老鳳冰室 (Closed)

今日同朋友出葵芳，話有間懷舊餐廳幾正，帶我去試﹗一入餐廳，完全係舊香江情懷既佈置，懷舊味十足既舞台劇廣告牌、有舊信箱裝住餐牌、舊鐵閘、中式婚禮背景版……連音樂都一直用舊廣東歌，正﹗除左外在裝潢引人注目，啲食物都有料到架﹗今日晚餐係日式咖哩蒲燒鰻魚蛋包飯，餐飲加配左波波奶茶。估唔到個炒蛋咁有驚喜，夠晒滑，配埋咖哩完全將個飯昇華左一個層次。原本就咁聽個名，以為波波奶茶又係公廁珍奶，上到枱竟然係波波奶茶冰﹗﹗﹗將奶茶雪成冰，就唔會因為冰溶化成水而影響口感味道。細心，加分﹗凍奶茶既口感有啲似荼走，做到香滑而不膩，再去食都一定會點。另外叫左個芝士豬頸肉撈一丁，算係對得住價錢。碗麵有4-5舊豬頸肉，都算厚身唔係巧手薄片，咬落都有啲肉汁。個芝士醬幾值得欣賞，就算攤凍左都唔會硬成一舊舊，亦都無奶粉味，感覺係足料芝士，但$48一個公仔麵就未必下之會再食。如果係芝士迷就一定要試一試﹗我地仲點左泰式蝦餅，個底有柚子味沙律，清新解膩。主角蝦餅都幾厚幾足料，味道都唔錯，食到有加入蟹肉，幾彈牙，但得兩舊，多人飯聚就好難分黎食。總括黎講呢間餐廳都值得推薦，食物有質素，裝修都好靚，好岩同爸爸媽媽一齊話當年﹗

之前同朋友出街食飯，見到呢間冰室入面啲懷舊香港嘅裝修好靚好吸引，所以就決定入去食飯。雖然我地得4個人，不過個個都好肚餓，所以就叫咗好多野食。 我地一坐低就先叫幾杯凍飲，我自己就叫咗杯凍奶茶，都做到正常發揮，唔錯！另外三個朋友都有叫到波波奶茶、紅豆冰同雪糕紅豆冰三杯特飲，三杯嘅賣相同味道都幾好！ 我地首先叫咗個大黑松露炒蛋多士，佢啲黑松露同蛋多到瀉，啲料落得好足！ 跟住係蒜泥翠瓜，好香好入味！ 我地之後叫左個芝士豬頸肉撈一丁同芝士大蝦球濃茄湯通粉，呢兩個真係冇得頂！ 芝士豬頸肉撈一丁入面芝士嘅份量真係好多，加埋呢個調味好足嘅豬頸肉真係好正！ 芝士大蝦球濃茄湯通粉入面嘅番茄湯真係好入味好濃郁！ 之後叫咗個口水雞飯，口水雞嘅辣度適中，唔會話太辣，唔係好食得辣嘅朋友都可以試下！ 最後我地叫左個焗芝士海鮮保齡球，入面有蝦、魚柳同蟹柳等等，啲海鮮料落得足之餘，味道都好好！ 總括而言，呢間冰室 嘅食物選擇多，質素高，以後都會推介比我朋友同屋企人一齊嚟食！老鳳冰室  葵芳榮芳路9號恆景花園恆景商場地下G13號舖

住係葵芳依個葵食集中地，平時都係去葵廣、新都會食野，不過食左咁多次都厭，今次就同女朋友行遠小小，去左恆景商場食晚餐，行到黎之後、見到有間主打懷舊港式茶記幾特別，就入左依間老鳳冰室試試 。依間老鳳冰室充滿70年代風格既裝修，如果鐘意打卡，我諗依間冰室絕對岩你。連張餐單對特別地以信封黎做封面。剩係裝修都睇得出老闆既心思。不過依間野，絕對唔只裝修有心機，連食物都整得十分有心思。首先我地食左個蝦多士，多士好細心咁黎到已經分成8分，可以睇到內裡啖啖肉，食落內軟外脆。然後我就食左個黑草露海皇炒飯，我自己就對炒飯好高要求，因為炒飯炒得好其實唔易，咁食依個炒飯我自己會比8/10分。首先佢炒到粒粒分明唔會太濕，食落去係啖啖都有黑草露味道，而且黑草露又唔會搶晒其他海鮮既味道，真係有d意外。最後黎到冰室梗係要試下佢地既茶啡，我就試左佢地既冰鎮波波咖啡，一黎到係估唔到上面有cream，飲落十分有茶味，最重要夠凍，感覺好似飲緊星巴克既星冰樂，但價錢係佢既1/3炸！

