樂麵

Open Now

Now Closed

葵芳新開左一間叫樂麵嘅拉麵店，前幾日揀左食呢間拉麵做lunch😋。佢暫時有三個款式:▪️真熬雞白湯▪️花雕醉雞湯▪️胡椒豚肚湯今次我就揀左▪️花雕醉雞湯(雞肉，鴨肉，醬油糖心蛋)😍一送嚟湯底已經有好香嘅花雕酒味，入口酒香甘甜，加上雞湯，真係非常濃郁嘅湯底，原來呢個花雕醉雞湯底係用悅和醬園，唔怪得咁高質啦。另外，雞肉keep到肉質嫩，鴨肉幾香鴨味，拉麵份量岩岩好。另外，想試埋豚肉，就加左$25叫埋一枚豚肉。豚肉幾鬆軟，肥瘦適中添。

呢間餐廳主打3️⃣款拉麵，分別係真熬雞湯拉麵、花雕醉雞湯麵同埋胡椒豬肚湯麵。我哋今次揀嘅係花雕醉雞湯麵，仲加咗💰轉永樂伊麵。🐥拉麵入面有三款肉類，分別係雞肉、豬肉同埋鴨肉，配料非常豐富。永樂伊面係一種類似於粉絲嘅麵條，吸湯吸到不得了👅。除咗拉麵，我哋仲叫咗一款日式煎餃🥟，味道非常地道，皮煎得酥脆，內裏餡料又鮮美，好好食。總括嚟講，呢間餐廳嘅拉麵非常好味，湯底濃郁，配料豐富，令人食得好過癮。如果你鍾意食日式煎餃，呢度都係一個好選擇。🥰服務好好，整體體驗非常滿意。價錢相對較高，但係品質同口感係絕對物有所值。有機會嘅話，我哋會再嚟試其他口味嘅拉麵同埋菜品。

三款拉麵都好有香港特色，叫咗真熬雞白湯同胡椒豬肚湯拉麵，湯底都係黏稠綿密起泡口感，同慢煮嘅肉類搭襯平衡到個口感，胡椒豬肚湯底食完個頭頂即刻出咗一陣汗相當暢快。可能係新店試業需要磨合，上菜較慢，落order後第一碗係大概4個字上，第二碗等到朋友食完，離落order已經半個鐘頭催咗一次單先上。由於係bar台設計可以見到兩個廚師製作（似乎係台灣人），但覺得個廚房冇緊張感。既然係bar檯設計可以考慮廚師直接經bar檯上菜畀食客可能會令上菜更快同smooth，食客亦更有感覺，bar檯之外嘅檯先叫侍應傳菜。用嚟寫單落order嘅筆唔該換支好寫嘅筆，依家嗰支個筆芯勁容易斷。食拉麵好容易d汁彈到衫，亦容易食到流鼻水，好需要餐紙巾，但我係埋單先發現收銀位隔離擺咗d餐巾。瑕不掩瑜，希望試業期間磨合探索到合適嘅節奏同流程。

以為食拉麵，點知好似食大排檔麵。叫左兩碗麵，根本湯底一樣兩個師傅流水作業，煮麵加湯，d湯麵料放晒出黎在水喉附近，眼見唔太衛生拉麵碗悅和醋，我都諗緊係咪搞錯左？我碗麵走筍，佢就只係落筍😅😅😅😅湯底好似味精湯，鴨肉好蘇，雞肉聲稱慢煮真係唔知點形容，叉燒味道好怪認真差🥶🥶🥶🥶🥶🥶甘的價又唔係平，周街搵碗一定好過佢，在葵芳甘多好野食，其實好難生存到，究竟佢有無比教入到口的食物？真係好後悔入去食

