愛家素食 (淘大商場) (Closed)

病病地，冇乜胃口，就同朋友去呢間食，清下腸胃都好。我本來叫左有心丸上海麵+個西湯-->椰汁粟米薯仔湯，但到左櫃檯出左黎變左餃子，由於櫃檯同收銀個位都幾近，收銀哥哥即刻話唔好意思打錯左，櫃檯哥哥都話「我幫你換丫」，但我諗既然都未食過，餃子就餃子啦~可能個天想我今晚食餃子呢﹗呵呵~當然，呢個收銀哥哥真係要小心d，若然係d麻煩客就大鑊喇....我先飲下個湯，mmm....都好有椰子味，薯粒都好多，粟米都好爽口，加4蚊就有咁大碗湯都幾抵，跟住夾隻餃子食，都真係幾多餡，d餡其實有d辣辣地，應該係胡椒粉，入面d餡有菜啦、有d做到好似肉粒0既野啦，總之入口好爽脆架﹗餃子皮都軟硬適中wo~唔會一咬就爛哂，幾好，22蚊有三隻餃，唔算多又唔係少咁啦﹗最鍾意係d上海麵都爽滑，如果一般0既粉麵舖通常都浸到淋哂，呢度好好食呀﹗仲有，伴住有幾塊生菜，真係好鬼健康呢﹗我最後先飲哂個湯，但竟然一d都唔覺滯，好過食白粥咁寡啦~朋友食左咖哩唔記得咩咩咩飯+同我一樣0既湯，佢飲完個湯，d飯食左一半就飽左lu(不過後來發覺飽係個假象，應該係因為先飲左湯霸住個胃d位，所以食唔哂d飯，如果坐多陣應該可以食哂)總括黎講，呢

昨夜20:xx 盲中中的入左去食個晚餐. 友人發板點了:-叉燒豆腐扒飯-XX河粉; 凍檸茶(+$4)味道不錯喎; 份量十足; 價錢經濟實惠! 另外, 環境也乾淨企理, 食得舒適自在.平時去素食店食齋, 人數少的話, 真係好難點菜. 呢度就完全冇問題, 選擇又不少.幾時去我住/工作的地方開分店呀?!

其實不嬲都唔係好鍾意食素豆腐 佢同普通豆腐既味道有D唔同唔係唔知點了今日會簡咗呢個黎食............第一啖 咪就係我唔鍾意既味道囉 好後悔自己咁白痴第二啖 又幾好味喎 豆腐既表面煎香咗 少少脆雖然唔講得係外脆內軟 但係味道真係相當唔錯 重愈食愈好味配菜份量唔少 又唔太油 我不嬲鍾意食椰菜 所以覺得好好味一路食 媽媽就話 你不嬲都唔鍾意食呢種豆腐 做咩會叫但又唔係丫 我唔試下 又點知我既口味變咗以後我又多一個choice啦 唔洗次次叉燒飯丫Ma媽媽就叫咗叉燒黃金扒飯佢話唔明點解我咁鍾意食呢度既叉燒 冇咩特別啫唔緊要 你唔食 結果咪又係益哂我 我重開心tim媽媽好鍾意係呢度食 因為佢話呢度價錢經濟 食完又唔口渴我都係咁話 雖然我係食肉獸 但係唔絕對唔介意黎呢度食

可愛朋友喬遷之喜,大夥兒走去逛大型家品店前先補充體力,大業主想吃清一點,所以選了這間素食店吃午飯。餐牌中的食品有很多款都想嘗試,餅櫃裡的素蛋糕也同樣地吸引,跟可愛朋友研究期間,溫文的男店員已主動為我們推介店中皇牌叉燒豆腐扒飯了,很主動的服務態度哩!!最後朋友點了店員推介,自己選了類似的叉燒黃金扒飯,我們另配凍豆漿紅茶,更點了提子合桃批和藍莓批作甜點。負責飲品的姨姨店員主動告訴我們,糖漿在最底,飲時記著要拌勻,而且說這種糖漿和豆漿也是有益的(知道!!) 等了幾分鐘,色香味也很對辦的素食餐已經到手了。豆漿紅茶的茶味意外地濃郁香滑,相信不加任何糖水、豆漿也會好飲的;豆漿的質感較牛奶稀,所以整杯茶的感覺會較薄,跟平時喝奶茶的感覺不同,茶味中有點點豆漿味原來也很相配的;甜度偏淡但覺得真的很不錯的味道!跟朋友交換了豆腐扒來吃,大家都吃到雜扒飯了!一直覺得糙米飯是硬硬的,這裡的意外地不硬還有飯香,爽口的飯粒真的好吃呀!!黃金扒不就是平時吃過那些用腐皮做成的素鴨嗎?很香的腐皮香的黃金扒煎得金黃但不很油,不錯;豆腐扒質感較實但很有豆香,煎香了的味道相對黃金扒比較特別,難怪成為店中推介。大家看到那幾片叉燒

