樂麵

Open Now

Now Closed

呢一間拉麵店係新開嘅，唔少人專誠黎到食佢哋嘅真熬雞白湯的湯底。我都點左一碗‼️另外再添加了一份特典活流慢煮，讓我感受到了這家店的用心與熱情‼️首先，拉麵湯底中的豚肉、鴨肉和雞肉都非常入味，讓我一口接一口咁飲落去。加上湯底中的醬油溏心蛋，口感豐富多樣，讓我感到十分滿足‼️值得一提的是，這家拉麵店的湯底並不使用味精‼️而係用八個鐘左右嘅時間熬製而成，中間加入了大量嘅雞殼，所以湯底非常濃郁。我可以感受到店家的用心，在追求湯底嘅味道上下左唔少功夫‼️最後，一定要介紹佢哋嘅特典活流慢煮嘅三款肉肉質鮮嫩多汁，最後令我吃到津津有味。總的來說，這間拉麵店的湯底真的是非常好飲而且還有不少值得品嚐的菜式。雖然價格略高，但我覺得非常值得一試‼️

樂麵係一間位於葵芳嘅拉麵店，佢哋係主打冇味精嘅，今日終於試一試呢間新餐廳質素如何😆胡椒豚肚湯❤️‍🔥 期間限定❣️見佢呢個胡椒豚肚湯係期間限定，當然要試左先啦😳，湯底幾香胡椒味，有小小微辣，拉麵入面仲有豚肉，豚肚同醬油溏心蛋。追加特典自家製 360分鐘活流慢煮豚肉，鴨肉，鷄肉$42❤️‍🔥食拉麵一定要多肉🥰，追加左擺埋入湯底到食，超滿足呀！豚肉好嫩，鴨肉幾香，雞肉juicy。整體而言，好鐘意佢地嘅湯底，食材都係有保證，餐廳環境都舒適，值得一試。

今日去咗一間推出咗經過6小時以上熬製-真熬雞白湯拉麵嘅餐廳，我真係被佢哋熬湯時間吸引🤣。我叫咗一碗試一試佢，入面有豬肉、鴨肉同雞肉嘅拉麵，再加埋一個醬油溏心蛋。第一啖湯汁已經令我驚艷😱，濃郁嘅雞湯味融合咗醬油同其他調味料，口感非常豐富👍🏻。拉麵嘅麵條非常有彈性，同湯汁嘅搭配完美無瑕。肉類部分都非常嫩滑，令我食得好滿足👅。醬油溏心蛋嘅蛋白🥚非常軟嫩，蛋黃嘅濃稠度都十分完美，加入湯中後，湯汁嘅味道更加濃郁。總括而言，呢碗真熬雞白湯拉麵非常值得一試。熬製時間長，味道豐富，肉類同麵條嘅搭配完美。我推薦畀所有鍾意拉麵🍜同雞湯🐣嘅食客，你哋一定唔會失望！另外小食方面仲有日式煎餃子都好正呀！外皮酥脆，內餡鮮美多汁，令人一試難忘。一定要推介俾鍾意食煎餃子嘅朋友！😋

呢度既地點相當易搵，新都會廣場2樓270號舖，今日既晚餐係Walk In行入去，係門口見到已經有一種和式既感覺，周邊都以木色為主題，燈光好柔和，🤹🏻整體比人感覺好舒服門口有企牌推介新鮮食材，🫣因為太肚餓，所以是但選了一款拉麵豚肉，豚肚，醬油溏心蛋（期間限定）意想不到咁好食，特別係醬油溏心蛋，做到啡黃色，蛋黃顏色較深呈半熟，好有質感同蛋黃味道，湯料也十分好飲，佢既湯底凌晨開始熬製，係用好多隻雞殼擺入去烹調，所以湯底好濃郁，因為實在太好食，於是後期再加一個麵底，都只係25蚊，店主非常好人，食到中途仲可以要求加湯，服務滿分食物🎖️🎖️🎖️🎖️🎖️新鮮🎖️🎖️🎖️🎖️🎖️品質🎖️🎖️🎖️🎖️🎖️材料🎖️🎖️🎖️🎖️🎖️

