老鳳冰室 (Closed)

原來葵芳開咗一間以由老香港懷舊風情為主題的冰室，裝修好鬼過癮，坐喺入邊又回到70 80年代老香港的感覺。餐廳仲播住好似許冠傑嗰啲舊歌，好鬼過癮。炸雞脾芝士保齡球：炸雞脾超大隻，炸得好味，芝士保齡球即將一個大包挖空中間放入芝士醬，包要熱的，特別好味波波冰鎮奶茶：好飲都港式奶茶，特別在冰全是奶茶做的，融左都唔會整淡奶茶味

行完葵廣，上網睇下附近有咩餐廳可以食下午茶，見到呢間冰食幾特別，裝修走懷舊主題，價錢又平，所以就行左過黎試下。間餐廳嘅佈置真係幾令好似六七十年代嘅香港 成個大backdrop 都係婚宴牆 設計嘅好有心思🙈👍🏻最好食係呢個蝦多士！🤤🤤🤤 $38 外層炸得超金黃香脆 內裡有一層厚厚嘅蝦膠 食落爽口彈牙 點埋旁邊嘅沙拉醬同埋沙拉一齊食 可以解解膩😝黑松露炒蛋多士 $38一上檯已經好香黑松露味！冰室用料一d都唔吝嗇 好多黑松露醬 而炒蛋又夠滑 蛋香味十足 配合松露簡直一流咁夾💓🥳蜜焦雞翼 $38 上檯熱辣辣，蜜糖均勻分布係炸皮上面，加上芝麻令雞翼更香口🤤 老鳳雞翼 $38 原來係瑞士雞翼 煮得夠入味😆佢d 飲品都好有特色 個樣令到可以打卡🤩 呢個雪糕紅豆冰 入面有成3-4 黎雪糕糯米滋 中間一層cream 下面係好多嘅紅豆 加鮮奶😆 紅豆份量好多 如果可以再多d 鮮奶就好 食到最尾全部都係紅豆 不過係正嘅🤪

今日經過呢間野門口，就比佢入邊既裝修吸引左入去～全間店既每個角落都充斥住舊時代香港既影子，非常有特色～呢到既奶茶口感幼滑，茶濃奶香，再加上兩粒奶茶冰粒就算飲到最後都唔會變淡～懷舊蝦多士，用料十足，蝦滑爽口彈牙，而且外層炸得非常香脆，建議沾小小千島醬再食～安格斯牛柳粒保齡球，唔洗加芝士醬都幾好味～雞排蔥油撈丁，雞排炸得乾左小小，味道不錯，蔥油既份量都岩岩好可以撈曬成碗麵，另外隨餐跟一塊多士，如果可以另外用碟上就會好d～

好立克特飲賣相睇落係唔錯，但係甜度略嫌高左啲，朋友叫左另一杯阿華田特飲都有同樣情況，所以建議落單嗰時記得嗌少甜！！黑松露海鮮炒飯炒飯夠乾身，粒粒分明；配料同成個飯既份量都比得足既，整體黎講不過不失。小食拼盤小食有四種，有泰式魚餅、炸春卷、炸雞翼同台灣腸。全部小食既味道整體黎講都算正常，係個魚餅鹹左小小，同埋雞翼個醬汁另上會好啲，價錢就稍微overpriced。而服務方面，出野算快，感覺同其他茶餐廳差唔多。

朋友住喺葵芳，佢推介呢間老鳳冰室，我記得以前呢頭都唔見有，可能係新開張無幾耐，一於去試一試😋成間餐廳以懷舊作為裝修主調，門口擺放舊式衣車、電飯煲同水壺做裝飾，充滿七八十年代既情懷。店舖內座位亦舒適，二人獲安排坐卡座。我叫咗個生炸雞髀焗飯，朋友就叫咗魚湯米粉。生炸雞髀焗飯好食，雞髀同焗飯分開上，雞髀炸得好脆，而且有雞味，唔似雪藏雞髀。但朋友嘅魚湯米粉就比較遜色，而且啲米粉份量好少，男仔食應該唔夠飽，同埋個魚湯都冇乜特別。

