老鳳冰室 (Closed)

走懷舊裝修路線，室內有不少陳設，近年不少餐廳也是這樣。座位都算幾寛闊，乾淨，menu是用信封做，幾攪鬼一行4人，叫了個豬手，鰻魚飯，蝦多士，焗海鮮保齡球。豬手似德國豬手做法，外面炸烤過。皮脆肉都腍，水準之作，可能汁分開裝會好啲。份量夠大，男人食都夠飽。鰻魚飯醬汁唔錯，好香，鰻魚腍而鮮味。加埋滑蛋的飯，個人覺得飯粒偏軟唔夠口感。但呢個都算唔錯。再來是芝士汁海鮮，賣相吸引，味道不錯。芝士汁味道濃淡剛好，海鮮都有少少鮮味，麵包夠軟熟，一齊食好好味。呢個應該係必試菜式!但講到蝦多士，一上枱便覺得炸得over咗。麵包內似蝦膠，唔係一般的蝦多士做法。食落口感膠到有點硬，亦沒有蝦的鮮香味。紅豆冰好得意，有張啤牌做裝飾（應該唔食得）。cream好多，紅豆夠腍，仲有2粒細的雪米磁，好足料! 整體價錢合理，份量夠。而且周邊應該比較少呢類特色餐廳，值得一試。

唔去唔知、原來葵芳呢邊開左呢間咁有得色的餐廳裝修別出心裁用舊式酒家婚禮時有個龍鳳大紅做佈景連個餐牌都好得意，用信封樣式去設計。食物都多款，點左超級邪惡既雞脾保齡球 仲有芝士豬頸肉公仔麵，全部都是芝士芝士仲有飛仔華田。名字特別，造型設計又有woo 有張啤牌放在杯度⋯⋯食得架葵芳朋友得閒就去會下呢間啦

就快要搬家，近日忙著裝修的事情，十分煩躁，還好有朋友仔陪伴晚餐，說說是非，渡過一晚，我們點了一個芝士豬頸肉一丁，好味一丁跟佩了一塊厚多士可以沽芝士同吃，一個芝士炸雞脾農夫包，農夫包同炸脾也是熱同脆的，一杯奶茶， 就是普通奶茶，同一杯飛仔華田，因名字特別，所以試試，原來是加了cream的華田，其實餐牌上仲有其他美食也想一一 品嚐，但可惜胃只有兩個餐廳食物味道不錯，算是有心機的茶餐廳，也十分好拍照，兩人大约晚餐$140，價錢可以

唔想次次放工食葵廣，所以就行遠少少去食老鳳冰室。呢間冰室好有特色，裏面既佈置全部充滿濃厚既舊式香港情懷，連食物名都係有趣過人。 我地先叫左個芝士大蝦球濃茄湯通粉跟奶油豬 ($58)。通粉賣相吸引，面層有一大片溶左既芝士非常香滑😋。因為佢本身係配蕃茄湯底，而個湯底本身夠濃郁，所以食落去唔覺得肥膩。至於個大蝦球好大隻又夠彈牙，扭扭通粉索滿蕃茄濃湯，認真好味！.個奶油豬外脆內軟，滿滿嘅牛油香，加上香甜嘅煉奶，配撘一流。.跟住再黎埋個蝦多士 ($38) 。蝦多士好大份，層蝦肉好大好厚，而炸粉個層好少但係夠哂脆口。配埋佢個沙律醬，真係冇得輸。.我地亦叫左另外一個小食老鳳雞翼 ($38)。佢其實就係瑞士雞翼，都有5，6隻，好夠味唔肥，正。.飲品就叫左薑檸樂 (跟餐+$14)同忌廉哥溝牛奶姐 (跟餐+$14)。薑檸樂好正因為佢夠哂薑，啱哂想作感冒既我。另外個杯其實就係忌廉溝鮮奶，口感非常香滑。 我覺得係度食野除左啲食物好食，個氣氛同感覺都好正。

之前喺深水埗行過見到呢一間冰室嗰時已經覺得好得意 但冇入去試點知今日竟然喺葵芳見到 諗都無諗就同朋友走咗入去食餐廳四周圍都係打卡位 成間店嘅裝修都好有香港80年代嘅特色 香港舊式茶餐廳 餐廳背景仲會一路播住好出名嘅舊歌 非常有趣呢間店唔單止靚到可以狂打卡 食物質素重好唔錯 不論係佢嘅黑松露炒蛋多士 定係佢嘅芝士撈丁 都非常好食黑松露醬唔會姑寒，比左好多，連埋蛋同多士omg芝士汁甜甜地咸咸地勁正！唔多地方有呢個食喇而家！老鳳雞翼醃得好入味，勁juicy！另外值得一讚嘅係 佢嘅雪糕紅豆冰外型睇得又食得 朋友非常鍾意 有得舒服坐底打卡 又唔會限時價錢仲非常親民 重平過喺葵廣掃街下次去shopping完 行過少少就有得慢慢嘆搵日一定要帶班外國朋友嚟試一試

