LOF10 Bistro (Closed)

最後一個月的假期，當然要好好四圍玩同食，今日又相約好朋友來到灣仔tea，傾足一個下午😆.意式黑椒牛肉班尼尼配薯餅 $48一來到就大叫好大件😂芝士多到漏出來，牛肉也有兩塊幾足料，食落麵包好軟熟，好香黑椒整體味道幾好食！.棉花糖吐司 $48一來到好Igable😂棉花糖搭朱古力醬一定match 😂好甜的朋友一定喜歡💕.心總是太軟 $68即係心太軟，jo就十分喜歡！賣相好靚，食落熱辣辣又流心唔太甜，同玫瑰味道又夾，好好食！.蜜糖雞翼 $58呢碟我朋友好喜歡，好香蜜糖味道再有少少香草好食！.日式燒汁雞串 $48口味也是甜甜的，雞唔會鞋口不錯.泡沫鮮奶咖啡 $36拉花真係好靚！同好大杯呀！非常香滑，奶同咖啡又balance，好飲👍🏻.鮮奶抹茶 $36同樣拉花好吸睛，朋友話抹茶味都夠出不錯的.整體來講十分不錯，重點係灣仔區來講好抵，環境又坐得好舒服，味道又不錯價錢一d都唔貴，好岩同姊妹來chill番一個下午

🤎Lof10🤎辦館Lof10喺灣仔中國恆大中心新開咗一間分店，今日同朋友趁住下午茶時間去試吓🤩辦館喺2013年已經開業，佢地成日都會同唔同嘅brand有crossover。而今次黎嘅灣仔新分店都冇令到我地失望，好用心嘅裝修，好鍾意佢嘅墨綠色style，入面擺左好多酒，非常有格調。當你以為咁嘅裝修一定好貴嘅時候，佢嘅下午茶餐係超級抵食，一啲都唔貴👍🏻👍🏻👍🏻🤍Roasted Chicken Panini $48下午茶餐同早餐嘅餐牌喺一樣的，今次就試咗佢嘅Panini。入面除咗有燒雞塊，仲有蕃茄同芝士，佢個芝士真係好夾，有少少拉絲！食一個絕對夠飽！🤍Smoked Salmon Egg Salad Croissant & Hash Brown$43朋友鍾意食呢個多啲，入邊有煙三文魚同蛋沙律。另外，佢個薯餅真係冇得頂，如果配埋茄汁的話就一流喇（私心配搭🤪🤪🤪🤍Honey Chicken Wing(5pcs) $58佢呢個蜜糖雞翼炸得幾好食，配埋蜜糖同香草，真係一流。不過入邊呢個雞肉有少少紅，不過都係好食的。🤍Hot Latte $36本身諗住應該會冇乜驚喜，但係全餐最有驚喜就係呢一杯Latte

今日去到灣仔食個late lunch ，呢一間LOF10 辦館原來係新開的，位置係中國恆大中心地下，裝修都幾特別，近門口一邊有一排放滿酒嘅櫃，裝修令人感覺舒服，餐廳除了提供食物外，都有提供啤酒及紅白酒俾人chill下Lunch Set 附送餐湯或沙律是日餐湯：西蘭花湯蒜香明太子蟹肉意粉 $98 (7.5/10)呢一款意粉，表面有啲蟹肉，蒜香味好重，意粉軟硬度適中，份量唔算少，但如果明太子再多啲，會更加正咖喱吉列海鮮定食 $108 (8/10)咖喱係日式甜咖喱，撈白飯真係好開胃，吉列海鮮有蠔，蝦，魚及薯蓉，吉列魚形狀最有趣，好似心形😆食落口唔會有油膩感，而且炸得剛剛好冰搖蜜桃紅茶 $40 (7.8/10)清新可口嘅蜜桃茶，紅茶濃而不澀的口感，味道配搭得幾好，而且飲落有一點點蜜桃香氣，果香清新怡人巨峰提子梳打 $38 (8.5/10)一向喜歡咖啡嘅我，今日都轉為飲其他飲品，因為天氣實在太熱，呢一杯非常冰爽清涼，提子味好濃，甜度都剛剛好，飲完之後即刻透心涼，而且又解渴

