Lonely Paisley

Open Now

Now Closed

其實深水埗行落啲啲都有好嘢食，冇訂位路經，好彩仲有一兩張細枱，迫就迫左啲，同隔籬枱真係超級近，但係環境都舒服，裝修都幾靚，年青人服務都好好。簡簡單單點了玫瑰雞翼，好香玫瑰味，但係除此之外唔算太有特色。另外就係三色雞嘴豆配芝麻包，呢個好食！芝麻包唔夠喉加 $38 點多一份。我點咗個特色飲品，唔係好識欣賞 🥲 總括嚟講係不錯嘅體驗，會再去👍

今天本來要吃日本嘢，但是去到才說需要訂坐，還要吃指定的餐！一怒之下去了隔壁街的土耳其打卡Cafe。內在裝修環境明顯是為打卡而設，相信食物也不差。但是不幸地叫了兩個伏菜，明顯點菜也要說技巧。看了OpenRice的食評，那個標籤為必食的全日早餐， 近150元只是吃麵包條和芝士還有沙律菜，加杯茶，感覺性價比不是太高，所以沒點。1. 伊朗燉羊膝：這個是全晚最好吃的一個菜，羊膝骨肉分離，不是太鹹，還有很重的香料味。2. 土耳其烤雞卷：就是在外面中東餐廳的轉轉烤雞卷的迷你版，味道不過不失。3. 墨西哥三重芝士雞肉餡餅配自家製四川麻辣醬：這個也是比較安全的，配上四川麻辣醬， 十分惹味。4. 斯里蘭卡辣炒菠蘿大蝦長米飯：（大伏之選）只有菠蘿有微量的辣味，有四隻大蝦，長米飯一點也不長，還以為是炒飯，點知是白飯，幸好有羊膝汁可以撈。5. 土耳其開心果千層酥：（中伏）中東的甜品也是極度甜，就是死甜，入口滿滿糖漿，也覆蓋了其他酥餅等等的味道並且非常油，而且十分硬，唯一的好處就是非常細件，快吞轟處理。

周末出去拍拖👫🏻男朋友見IG好多人推薦呢間餐廳，所以一早bookmark 定同我一齊去😇 我哋約左12點係餐廳等，我早左少少到🤏🏻 然後… 發現餐廳未開門😂 (準時開12點) 所以係附近行左個圈先。餐廳只有3個臥鋪位置，其餘的都係座位區域，好在我地早到，我哋岩岩好可以佔據其中一張床，影相可以靚啲😛✌🏻不過我覺得食野都係坐定定係櫈上面舒服啲，攤係度都係for影靚相🤫 臥鋪位置限時90分鐘，由點餐果時開始計起，不過我哋當日下晝都有嘢做，食咗一個鐘多少少就要走。Turkish Breakfast ($148)呢個set包左沙律、芝麻包、煎蛋配肉片、芝士，同埋一小杯土耳其茶。店員上菜嘅時候會介紹芝麻包可以沾上四隻果醬一齊食，包括杏脯醬、無花果醬、蜂蜜芝士、同埋辣蕃茄醬。我個人覺得個辣蕃茄醬幾特別，唔會好辣，但係甜酸得黎又辣辣地。另外個芝麻包好好食！芝麻味好香，雖然麵包嘅口感略為硬咗少少，但係用嚟沾醬，呢個質感又幾ok👍🏻 至於芝士🧀方面有三種，店員都有介紹由最淡味(顏色比較淺)嘅開始食起。開頭食嗰兩隻芝士嘅奶味比較出，已最濃味嗰隻芝士味到就偏鹹少少。我覺得芝士嘅口味配合香港人，唔會有一種過分發

深水埗嘅餐廳都千奇百怪 呢一間主打旅行style嘅餐廳 舖頭充滿着中東風情 仲可以坐埋矮枱都幾特別 佢個早餐好打卡冇嗌到 買咗其他小食反而有驚喜 比一般Cafe做得更加好食

呢間餐廳屬於深水埗隱世小店👍🏻一直都在我打卡餐廳名單之內，可惜一直都冇機會去，因為實在好難搵到人肯陪我屈膝而坐😅今次反而即興去食，好姊妹又鐘意試新嘢咁就啱晒啦👍🏻❤️一去到見到個打卡位居然有得坐😍(全間餐廳得三張呢隻坐位咋)冇得預訂，只能夠睇你好唔好運坐到😅簡直天時地利人和配合得啱啱好🤣我對土耳其民族風的飾物或者衣着一直都好喜歡，不過土耳其食物有咩食就真係冇乜研究過🤔不過大家絕對可以放心😂 相信食物都會按香港人口味調配過，沒有太多或太濃烈嘅香料！⭐️是日食物⭐️🧡土耳其早餐配土耳其茶 (最啱芝士控😍)💚土耳其烤雞肉卷