同男朋友喺葵芳行街，就一齊嚟新都會搵嘢食❤️我哋就揀咗呢間樂麵食拉麵🥰🍜真熬雞白湯$98💗豚肉，鴨肉，雞肉，醬油溏心蛋不得了呢個真熬雞白湯超入味，飲得出好香雞鮮味，一定唔係味精湯，而且一碗仲會有豚肉，鴨肉，雞肉，醬油溏心蛋。豚肉入口即化，雞肉嫩滑juicy。🍜 期間限定胡椒豚肚湯$108💗豚肉，豚肚，醬油溏心蛋胡椒豚肚湯都同樣入味，不過有小小辣嘅胡椒香味，另外都會有豚肉，豚肚，醬油溏心蛋。豚肚冇異味，又爽口。醬油溏心蛋生熟程度岩岩好，有少少醬油甜味。🍜永樂伊麵 加麵$25份量都幾多，估唔到幾掛湯。🥤芬達食拉麵飲汽水都係人生幸福嘅生活。

好耐都無黎過新都會啦，以前細細個就係度返學，原來呢度變左好多，連啲路都差啲唔認得，好多店舖都轉晒！今日難得返娘家，跟住出黎搵野食，好多都未試過，睇路牌見到一間樂麵拉麵，咁就係度食啦 好彩下午時段唔算人多，都仲有位既，見到附近有人食緊煎餃好香！搞到我都想食埋一份，結果真係加配日式煎餃一客，哈哈，金黃色既餃子，點一點醋汁，真係好好食阿，裡面仲係好熱，所以要小心熱親咀仔🫦「真熬雞白湯」➡️豚肉——嫩滑➡️鴨肉——-嫩滑➡️雞肉———嫩滑➡️醬油溏心蛋———好有味➡️拉麵———份量ok好飽肚 ➡️湯底——-非常好 服務🤗🤗🤗🤗🤗衛生🤗🤗🤗🤗🤗值得推介朋友黎食✔️真係好好食✔️每一道菜都好用心造✔️另外呢度環境好乾淨✔️枱面一啲污漬都無✔️性價比高✔️支持小店

Yummy本身都好鐘意醉雞同胡椒豬肚，偶然見到呢間新開拉麵竟然有齊哂就要試試啦🥰 入面環境都幾有心機，用麻將牌做檯號、連調味料嘅醋同辣油都用返香港牌子。食物方面其實得三款麵: 雞白湯/胡椒豬肚/醉雞🤣 今次決定試咗d特別味先。花雕醉雞湯拉麵(雞肉、鴨肉、醬油溏心蛋）湯底花雕味極重，凍醉雞同慢煮鴨肉都夠嫩😍 少見拉麵店會用鴨肉，由於佢用慢煮同埋調味唔重，都幾融入到碗麵。麵質方面揀咗藜麥拉麵，味道上冇咩特別分別但就覺得麵身係偏實淨d。整體嚟講係唔錯，但覺得花雕湯重到有少少蓋過咗個雞湯味。濃口胡椒豬肚湯拉麵 （豚肉、豚肚、豬肚同醬油溏心蛋 ) 湯底一入口就係濃濃嘅豬肚味❤️不過佢個胡椒只係就咁on top灑向豬肚上，覺得唔多夠，少可惜❗️糖心蛋熟度ok夠糖心、豚肉豚肚處理得ok，入口唔會令人覺得油膩，味道就淡味dd嚟配合返個湯底🤣 豬肚份量好多😂不過都幾爽口、味道都夠重。日式煎餃 份量ok都算抵食，不過覺得冇咩特別😂 餃子如果脆身少少就好。