承上個post 難得去開港島食野 梗係要食盡佢 成日見人去辦館打卡 今次我都唔執輸 去試下佢地嘅手勢 於是就叫左黑松露野菌溫泉蛋長通粉、溫泉蛋沙嗲安格斯牛肉飯，之後我同朋友每人叫多一杯嘢飲（棉花糖朱古力同埋巨風提子梳打），埋單都唔使$300，超抵食。黑松露野菌溫泉蛋長通粉（$98）侍應一放低碟長通粉我已經聞到勁大陣黑松露味😳🤤勁鬼香 隻溫泉蛋震下震下 勁吸引 長通粉每條都放滿晒黑松露野菌汁 勁惹味溫泉蛋沙嗲安格斯牛肉飯（ $88 ）餐廳嘅溫泉蛋做得非常之出色 用嚟打卡開boomerang一流 牛肉嘅鹹味配搭返溫泉蛋漿再撈落白飯度 味道適中棉花糖朱古力（$44 ）棉花糖軟綿綿 朱古力味非常重巨風提子梳打（ $38 ）巨風提子味道唔會太甜太假 夏日炎炎飲番一杯冰凍嘅梳打非常解渴#灣仔美食 #香港ig #hkig #hkfoodie #food4life #foodporn #foodlover #lovefood #igfoodie #foodmadness #craveforfood #hungry #eat #冬陰生活日記 #冬陰生活日記_灣仔

很久沒有跟同事到這邊中國恆大中心食午飯，記得之前這個鋪位是另一間連鎖店，決定試一試這間新店。午餐價錢跟這一帶地段的差不多，主打西式麵食，菜式也較為健康。黑松露野菌溫泉蛋長通粉 - $98九成熟的長通粉特別有煙韌口感，且中間空洞掛汁能力一流，散發陣陣黑松露幽香。溫泉蛋流出嫩滑可口的蛋黃汁，還有半凝固滑溜的蛋白。蒜香明太子蟹肉意粉 - $98濃濃的蒜香味較重，頂端有不少多汁甘甜的蟹肉絲，明太子增添一份咸香。松露薯條 - $58黑松露的味道濃郁，只要少量就能飄香，還要下那麼多，非常邪惡。新鮮炸起的粗薯條色澤金黃，入面薯肉軟綿。黑糖焙茶鮮奶 - $43清香的焙火茶葉香味，搭配鮮奶的滑順口感，黑糖天然甜而不假，每一口的風味帶有層次。蜜桃梳打 - $38芳香清甜蜜桃，配細膩氣泡的梳打，口感清新清爽。

灣仔返工既我，有時食快靚正既平民餐，有時都會想忙裏偷閑去cafe食lunch享受悠閑中午時光,呢間真係我發現既新大陸，因為佢味道唔錯既同時環境都好舒服有冇人同我一樣都好鍾意去cafe減壓？不過cafe既通病係冇咩正餐揀，但呢間有之餘都好多選擇，lunch set 有10個揀仲可以加錢配飲品，當日order jor 2個lunch:溫泉蛋沙嗲安格斯牛肉飯：牛味幾濃，似係牛腩部位😋配沙嗲汁撈飯好易成碗清晒明太子蟹肉意粉:我同同事都好鍾意呢個！意大利粉啲醬汁掛晒上去，明太子汁唔咸調味啱啱好，意粉都彈牙，幾正飲品order jor 抹茶同hazelnut latte,我飲既抹茶味味道正常，唔算好重茶味，如果再重啲就正啦整體環境唔錯，整次用餐體驗幾好，以後會再encore

LOG10 Bistro同事帶我去食，環境舒服闊落，有幾個影相打卡位，飲品種類多，特別適合喜歡焙茶嘅朋友仔，食物種類亦大眾化，好適合情侶拍拖或者兩個女仔嘅輕食者。黑松露野菌溫泉蛋長通粉$98長通粉軟硬適中，有香菇，用黑松露醬去煮，好香嘅松露味，上面嗰隻半山熟嘅雞蛋可以攪拌一齊食。冬陰功大蝦意大利飯$90意大利飯有驚喜，用珍珠米，有冬陰功味酸酸辣辣，另外仲有紅辣椒及蒜蓉片，越食越開胃，啲蝦仲好大隻，超爽口。黑糖陪茶鮮奶$39整得好精美，清香嘅焙茶，面頭嘅泡泡特別有茶香味同埋有少少甜，應該係加咗黑糖，好喜歡的味道。凍檸茶$32唔會太甜，有好多片檸檬🍋整體而言唔錯，環境好適合拍拖或者女仔談心，真係特別推介大家飲黑糖焙茶及冬陰功意大利飯。