今天路過這間餐廳，發現別具特色，完完全全是老香港情懷的懷舊餐廳，真有趣，一於試試看。一步入餐廳，便看到昔日酒樓聯婚的牌扁，在另一邊的戲棚花牌更有趣，説道：「平常小食、普通飲品，鬼叫你窮呀、頂硬上」。然而今日看到餐牌上的餐點倒不是普普通通。一般的懷舊冰室的餐點大都主打常餐，而這一間幾特別，有新穎的波波奶茶、安格斯牛腩湯米粉、芝士撈丁和黑松露海皇炒飯等等，價格方面都幾大衆化。今晚想吃得輕怡一點，以黑松露蝦球炒旦多士和肉燥扒菜心作為晚餐。黑松露蝦球炒旦多士$58這蝦球炒旦多士認真大份，厚厚的多士烘得焦脆，炒旦滿滿的完全覆蓋多士。蝦球大大粒，蝦肉十分爽彈。而黑松露醬也絕不欺場，不是一小撮，整件多士都有黑松露醬。而且黑松露味道濃郁，加上炒滑旦，真好吃。肉燥扒菜心$22這肉燥扒菜心同樣地份量十足！菜心上鋪滿了香甜的肉燥，十分足料。肉燥肉質軟腍又濕潤，帶甜醬油風味，令灼菜心變得惹味可口，不錯。波波紅豆奶茶+$16這波波紅豆奶茶真好味！紅豆煮得甜香軟腍，有點起沙。奶茶茶香奶滑，加上奶茶波波保持奶茶冰涷，又唔會冲淡奶茶，相比紅豆冰無咁甜，是奶茶與紅豆冰的fusion版。我個人就十分喜歡。看看四週懷舊的陳

呢排呢間老鳳冰室俾人炒得好hit，因為佢入面係暑假玩嘢嘅懷舊風格咁肥雞不嬲都不輸後人㗎啦咁梗係又走去朝聖打卡一下啦。咁入到去呢其實嗰日就算係平日呢都坐爆咗人，睇一睇佢價錢牌呢所有嘢都唔貴！咁肥雞梗係嗌咗佢嘅冰鎮波波奶茶先啦！佢啲兵呢都係用奶茶做成所以就算用說呢一啲都唔淡！肥雞覺得呢個動作非常之貼心畀個戴帽子去呀咁樣撞呀肥仔就嗌咗蝦多士啦！蝦多士呢唔係間間茶餐廳都肯做鍾意佢啲蝦膠非常之厚！佢個多士又炸得好香所以呢一個簡直係誠意之作！肥雞畀滿分！之後肥雞再嗌咗個台式肉燥菜心佢啲台式肉燥非常之重口味呀菜心都ok身先啦 ！所以呢個配搭都唔錯再嗌多個滑蛋黑松露蝦多士處理得非常之出色我諗佢應該加咗啲牛奶同埋好香牛油味,仲有少少蛋漿嘅感覺！呀感覺呢呢真係非常之欣賞嘅 咁之後再嗌多個黑松露炒飯啦其實係海鮮配料嚟嘅但係我覺得佢嘅黑松露醬先係重先係重點佢嘅黑松露唔係話非常之多有少少微微嘅香氣反而令肥雞食得冇咁辛苦 配埋肉燥食簡直係一流呀跟住然後呢再嗌多咗個 芝士炸雞翼撈麵咁佢個雞翼呢同麥當勞嗰啲差唔多啦但係佢個芝士汁一杯買撈麵食呢就係非常之香口嘢啱曬肥雞的一啲細路仔口味嘅人

今次係肥妹仔第二次去食呢一間叫老鳳冰室，餐廳係行搞鬼嘅主題路線，周圍嘅裝潢都好得意，好似去咗舊時香港咁樣，而且佢嘅裝修都有一啲好搞笑鬼嘅口號，標語，真係未食坐低慢慢欣賞消磨時間呀。蒜香排骨沙律呢一個蒜香排骨沙律好好食。佢嘅蒜香骨炸得香脆，蒜香味好濃，而佢嘅沙律係一啲水果，薯仔同埋紅蘿蔔撈沙律醬食落去好開胃，酸酸甜甜。蝦多士呢個蝦多士真心不錯，佢嘅蝦肉係好厚，多士炸到脆卜卜，但係又唔會好油膩，蝦肉爽口彈牙，正。肉醬撈菜心食咁多煎炸嘢梗係要叫返個菜平衡下啦，佢嘅菜心好爽口， 而個肉醬非常濃味，撈埋菜心一齊食好送飯。炸雞翼撈芝士麵極度邪惡，雞翼炸得好香脆，芝士撈麵點都唔會難食。黑松露海皇炒飯呢一個黑松露海皇炒飯真係好好食，佢嘅黑松露醬好多，未食已經聞到好香，而且有好多海鮮料，有墨魚，帶子，蝦等等，食落去一啲都唔齋。炒飯炒到粒粒分明， 水準好高。波波奶茶波波紅豆奶茶

