樂園魚旦專家 (淘大商場1期)

Open Now

Now Closed

我最近無咩胃口，唔想食太複雜嘅野，經過淘大，見到呢間“樂園”，可以食粉麵，咪入嚟試吓囉。越是普通的食物，就越是考廚師嘅心機功夫。我隨意叫了個五香牛腩拼水餃粗麵，再加埋個豆漿。牛腩炆得夠淋💗💗💗💗，我最怕就係咬唔開嘅牛腩，而且味道都好有傳統風味。忽然覺得自己選對了鋪頭。水餃就不過不失啦！都係一般水準。有木珥條，筍呀之類。但就煮過火左少少，有d淋。至於呢個湯…。。。。清清地咁啦！不會太搶牛腩嘅味，兩者配合得剛剛好。辣椒油有香味。加埋落麵一齊食。👍👍👍侍應服務態度良好。好主動幫你。呢個都可以係鋪頭嘅加分位啦。下次嚟，會試多幾味。一定要試崩沙腩。佢每日都係限量做。所以，就一早沽清試唔到。惟有留番下次啦！🤭🤭🤭🤭

新開未試過，一於就放工試下啦！作為減緊肥嘅人，飲食一定要控制卡路里攝取量🥹所以今次就揀咗個 魚蛋河 ‼️ 碗麵上到嚟都幾熱，啱晒中意飲熱湯底嘅我🍜飲落幾清甜，唔會有太重味精湯嘅感覺👍🏻作為魚蛋專家，啲魚蛋果然冇令我失望！彈牙又爽口👍🏻想即刻買返磅返屋企🍜以後肚餓會再食！

今日收工去朋友屋企sleepover 💓所以係佢屋企附近食埋野先揀左呢間粉麵💛入面都坐無虛席 仲好多人等外賣😌-🐮👶🏻金牌牛三寶河粉 $58 加紫菜+$5原本想試下佢地最招牌嘅崩沙牛腩河但今日已經賣晒 所以就揀左呢碗牛三寶河😌入面有牛筋、牛腩、牛肚🤩全部都大大件😋河粉都好滑唔會油淋淋👍🏻呢度隻辣油都好正 好香又唔會太辣😋加少少好過癮-🦐🥟鮮蝦韮菜餃 併 爽滑魚餃 幼麵 $48 朋友叫左雙併麵 我地交換啲餸食～韮菜餃好香 鍾意食韮菜嘅人一定唔會失望😚魚皮餃個樣冇平時買黎打邊爐嗰隻咁靚但食落又幾好味喎😳😝-跟餐加健康特飲係 $13 咋 養生嘅我地當然要叫😎🍊凍 蜂蜜柚子茶 健脾去滯 預防感冒🐝熱 蜂蜜紅棗茶補氣養血 強生平胃氣

收工肚餓想快快手食一餐，係淘大搵到呢一間新開嘅樂園魚蛋專家，睇落好似好吸引咁。實在係啱晒我想簡簡單單又唔想好肥膩嘅選擇。通常粉麵檔嘅選擇都唔係幾多但係佢呢間餐廳有唔同款式任君選擇。我地就叫咗一個牛三寶河粉同埋豬手魚蛋麵。首先侍應姐姐一放上枱已經食慾大增(加上我好肚餓)，已經忍唔住飲咗啖湯底，而個湯底真係好濃郁，讚。再嚟就急不及待咁食咗佢嘅崩沙牛腩，真係好林同好入味，不愧係佢嘅招牌菜式。而佢嘅牛腩同埋牛肚都同樣好入味，估唔到呢個牛三寶套餐咁好食。而佢嘅河粉就係幼身啲嘅河粉，有少少泰國菜金邊粉嘅感覺，連埋佢濃郁嘅湯底一齊食實在為止一讚。而我都偷食咗朋友嘅魚蛋同埋豬手，魚蛋好大粒好彈牙，豬手就非常入味，見到朋友都對呢個豬手愛不釋手，仲話下次都一定要嗌返佢喎。最近亦唔知點解其他餐廳會少咗凍檸賓嘅選擇，所以我地亦都特意嗌咗兩杯凍檸賓解下渴。其實環顧德福淘大德寶都唔係好多魚蛋粉麵嘅選擇，所以開咗呢間又抵又好食嘅樂園餐廳實在太好喇🧡🧡

屋企附近冇出名的牛腩食，點知近來開左間魚蛋粉有崩沙腩。崩沙牛腩撈幼麵店員一拎碗麵黎嘅時候，有啲surprise，原來依家魚蛋粉嘅擺盤都咁靚😂就咁睇個崩沙牛腩的油脂分布好平均，超級腍，唔會痴牙，沒脂好香。撈麵亦唔會太咸，本身仲怕唔夠味。份量啱啱好。配飲凍檸賓，好解膩。樂園四寶丸雖然一心想食牛腩，但既然出名食魚蛋粉，就叫四寶丸試下啦。非常唔錯，有白魚蛋，魚片頭，魚皮餃，肉丸。魚蛋魚片頭爽口彈牙，魚皮餃唔係普通出面買個d，係自己包，好特別。豆漿係細枝裝。