點了一件合桃提子批 ($18) 作為下午茶甜品，第一次食素餅，感覺幾特別．雖然整件餅比較硬身及乾身，可能是沒有落牛油的關係吧！所以吃完沒有飽滯的感覺，完全唔油膩，幾好食喎！但沒有想像般太甜，甜味感覺天然，都是來自提子的果甜，而且有好多合桃粒，十分香脆！吃了一件好天然feel的合桃提子批，感覺挺健康，見到不少食客叫了素飯及素蛋糕，下次黎開淘大一定會再試！

因為好少可會有得食素蛋糕,所以同朋友點左2個...佢係自助形式咁...姐係類似一般快餐店,睇佢件件蛋糕既賣相都幾好,結過揀左玉桂蘋果批- 其實我覺得佢批唔得, 硬唔脆, 咁既口感怪怪但係玉桂味很香,也有很多蘋果肉, 不過就有點兒過甜份量亦太細杏仁咖啡素蛋糕- e個就幾好,咖啡味濃度適中,杏仁夠香口但係佢話用開既cream無貨,e件蛋糕既cream有落牛奶環境同服務都幾好企收銀既哥哥會耐心咁講d蛋糕點樣點樣 環境都幾舒服,ok靜, 幾好坐仲有一個大電視,但係唔知佢播乜

昨晚同亞肥放工後想食素, 但又唔知去邊間好..於是我就提議去open rice好評如潮的buddha hut la~~去到果時, 亞肥話o係出面睇個裝修, 真係唔似食素wor...梗係la, 呢度係以快餐廳的格局& 方式去經營ma...都幾方便既~~入到去都差唔多坐滿哂人, 可能因為"十五", 所以多人食素掛...話就話似快餐店咁經營, 但唔知點解整個買賣and 取"貨"的過程共用左15-20 分鐘...睇落真係唔似咁慢..但都值得既, 起碼d 野真係抵 & 好食呀~而且員工的服務態度都好好~~好, 講完服務同環境, 講返野食先:::我地叫左叉燒豆腐排飯同萬如飯, d 叉燒真係好好食, ..無論外觀, "肉"質都似真叉燒..完全同平時其他素菜館又"腍"又重"豆"味的叉燒唔同..另外, d"萬如"又係好特別, 咬落去唔係平日用腐竹做的素鏝魚~~ d萬如的"魚"上邊灑上芝麻, 炸到外脆內軟, 第一啖咬落去真係覺得好似魚...就算唔理佢係唔係真的扮肉or 魚, 都真係好好食....haha~另外, 呢兩個餐都包左湯or 飲品..本人推介大家試下d 中湯, 好足料&好清~~相信好快會再去幫襯

炒菜唔太油　味道夠　幾好意粉唔會太淋　味道唔會太濃　有素肉係入便　食落冇咁寡最好味既係面頭既豆腐　炸得香口又唔油而且可以講話係外脆內軟　好好食值得一提既係呢間鋪頭開咗咁耐　員工都永遠係咁Ｎｉｃｅ

特地跑到九龍灣配眼鏡, 所以來了這區找吃的。繼續我的尋找美味素食之旅, 我的午餐目標就是在淘大商場的 Buddha Hut 啦。只是, 我從地鐵站行過去也要找了好一會才找得到啊。一去到, 嘩, 都唔好話, 人龍也真的是賓墟的場面, 之不過入面其實是未滿座的。要了叉燒豆腐扒飯 ($30), 加 $4 要了豆漿, 再加一件玉桂蘋果批 ($20) 。廚房出餐也算快, 不然怎應付這麼多客人? 叉燒比較乾身, 也切得比一般素叉燒薄, 但竟然是有燶邊的呢! 食落倒又有點肉味, 合格啦。豆腐扒是用炸的但不算太油膩, 但味道稍欠, 要點些附餐的叉燒汁才成 (除了叉燒汁外汁料還可選薑蔥)。飯是紅白米兩溝, 乾硬得很, 我要猛落叉燒汁才勉強吃得下, 麻麻地。反之是伴菜夠多, good。豆漿不太甜, 也好。玉桂蘋果批是不錯, 但不是驚為天人囉, 酥皮也雪得淋到韌了。此味始終熱食會好一點。收銀哥哥笑容可掬, 令人感覺祥和。附近好像不見有這樣的特色素食店, 總算還是吃得過的。

