愛家素食 (淘大商場) (Closed)

吾食素達人之選(二)：因為小弟食素的關係，長時間都係openrice找尋新穎素菜去試食，今次就黎到buddha hut，初頭來到都是路痴一名，找了十多分鐘才到達！全間店既裝修有點兒像大快活大家樂的格局，加上購買食物的方式更加似；這次選了叉燒豆腐扒飯餐，而飲品就是不用奶沖調的咖啡！加上糖醬，配合得不錯！小弟是一位非全素食素食者，即是奶類及蛋製品都可以吃，這次試的咖啡跟平時的味道分別不太大；而叉燒豆腐扒飯，小弟認為豆腐扒可以用其他素食副製品來代替，例如素豬扒。因為可以令一些不是吃素的朋友有多些新嘗試，另外採用紅米飯，更特顯素食的健康；小弟周不時帶素食回校給同學試下例如素山竹牛肉，他們都是因為新奇而感到興趣，所以這一點可以參考。　豆腐扒飯套餐($30)：整體來說是好吃的，一定要選薑蓉汁！不過豆腐扒可選用另一些素食副製品來代替！

呢間好似快餐店的素食店, 佢既menu 有叉燒, 有炒飯, 完全估佢吾到. 。我和朋友 點了叉燒豆腐飯和咖喱薯仔羊肉飯.。叉燒豆腐飯, 好好味, 不會像一般的素菜館那麼多油, 豆腐有些像雞蛋。咖喱薯仔羊肉飯, 咖喱不太辣，有椰汁香味，可惜羊肉經油炸，太油了。還有蛋糕, 也是素來的! 試了2款口味, 綠茶 & 芒果。綠茶味比較實左少少, 芒果味就好食d, 雖然是素cake, 但是 甜品食得多都很漏, 而且 cake 的份量比一般蛋糕店大件。

話咁快又到初一啦 媽媽又要齋戒唔知係咪陪得多阿媽 唔係食齋既我而家初一十五 都會同媽媽一齊食齋而多數會去既齋鋪 就係九龍灣既Buddha Hut我叫咗豆腐扒飯$26呢個飯我之前都食過 味道唔錯 所以今次Encore豆腐煎得香香既 有點兒外脆內軟既感覺豆腐下的配菜炒得爽甜 清淡但好味媽媽既係黃金扒飯配南瓜濃湯$30(南瓜濃湯要加$4)黃金扒即係腐皮卷 一共有三件我食咗一件 煎得香脆 比豆腐扒更為惹味南瓜濃湯我對南瓜冇咩好感 媽媽就話鹹咗少少

平時去九龍灣多數去酒樓或者高檔啲食肆,好難得先嚟倒呢間素食快餐店食.今日午飯時同爸媽路經此地,就介紹咗佢哋嚟呢間食.爸爸叫咗咖喱薯仔洋樂飯+有機豆漿咖啡($26).媽媽叫咗蕃茄磨菇意粉+豆漿奶茶($26)我唔係好餓,所以只叫咗沙律豆腐扖包($16).呢度啲飯用紅米加白米煮成,好健康.爸讚好好味,咖喱有濃烈o既椰汁香味,入面啲"肉"質感好似牛腩.竟然可以吸引倒食肉獸爸爸!媽說佢啲意粉好味,裏面有啲"肉粒"好得意.至於我o既沙律豆腐扖包,我叫服務員"走"沙律,佢話啲沙律唔用奶同蛋,叫我試試,真係細心!嘩,食落去出奇地同沙律醬一樣味道. 豆腐扖質地好似漢堡扖,正!呢間餐廳全部食物並無動物成份,包括牛奶,蛋,葱,蒜,非常正宗.賣相吸引,美味抵食o既一餐,一定會再去!

