些濃郁嘅台灣牛肉麵，去到門口嘅時候，見到好多人排隊，證明呢一間餐廳好受歡迎，而且呢間餐廳嘅服務質素好高，侍應好主動開口親切，非常有禮貌，有賓至如歸的感覺，同埋我都好認同佢哋嘅廚師好用心製作食物，每次幫襯嘅時候，我都一定會叫牛筋丸，佢哋嘅牛筋丸真係好好食，因為湯底好濃郁，每一個牛筋丸都係大大粒，好多汁，有非常濃郁嘅牛肉味，而且呢度仲有麵類，有湯飯，有唔同款式嘅小食，仲有飲品，都好友豐富嘅台灣特色，而且佢哋嘅紅燒湯底，辣辣地，真係好滋味呀，仲有三寶牛肉麵都係非常推介㗎，有牛腱，牛筋，仲有牛肋條，湯底都幾濃郁，而且牛骨味都好重呀，呢一度嘅裝修到好靚，衛生程度好高，所以我覺得好推介