愛家素食 (淘大商場) (Closed)

今天抽空到牛頭角這間素食店一試，真的很不錯～！最值得讚的是它的食物都沒放蛋，十分適合不吃蛋的素食者～！加上環境清潔衛生，真的很好呢～！我試了其煎餃子和特色湯水：椰汁粟米薯仔湯～！味道很好，由於本人甚愛餃子，加上其配的醋，真的好好味～！湯水也很不錯～！價錢算是合宜，現場看來也有很多街坊光顧呢～！實在是值得一試的素食店～！

尋日星期日,就諗住下午出街食飯,但作為一個素食者既我,除左屋企樓下一間素食館外,仲想搵吓有冇其他又平又正既餐廳。於是,我就搵open rice啦。果日一點幾就去到，見到都唔算好多人，入面好乾淨同整齊，尋日就選左個鮮茄磨菇燴意粉+個南瓜濃湯。$26炸，因本人係學生，所以個湯係免費既。嘩～我覺得得好豐富，好靚同好正。特別係個湯，濃湯真係濃湯，好好飲呀～仲有個意粉都好正，不過我就唔係咁想食炸野啦。果日有ｄ唔明，就問左收銀員哥哥一ｄ問題，佢都好細心咁答我，有聽我講咩～我鍾意果度夠靜，不過可惜唔近我屋企。下次有機會再我食其他野。

記得以前讀佛教學校既時候, 中六果年, 冬令時間都係學校到食齋菜...當年同一班同學仔一齊柴娃娃咁~ 十人一張枱..爭下餸食...開開心心咁食我地既午餐...今曰考試表現唔理想.....明明有一個機會擺係自己既眼前…可惜自己無法抓緊...真係好唔開心回想起以前讀佛教學校既時候, 中六果年, 冬令時間都係學校到食齋菜...當年同一班同學仔一齊柴娃娃咁~ 十人一張枱..爭下餸食...開開心心咁食我地既午餐...就決定去朝聖e間好多人讚好的Buddha Hut ~希望可以洗滴下負面的情緒一去到既時候, 店舖內乜人...可能係因為只係7點左右d 人未放工掛...與朋友仔一齊試左素豆腐叉燒飯+叉燒汁(d味怪怪地既~)佢d叉燒真係好有質感, 有小小似齋雞粒既感覺....當然更加好味la....一路食, 一面睇下枱面既介紹...話佢地既出品係無奶既...由於好奇既關係就試下食佢既米提拉蘇...無奶無蛋真係唔知佢係點樣製造架呢？但係佢個餅低係濕濕地咁既我地發現佢係加入左橙皮....同埋豆腐~甜甜地…同平時食開既好唔同而佢cream既部份似豆奶硬身既moss既質感….買cake時見到佢有蒲公英咖啡(聲稱

素食快餐店聽就聽過，去就未去過。果日走去九龍灣四圍食野，發覺呢間地點唔係太方便既素食快餐店。初時唔知佢賣齋，入到去見到個牌先知。之前食左隻炸脾，食唔得多野，叫左個豆腐扒漢堡。個包唔係咩靚包，係咬入去一陣風無左果 d 包，但係佢輕輕焗一焗至香脆，變左外脆肉軟，唔錯。個豆腐扒無咩豆腐味，口感有 d 似食蛋，幾特別，有疏菜夾住，夾埋個汁，份量配搭唔錯，算係有 d 驚喜！下次叫下 d 碟頭飯試下先！

見牛頭角就黎無，又一個香港人既歷史回憶襯今日岩岩考完mock就去左個邊行返個圈！大排檔日光日白人地可能都未開門，更何況呢啲梗係成大班朋友黎食個陣先夠開心架嘛！所以都有目前地去到九龍灣搵buddha hut食素。門口收銀個哥哥超有禮貌，聽到啲人問佢：呢個餐淨係咩？搵咩整架？佢都無厭其煩勁有禮貌咁逐一回答。真係值得一讚呀！叫左個豆腐扒加黃金扒飯跟薑蓉汁，好surprise！因為外表真係好似豬扒但估唔到原來係用豆腐整架另外一塊扒就係用幾層腐皮包埋一齊整既！味道真係唔錯！再點埋個汁，食落口，好特別！第一次既嚐試真係好唔錯，同埋個飯係紅糟飯，好健康！可惜地方唔近我，如果唔係我諗我會日日都落去試下唔同既菜式！其實都好想自己會茹素，但一諗到同朋友出街差唔多好多野都食唔到呢一方面就有一點麻煩！同埋茹素唔食肉，成個人都會健康啲！應該好好利用呢個AL Study leave應該試下茹素......睇下個人會唔會真係有健康到先！