灣仔呢頭附近酒吧林立但就唔係幾啱靜靜地商談業務啦😉合作夥伴揀咗呢間幾明亮有格調嘅入去食個lunch邊食邊傾吓生意📜. 🌟咖哩吉列海鮮定食 $108有水準嘅吉列炸物！有隻珍寶大蝦(肉爽彈牙) 、魚柳(普普通通) 、薯餅(外脆內鬆軟) 、最有驚喜係兩粒炸蠔(鮮味又juicy)❤️幾鍾意另上嘅日式咖喱汁味道！！. 🌟明蝦蒜片辣椒炒意粉 $88蒜香x辣椒絲令呢個炒意粉好惹味👍四隻蝦蝦煎得剛好！爽口好食！意粉雖然偏少但質地Q彈👌. 🌟棉花糖朱古力 $44Be呢杯有粒粒棉花糖x忌廉喺面頭幾吸引🤗下面嘅朱古力可可味濃！整體ok但偏細杯！. 🌟紅豆鮮奶抹茶 $42客戶朋友話呢杯偏淡咗啲😅唔係好濃抹茶味！紅豆唔太多但味道幾好！適合唔鍾意太甜嘅人士選擇🤗🤗.P.s.見到呢度有wines and beer供應🥃飲酒嘅人士嚟摸吓杯底可能幾啱!!

<偏偏喜歡你·LOF10 Bistro🍷>_灣仔LOF10 Bistro - 松露薯條$58、蜜糖雞翼$58、黑松露野菌温泉蛋長通粉$98、Corner Stone Cabernet Sauvignon + Guiding Star Shiraz $98 _Something Wrong , Something Right ~ LOF10 Bistro 老實說真係喺一個想事情比自己沉澱一下嘅好地方，簡單咁飲杯酒搖下酒杯傾下計充充電～ 依度絕對可以😌_紅酒 - Corner Stone Cabernet Sauvignon + Guiding Star Shiraz： $98 兩杯紅酒可以話係佛心價，可以過下酒鬼癮😎，Conrner Stone 飲落Body 比較薄身，酒色呈鮮紫紅色，果味唔太重，甜感亦唔算太高，至於Guiding Star Shiraz 依杯有D意外地正，Body 厚身，飲落有花香同果香味，可以之後入手一支👍🏻_松露薯條 ： 作為薯條Fans ，依度粗薯條炸得唔錯，冇油味，松露如果可以加多啲就Perfect🥳傾計食一流🤣_蜜糖雞翼： 出街食雞翼，最基本要

🍴Truffle mushroom penne with onsen egg：長通粉保持彈牙，黑松露忌廉汁香濃，加上温泉蛋蛋黃令掛汁效果更好。不得不讚黑松露質素好👍🏻，沒有怪味。🍴Angus beef satay rice with onsen egg: 安格斯牛沙爹味濃，加埋青瓜絲清新唔heavy。🍴Truffle fries: 靚黑松露醬塔酥脆薯條，跟紅酒🍷一流！紅酒性價比亦高🍵黑糖焙茶鮮奶：正常發揮，焙茶味唔夠出。味道 : 🔅🔅🔅🔅新鮮：🔅🔅🔅🔅分量：🔅🔅🔅衛生：🔅🔅🔅🔅速度：🔅🔅🔅（5🔅為滿分）

午餐時間光顧，有訂座與沒有訂座沒有分別，最後在原本預訂的時間15分鐘後才坐低。雖然只可以選擇set lunch，但廚房竟然可以預備沙律份數不足，客人只可以選擇餐湯。是日餐湯是紅蘿蔔湯，味道不差但稀淡如水，開罐金寶湯更濃。餐飲上得仲快過主菜，主菜味道雖然正常，但份量不足，吃意粉的我還好，吃意大利飯的朋友，risotto的份量只屬一般餐廳的一半至最多三份二，大家未夠三點已經開始肚餓。試一次就夠，大概不會再光顧。