樂園幫襯過好多次，但淘大分店都係第一次食。原來呢間分店開業唔係好耐，裝修好新淨企理。👍🏻😃呢到除左有招牌粉麵，亦有客飯供應，客飯送紫菜湯！麵類選擇都幾多，有魚旦粉、雲吞麵、牛腩河、豬手麵等等🌟秘製牛雜河 牛雜有金錢肚、牛腸、牛肺、牛膀、牛腩，牛雜完全無腥味，清洗得乾淨👍🏻😆加上長時間炆煮，所以好入味😋牛腸外皮薄，内有少量油脂，偏瘦爽身，脆中带香。牛肺肉質結實有彈性，口感腍滑帶點爽脆。牛膀入口粉糯嫩滑，甘香鬆化，且味道不羶不澀。🌟五香牛腩牛丸雙拼牛腩肥瘦均勻，牛腩經長時間熬煮，肉質鬆化軟淋，份量都夠多😚，牛丸爽口彈牙，河粉煙韌唔易斷，仲吸晒湯底既精華🤤🤤仲有蔥花同炸蒜可以調下味，湯底清甜而不會太咸👍🏻

同朋友喺淘大行完街，經過見到新開左潮州粉麵店呀！打算買返屋企食，落單無耐好快就有得拎～大熱天時，值得一讚！【金牌牛三寶河粉】本身想試試佢個崩沙牛腩！但好可惜，果個鐘數姐姐已經話賣晒啦T^T，我諗下次真係要早啲過嚟先得～講返個牛三寶，牛筋、牛肚、牛腩，三樣都係入味得嚟唔會靭！順帶一提，包辣椒油勁香，鍾意食辣嘅朋友仔就啱晒^ ^【招牌四寶丸河粉】有白魚蛋、墨魚丸、豬肉丸同魚片頭，全部都彈呀爽口，冇失望！本身以為有魚皮餃，但可能賣晒，所以俾咗墨魚丸，我都無所謂。最緊要係我最鍾意食嘅白魚蛋，真係幾好食，仲有3舊添～留意番四寶係冇得雙拼㗎。【飲品】凍檸茶係不過不失嘅茶餐廳水準～朋友叫咗凍豆漿，大家都係加$8，但係叫凍豆漿嘅話係原枝壹品豆漿，下次我都係叫返豆漿先(⁎⁍̴̛ᴗ⁍̴̛⁎)【火鍋配料】留意到佢門口個牌，原來有得賣火鍋生料㗎，下次打邊爐嘅話可以過嚟呢度買嚟先～

最近行過淘大商場原來開左間樂園魚蛋專家，終於有一間有質素既粉麵店響尼頭，之後可以多一個選擇👏🏻😋，放工行過叫外賣方便又快捷。👍🏻金牌牛三寶+京都炸醬河粉🍜金牌牛三寶可以一次過食到三款口味，牛筋、牛肚、牛腩，啱晒我尼d牛既愛好者🐂，牛筋爽口彈牙，牛腩夠入味，牛肚有咬口，樂園唔只係魚蛋專家，而牛都非常有質素。👍🏻✨再加京都炸醬，輕微辣加肉碎，非常嘢未。🍝肥牛+京都炸醬粗麵🍲原本想食崩沙牛腩，但放工已經賣曬🥺，崩沙牛腩每日限量供應，上次食過非常好味，為有今次食肥牛，佢既口感都一樣豐富，肥瘦均勻適中有牛味；另外同樣再加京都炸醬，撈粗麵一流👍🏻😋

香港人梗係支持香港製造既野食喇🥳今日放工後同屋企人係九龍灣行街 順便去呢間 樂園魚蛋專家食個快晚餐☺️☺️我叫左四寶丸河 🤗四丸包左 魚蛋 魚片頭 魚皮餃 墨魚丸 各有2大舊 魚蛋的確係幾彈牙爽口！ ☺️河粉中規中矩 不過河粉份量幾多下😬屋企人則點了 牛腩粗麵 🤭啲牛腩好腍 且夾雜左啲肥肉油 好邪惡😈但好易入口 岩哂我口味！湯低好濃郁 係潮洲粉麵既風味😁😁野飲就叫左 熱檸蜜🍯🐝 加 凍檸賓 🍋🍸食完正餐正好飲番啲野解下渴因為我好口痕想食啲熱氣野 所以揀小食方面 我地叫左 酥炸雲吞 共有2舊 炸得幾酥脆既 ！另外 我地叫左炸蝦餅 都係2舊 同屋企人一人一舊岩岩好☺️ 個蝦餅都算彈牙 加埋泰式甜酸醬 好開胃可口🤗間鋪頭好方便就腳 且落完單好快就有得食！ 岩哂工作繁忙既人呀😁😁