朋友強烈推薦這間餐廳，主打土耳其菜，亦提供中東、印度甚至斯里蘭卡等菜，好有旅遊feel。餐廳土耳其風格設計，呈長方形，左邊有放着旅遊書的書櫃、開放式廚房，牆上掛滿旅遊相。右邊放著三張土耳其床，和幾張四人桌。土耳其床是餐廳的特色，床上有茶几，要脫鞋在床上用餐。我們坐在第一張床，同行兩個小朋友非常興奮，立即脫鞋跳上床。六歲孩子太興奮了，衝口而出：「躺著吃是我的夢想」，太搞笑了。接下來的一個多小時，色彩繽紛的食物整齊的放在茶几上，小孩果然實現了他的夢想----躺著來吃！兩腳朝天，活潑的擺動着，手拿食物，吃完撐起身體再拿一塊。但這種姿勢只適用於小孩，對大人就是一個扭腰盤坐的高難度瑜伽鍛鍊。餐廳食物高質， 用「色香味俱全」來形容絕不誇張。Signature是土耳其早餐，有三種不同口味的芝士，配無花果、忌廉蜜糖、辣椒醬等醬料， 忌廉蜜糖超級好味，佐麵包口感豐滿。必點！土耳其烤雞肉卷薄餅皮軟綿綿，有口感，雞肉不膩，最精彩是佐料麻辣沙律醬，第一次嘗混入了花椒的沙拉醬，非常好吃。玫瑰蜜糖雞翼淡淡玫瑰蜜糖味，推薦！薯條薯條炸得鬆脆，灑上一層辣粉，配黑蒜醬，有一道菜刺激味蕾，正！用餐後，小孩說一定要再來！

見OpenRice上面都有唔少好評特登去試吓 夜晚六點左右去到一個人都冇 本身以為平日少啲人 食完之後發現少人係有原因 嗌咗三樣嘢食加一個土耳其茶 第一樣嚟嘅嘢食係 墨西哥三重芝士雞肉餡餅 呢個正常 雖然唔知點解佢配個麻辣醬但味道OK 之後就係惡夢嘅開始 第二樣嚟嘅係伊朗香草燉羊 $178嘅燉羊主要有兩個問題 第一 份量少 完全唔夠一個正常人飽肚 叫一份主食點都會預食得飽 佢個羊就真係剩係得個羊膝加少少配菜 正常都會跟個薯菜或者薄餅嗰啲 佢乜都冇 食完之後得5成飽 第二 冇味 個味淡到好似冇落過鹽 香草味冇乜 你好清晰咁食得出佢係一嚿羊 因為除咗羊味之外 乜味都冇 我老母煲湯舊豬骨都好味過佢最後一樣 我食過最伏嘅甜品 土耳其開心果千層酥 以為個羊已經係最難食 點知佢個甜品先係 我未食過咁硬嘅千層酥 佢硬到隻叉吉唔入 重要甜到黐線 佢個底黐住隻碟 係因為俾啲糖漿黐住咗 我唔知佢係攞去浸糖漿定咩事 佢個底係不可食用 兩粒 4cmx4cm 嘅垃圾 連埋加1要60幾蚊

處處有驚喜喎！本身諗住呢啲sell gimmick嘅餐廳可能食物質素會一般般，但Lonely Paisley完全超出咗我嘅期望，簡直係優等生餐廳。推薦飲品：salep👍🏻 本身食晚市，個咖啡師已經準備收工，但佢都專登整埋杯salep先收工，等我可以試到呢個咁好飲嘅土耳其版奶茶，味道幾特別，似加咗中東香料嘅英式奶茶，我鍾意飲奶味飲品嘅絕對要試！Bagel 配鷹嘴豆醬/紅菜頭醬🥯 啲中東醬好特別，值得一試。Bagel 有烘過，仲係暖烘烘的。主菜豬胺腿架超好食，肉質嫩滑又有豬肉味，未試過豬肉可以整到咁嫩滑juicy! 玫瑰雞翼普通，可試可不試。Btw最鍾意佢每道菜隔離都會有啲沙律菜伴碟俾你食🥗