之前食過好多次，都係因為好食又多選擇，三十幾蚊又飯又菜又湯真係好飽ＧＡ！ 我食過幾次發現豆付個個飯雖然係最多人話好食，但我就覺得一般！我覺得個萬如飯同個芺蓉卷飯係最好ＧＡ！２個飯個汁都好特別，送飯一流！同２個餸都好好食，有少少香口！ 另外一個薯仔雞，中間有一些好像麵根的野扮雞都係幾得意！ 同埋如果去食湯，中係好過西，中湯好真材實料面西都只係忌廉湯！ 唔駛食咁多肉又飽都唔錯！

話說前幾日先試完呢度既飯，覺得好食所以今日又來喇﹗今次叫左素叉燒豆腐飯﹗素叉燒個樣真係幾似瘦叉燒，十分搞鬼，食落味道有0的似平時齋鋪買到的齋牛粒，很實淨﹗豆腐不是腍豆腐而是煎過的腐皮塊，吸哂0的甜甜地既汁都幾好送飯﹗重點當然係墊底的大量蔬菜同埋有咬口既糙米飯，食完感覺清新，不會好似吃茶記飯盒咁腫咁膩﹗配既係有機豆漿咖啡，味道比一般的咖啡淡，不過有一陣既大豆味，幾特別的﹗總之就係健康野啦，味道當然不及食肉，不過只要唔好要求好似食九大篕咁，不失為清清腸胃之選﹗

成日0係呢區開工，真係間間快餐都食到厭，經工友介紹，來左呢間度買﹗呢度有間素食我都唔知，入門口待應收銀很有禮地問你食咩野，抵讚﹗很多快餐選擇，點左個咖哩薯仔和樂餐，攞外賣時店員問你要不要餐具，盡其環保責任，而裝飯也不用發泡膠盒而用紙盒，是這一帶十分小見的﹗回工地打開飯盒咖哩味道很香，帶有點點椰汁味，汁多用黎撈飯食很滋味。素肉質感有0的似吸左咖哩汁既魚旦，都幾好送飯﹗薯仔炆得挺腍，配合大量蔬菜很清新，最重要係佢個飯溝左紅糙米，有口感之餘亦都增加纖維，如此健康的午餐作為地盤工友真的很少吃到﹗不過唔知點解奶茶有0的檸檬味，怪怪的﹗值得推介的健康選擇，下次試埋其他先﹗

琴晚上黎睇定今日lunch同老公係kln bay食乜..睇大家既食評,見呢間野又幾抵..於是同老公去試下食個lunch..一入到去..覺得都ok. 幾整齊呀~我地2個人叫左:豆腐扒飯($26) : 個豆腐扒同巨型既腐皮卷冇分別, 冇咩特別, 伴碟既菜好油,我同水'拖一拖' 有好多好多油出左黎..紅米飯好硬同乾豆腐扒沙津包 ($16) : 個包係似bagel, 不過佢話冇加牛油同奶..(好好奇佢係點整到個包出來) 不過都幾好味, 我知個包有加沙津醬, 我怕肥打算叫佢走左佢, 但佢話我地既醬係自己整, 入面冇牛油, 係用豆漿, 會健康d. 咁特別既醬緊係要試下啦. 食落又同不時個d沙津醬一樣喎..神奇呀! 但個環境令我同老公好唔舒服, 因為個電視不停咁播d 不同既女人講野. 電視有2/3地方係放左超過10個語言既字幕....我總覺得呢間野係sell 緊唔知咩咩教..(雖然佢個名係buddha..不過都好怪..)每張怡都放有一個金毛女人既poster, 叫人唔好想食肉,唔係世界未日....攪到成餐飯都唔多舒服..重有重有, 個收銀哥哥都好怪架...點怪我又講唔出,,係個感覺好差..>

今日係十五　媽媽有食齋既習慣我雖然不嬲冇初一十五食齋既習慣但我係孝順女黎就緊係會陪下佢啦我又例牌咁食叉燒飯$28因為我覺得佢既叉燒真係好好味數目又多喎 都幾抵食 叉燒底既菜炒得爽甜唔油膩 唔錯媽媽既係昆布高湯餃子拉麵$22佢話麵質唔太淋 湯底唔太鹹 幾好有三隻餃子 係蘿蔔絲 木耳絲 冬菇絲等等較爽口既做料我不嬲唔係太鍾意 完全冇興趣 但媽媽就話幾好味