九龍東區又開多咗一間魚蛋河店☺️ 舖頭光猛又衛生，座位唔算迫👍🏻 叫完餐5分鐘唔使啲嘢食就到，啱晒生活忙碌又想食好嘢嘅香港人🫶🏻崩沙腩配幼麵🍜🍜牛腩易咬，好香夠味，湯底好飲😽😽份量亦都唔少雙拼河粉：魚蛋&韭菜餃 🥟🥟🥟魚蛋夠曬彈牙、韭菜餃大隻。湯底係清湯，可以加少少辣油黎加重味道👅炸魚皮 🐟🐟🐟加$18就有一包炸魚皮，獨立包裝夠衛生，而且魚皮都夠脆👍🏻生菜🥬🥗🥗$10既蠔油生菜，抵食

淘大新開咗「樂園魚旦專家」，又有開飯好地方了👍🏻 店鋪有牛類、魚旦、丸類等，配各式粉麵或飯類，總有一款啱你，而且價錢大眾化，絕對係開飯好選擇😋崩沙牛腩拼魚片頭河每日限量推出，崩沙牛腩好厚身，好大件，份量夠多😍 肥瘦適中，夠淋身，充滿牛味，正👍🏻 魚片頭有兩件，好厚😍 好味👍🏻 河粉夠滑，如果湯可以分開就更好👍🏻金牌牛三寶拼京都炸醬粗麵牛三寶有牛肚、牛腩、牛筋，三款都好入味，夠淋，夠滑，好味👍🏻🤤 而且份量足料😍 炸醬好好味呀😍🤤 可以用嚟撈麵😋 正👍🏻 湯係分開上，讚👍🏻一定會再去😋

呢間鋪新開，諗住過嚟試吓，買個外賣返公司食，入去冇乜人排隊，只有一位女士購買中，諗住好快到，一個輪到我，竟然有幾個人打先，由於人哋堂食，人哋先，咩道理，咁嘅服務態度當然唔幫襯啦！

最近係淘大新開，見到門口有唔少人幫襯，就諗住試下。趕時間同想慳錢好適合去，絕對係平靚正，上菜好快，叫完無耐就有，價錢普偏 $35-45左右，款式都算多。崩沙牛腩 $58限量發售，好彩仲有。牛腩湯底。崩沙牛腩好好食，脂肪入口有融化感覺，肉軟腍，食落唔會好肥膩，揀左幼麵，口感彈牙。樂園四寶丸 $48心大心細唔知食咩好，就叫個咩都有d嘅。四寶包括魚皮餃、墨丸、魚蛋同肉丸。清湯底，味道好清淡，感覺好健康。魚蛋墨丸都好彈牙，墨丸真係食到墨魚粒，配粗麵，同樣都係好彈牙。

見樓下開左間新既港式粉麵店 日日都有人排隊當然要試下啦 佢唔單止有傳統港式粉麵 仲有唔同既打邊爐配料散賣 例如有魚蛋餃子牛丸等等$36起食物質素亦唔錯 就算外賣都好食 牛筋河 👍🏻👍🏻👍🏻👍🏻超多牛筋！剩係牛筋既量已經多到嚇死人，食落彈牙而且腩汁味好香！啲河亦好散 唔會痴埋一舊😆準備功夫做得好足。四寶幼麵👍🏻👍🏻👍🏻👍🏻👍🏻話說四寶 但我每樣野都有一粒 仲好！試完好食 下次可以剩買料打邊爐🤣 魚蛋好彈牙又大粒 啲幼麵雖然外賣 但都唔會因爲浸湯太耐而死鹹好開心屋企附近有間好食既粉麵店！要成為常客了😆

淘大新開這間樂園，日日經過都超多人排隊，今晚約咗老公嚟食碗港式麵😚睇吓係咪真係咁好食😋崩沙牛腩拼黃金片頭河老公選了雙拼河，吃起來更滿足！牛腩超軟稔，牛味又重又香，只有少量肥膏，更健康！黃金片頭即日炸起，夠彈牙😌河粉夠滑身，配上店家特製的辣椒醬，一流。京都炸醬麵京都炸醬的醬汁酸酸甜甜，肉碎份量多，面是蛋黃面，沒有鹼水味，將炸醬和面撈起來吃，很開胃🤗鮮炸蝦餅叫碗麵加$12就有鮮炸蝦餅，果然新鮮炸起！外皮脆卜卜，蝦🦐餅夠彈牙，最正當然係甜酸醬，和蝦餅簡直係絕配。菜心加$10就有一碟菜心，價錢適中👍🏼見到有外賣生魚皮餃、生餃子、酥脆門鱔皮，打邊爐一流！下次打邊爐都會來這裏加送，相信這些小店的食材更新鮮