今日約左朋友去葵芳行街行到攰就打算係附近隨便搵間餐廳去吃飯🤗係旁邊既廣場發現左一間很特別既冰室叫老鳳冰室 裝修好靚✨好有老香港特色♥️所以我同朋友就直接去試下🤤餐廳係走香港80年代既古典風格🇭🇰就好似返到80年代咁🎞聽下懷舊老歌 食住茶餐廳既特色小食 就好似電影裡面既主角咁🙊哈哈老闆係裝潢方面真係超有心思👍🏻食物方面我地點左一份招牌黑松露炒蛋多士炒蛋好滑 上面落左香噴噴既黑松露 再配上鬆脆多士 超級好食啊🤤我地另外再點左一份芝士豬頸肉撈一丁芝士香濃 豬頸肉煎得岩岩好 十分香口小食我地揀左老鳳雞翼🐥好入味 偏咸 岩哂重口味愛好者我們另外再點左兩杯飲品一杯係皇牌波波奶茶 奶茶香濃 好飲另外一杯係雪糕紅豆冰 超有香港特色性價比高 下次有機會一定會同朋友再黎😊

之前見到這餐廳外部裝潢已經覺得很有趣，今次就抽時間來一試～餐廳內部裝潢都好有趣，好像分了幾個區域一樣，有火車站區、大酒樓區等等。而且牆上的文字都是一筆一筆自己畫的，覺得很花心思！和朋友點了一些小食做下午茶，包括很有驚喜的黑松露蛋多士、肉夾饃和飛仔華田～這黑松露蛋多士是充滿黑松露的！看到嗎？超多！而蛋是滑蛋，加黑松露一起吃是充滿香氣和軟綿綿的，很喜歡！不過覺得塊多士烤得不夠脆，美中不足～飛仔華田，完全是被名字吸引而點的，不過就是凍華田，覺得還好。肉夾饃，個人很喜歡吃刨包，所以對此菜都有點期待。味道方面個個覺得肉餡有點咸，同時左右包的肉份量不勻均，令一邊的包很足料，另一邊則很少餡料～但整體都覺得不錯的。

第二次去食對於葵芳嘅老鳳冰室，去葵廣唔食小食其實都有其他選擇。今次星期一7:30去，人流冇上次咁多，兩個人可以坐四人卡座，坐得比上次舒服好多😌。第二次去，當然要點d上次冇食過嘅嘢。蝦多士（$38）蝦多士炸得香脆唔油膩，但一定要點上中間的千島醬，酸酸甜甜，點埋食冇咁乾之餘味道會豐富d。蝦膠唔算薄，但未夠彈牙🍤。中間仲有一碟仔沙律，味道都都算係咁啦。安格斯牛腩撈一丁（$48）個麵跟一塊牛油多士🍞，多士烘得香脆👍🏻。麵嘅醬汁份量唔少，味道香濃帶微辣🌶。牛腩大約有六件，還帶有牛筋，同樣入味濃郁，口感軟腍但未夠嫰滑。公仔麵煮得有點腍🍜，重口味的邪惡組合，味道還算不錯。焗茄茸豬扒保齡球（$68）豬扒鬆軟入味，而且有三塊，好夠食🐖。大型豬仔包內仲隱藏咗d飯，加埋芝士同番茄🍅一齊食，味道真係唔錯，但飯就真係得兩啖🍚，比較少😂。豬仔包焗得鬆脆唔死實🍞，重點係加埋個流心芝士汁落去，有芝味又唔會膩🧀。唔夠芝士汁仲可以問店員拎多一碟仔，清晒成個包冇難度啦😆🤘🏻！飛仔華田（跟餐加$14）飛仔華田味道濃郁🍫，忌廉輕盈像泡沫，上面還加有朱古力脆片，層次感豐富，好好飲呢😋

A local Cha Chaan Teng locates at the neighbourhood of Kwai Fong, the old-school decor makes you feel like you’re stepping back to the 70’s Hong Kong.We came here at the weekday’s tea time, and we ordered:-Salted Egg Yolk French Toast (HK$28)👍👍👍👍The French toast spread a layer of salted egg yolk custard, how evil it was!--Iced Red Bean Milk Tea (+HK$16)👍👍👍👍Milk tea plus red bean, what a great combination! Just simply like the sweet bitter taste. There’s two frozen milk tea ice balls that kept