2008年12月12號 - 夜晚7點左右今日是初十五。 所以我今日全日會食素。 之前見到好多關於 Buddha Hut 的報導。 所以心思思想試試。 但是我開頭去到淘大商場的時候找不到他們。 原來他們是在一個比較隱蔽的地方。 找到之後就入去la。入到去就覺得有點驚喜。 Buddha Hut 不是一般齋鋪坐底&叫野食的。 他們好像連鎖快餐店買票&在counter拿野食的。 覺得好新鮮。 最後叫了一個黃金扒飯+荳漿奶茶 (HK$30,-)。 拿了餐之後就坐下來試試la。首先講他們用左什麼食物整這個餐la。 個扒是用左腐皮做的。 Mix埋D時菜。 個飯有白飯&紅飯。 都好健康。 個奶茶是用左荳漿沖的。 都好新穎。 我將個扒﹖時菜同飯撈埋食。 Um。 我覺得好好味道呀。 好清淡。 完全適合愛健康的人食。 開頭覺得個奶茶比較難飲, 但是飲飲下覺得好好飲。 環境方面都好好。 好舒服。 我覺得他們用了 "靜" 來做主題。 顏色偏向淺色。 服務方面都好好。 我覺得店員們好有禮貌對別人。 當我忘記拿糖的時候店員拿了給我添。 我好滿意這個飯局。 我會推介給我食齋的媽媽和其他人的。經濟同地道米芝蓮: 兩星

唔講唔知, 原來呢間店全部員工都是素食者。今日見到有個阿姐送菜, 普通餐廳的都是有後門任人自出自入, 而我卻看到他們員工走出門口一袋袋菜拿入廚房, 好奇地問, 原來他們說廚房重地, 閒人免進!而我媽媽就親身證實呢一點...因為佢搵洗手間時差點誤入廚房, 而職員禮貌地跟媽媽講解呢度係廚房, 而媽媽番到黎就同我講: 哇, 我未見過餐廳的廚房係咁乾淨架!所以我地對呢間餐廳的衛生程度係滿分! 食物的衛生也很放心!麵包: 呢度d麵包標榜冇用蛋, 但係出奇的鬆軟, 真係好好味架! (推介)而媽媽點了: 萬如飯 + 湯萬如有點過油萬如汁帶有小小薑汁, 好好味!湯! 非常好, 因為飲完一d都唔口渴, 相信真係冇味精! 而且湯料好豐富!員工的細心令我非常suprise, 因為我們點了湯, 水吧哥哥主動問: 洗唔洗要杯水呀? 哇, 今時今日呢d服務態度去邊度搵丫!

上星期晚上到MCL看電影前, 來了這裡吃晚飯.想不到晚上會這裡多人幫襯. 我點了昆布高湯餃子上海麵, 味道十分清淡, 素餃子內全是蔬菜粒, 味道也是很淡的, 要加上一點特辣辣椒油, 味道才好一點. 姊姊點了叉燒豆腐扒紅米飯. 叉燒的賣相的確像真叉燒, 但卻完全沒有叉燒味; 豆腐扒就完完全全是麪根. 賣相不俗, 但味道又不算好. 最重要的是吃完後覺得十分口渴, 可能是味精有關. 但此店標榜自己不用味精?! 難道有意無意地下了味精????

同男朋友都想食下齋, 所以就黎左呢度。收銀哥哥好有笑容同禮貌, 出餐既職員都係好好笑容好開心咁, 呢D服務態度真係一流!!唔知食咩好, 收銀哥哥推介叉燒豆腐扒飯, 男朋友叫左個芙蓉卷飯, 仲有湯或飲品, 我要左個忌廉薯仔湯。叉燒豆腐扒飯-D叉燒都真係好似真叉燒架, 味道同個樣都似, 個豆腐扒就係齋雞味,點D薑蔥豉油都唔錯, 紅米飯健康, 又有菜, 不過如果講好好食又未算係囉。芙蓉卷飯-我覺得呢個好食D, 芙蓉卷好似鮮竹卷, D汁好味, 仲有好多菜o係底, 好夠飽。忌廉薯仔湯-由於佢無用真忌廉, 味道就清D, 不過都好多料, 抵食。多D去其實係幾好, 下次要試下佢D甜品。

從前素食只有傳統齋舖, 那種重油的口感, 讓我懷疑素食是否要比肉食更不健康。不過, 自從發現這家素食店, 那種清新的感覺, 甚至有洗滌心靈的感覺。最難忘是那碗湯, 清甜感覺是從來沒有的。

我地今次黎左呢度食呢一間就啱曬女朋友的口味濃有濃的好味道淡也有淡的好味道這餐廳的味道清淡但仍然令人留下深刻印象不單能吸引素食者的光顧還可以吸引其他非素食者的注意這一頓當中凍奶茶令我有所驚喜因為杯奶茶無用奶而選用豆漿來沖制兩者夾得不俗而餐廳的環境令人舒服燈火柔和且安靜總括而言這餐很滿意保證會再來~