呢間土耳其餐廳位於深水埗，離🚇地鐵站大概5分鐘路程，超級就腳😌裡面樓底好高，感覺好寬敞。裡面有兩款座位，如果有吉位，店員會主動問你想坐床定檯。我係一個人來食brunch所以選擇左坐檯。首先裡面既裝修同擺設都相當有異國風情，裡面有少量土耳其玻璃燈🏮真係好靚，令人忍不住欣賞多幾眼。牆紙同檯布都帶有中東畫風✏️，d餐具都眼前一亮，全部都好異國feel，呢間餐廳都算幾有心思。🌟土耳其早餐$148 呢個早餐其實係全日供應，附送一杯土耳其茶🍵。有四款醬俾你點麵包🥯包括無花果醬、蜜糖、辣茄醬、杏脯醬。個人覺得無花果醬🌰相當出色，酸酸甜甜帶有清新感覺，越食越開胃。個麵包質感上有d似油炸鬼，咬落去鬆脆得黎帶少少咀嚼口感。點上唔同既醬係好好既搭配。三款芝士🧀從啖味開始食，其實三款都唔濃味，最後一款係烤過所以帶有少少bake味🍳好香。🌟土耳其茶好香有少少薄荷味，送呢個早餐真係唔錯，可以解膩。但一杯太細，叫多左壺茶。價錢方面係有少少貴，個早餐話豐富又唔係真係豐富，最飽肚係得包。肉都係得兩塊仔。而且杯茶真係好細杯🤣 味道來講係不錯，有特色。裝修都夠特別，可以坐床🛏️，不過用餐有限時間，唔可以真係好chill咁慢慢坐

無意中見到朋友嘅社交平台，Post左啲好靚嘅相，唔講仲以為佢去咗土耳其旅行，一問之下先知道原來佢去咗呢間土耳其餐廳，友人熱烈推介我去試吓呢間餐廳，佢話除咗環境靚啱哂打卡之外，食物質素仲好好，於是我同朋友就去試吓，順便影靚相。一入餐廳見到裝修非常之靚，有很漂亮嘅土耳其地氈、手工精緻嘅馬賽克燈，漂亮嘅茶壺，我同朋友好幸運，被安排坐在一張很漂亮的土耳其地氈上面，上面有一張紅色嘅四方枱放食物，啱晒我哋打卡，食物嘅選擇都好有特色：土耳其早餐配土耳其茶：呢個早餐好豐富，有土耳其芝麻包，可配4款唔同嘅醬汁，包括有杏脯醬、無花果醬，蕃茄辣醬汁、蜜糖忌廉汁，我覺得每款醬汁都有唔同特色好好味，另外有三款唔同嘅芝士，兩款係牛奶芝士一款係羊奶芝士，羊奶芝士比較重味，牛奶芝士就味道溫和啲，各有特色，配麵包一齊食都幾夾，另外配埋太陽蛋、辣肉腸剛剛好，土耳其茶有一些香草茶的香味，配上蜜糖棒，甜甜地幾夾，另外我哋叫咗玫瑰蜜糖雞翼，雞翼熱辣辣，配上玫瑰蜜糖汁，香濃玫瑰味又有肉汁好正，最後到甜品時間，我哋叫咗土耳其開心果千層酥，酥皮鬆脆開心果味濃，味道唔錯，我哋一邊影相打卡，一面欣賞美麗嘅土耳其裝飾，渡過一個愉快嘅下午。

🍳土耳其早餐 $148芝麻包有驚喜，焗到岩岩好，香脆既外皮加埋濃郁既芝麻味，超級正🥯另外配左五款醬，除左番茄醬我麻麻其他都唔錯😋三款芝士味道都比較淡，大部分人都應該接受到🧀茶既果枝糖棒唔建議溶曬，甜左少少🤏🏻🧈：蜂蜜忌廉>無花果醬>杏脯醬>番茄醬🫔土耳其烤雞肉卷 $78一份有三卷，入面餡料超級滿😍雞肉唔會好柴，配埋少少沙律醬同爽口生菜，成個配搭好fresh🥗🫓印度薄餅&黑蒜醬 $30薄餅熱辣辣，口感煙韌😊黑蒜醬味道超級無敵濃，鍾意蒜味先好嗌😨本身以為打卡餐廳既食物出品應該少伏，點知比想象中好好多🤭餐廳既裝修真係好有特色，充滿異國風情🏜️如果想坐打卡位最好就book定檯，影出黎效果一流✨