Got off from work around 19:00 the other night, and decided to have dinner before heading home. Heard about a lot of good comments on this HKG Style Cafe at Kwai Fong, so went there for dinner.It’s about 19:15 when I arrived at the Cafe, and it was fully packed. Since I was by myself, so I got available very quickly. First thing I noticed is the decorations. The Cafe is decorated with old school theme. Such as different items and signs which you found in the past. Their food choices are a

話說，今日去開葵芳買啲野，之後就醫肚，掃街掃得多見有啲悶，就搵左一間附近嘅冰室試下。冰室俾我嘅印象都係食啲頹野，發漲嘅湯意粉，三文治等。但呢間幾有gimmick，剩係裝修已經好吸引人瘋狂影相，真係好盞鬼呀講返食物先，呢到唔係成傳統冰室嗰啲頹野有好多新穎嘅菜式首先黎個普通啲嘅，雞扒撈丁丁麵唔會煮過龍，xo醬好香，雞扒外脆內軟好鬼正黑松露滑蛋多士，我想講，首先個滑蛋真係好滑但又唔會太膩，加埋黑松露恰到好處，最正係個多士，唔知佢點樣可以整到個包外脆內軟！係真係好軟，係控制火候剛好，一定要襯熱食海鮮保齡球，係我朋友食，佢就話好正喇，海鮮足料，仲有花枝片最經典係呢杯飲品，波波奶茶睇得飲得又玩得講返杯茶，茶奶比例適中，香滑而波波奶茶嘅波波係用奶茶整嘅冰飲到最後我篤爛左佢，變成左奶茶沙冰咁正總結，呢到除左食物好食，員工態度都好好。我仲有好多野未食，一於下次再黎

之前有睇開飲食專欄，都知依間茶餐廳既老闆對食物款式味道以及環境都有ㄧ定既講究。所以一直想嚟試下,這一次終於約到朋友去試下。ㄧ到門口,我地就比餐廳外面懷舊裝修吸引,非常有心思,我地都拍左幾張相先入去。而裏面環境就更有懷舊feel 六,七十年代生鬼既佈置,睇得出老闆既心思。跟住我地分别叫了以下東西:主食:安格斯牛腩撈一丁 (D牛肉真係好淋,好入味,有少少ㄧ咬即溶既感覺, 個餐跟埋多士,真係可以連汁都撈埋。)台式肉燥生炸巨型雞脾飯 (多肉燥醬而且好好味,酸酸甜甜送飯一流,再加埋隻炸脾,真係滿足到我既食肉獸朋友呀。)日式珍寶原條鰻魚蛋包飯(雖然依個係套餐裏面最貴個餐98蚊連普通嘢飲, 但驚喜就在於原條鰻魚上,重有埋厚滑蛋底, 性價比係其高, 而且味道跟高檔次日本餐廳冇太大分别, 超滿足。)小食:蝦多士 (手工野, 吾係好多茶餐廳有得食,而且陷多, 食落口感吾錯, 用嚟配搭酱又幾好味。)大黑松露炒蛋多士 (起初以為會得好少黑松露, 嚟到見到成個蛋面都係, 噤ㄧ定實好食啦!)特飲:波波奶茶 (茶同奶味配搭得吾錯, 最特別既係連D冰粒都係奶茶, D味吾會越飲越淡。)巨峰梳打 (估佢吾到依杯野又幾清甜

忙足一星期，終於悠閒少少，可以偷走一下嘆個tea，近近地落葵芳都好多好野食，除左葵廣，附近都有d特色餐廳架~每次經過呢間老鳳冰室都比佢既懷舊裝潢吸引住，可惜無時間入去坐低嘆下，今次終於可以下午4點幾，嘆反個下午茶餐先~原味波波冰鎮奶茶 跟餐+$14呢度其畫款招牌菜，奶茶入面既冰唔係普通冰，而係用反奶茶去雪既冰波，所以杯奶茶飲到尾都仲係咁香濃~懷舊雪糕紅豆冰 跟餐+$16紅豆冰上面唧上忌廉，雪米池代替雪糕，再加上啤牌裝飾，上枱時店只細心提示啤牌係食用糯米紙做，會溶，要食左先~好飲又有特色~蝦多士 $38蝦膠釀入白方包再炸，外脆內彈，可沾旁邊既沙律醬食，酸酸甜甜，配沙律同食，減少膩感~安格斯牛腩保齡球牛腩選月安格斯牛，牛味特別濃 ，將飯讓入保齡球般既豬仔包，加上煮好既牛腩，芝士去焗，賣相吸引，別具特色~蜜焦雞翼 $38雞翼炸得脆卜卜，外面掛滿甜甜既蜜焦汁，小朋友至愛~