「家陣老奉㗎？ 」這句藏於塵封記憶的句子，由貓人踏入葵芳的「老鳳冰室」開始，突然從腦海閃出來！滿眼是70至80年代的懷舊風佈置，立體的柴油式火車、爛gag「史廖聯婚 」的婚宴龍鳳牆、富幽默感的職場木蘭辭、充滿玩味的粗口諧音標語、還有《乘風破浪》的勵志歌......讓貓人彷如跳入時光機，回到過去。餐牌以舊信封概念來設計，相當有心思。備有各傳統茶餐之餘，也有數款創意菜式。蝦多士彈牙有咬口，惟多士皮炸得較乾身啡黃，伴以有千島醬及沙律，各適其適 。肉夾膜內含紅椒及豬肉燥餡，一咬爆汁，微辣香口！豬頸肉芝士撈丁與豬扒芝士撈丁，連牛油多士，份量少兼重口味！特色飲品雪糕紅豆冰與飛仔華田，各插上威化啤牌一張，打卡指數極高，即時賭神上身互鬥一番！

由深水埗開到黎葵芳既老鳯，主打懷舊，裝修及佈置都極花心思，入到黎彷彿回到六七十年代。餐牌主要都系一啲懷舊或者具有特色既小食，例如黑松露炒蛋多士、蝦多士等都系深受大眾歡迎。蝦多士(hkd$38) 外層炸得金黃香口，裏面包住滿滿既蝦膠，食落爽口彈牙，蝦味濃郁，配上沙律醬一齊食會更滋味。另外，仲附上一份雜果沙律，應該是想中和一下煎炸那份油膩感吧(´･_･`)！肉夾饃(hkd$38) 網上對它評論十分高，所以點都要試下。香軟鬆口既麵包，夾住自家炒製既肉碎，再撒上一些辣椒、香蒽，顯得十分惹味٩(˃̶͈̀௰˂̶͈́)و！黑松露海皇炒飯(hkd$69) 比想像中還要好味！用黑松露炒出黎既食特別香口，而且海鮮材料充足，絕對貨真價實♪(´ε｀ )！懷舊雪糕紅豆冰(hkd$28) 呢杯紅豆冰除左外貌吸引，材料仲相當豐富，系用雪米滋雪糕、忌廉、鮮奶及大量紅豆蓉製作而成。飲落比較甜，但只要配上食物，甜度是可接受的。波波奶茶(hkd$14) 呢度招牌之一。特別在於佢既冰粒都系以奶茶凝固而成，就算冰粒溶化都吾會對奶茶嘅味道受到太大影響，而且價錢便宜，性價比十分高！最後，以晚餐黎計，食左咁多特色小食及飲品，除翻開每人一百都吾洗

我係睇左一條關於飲食餐廳背後嘅小故事🥺而黎嘅一個觀眾。睇個陣除左俾老鳳冰室呢個故事感動到之外，佢有介紹過呢間餐廳嘅野食，😋我覺得都幾有創意，同埋感受到佢嘅熱誠，所以就好想黎呢到試。💪🏼今日都係咁岩係呢到附近睇戲，先可以有機會黎食到，😩因為佢得深水埗同葵芳兩間店。黎到已經俾佢嘅裝修感染到，好似置身於舊香港咁，懷舊冰室嘅感覺。😘⭐️波波冰鎮奶茶奶茶迷一定要叫啦，濃濃嘅奶茶，冇冰溝淡味道！❤️⭐️紅豆冰超多紅豆！大滿足。⭐️蝦多士⭐️焗茄茸豬扒保齡球⭐️個包本身都好脆好香，但又唔會抽乾水咁，食落好有pizza 嘅感覺！入面仲有一層飯，所以都相當飽腹。另外有一碗芝士汁。⭐️肉燥鹽酥雞扒飯呢個好大份！抵食！