🫶🏻同同事去食lunch‼️呢一間拉麵店暫時只有三款湯底可以選擇，我哋就揀咗兩個比較特別嘅湯底💠胡椒豬肚湯底💠花雕醉雞湯底我哋兩個都有撈亂食，我自己就覺得胡椒豬肚湯好味啲，同事就覺得佢個花雕醉雞湯好味啲😹餐廳嘅職員聽到我哋嘅討論仲話其實兩款都好好食🙌🏻𓐍𓏸𓈒🌀𓈒𓏸𓐍‪𓈒 𓏸𓈒𓂂𓂃♡𓐍𓏸𓈒🌀𓈒𓏸𓐍𓈒 𓏸𓈒𓂂𓂃♡𓐍𓏸𓈒🌀𓈒𓏸𓐍𓈒 𓏸𓈒𓂂𓂃♡‬當然啦！兩款拉麵都有佢哋嘅特色，味道都好好食。胡椒豬肚湯拉麵濃郁辣口，豬肚肉嫩滑多汁，拉麵麵條有嚼勁，同湯汁嘅配搭完美‼️花雕醉雞湯拉麵雖然味道比較清甜，但湯頭仍然十分香濃，加上醉雞肉、冬菇同雞腳筋等配料，令味道更加豐富。拉麵麵條同樣有嚼勁，同湯汁嘅配搭亦十分協調。‼️所以，如果你鍾意辣口少少，就可以試吓胡椒豬肚湯拉麵；如果你鍾意清甜同酒香，就可以揀花雕醉雞湯拉麵。兩款拉麵都絕對值得一試‼️

🧡真熬雞白湯豚肉拉麵呢個拉麵既湯底絕對係重點，非常濃雞味，又唔會飲到好多雞油，應該係用慢煮既方法，成個湯底充滿雞既鮮味，配料就有齊鴨肉、雞肉、豚肉、醬油溏心蛋，呢度既肉都應該係慢煮既方法，同樣咁嫩，只係僅僅熟，配埋提升味道既香蔥同筍片，仲有真係超流心既溏心蛋，好食到爆呀！💛拉麵 替玉($15)我地食晒啲麵都未飲完果湯，決定加強個拉麵，拉麵唔同一般既幼麵，呢度係粗麵，更加掛汁，麵質都幾煙韌，我勁中意呀！🤎日式煎餃($25)呢個咁抵點可以唔加，上枱熱辣辣，一咬開仲有煙，皮脆肉嫩，點啲醋食仲正！

今日食既兩個拉麵都係特別口味嘅拉麵，第一個喺胡椒豚肚湯拉麵，一個正常拉麵湯底唔會見到嘅胡椒豬肚湯，估唔到原來同拉麵係咁夾，湯底辣辣地，食完個人會暖佐，而且豬肚都好好食，好爽口彈牙，啲豚肉夠晒腍，一個好特別嘅拉麵( ^ω^ )另一個同樣特別既係花雕醉雞湯拉麵，又係估唔到原來拉麵湯底都可以係醉雞湯，一個好濃酒味嘅湯底，鍾意飲酒嘅人一定要試，花雕味好濃，係好靚嘅花雕，所以好香醇，啲配料都好入味，真係會食到酒味，成個味道好鮮，一個好新鮮嘅體驗（≧∇≦）我地見到啲肉咁出色就另外追加特典自家製360分鐘活流慢煮，$42有豚肉，鴨肉同鷄肉，慢煮出嚟嘅肉真係好唔同，特別嫩滑，係啱啱熟嘅程度，仲保留到肉汁，亦都有肉嘅鮮味，每一塊都好好食(^o^)

自己見客咁啱去左葵芳，呢排好想食下拉麵，上OpenRice見到呢間新間嘅鋪頭，食物賣相都幾唔錯，有啲都岩我口味，即刻流晒口水衝過去試吓🤤🌼真熬雞白湯拉麵🌼呢碗拉麵本身已經配左豚肉，鴨肉，雞肉同醬油溏心蛋，好多餸呀😍，仲有好鐘意佢會有幾款肉，冇咁dry😋。豚肉肥瘦適中，鴨肉香味濃，雞肉滑嫩而不柴。另外佢地用咗特製蕎麥拉麵，麵質口感軟硬適中，好有口感，連湯飲一流呀🥰！我仲+$25配左個日式煎餃，煎餃子外皮煎得好脆，仲要內裏有有肉汁🥟好食呀。