灣仔輕食西餐最近約咗朋友去灣仔處理一啲文件，經過一間餐廳裝修幾有特色，而且有多款午餐選擇定價亦都合理。所以就去咗試吓啦❤️蒜香🧄洋蔥雞扒配薯蓉$88雞扒嘅外皮煎得香脆🐥，雞扒食落有肉汁。不過蒜香味就唔算太重，醬汁亦都比較稀。成個餐唔算太油膩，味道都係輕盈啲。薯蓉🥔冇特別調味，食落質感好滑。黑松露野菌意大利飯$98呢個飯芝士味好濃郁🧀，黑松露味正常。意大利飯質感軟硬適中。成個飯雖然份量比較細，不過由於佢嘅味道比較濃郁，亦多芝士同埋忌廉🥛，所以一個人食都好足夠。每份午餐都會送指定嘅餐湯，今次嘅餐湯係蕃茄湯，正常質素。🍅餐飲方面我哋叫咗特飲，因為午餐嘅特飲可享半價優惠冰瑤蜜桃🍑紅茶（半價後$20 ）🍹呢款有啲似回憶中童年嘅味道，蜜桃味唔太甜🍑，配上紅茶🍹酸酸甜甜，係夏天消暑解渴嘅飲品。棉花糖朱古力🍫（半價後$22 ）棉花糖朱古力賣相好靚，大概7分甜左右，朱古力味正常，奶味較重。呢間餐廳嘅裝修幾有特色😍，而且環境比較幽靜，幾適合附近返工嘅OL，或者想靜靜地坐低傾吓計嘅朋友🤗。價錢方面尚可接受🤑，份量比較細，係輕盈啲嘅餐單。如果經過附近有興趣都可以試吓。

𝙜𝙧𝙚𝙖𝙩 𝙫𝙞𝙗𝙚𝙨 𝙖𝙣𝙙 𝙜𝙧𝙚𝙖𝙩 𝙘𝙤𝙛𝙛𝙚𝙚! 𝙞 𝙧𝙚𝙖𝙡𝙡𝙮 𝙡𝙤𝙫𝙚 𝙩𝙝𝙚 𝙦𝙪𝙞𝙚𝙩 𝙖𝙩𝙢𝙤𝙨𝙥𝙝𝙚𝙧𝙚 𝙩𝙝𝙚𝙧𝙚 𝙖𝙣𝙙 𝙩𝙝𝙚𝙮 𝙝𝙖𝙫𝙚 𝙛𝙧𝙚𝙚 𝙬𝙞𝙛𝙞! 𝙞𝙩'𝙨 𝙖 𝙥𝙡𝙖𝙘𝙚 𝙬𝙝𝙚𝙧𝙚 𝙮𝙤𝙪 𝙘𝙖𝙣 𝙨𝙩𝙖𝙮 𝙛𝙤𝙧 𝙡𝙤𝙣𝙜 𝙝𝙤𝙪𝙧𝙨. 𝙣𝙤𝙩 𝙖 𝙘𝙤𝙛𝙛𝙚𝙚 𝙥𝙚𝙧𝙨𝙤𝙣? 𝙩𝙝𝙚𝙮 𝙙𝙤 𝙝𝙖𝙥𝙥𝙮 𝙝𝙤𝙪𝙧 𝙛𝙧𝙤𝙢 12-6𝙥𝙢 𝙙𝙖𝙞𝙡𝙮 𝙩𝙤𝙤!.辦館開左咁多年直到依加先去食真係遲左啲，灣仔新分店地方好闊落坐得幾舒服，呢間行油吧cafe路線，見佢都擺左唔少酒出黎，不過今次黎食lunch，飲野就留返下次～ set lunch包左餐湯，連飲品有discount，cafe黎講佢既種類都幾多，日式、泰式、西式都有，冬陰功湯清淡啲，不過大蝦份量都幾多；個人鐘意佢個和牛面頰多啲，燴得夠稔夠入味，咖啡都唔錯！ 另外佢地happy hour好抵！12-6點紅白酒都係四十幾蚊杯，另外仲有啤酒同sake，仲有一系列既snacks🍻

新開見佢幾靚,早餐又好似好吸引就去買外賣試下,點知中曬伏!個餐有薯餅,等左10分鐘攞個外賣比我嘅時候係薯條黎，我就問：早餐唔係跟薯餅？ 個女職員好理所當然咁答我：無薯餅所以轉左薯條！ 但係如果我無問係咪應該都講聲？薯條好明顯係番炸，好硬！(仲要無比茄汁我），叫左杯冷檸茶超苦，糖漿都無比，我飲左一啖就放棄左！得個牛角包最正常！

Cozy coffee placeVery spacious environment And no service charge!Love their marshmallow chocolateSo rich and soothingThe marshmallow layer is full of sweetBut the chocolate is slightly dark and bitterWhich is good to give an extra layer to the drinkLunch set is definitely value for moneyLove the homemade pasta Salmon and spinach do taste very healthyPasta is not overcook as well