日期: 08年7月13日 時間: 20:00pm人數: 2 (拍拖食飯)　 菜式評分: 豆腐扒飯 ($30)　ok咖喱薯仔飯($27) need to improve看見ｏｐｅｎｒｉｃｅ食家的好評，與男友慕名而至，竟然發現餐廳設計很像大家樂！！　有點失望，因為拍拖總想找浪漫少少的地方 ....... 　豆腐扒是素雞的口感，清淡又清新！再點它的豉油汁，好味　豆腐扒下面有好多菜，喜歡 ! 煮得用心 ，不是「頹菜」點了冬蔭公湯，味道好似！但因為沒有蝦，只有菇粒和粉絲粒，這樣的冬蔭公令人若有所失 ...需改進之處:紅米飯還欠一點飯香　（可能不是用泰國米吧..... ?）男友說他的咖哩太辣，而且唔夠食送，唔飽環境:素白的桌椅讓人有乾淨的感覺　大電視播的東西，我有留心看，只是本人認為那電台為了播給世界各地的人，竟然用了電視畫面的三份二給了各國語言字幕　！　眼花　~.~ ......　結語:大家樂的價錢，有食素的健康，不錯　

由於唔太肚餓，只叫了豆腐扒包 ($16)，另外叫了一個素朱古力蛋糕 ($20)。豆腐扒包又幾好味，可以揀有油 / 無油沙律醬素朱古力蛋糕真係唔知点整，無奶無蛋，好搞笑！但又幾好味，唔太甜，係蛋糕有啲鬆散，唔錯！

今日同事陪我食飯, 我提議清下腸胃!一入去...蛋糕櫃放置了不少漂亮的蛋糕, 如果我有一個大既胃, 我會嘗試! 看到餐牌上, 一時間不知吃什麼, 於是選了昆布高湯餃子上海麵, $22 + 熱豆漿, $5, 豆漿味不濃, 因為不加奶! 因為全素, 所以沒有蔥蒜....湯底清清淡淡, 餃子有三隻, 餡似麵棧的菜餃, 不過, 仲少油, 上海麵是扁的, 軟硬剛好! 同事叫了叉燒豆腐扒紅米飯 + 凍豆漿, $3x, 我試食了一件叉燒, 有叉燒味, 質感唔韌! 男同事話久唔久食一餐都唔錯! 我就話如果可以成日食就好啦! 講真.... 論味道一定唔及食葷, 但清清淡淡卻可以令心靈平靜一點!

呢度d春卷好味架, 好香口又另, 咖喱都唔錯味道不是太濃, 味道arm arm 好感覺上好似少d味精咁健康d最鐘意佢地係用紅米...good

一直想試這間新派素菜館, 無奈小二乃無肉不歡之人. 某個假日, 藉與為食媽子行街, 著她陪我一試.引用媽子說話, 淨看門面的確估唔到這是一個"齋鋪". 店內空間感足, 座位之間不狹窄. 裝修設計簡潔舒服, 一脫中式"齋鋪"的形象!第一次光顧, 見到menu上的都想試, 但胃納有限, 我先點了最多人推薦的叉燒豆腐扒飯, 另媽子要了奇妙醬冷麵(蕎麥麵).我的叉燒份量好少, 真的眼紅鄰檯的那份量(大家都係雙併0者). 味道偏甜, "肉"質較硬, 賣相差一點, 要揀的話, 我會選擇平常的"齋叉燒". 幸好豆腐扒不錯, 面層煎香了, 內裏亦有豆香. 紅米飯則偏硬了. 唔知係咪廚房見我係女仔, 所以給我的份量比鄰檯的少一截呢...人人讚的叉燒豆腐扒飯於我是平平. 反而那冷麵有點驚喜. 蕎麥麵口感煙靭, 伴吃的青瓜絲, 蘿蔔絲, 芽菜, 大頭菜絲新鮮不錯. 伴那酸咪咪的涼伴醬同吃, 很開胃!!可能失望了, 雖吃了飯也不覺滿足, 結果追加一件玉桂蘋果芝士蛋糕. 芝士蛋糕較硬身, 芝士味不太濃, 但我覺得剛好! 面層的玉桂蘋果脆身好味!! 總算作了一點的補償!!2笑 vs 1 OK

今晚約o左個 fd 出o黎食飯，近近地就揀o左呢間買完嘢食搵位坐坐正0係個 projector 附近，可以睇大電視但佢播0既係咩放棄食肉改食素可以救地球、大師說法等等...好似洗腦咁講番嘢食普普通通啦，30 蚊一個飯餐算係咁但啲肉唔係咁似囉...