新都會廣場的食肆一向水平一般，難得有新食店，今日同屋企人去試新野。點知可以伏到咁…😅首先，我喺落單紙圈清楚「走」筍 ，麵黎時有三條筍。我點既喺醉雞拉麵，大個麵碗所有食物佔碗不到一半容量；有三四片白雪雪的雞片，軟、有雪味但吃不到酒味；蕎麥拉麵可以，但湯偏咸。$118出品絕對不值！因為我哋一行三人坐bar枱關係，可以睇清楚製作過程；其中見到有用攪拌器打湯起泡？打滑？另外想講的是，一班員工喺客人身後走來走去，打咭既打咭，又大聲談論番工值班事宜…更可笑的是有其中一名員工來到我身旁bar枱倒水飲…好明顯店舖管理出問題；分不清什麼應該及不應該在食客面前做及應有工作態度！我想下回到新餐廳前一定要看清楚餐牌及食評，只怪我準備不足😂大家去樂麵前請三思！🙏🏻🙏🏻🙏🏻

經過幾次都見要排隊，今咁啱經過見到可以直入，新開即管試一試 。今日客人數量不多，但可能大廚掛住玩電話，所以等咗20分鐘先有得食。如果肚餓或者趕時間真係要諗一諗先。order了一碗雞湯底，湯底夠濃味，但係食完真係有少少頸渴？？唔通真係落咗味精？真係唔能夠肯定了！另外就係覺得鴨肉好蘇，雞肉亦十分普通，份量亦不多！另外面質亦偏硬，不是我杯茶，怪不得開業不久便不用排隊了！唯一有驚喜嘅地方，就係用咗玻璃樽汽水了！

試業中嘅港式拉麵店。個人覺得胡椒豬肚湯幾有特色，個湯底都有豬骨湯味，夠濃，肉嘅份量都多。雞白湯偏淡，加上啱啱去完日本返嚟，同日式雞白湯係有距離。而因為雞白湯湯底偏淡，變咗啲肉食落都冇乜味咁。餃子出乎預期地好味，熱辣辣又皮薄多汁，食完都想叫多碟，不過有6隻兩個人分好公平！😹樽裝飲品仲有跟冰底，飲得好爽，呢個細節位值得加分。·真熬雞白湯 $98·胡椒豚肚湯 $108·日式餃子 +$25like fb/ig 送飲品*需加一服務費*

今日去左試啱啱試業既拉麵專門店。佢地暫時得三款味道既拉麵，包括有胡椒豚肚湯、花雕醉雞湯、真熬雞白湯。今次我地試左胡椒湯同醉雞湯。胡椒湯一入口就有強烈既黑胡椒味，嗰種辣辣既感覺好濃烈但係易入口，應該係用左好高品質既黑胡椒先可以做到。胡椒湯係濃烈既辣味之後帶出濃郁既豬骨湯味，都唔太膩，豚肉同豬肚都煮得啱啱好，仲吸入晒湯頭既味道。整體黎講，呢個係比較重味既選擇。至於花雕醉雞湯一入口首先有一陣雞湯味之後就慢慢有花雕既清香湧出黎，醉雞湯黎講，呢個湯一啲都唔會苦反而帶點清甜，之後後勁既酒香雖然都濃烈但係冇搶到湯既清甜。雞肉切片，口感都算唔錯，但有啲唔夠入味。整體黎講冇胡椒湯底咁重味但係鍾意醉雞既朋友可以試試。麵方面由於冇晒永樂伊麵，我地唯有選擇藜麥拉麵，不過依然咁好味，正常軟硬度都好彈牙爽口。我地另外有點到一份煎餃子小食，味道尚算唔錯，不過等候時間偏長，同埋服務態度麻麻😂