今日下午去開葵芳見客，同事話想去我之前介紹過的老鳳，食埋晚飯兼打卡，又好啫，反正未食過晚餐，可以試試佢。晚餐由四十幾蚊至一百蚊左右，「癲嗱」係加錢先至有嘢飲，冷熱飲品加5蚊，汽水加6蚊，特飲加14-16蚊，豐儉由人。我叫咗E餐『鐡板黑椒汁脆皮豬手配飯』加配波波紅豆奶茶冰。脆皮豬手鐵板上，唔算好大隻不過我都食唔曬要打包。 伴碟有大大件翠玉瓜、車厘茄同洋蔥，底下仲有幼滑薯蓉添。黑椒汁另上，可以隨以自己心意淋上面，好貼心，值得一讚。白飯份量都好多架豬手皮炸到卜卜脆，而肉質又保持到軟嫩有肉汁好味。同事叫咗『咖哩海鮮軟殼蟹竹炭三文治配薯角』加配波波冰鎮奶茶。擺盤都幾靚啊薯角又香又脆，點茄汁食就最夾嘞。烘到微脆的竹炭方包夾住軟殼蟹同新鮮生菜，連埋香噴噴咖哩汁，好麵包香脆，生菜爽脆，軟殼蟹酥脆，口感夠曬複雜但係好好味，同事讚不絕口波波奶茶冰粒好正，不會像普通冰溶解後溝淡茶味，反而令杯茶越飲越有味紅豆又腍又甜又香波波奶茶亦係一樣好夠茶味食唔曬要加2蚊打包，連外賣膠袋都好有特色，好靚

呢間喺屋苑商場內嘅冰室, 以舊香港作主題, 一入門口就見到舊式茶樓嘅經典金色龍鳳。雪菜豬扒上海湯麵 跟肉夾饃 $38 上海麵煮得很軟身。 肉夾饃夾著炒香肉碎、蔥花仲有辣椒, 辣度不輕。跟餐+$16可轉懷舊雪糕紅豆冰 底層紅豆很有顆粒感, 紅豆冰上有一層厚厚嘅白色忌廉, 上面放上3粒迷你雪糕糯米糍。寶雲酥燒羊扒伴配薯角 $108 燒羊扒用鐵板上, 羊扒沾滿麵包糠, 熟到十成熟, 食前先切走邊位夾雜油與筋的部份, 餘下羊肉部份完全唔騷。

店舖設計懷舊有特色，香港元素味甚濃，而且有立體壁畫小火車，舊式信箱等等..... 目不暇給。波波紅豆奶茶: 冰粒是波波型的，連冰粒都由奶茶冰起的，十分講究，而且頗有特色。雞翼雪菜上海麵: 湯底濃，跟普遍茶餐廳的雪菜米有點不同，感覺多了份要求，不過略嫌油膩了一點，整體總算不過不失。紅腸炒蛋多士: 紅腸煎得不夠香口，感覺太實一上枱已有點涼了，另外個炒蛋更煮得有點老，味道不夠，敗在個炒蛋上。多士就只是多士平平無奇。餐廳勝在價錢合理，而且擺設很多讓你眼花撩亂，只是座位及枱有點窄，兩個常餐都已經沒有足夠位置放下。總括而然，是值得一試的茶餐廳。

放工諗唔到食乜，友人提議食呢間。好耐之前係深水埗食過一次，好正，諗住尋回之前既味道😋入到去，都係熟悉既懷舊裝修，好得意😎睇完一輪menu，由於我地兩個都算超餓，嗌左一個撈丁同一個保齡球share食。芝士雞翼撈丁黎先，個芝士醬係好滋味既😋份量亦都剛剛好。不過雞翼就炸得有啲過火，乾左啲。本身想食芝士海鮮保齡球，不過想試多另一隻味，所以嗌左茄汁豬扒保齡球。不過有啲失望，塊豬扒好乾😓入面仲原來有飯，好彩唔多，不過無乜味。個保齡球包，個蓋有牛油，好食，但個底就.....Overall，尋不回先前的味道，失望🤦🏻‍♀️

行完葵廣 就過黎食個tea hea 下 呢間老鳳冰室唔錯 有gimmick 餐態環境餐牌都似足懷舊餐廳 可以打卡之餘 食物味道都唔錯沙爹牛肉湯麵 配備3.6牛乳蛋多士沙爹湯味濃 牛肉好入味 而3.6牛乳蛋多士好香滑 Good 芝士汁撈一丁 一大堆芝士醬淋係上面 芝士味十分香濃 撈曬成個麵都夠 好吸引 蝦多士 多士外層炸得好香 內裹蝦肉又厚 爽口彈牙 啖啖肉 好滋味黑松露炒蛋多士 炒蛋炒得好嫩滑 又有好多黑松露醬 配上外脆內軟多士食 豐富口感 好滿足蜜焦雞翼好出色 雞翼炸完外皮有啲脆 而雞翼肉依然嫩滑 口感十分豐富 加上蜜糖味濃 好正波波紅豆奶茶 紅豆煮得香甜軟腍 奶茶香滑 而波波唔係普通冰 而係奶茶波波 咁樣慢慢飲都唔驚會稀左飛仔華田 濃濃的華田上面有忌廉同可可片 仲有可食用既啤牌 好似食緊威化餅 哈哈

Got off work and called my buddy to have dinner at Kwai Fong area. Heard that there is this popular & unique Hong Kong style cafe nearby Kwai Chung Plaza, so decided to give it a try.It was on a Tues and around 19:00, and it’s all packed with customers. The renovation is very old school. There are a lot of decorations that reminded us of our childhood. Food choices are so much different from normal Hong Kong style cafes. A lot of choices from the menu are like fusion dishes.We ordered their