呢日又來食飯盒，揀左個未食過既炒飯﹗炒飯用粟米、菜粒、齋火腿、齋肉碎等炒成，一0的都唔油膩，不過老實說呢個飯唔係太夠味，略嫌佢淡口少少，下次都係食番咖哩和樂飯好0的﹗配以一邊蔬菜，反而0的菜就仲濃味鮮味過0的飯，所以最後係用菜送飯﹗

呢日又來買外賣，buddha hut真的越多越多人客捧場，已經成2:00pm都排住人龍，今日唔想食飯之下於是揀左煎餃一份﹗17蚊有5隻，在這兒買野食都預左價錢不便宜。外皮煎得微脆，質感煙韌，餡料是蘿蔔、蔥、菜碎及豆腐等素食，味道淡而清新，蘸0的醋來食，好味。見到有人叫素pizza，睇落好似幾好味，到底無奶無芝士點做pizza呢？一於下次試下﹗

近排新年食既野都好油膩 搞到個人都有少少飽濟所以今晚呢餐 媽媽提議不如去食齋咁一餐半餐食清少少 我都覺得冇咩所謂香椿芙蓉包飯配羅漢果菜乾南北杏湯$32呢個係家姐既 佢配老火湯 另外有椰香薯仔粟米湯簡呢個香椿芙蓉包其實係腐皮卷 入便包咗少少素肉同羅漢齋味道都唔錯 但好大陣我同家姐好憎既莞茜味而且個汁我同家姐都唔係太鍾意不過素肉就幾好 好似真係肉咁 整體都幾好味黃金扒飯配羅漢果菜乾南北杏湯$30媽媽照舊要黃金扒飯 都係配老火湯豆腐扒飯餐$30我就要咗百吃不厭既豆腐扒飯 飲可樂豆腐扒煎得有少少燶 好香口 菜都係好爽甜 真係幾好食

今日又來食齋，由於呢排成日來食，介紹左俾0的工友，佢地都話好味要encore，今日試左個日式萬如飯﹗叫萬如其實就即係想講鰻魚，問一問好nice既收銀哥哥，佢話齋鰻魚即係炸紫菜，一向都係紫菜魔怪既我開心到暈，當然一試啦﹗配埋蕃茄豆腐湯，清清地﹗先試炸紫菜，紫菜包上麵筋之類物體，有咬口之餘亦香口﹗攞到番地盤仍然香脆，淋上佢話既日式鰻魚燒汁，幾惹味﹗送飯很不錯﹗配以大量椰菜，清新的午餐，工友們都說呢度既飯加入左糙米之口有口感，就算只係淋0的汁齋食飯也覺好味﹗豆腐湯份量細左0的，亦都有我最既芫茜，下次一定叫佢唔好落﹗

素曼魚飯的曼魚煎(炸?)得很香，有點脆，醮點醬汁很惹味，白米飯加了些紅米，有咬口。叉燒豆腐飯的叉燒和豆腐較乾身，薑蓉汁味道調較得不錯，雖小薑蓉味，但加了香料，可能是莞茜，再加上醬油，撈飯很滋味，每份餐菜量(椰菜)也多，頗合胃口。湯餃子和煎餃子味道出奇地好，餡料豐富，家人也讚賞。炸紫菜很香口，超脆，但略多油。試了無蛋的綠茶素蛋糕及 Tiramisu，因無蛋關係質感較硬 ，但綠茶味香濃。午餐時份不算太多人，無需等位，店員有禮，地方清潔，客人不嘈吵，

呢幾日愛上左呢間素食館，連吃幾日，只因味道真的相當不錯﹗之前幾個post我都已經有介紹，今次試左未吃過的腐皮卷飯﹗腐皮卷入面既係豆腐、紅蘿蔔絲以及菜等，清清地配上豉油汁，是另類的午餐選擇﹗沒有咖哩和樂飯的濃郁，最高興都係配有大量蔬菜，感覺清新易入口﹗可以一試佢地既有機豆漿，唔會太甜之餘亦充滿豆味﹗好野當然多人識，呢幾個月多左好多人來寫食評，證明實力有番咁上下﹗

