一喜 (Closed)

喺中環街市行完街🏺，少不免要食個lunch。去咗價錢相對富貴嘅Food Court搵食，呢間港式餐廳價錢算係相宜少少🤌🏻，畢竟坐開放式座位嘅Omakase都要價幾百蚊一位。搵個開揚嘅露天位坐低🌳，喺櫃檯叫完嘢食等一等就攞得，望落唔錯，味道就空有其表，起碼都俾啲正常嘅食物質素掛⋯————————————————👅酥炸雞扒擔擔麵（$78）👎🏻 擔擔面湯底水汪汪，開頭有少辣，但中間有好突出嘅酸味😨，完全同上海擔擔面掛唔上關係。酥炸雞扒好似港女一樣咁厚粉，雞扒細細件，脆漿炸得偏硬，食完仲剩低半碟殼😵‍💫⋯ 面對食物我從來都好少浪費，今次係第一次想放棄唔食，雖然最後都勉強食晒🤢⋯———————————————— 🚩總結：簡單三個字：唔建議⋯———————————————— 🌟注意：午市套餐加$10先有熱飲，凍飲再加多$2————————————————📍 一喜地址：中環皇后大道中93號中環街市地下G11號舖.🗺地區：#bem 中環📥分類：#bem港式💰人均消費：#bem_51至100蚊

中環街市地下，有好幾家酒吧餐廳，與及食店。晚飯聚無望，唯有與朋友HH。無理由齋飲酒咁寡，要些佐酒小吃，才是真正的歡樂時光。意猶未盡，決定走在場內兜個圈，再來點什麼小吃。結果在一喜取來了炸豆腐、黃金魚皮、孜然牛舌，以及蝦多士，全部都係熱氣嘢，豁出去了。豆腐外脆內嫩，牛舌屬偏軟腍的口感，魚皮咬落脆得發出咔嚓聲響，還有咸香的咸蛋黃，愈邪惡愈美味。鬆脆的蝦多士，是上酒家吃晚餐常點的項目，能在HH遇上，感恩。六點前食飽飽，又解決了一夜無堂食之煩惱。

疫情走進第5波的同時又再次經歷沒堂食的晚餐，可幸在這日之前相約到一班知心好友到中環街市來一場暫別夜蒲聚，總算是不幸中的小確幸吧！！光是芝士當然未能滿足饞嘴的我們，於是走到同層中的一喜 Lottajoy 點多數款小食佐酒，餐廳用了廣東麻雀鋪滿外牆很有東方色彩。我們在一喜掃了4款小食來佐酒，當中包括有黃金炸魚皮、脆皮黃金豆腐、孜然蝦多士及孜然牛舌粒，估不到份量竟然那麼多很抵吃喔。脆皮黃金豆腐＄48外皮炸得乾脆內裡豆腐嫩滑，配上香口蒜蓉好好味啊。孜然蝦多士＄68一客有6件之多，每件也附有一隻爽口大蝦口感大滿足。而我最喜歡的是這碟黃金炸魚皮＄48，輕脆炸魚皮香而不油沾上目香的鹹蛋黃，隨即變成邪惡得可以的佐酒小食，最後還有好友的孜然牛舌粒＄88叫我們吃得滿足非常。 

六點後，只要坐在白蘭樹下飲野，你就可以叫其他餐廳嘅嘢食過嚟，當晚選擇一喜，主要吃中式嘅小炒，基本上你講得出嘅嘢都有。 當然其實係白蘭樹下都可以叫其他嘢食，薯條漢堡都平到傻，不過今晚想食中式嘢。  豉椒炒蜆，完全同平時喺大排檔食到嘅風味差唔多，有鑊氣而且粒粒都都炒得好好。  H小姐點的黃金炸魚皮同和牛粒，兩樣都係送酒之選，喺嗰刻我已經想去麥子叫啤酒。  我們也愛好辣，喺水煮魚同肉之間，食左水煮牛肉，牛肉當然幾好，用上鮮牛，完全同水煮味道融為一體，仲要有寬粉，$108一碗，平時茶餐廳個價錢都唔得，仲要呢度係中環街市，又有得飲酒又有得坐低舒舒服服咁食，夫復何求。  我愛澱粉質，當然要叫多個煲仔飯食，點了個梅菜排骨飯，如果話俾你聽佢質素超越坤記就當然無可能，但一百蚊內咁平，絕對收貨，特別係肉多過飯。 食飽意猶未盡，再去下場，係wine同啤酒之間，我都係prefer啤酒，點了個甘蔗黑啤，朋友點了經典的手工啤，走出去大堂原來有我有得坐，enjoy聖誕燈飾，都唔錯。 就這樣連環試，就結束是次中環街市之旅，感覺不錯，特別係好似我哋呢類乜酒都好嘅人，不停試就最好

中環街市 ，活化之後多咗好多唔同嘅小食肆 ，中西各國東南亞食品都有， 今日到訪剛好係下午茶時間， 有啲肚餓所以想食飽肚啲嘅下午茶 ，揀咗呢一間一喜， 下午茶嘅選擇算豐富，價錢四五十蚊至六七十蚊， 揀咗食神叉燒湯瀨粉， 同吉列豬扒擔擔麵， 碗叉燒湯瀨真係唔錯， 首先湯熱贏咗三分， 飲落夠味又唔覺得有味精，煎蛋有燶邊效果， 叉燒鬆軟亦係燶邊， 份量亦不少，問佢攞咗自家製辣椒醬， 加咗落去湯又香又好食， 非常唔錯。 擔擔麵方面， 就略嫌湯底太濃味， 亦偏鹹， 但麵質爽滑， 吉列豬扒外脆內軟， 算係整體都可以。