樂麵

Open Now

Now Closed

區內, 共有三間拉麵店, 樂麵是我有再回來試其他的, 因為第一次食了濃口胡椒豚肚湯, 很惹味, 胡椒湯好堅好讚! 所以再來試真熬雞白湯特製藜麥拉麵, 都好味的!我自己就覺得濃口胡椒豚肚湯, 更惹味, 較好食!

叫咗花雕醉雞湯, 湯好濃,够味.食完後味道在口腔中久久不散, 沒有口乾的感覺, 賺!👍 藜麥拉麵掛湯, 硬度適中. 雞肉及鴨肉是白洽的, 够滑但味道略嫌平淡. 糖心蛋漏油, 夠味. 竹筍爽脆, 整體感覺良好, 值得再試!美中不足是要加10%服務費, 服務是基本嘢, 何須加, 搵笨!

諗住新都會廣場開新嘅，見排隊都等吓！但好可惜，唔值得我再去，亦唔鼓勵大家去！安排座位已經差，唔識用盡座位，留返啲一個單丁位冇人坐。本身已經少選擇，仲要呢樣冇嗰樣冇！服務態度差，全部人都黑色面，問佢嘢語氣差到極，「係囉」「鍾意你咪加錢追加囉」「唔加咪就咁囉」。。。隔籬枱哥仔問落咗單已經20分鐘，麵仲未到，答「落單已經同你講咗要等，你唔鍾意可以同你取消」食物本身冇特別，唔可以話好難食，但鴨肉非常「騷」，湯好濃味非常杰，冇下一次。

濃口胡椒豬肚湯特製藜麥拉麵, 湯底很堅, 真正胡椒豬肚湯, 很正!豚肉也恰到好處, 好味.日式煎餃, 可以的.其實, 不介意烹煮時間,好介意, 有位, 都讓客人久企, 不安排入坐, 男店員視若無睹, 讓女店員一人應付晒工作.

首先喺門口排隊大約10分鐘，入座尚算順利，店內日式乘港式設計新穎，落單後等了15分鐘先有得食，加埋排隊差唔多用咗半個鐘， 唔緊要，始終諗住食好嘢要等冇所謂。嗌咗個醉雞麵$118試吓， 第一下感覺湯比較少 ，食到尾嘅時候真係冇晒啲湯，花雕酒味唔夠突出，唔講真係唔知加咗花雕，鴨肉雞肉亦冇乜特別，唯一糖心蛋做得唔錯，呢個價錢實在性價略低。另外可能人手問題，以致服務態度一般，上菜以及執枱都好明顯人手不足，餐具亦有少少洗得唔乾淨，希望下次有機會再嚟情況會改善。

我超鍾意食湯麵，每當發現到特別嘅湯底就會躍躍欲試，返到香港即刻衝去葵芳食拉麵，點知去到咁啱撞咗落場，唯有等到五點再去挑戰🥲-衝住花雕醉雞湯而來，味道冇想像中咁有驚喜，但整體幾啱我口味，可以encore😋-✨湯底：一上枱就有撲鼻既酒香，口感順滑，冇預期中咁濃厚，每一啖都有淡淡花雕酒香，酒味食落唔濃烈，但酒香餘韻停係口腔歷久不散🤤 食到後期有少少少膩，但可接受嘅範圍！-✨配料：一向鍾意慢煮肉類，肉質特別嫩滑。慢煮雞唔算好入味，唔浸落湯，另外再加香料好似會正啲😛 慢煮鴨第一次食，唔錯！溏心蛋加多少少調味會更好～-✨麵條：唔算掛湯，麵質偏硬，我自己OK。-咁地道嘅湯底可能得呢間餐廳獨有，當然啱啱開業仲有好大進步空間，但值得一試，隔多一排我會再挑戰埋胡椒豬肚🤭🤭

樂麵開鋪不足一個月 試業期間因人手不足服務係有改善空間 例如開業時間、人手安排但每位員工都有禮貌 有誠意 值得加分今次專程黎試雞白湯拉麵湯底濃而不膩 唔係走濃厚濃稠路線 口感順滑有驚喜！湯底極熱，加分！材料有兩塊慢煮叉燒、慢煮鴨肉、慢煮雞肉，肉質普通，味道唔錯，仲可以食到肉嘅鮮味，有小量筍，已走蔥花、京蔥、洋蔥藜麥拉麵選擇左正常硬度，麵條較幼，但因湯底熱，食到最後唔太夠彈牙，不過絕無鹼水味呢間鋪採用本地悅和園醬油，我下星期會再黎試湯底：10/10藜麥拉麵：7.5/10叉燒及其他肉類：7.5/10性價比：8.5/10