🍜🍜🍜香港拉麵界又有新成員啦！今次我要介紹樂麵，這家餐廳的背景可是相當有故事呢！🏭🏭🏭樂麵的前身是觀塘良心小店 Favilla Cafe，但現在已經發展成主營各種本地食材的網店「港品味」。最近樂麵更和本地麵廠永樂粉麵廠合作推出全新拉麵品牌「九龍樂麵」，並於葵芳開設首間拉麵店「樂麵」。店內裝修相當有日式拉麵屋的風格，吧枱布簾上更印有「龍頭」圖樣，襯晒「港日合壁」風格，實在是相當有特色。🤤🤤🤤當然最重要的是食物啦！我們點了胡椒豬肚湯配豚肉溏心蛋拉麵，價錢只需$108！拉麵的湯頭非常濃郁，豚骨味十足，再加上胡椒的香味，真是讓人食指大動！配上豬肚和溏心蛋，更是美味到爆炸！如果你是個拉麵迷，這道菜絕對不能錯過！💯💯💯綜合以上，樂麵的食物不但美味，價格也十分實惠。而且店內的裝修和氣氛，更是讓人有種置身日本的感覺。如果你想嚐嚐本地新晉拉麵店的風味，樂麵絕對是你的首選！

🔸真熬雞白湯🔹豚肉，鴨肉，雞肉，醬油溏心蛋我同朋友都係揀咗呢個湯底，我哋兩個一致認為呢個湯底嘅味道好濃郁，原來呢間舖頭嘅湯底係落足心思，湯底凌晨開始熬製，用左六至八個鐘熬成，味道冇任何味精，係好清甜嘅雞湯味！真係好讚🤩豚肉，鴨肉，雞肉3款肉都好好食，各有特色。豚肉肉質比較軟腍，而鴨肉味道就會濃少少，雞肉係一啲都唔乾！都幾嫩！醬油溏心蛋個蛋黃係橙黃色嫁，超靚仔，蛋黃仲呈流心嘅狀態😍🥰我哋仲特別追加左追加🔸特典自家製 360分鐘活流慢煮豚肉，鴨肉，鷄肉$42🔹醬油溏心蛋 $15。

🍜胡椒豚肚湯拉麵呢個係期間限定既湯底，估唔到拉麵都有胡椒豬肚湯，真係有滿滿既胡椒，仲有豚肉，豚肚，醬油溏心蛋，豚肉好滑嫩，真係岩岩熟，豚肚比一般既彈牙，流心蛋又好食，湯底真係好濃胡椒味，辣辣地好開胃，食完成個人暖晒，好香濃好惹味！🥚醬油溏心蛋我地太被意食呢度既溏心蛋啦，另外再加埋，只係$15，好抵，溏心蛋整得真係好好，非常流心，充滿蛋香，同拉麵一齊食簡直係一絕呀！呢度既拉麵都係百幾蚊一個，唔算貴，但質素就相當之好，可以媲美係日本食既拉麵呀！絕對值得黎一試！

今日三人行係葵芳上堂，忽然其中一個朋友講話想食麵，咁就係度比我地搵到一間拉麵店👍🏻👍🏻呢度環境好乾淨，望落好舒服，店員已在門口招呼，帶我地三人坐低，然後經過店員推介，我地就好快地落單了👍🏻👍🏻👍🏻追加特典👍🏻👍🏻👍🏻👍🏻👍🏻我地好大食，特別再叫多一份肉一齊Share，加上未試過，試吓味都好，聽店員講呢個係自家製 用360分鐘整出來，真係好有時間同心機阿豚肉，鴨肉，鷄肉都係我地至愛豚肉，豚肚，醬油溏心蛋👍🏻👍🏻👍🏻👍🏻👍🏻呢個麵係期間限定阿，要食就唔好錯過，呢個湯底好濃郁，啲麵都好彈牙，軟硬適中，時間上控制得好好，而且沒有加任何味精，就算食完都唔會有口渴既感覺，當中既豚肉同豚肚都好惹味，好有質素花雕醉雞湯👍🏻👍🏻👍🏻👍🏻👍🏻(雞肉，鴨肉，醬油糖心蛋)我同另一位朋友就叫了一人一碗，無辦法啦大家都睇中呢個拉麵，就咁睇呢個麵真係好靚，中間一點紅，佢既湯底花雕醉雞湯確真係好香花雕味，雞肉口感好滑，鴨肉就好鮮味，呢碗都係無任何味精，好岩我地食阿