唔知點解近排唔係咁想食肉, 望到都唔開胃, 原本食肉獸嘅我開始轉行食齋, 仲要迫埋男友陪我食~辛苦哂!黃金扒(香蔥汁)飯$26 原本以為個扒會好似仿真肉咁, 點知原來只不過係三塊腐皮, 不過又唔油, 又唔熱氣, 同埋個汁勁正!少少甜咁~好惹味!墊底嘅菜超甜~男友放棄哂d"扒"淨食菜添呀!萬如飯$26 必叫!脆口唔油好似食魚咁味, "魚"底仲有塊紫菜一齊炸, 灑咗d超香芝麻响面, 男友同我一樣勁讚, 難得係齋佢都食唔停口, 當然, 墊底嘅菜一樣比男友包辦哂!P.S. 同場跟餐仲有熱飲送, 揀咗椰汁咖啡, 飲落有少許椰汁味都幾得意吖!(另外仲有有機豆漿咖啡揀添~)好鐘意呢度有自助蒸餾水任飲, 唔洗下下走去問佢, 同埋可以飲我嘅水中至愛-蒸餾水!

係香港真係好少食齋既鋪頭. 心血來潮有時會去食下齋. 記得呢間鋪初時人影都無隻. 但食下食下越來越多人. 雖然款式唔多, 十年如一日. 但見佢不斷有改善. 真係值得推介. 而且服務態度很好. 衛生亦不錯. 因為佢地D員工係全部帶口罩同埋手套架. 可以放心.我最中意飲佢既例湯, 仲有叉燒飯.

好開心同女朋友去Buddha Hut 試下新嘗試: 素食搵位後,睇水牌睇下有咩食,最後叫左:黃金扒飯彷鰻魚飯一隻飛碟一杯豆奶一杯奶茶當拎到食物既時候已經聽到:多謝曬三粒字,員工用心講出黎.飯以普通食到既米+紅糙米黃金扒有似魚腐既味道,彷鰻魚做得好細緻,鰻魚上有紋理,但味道就一般,兩碟主菜都有大量雜菜係底,唔使特登叫菜食,豆奶個人認為幾好味唔會太甜,但奶茶就偏向茶味.有機會會再試下Buddha Hut 有好既服務態度,有健康既食物一間食到味道中上既素食店要改善既地方:應該米既比較多d紅糙米電視播既節目要調整下,因為唔知電視既節目講d咩.

27號和親愛的龜龜去美食嘉年華之後搭完電車又想睇戲~就去了淘大~未夠鐘果陣就周圍行行行下見到呢間buddha hut2個都心郁郁同埋好少見到食齋既地方好似快餐店咁!睇完戲 2個就飛左入去喇6點2,3倒 都有幾多人架~因為食左爆谷同埋我發現左龜想食蛋糕 哈哈所以2個就share 1個餐~我話事當然嗌左個 叉燒黃金扒飯龜幫我揀左叉燒汁woo~首先 賣相是真的吸引~紅米飯~很有家的感覺~不過屋企食果d仲紅過佢=P中湯:有蓮藕 菇 紅蘿蔔 花生我趁熱飲~ 嘩!好清好甜 1飲就知道冇落味精d蓮藕 'bo'到入晒味仲有佢d菇菇唔似草菇咁大朕菌味我好欣賞個湯丫~齋叉燒,因為我未食過齋叉燒..所以唔知味道如何但我覺得都幾新奇!仲有黃金扒係我中2食既支竹卷埋起黎成為1塊咁之後仲有朕燒過既味< 龜講的加左叉燒汁送飯惹味1點佢送埋泡菜係少少酸少少辣既青瓜都好醒胃~其實食到咁上下已經full不過有甜品麻 就開動第2個胃嚕~~提拉米蘇~未食已經好期待冇牛油又冇雞蛋喎!究竟蛋糕點整既呢?食落去個樣係提拉米蘇 但朕味係冇果隻味反而 好食到豆漿既味~仲有少少古古力味我覺得如果有咖啡味就仲好~杏仁咖啡蛋糕有咖啡