🪔IG-able Turkish style cafe.💭Thoughts: They have the cutest Turkish picnic style tables near the front of the restaurant, perfect for pics! Their 3-hummus combo came with super toasty sesame bread! We also tried their baklava, which turned out to be super sweet~.😋Recommend? ✅ for pics~👩🏻‍🍳Food rating: 2.5/5👩🏻‍⚖️Overall experience rating: 2.5/5

LONELY PAISLEY位於深水埗福華街182-186號怡華閣地下A號舖(深水埗站 D2 出口, 步行約3分鐘)，餐廳營業時間：每日12：00-22:00今次探訪在香港罕有的土耳其風情餐廳，店內色彩鮮艷，整間店鋪都散發着濃厚的民族色彩，週末讓眼睛同舌尖來一趟環遊世界，體驗不一樣的週未!店內有不同書籍可供借閱，裝潢風格充滿異國風情及濃厚民族色彩店内匯聚多國民族風陳設： 印度風格小木屋、 土耳其地氈、 摩洛哥馬賽克燈、掛牆色彩手繪壁畫等~除了一般餐桌，店内更有三張特色tapchan 配搭傳統土耳其咕𠱸Tapchan為中亞國如塔吉克斯坦及烏茲別克斯坦獨有的特色，是由木頭製成的戶外區傢俱，合併成一張大床，配有坐墊，中間有一張桌子，可以容納4-8人，可以選擇脫鞋坐在tapchan毛氈上享用餐點， 有置身土耳其的感覺🕌餐廳提供多國菜色Fusion： 美式、墨西哥、印度、土耳其、日式、台式等～Weekdays中午開始有lunch set選擇;Openrice晚市時段訂座可享九折優惠以土耳其為主題的餐廳，當然要試試餐廳的大熱款式：土耳其早餐$148和土耳其烤雞肉捲$78(10% service c

🇹🇷土耳其主題的咖啡店在深水埗！去到門口望入去已經feel到不同文化的感覺。每一樣餐具都有好多顏色 好搶眼！有幾張特色枱可以坐（直程上去瞓🤣）好似一張床中間有一張茶几擺吓嘢，感覺真係唔同。溫馨提示，如果選擇坐特色枱 用餐時間只有90分鐘。食物同飲品都好有特色，有土耳其早餐 沙律 小食 主菜。餐廳用本地材料炮製。SALEP (TURKISH TRADITIONAL DRINK)SERVE WITH TURKISHHAND-PAINTED CERAMIC MUGTurkish salep | milk | cinnamon | pistachio呢間Cafe真係好有feel。如果去晒咁多間Cafe之外 可以過嚟試吓呢一間咁有自己風格嘅餐廳。影吓相打吓卡都係一種享受！

Our Foodie👨‍🌾👨‍🌾「異國浪漫 不只一種心情」📍Lonely Paisley @lonelypaisley📍深水埗福華街182-186號怡華閣地下A號舖😌是咁的某一日屎忽痕想食翻個有feel嘅dindin結果間間都話8:00就last order所以我地就起深水埗😧尋尋找找為何都找不到結果決定去K小姐當年介紹過嘅異國主題餐廳入去之後：我沉左😳😳……開門後迎臉而來嘅係土耳其風地毯枱😍😍聞說K小姐上次冇得坐(╯‵□′)╯︵┻━┻ (城大反枱！之後發現牆上嘅pattern同燈飾幾適合打卡………所以就「📸港女Time！！！」影左七七四十九日終於開始食飯😇———————我係分割線————————🦐自家製阿根廷香辣青醬虎蝦海鮮意粉($148)冇認真留意到青醬係辣比想像中辣 好辣 真係好辣🥵好彩店員及時遞咗幾杯水👍👍意粉幾好食 略嫌隻蝦小小細隻🐽蜜糖芥末豬串骨配薯菜($148)因為太辣 叫多另一個mains豬串骨總共有5⃣條 表面焦香 帶有肉汁試問我又點估到會用蜜糖芥末黎解辣😜🐣玫瑰蜜糖雞翼($68)好耐冇食雞翼可以試下 經典嘅皮脆肉軟🌯土耳其烤雞卷($78)最有印象嘅一道 唔好睇佢個皮睇