聽朋友講話葵芳新都會開左間香港 X 日本特色拉麵，話好好食，叫我一定要試，我就笑左出黎，我都係食遍咁多大大小小拉麵，都無話邊幾間我覺得驚喜，我就抱住食一個一般午餐的心態去試啦，去到，WOW叫左出黎，條人龍……我心想，有無咁誇張呀！反正過黎就等等，等了15分鐘，環境幾有心思，拿起點餐紙一看，胡椒豬肚湯？花雕醉鷄湯？咁神奇？真係第一次食，非常期待，點了一款胡椒豬肚湯拉麵，胡椒味好香，豬肚用麻油爆香過，鷄湯好濃，越食就越爽，最後湯底全部清光，真係正，但心裏一直在看著餐單的另外一款花彫鷄拉麵，試唔試下呢，最後忍唔住，都係點多一碗花雕鷄，陣陣的酒香，鷄肉好滑，好正，最後又一碗清光，好耐無食過咁鬼過癮，超滿足，有圖有真相，我真係清左2碗，痴線

🌸我最近去了葵芳嘅「樂麵」，試咗佢哋嘅真熬雞白湯同埋豚肉、鴨肉同雞肉拉麵，真係好好味㗎！🌸佢哋嘅真熬雞白湯拉麵味道濃郁，好鮮甜，令到拉麵更加香滑，而且佢哋用嘅雞肉質地好滑嫩，真係好好食。我仲加咗個追加豚肉，豚肉質地好嫩，同埋味道好濃郁。鴨肉好香，雞肉就好鮮滑，真係冇得挑。真係令到呢碗拉麵更加豐富。所以我都叫多左一份豚肉。🌸除咗拉麵同肉之外，我仲試咗佢哋嘅醬油溏心蛋，蛋黃流心，好滑好嫩。🌸總括而言，如果你係拉麵愛好者，一定要嚟「樂麵」試下佢哋嘅真熬雞白湯同埋拉麵，同時唔少追加特典都好好食，真係一個值得去嘅餐廳。

拉麵店試業中所以座位没有全部開放，好彩我哋早到唔洗等好耐，拉麵款式只有3種，我就試最平嘅$98真熬雞白湯，雞湯真係幾香，口感濃厚，藜麥拉麵可以自己選擇硬度，我覺得正常硬度幾啱我，麵質彈牙，碗內仲有兩片慢煮豚肉，雞肉及鴨胸肉各一片，3款肉都算軟林，由於湯底濃郁，感覺比較飽肚，老公就試$108嘅胡椒豚肚湯，豚肚份量較少但湯嘅胡椒味超勁，適合冬天食，因為好暖胃，呢個晚餐整體都算唔錯，下次有機會我想試埋花雕醉雞湯及煎餃子。

星期日11點多經過見到有新野見入面D人準備中又見門口唔多人排下隊。排隊時觀察下入面環境，日式設計其中一邊設計兩邊bar枱，如果兩邊坐滿感覺非常狹窄，而且侍應傳遞食物相信非常有難度。觀察一輪後已經1145Am，排隊的人都多左，但仍然未入得於是問吓店長，他沒有說明時間只是說就快喇！於是為有乖乖再等候，隔左一陣見到條人龍越來越長已經阻住別人舖頭了仍然未入得，跟住再問店長何時可以安排入座，這位極之沒禮貌嘅店長完全無視我的提問好似裝聾扮啞咁，大佬答一句有幾辛苦？真係把幾火….老實說間餐廳怎好食都冇用你哋對食客咁冇禮貌既然你吹噓間舖咁勁我就睇吓咩料。終於由11點多等到1230Pm先可以入座，一入座低實在太肚餓立即落單，頂佢個肺又無視班客人，隔咗陣就話佢地會續個續個收點餐紙，痴孖筋學生咩？？好啦又等…. 因為店舖又吹墟1. 買點每款湯底即叫即做，所以三個人一齊來食又分別叫三款唔同口味湯麵既話，每個分別相差成15分鐘先到，換言之三個人不能同時一齊食感覺真係似撘枱咁。吹噓2. 話自家熬制8小時的湯底冇添加味精 而全部湯底都係用同一個白雞湯底，再加調味變做其他兩種，可惜碗胡椒豚肚湯同個麵唔夾，個豬肚切到