食飯黎講，對我並唔只係要好味道咁簡單，服務環境感覺都要係計算在內而老馮冰室真係夠曬「老」，係老香港嘅味道呀！咁有老香港嘅感覺，令我地一入餐廳已經好有共鳴又周圍影下相，其實心情都已經好左肉燥扒菜心身為港式餐廳，但台灣菜竟然做得好出色，肉碎完整，有口感又夠入味，味道偏甜，配上菜心都帶出到菜嘅清甜，佢d菜本身都好大條，呢個整法唔錯大肉夾鏌呢個好似刈包咁，係果個整法，包都係果個口感，煙韌d，不過無左肥豬肉香菜，轉左做肉燥同香蔥，少左份油膩感又無咁重口味，入門d影接受d大黑松露炒蛋多士好足料，蛋都算滑，如果香味再出d就更好喇芝士豬扒撈一丁呢個比較重味，鐘意食淡味嘅朋友可以試下其他野波波奶茶＆飛仔華田估佢唔到，係相當出色，好滑身，好邪惡，忍唔住係咁飲但又覺得好爽好嘆好有味道嘅餐廳

唔好因為冰室依個名就覺得入邊嘅嘢好貴，其實入面所有嘢食都好平民價，冇想像中咁貴，而且質素好好，服務態度亦都唔錯🙌🏻😚呢個係蜜椒雞翼，即叫即整，熱辣辣，而且最鍾意佢隻蜜糖味😙呢個係蝦多士，正正常常冇咩特別啦。呢個係豬扒保齡球，真係超飽，保齡球係一舊圓形嘅包，但係入邊亦都藏着炒飯，另外再有一碗芝士汁俾你點着食，一個人認真食唔晒，可以兩個人share！😊😊整體來講如果share食嘅話其實平均每人都係$40-$50，以咁嘅價錢食到咁高質素嘅嘢其實都已經好抵食！再加上服務員態度非常之好，大家可以黎試下呀！

感覺似乘搭咗時光機回到70年代， 裝修充滿懷舊香港物件， 龍鳳大禮堂 、 開張花牌 、郵箱 、 戲院等， 靚靚懷舊的打卡位 ， 餐牌造型是一封郵件， 設計創意和有趣。芝士豬頸肉撈丁$48半溶芝士鋪滿在公仔麵上， 豬頸肉 大大片， 分量多， 入口爽口彈牙， 每條麵都掛滿香濃滑溜芝士 醬汁， 邪惡又好味， 真是最佳拍檔。炸蝦多士$38多士外皮炸到金黃香脆， 裏面夾住彈牙的蝦膠， 配埋沙律醬或雜果， 更加滋味。花雕醉雞飯$49 醉雞入口嫩滑， 充滿淡淡的誘人酒香， 白飯足2人份量， 飯面上有芝麻粒及木魚碎， 好味道。肉燥菜心$22 菜心鮮甜嫩口， 肉燥鋪滿菜心上面， 令菜心鮮甜提升， 好搭配 。雪糕紅豆冰(餐+$16)紅豆大大粒起沙， 口感綿密， 杯面鋪滿忌廉 ， 配上一塊白朱古力造成的啤牌，造型吸引，更有三粒雪米糍， 抹茶及雲呢拿口味， 材料好豐富， 滋味大滿足。

近年多左好多冰室但係質素都好參差今次食到間幾有誠意.一入到黎擺滿懷舊裝潢仲有d搞笑既廣東話牌基本上未食已經有野影.一場黎到梗係叫個特飲啦飛仔紅豆冰同飛仔華田紅豆冰既紅豆夠軟用雪米糍唔用雪糕好好溶左都冇即時令杯野變味飛仔華田比一般華田濃(最怕一飲好淡,佢好足料)又有蜜糖星星重點兩杯都有米紙啤牌食得又睇得~ .講返食物我地叫左個小食蝦多士蝦多士有8件仲有沙律送炸得好脆又唔厚粉食落唔會蝦同包分開主食我地就叫左豬肋骨配麻醬意粉冰室有豬肋骨食已經好神奇仲要幾入味同肉質都幾鬆軟不過少辣同平時果d BBQ醬唔同麻醬意粉好新奇麻醬平時多數配粉皮食點知加意粉效果又幾夾.整體黎講呢個價錢有呢個質素都幾高分!!