芝士豬頸肉撈一丁($48)-芝士味好濃，而且仲有好多豬頸肉，出前一丁都唔會好乾，中意食芝士嘅人一定唔可以錯過呢個！焗茄茸豬扒保齡球($68)-呢個保齡球真係好特別，入面有飯之餘，啲麵包仲可以點芝士醬黎食，個包有牛油之餘仲會烘過，完全唔係hea做架！肉躁扒菜心($22)-雖然話菜心好難會有咩特別，但冇諗到原來肉躁配菜心都好好食，而且佢地整出黎嘅菜心較為軟身，個人都會推薦！飛仔華田(跟餐+$14)-呢杯華田完全係認真特作，cream嘅份量十足，而且上面仲有啲朱古力脆片，一定要飲呢個！招牌波波冰鎮奶茶(跟餐+$14)-呢杯呢茶嘅奶味較重，個人都推薦呢杯大推嘅飲品！至於環境方面，呢間鋪嘅設計完全係懷舊港色風，店內都有好多打卡位，又睇得又食得！

這天朋友相約與葵芳吃飯，朋友已有多年沒過嚟香港，這次他希望尋找一些他的兒時回憶，這是朋友就選擇了一家充滿懷舊味道的餐廳，餐廳位於葵芳， 距離鄰近地鐵站葵芳地鐵站，路程約需五分鐘左右，地理上還算方便。餐廳還算有特色，同樣地的古色古香，懷舊味道十足，加上餐廳配搭自己的名字，內裏卻充滿歡樂。叉燒煎蛋湯意粉跟合桃莎莉蛋糕， 沒想到最驚喜的不是舖內的裝橫，而是廚師們的刀工，合桃莎莉蛋糕以我的經驗一般也是在超級市場內看見，長方形立體的，沒想到廚師們的刀法十分厲害，如此大舊的莎莉蛋糕也可以變成薄， 還擔心會被風吹走， 如同中國的名菜一陣風。

很久已沒去冰室食嘢，今晚碰巧來葵芳見客，客人已在老鳳等我，那麽就一起在老鳳dinner吧！懷舊的裝修和擺設，令人好像由時光隧道回到60，70年代看回這些相片，真是令人有些感歎和希噓Set dinner價錢由四十多元至一百元左右，飲品隨餐加$5,特飲另加$14至$16今晚我們order左2個set dinner鐵板黑椒汁脆皮豬手配飯$108~脆皮豬手鐵板上，伴碟有翠玉瓜，車厘茄和洋葱，仲有幼滑的薯蓉，配埋黑椒汁，非常惹味豬手皮炸到脆卜卜，肉質仲keep到嫩滑juicy, 好好味咖哩海鲜軟殼蟹竹炭三文治配薯角$48~烘到微脆的竹炭方包夾住酥脆的軟殼蟹和新鲜的生菜，配埋濃濃的，香噴噴的咖哩汁，超正薯角也炸得非常香脆可口香脆的竹炭麵包，爽脆的生菜，加埋酥脆的軟殼蟹，口感豐富，非常美味波波冰鎮紅豆奶茶(跟餐加$16)~紅豆又腍又大粒，加上濃濃的茶香和把奶茶弄成的波波冰粒，又美味又涼快，正呀

門外非常有特色的裝横，吸引了我們進内嘆一個下午茶！😀😀裡面很像展覽館一樣，非常懷舊！食之餘還可以欣賞，部分裝飾品也改了生動有趣的字眼🤣🤣有趣！食物款式很多，看了很久才能決定，因為很多都很想吃！😋😋餐牌和菜式很有趣😂😂最後叫了兩個下午茶，(蝦多士+紅豆波波奶茶 和 海鮮保齡球+飛仔華田) 蝦膠配多士，彈牙鬆化；有一小碟沙律和醬料沾，不會有油膩的感覺！保齡球原來是像球一樣，是麵包來的😂😂裡面是包著白汁海鮮飯；麵包鬆軟，有牛油香味，另外有芝士汁配搭，很飽肚！飲品方面：波波是冰來的🤣🤣，很香滑，奶茶味濃！飲完粒波仲未溶😂😂😂華田的賣相也很吸引，配上Cream很夾！最後再來一杯巨蜂梳打解解渴，不太甜，剛好！整體來說，頗喜歡這間餐室，有特式、有創意，價錢公道！