二人用餐，點左一個胡椒豬肚麵，一個醉雞麵，再追加一set慢煮豚鴨雞肉，落單話要等15分鐘，都Ok既；等待期間已經聽到周圍既客不停催單，過左20分鐘黎第一碗麵，尚算合理，但到朋友差不多食完都未黎另一碗🤷🏼，之後問左一位似係女經理既 碗麵係咪整緊？佢單都無check就話「整緊架喇 下round出既就有」結果所謂下round出既係隔離枱比我遲入座既（同一款麵）👎🏻個女經理送完碗麵比新枱，見我仲未有先肯問廚房係咪整緊？問完都只係答「整緊架喇！」🥱最後等左45分鐘先有，服務差都算； 醉雞麵—賣相好似嘔吐物🤮花鵰酒味淡到無味咁制，鴨肉、雞肉淡而無味，溏心蛋沉左係麵底下😵‍💫😵‍💫追加個set肉唔止無味 而且係岩岩雪櫃拎出黎既溫度😅 上黎睇返食評先知原來早有前科😅開左兩星期有多，「新開張」三個字已經唔係容許服務、質素差既藉口🤧

睇完篇介紹趁假期嚟試，大約三點半到，扶手梯隔離唔難搵，門口打哂蛇餅，咁應該唔會伏得去邊，等左大約20分鐘入得。兩公婆叫左胡椒豬肚同雞白湯，另外加個特典(豚鴨雞肉)，全鋪滿座，所以都要等一陣，ok嘅，食拉麵飲湯先是常識吧，個湯濃到呢～係濃但唔係死咸，湯面冇一浸好厚嘅油，加分，我好怕拉麵又油又咸到PK，食完喉嚨會勁唔舒服，呢個就啱啱好，慢煮肉果然冇得輸，嗰種滑度真係好正。美中不足係餃子賣哂，下次會再嚟攻堅。評分：5⭐最高賣相：⭐⭐⭐⭐湯底：⭐⭐⭐⭐⭐配料：⭐⭐⭐⭐⭐價錢：⭐⭐⭐⭐

FAVILLA Cafe X 永樂製麵廠 X 悅和醬園 由香港品牌聯乘嘅香港拉麵，終於嚟試吓啦！地址係葵芳地鐵站新都會廣場😎 📌試業期間，推出三款不同湯底嘅拉麵（詳情🔎請睇menu) 今次就試下兩款先 🥳🍜花雕醉雞湯 $118 👆🏻一上枱就聞到陣酒味 🤩 湯底非常濃稠，而且麵量極多，我男朋友未食晒碗麵已經話好飽😂😂 可能係湯底太濃郁 😌 但整體嚟講都好滿意，咁嘅份量，性價比都唔錯👍🏻🍜真熬雞白湯 $98 👆🏻雞白湯底就好 creamy, 食食下，我覺得似忌廉雞湯咁😅 另外，配料都幾豐富，豚肉、鴨肉、雞肉都有，三款都好嫩滑，係好食嘅👍🏻 🍜日式煎餃 （麵套餐加 $25 ）👆🏻份量有6 隻，價錢幾公道；每隻餃子嘅餡料都多，漲卜卜嘅；味道同口感都好好！🍜