一坐低先發覺原來要自己畫紙仔落單，有啲傳統日式餐廳嘅感覺，幾有feel👍🏻 場內嘅裝修同擺設都幾有香港特色，碗入面寫住「香港．樂麵」之餘枱上面仲有隻麻雀，有啲香港同日本crossover嘅感覺，幾新奇但上菜時間就慢咗少少，好彩咁啱今日我唔趕時間，可以坐低慢慢等慢慢食🤥味道方面唔錯，醉雞湯夠濃幾足料，但如果遲啲可以快啲有埋野飲提供就更好！

葵芳新都會見到有條長長人龍，上前一望係試業中既樂麵，原來今日係試業第一日，因為人手緊拙同希望保持品質，所以即使場內有位都要等，店員細心解釋令我哋都繼續等。試業期間，總共有三款拉麵選擇，我同同行友人點了醉雞拉麵同白雞拉麵，面的軟硬度都可以選擇，座位前擺放左建議食法。醉酒雞麵 $118 花雕醉雞湯係香港獨有，而且同香港悅和醬園合作。但有少少可惜嘅係花雕酒味道唔特出，雞肉係雞胸肉，肉質偏硬，但雞湯味道濃郁，而我喬麵面，麵質為硬，有口感。雞白湯 $98一上餐已經聞到好香嘅雞湯味，面頭有一浸油脂，店員建議我哋先試一啖湯，係好濃郁雞味。本身想點永樂伊麵，但因為試業期沒有準備太多存貨，所以都係配上蕎麥麵，但都沒有違和感。

前幾日晏晝lunch 經過見到商場開咗間新拉麵舖，仲大排張龍 決定收工試試佢晚市都有唔少人排隊，等咗大約五個字到就入到去，Menu 得3款湯揀 入座時店員告知胡椒豚肚湯已經賣晒🥹最後嗌咗個花雕雞湯，見到枱面上面有香港地道品牌悅和嘅醬油，感覺幾驚喜。雞白湯底好濃 飲落有花雕酒香 配埋拉麵係幾特別嘅 ，(枱面上面仲有提示教你點樣「嘆」碗麵, 喺日式拉麵鋪，但同時又唔同細位都係港式嘅元素，做得幾細緻。下次會想試埋個胡椒豚肚湯 ！

琴晚咁啱同朋友經過新都會，見到有間新開嘅拉麵舖就入咗去試吓～ 雖然個餃子就無乜特別，但係個醉雞湯幾有驚喜，雞湯濃得嚟又唔會遮蓋咗花雕嘅香味🤤 見到仲有個胡椒豬肚湯，幾特別，下次可以嚟試埋！

Lunch time 時間去食 我前面都排咗5-6個人 但只係等咗15分鐘左右就入得 都算幾快嗌咗一碗雞白湯拉麵 店員有特別提到佢地嘅湯每日熬製八個鐘 賣完就無開頭見到碗麵覺得份量好少 但估唔到原來份量都幾足 啱啱好拉麵湯底好濃郁 做到掛湯嘅效果👍🏻👍🏻👍🏻要特別讚一讚個醬油溏心蛋🥹好好食 想追加多一隻但又太飽美中不足係我唔食鴨肉 而每款拉麵都set咗餸 無得選擇整得嚟講高質👍🏻湯好飲 麵好食 溏心蛋好好食👅會encore~

環境日式設計，整體佈局略為狹窄，唔係咁好坐、同等咗勁耐都冇得食，至於標榜好正嘅湯底，感覺有點怪，好似將兩種完全唔夾嘅味道放埋一齊，十分勉強 。 雞肉亦十分普通，份量亦少 。絕對係眼高手低，不倫不類，性價比極低。

餐主打精緻，但3個餐有一個無左。唔緊要然後所有汽水都無😅😅然後入面有位安排我坐門口？然後未食要收錢先？其實寫清楚都問題不大不過成個觀感全部野加埋就好差野食其實好食但服務態度，食物補給可能要等幾個月先可以再黎。肉唔夠熱，真係好可惜。

諗住支持下，試新野，見到門面還可以，都見到坐到滿滿地，點知中曬伏，難吃到嘔，好耐都未試過吃垃圾！拉麵最重要兩環，其一，湯底上到黎都凍曬，又少湯，其二，拉麵質感簡直難吃到癲，唯一合格，只有餃子，但煎到黑黑地，所以總結可以唔洗試，去隔離果間大家樂吃仲好吃，話明拉麵店，湯底同個麵都唔店，開麥鬼拉麵店另外，試業中，好多野都無，飲品又無，只有冰水飲，湯底款式又少，無咩特別，野食更加唔洗講，無咩事都唔好咁on居幫襯佢