近排好耐都無返葵芳食飯啦,估唔到上個星期返去,見到恒基又執過晒位,開左間老鳳冰室! oh...懷舊野我鐘意啊!呢度有以往舊村既feel,以前細個係舊村大,醫前雖然無錢,但好開心,真係好懷念!講返d野食先,初先以為都係一般茶記d野,但原來唔係喎,d野都幾特別喎!果日一個人自己嘆,叫左唔多野,先黎一個泰式蝦餅,用玻璃杯裝住,下面有鮮果沙律,賣相唔錯! 食落蝦餅好脆口,配埋泰式酸甜醬就prefect,食埋個salad無咁膩!食完小食,當然要叫返個主食啦, 仲以為係普通乾炒牛河,no....我叫左安格斯牛腩炒河,呵!唔係好豪je, 都係牛腩,不過安格斯咁解咋嘛! 個牛河都炒得幾好食,好多汁下,牛腩好多又淋,唔錯! 配埋炒河一齊食無得頂!最後飲野一定會叫杯特式d既...我叫左杯飛仔華田，其實即係華田加vanilla雪糕,上面仲有d華田薄脆添,雖則好邪惡,但好好飲,正! 最like華田啦!以冰室黎講呢度quality都唔錯,而且d野幾特別,幾好!

我葵芳做完野，肚子餓了，打開openrice 看看附近有什麼好餐廳，看到一間裝潢懷舊的茶餐廳，就在前面的一條街商場內。一進店內盡是七、八十年代的擺設風格，老爺舊電視，舊式卡位，餐牌是航空信件的設計。吃什麼好呢？今日想食麵。她有一個芝士撈丁系列，我選了芝士豬頸肉撈一丁，飲品就點了飛仔華田。一會兒，一丁已交上，全碟都鋪滿芝士，一點都不吝嗇，不是交行貨，上面加半塊多士一盒牛油，賣相不錯。先來一口芝士麵芝士味道濃郁口感挺身，豬頸肉爽彈，份量頗多。特飲飛仔華田，設計有點心思， 阿華田上加有大量忌廉鋪上脆脆，頂層插一塊脆片啤牌，可惜一試味道啖，落不夠阿華田粉。我三扒兩撥就已經清理好整個套餐，餐廳整體ok。

之前見朋友都食過呢間野，今次黎到就入去試下。呢到既設計以懷舊為主，MENU同裝飾都好懷舊FEEL。 黎到呢到就一定要食焗茄茸豬扒保齡球，呢度既保齡球好出名，就係將豬扒飯放入麫包入面焗，好似韓國餐廳既太陽炸雞整法，都幾新奇。除此之外，保齡球仲會附送一碗芝士醬，無論係點麫包定係連埋飯食都好正好香。加上豬扒煮得好入味好腍，以呢個價錢絕對係唔錯。 呢個芝士牛肉濃茄湯通粉配牛乳炒蛋肉醬焗薯泥都好特別，茄牛通食得多，加埋芝士好似真係第一次，估唔到都幾夾。芝士醬都好結，食落雖然唔算好濃芝士味，但加埋濃郁既蕃茄湯就岩岩好。如果唔加蕃茄通粉食，就咁將牛肉同芝士醬一齊食都好正好香，仲要牛肉大大塊，又醃得好腍。而牛乳炒蛋都炒得好，滑得黎蛋味香濃，反而薯泥可以焗耐D，防止放耐左影響溫度。 BBQ雞翼炸得好香脆，而且裏面既雞肉仲係好嫰好滑，炸得岩岩好。BBQ醬亦都好惹味，味道好濃郁，不過就食唔到雞翼表面彩椒既味道。 呢個波波奶茶都值得推薦，本身望到個名以為係珍珠奶茶D fd，點知原來波波唔係指珍珠，而係用奶茶雪凍而成既冰，咁就既可以保持冰凍，又唔會影響濃度。而呢杯波波奶茶非常得，奶茶味道好正宗，而且好濃郁，比一

過黎葵芳shopping，朋友介紹過黎恆景商場既老鳳冰室，由葵廣行過去恆景商場只係5分鐘，非常方便！走到老鳳冰室門口，已見大大個招牌，在門口已經完全感受到果種懷舊氣氛！ 入到去懷舊風更濃，覺得自己好似返左70/80年代咁，尤其係個menu，以信封為主題，唔講真係唔會知係menu，勁呀！BBQ雞奕雞奕有五隻，仲要隻隻都好大隻好厚肉，雞奕已經醃製過，味道帶辣，好惹味，仲要加埋雞奕面上既BBQ醬，酸酸甜甜辣辣地，好過癮！蜜焦薯仔牛柳飯以生菜包住薯仔牛柳，份量都幾多，牛柳整得好淋，甜甜地咁，仲有焦糖蜜汁味道好香，師父仲係上面加左啲芝麻，令整個餸更加香，食到咁上下覺得膩，仲配有沙律菜，配合得幾好！懷舊雪榚紅豆冰黎得懷舊冰室，梗係要叫返啲懷舊野啦，紅豆冰絕對不能錯過，而朋友就叫左杯飛仔華田！紅豆沙加上三小粒雪米糍，唔會太甜，同紅豆味道好配合，真係好耐冇飲過紅豆冰，真係覺得好過癮！