來佬餐館 (Moved) New Location

星期日同個朋友喺ifc行完街，突然間記起呢間餐廳曾經賣過廣告幾得意，諗住去試下。其實去到睇到個menu都覺得係啲家常嘢多，不過我哋見未食過，就一於試下。等位其實唔算耐嘅，可以接受。叫咗個來佬雞翼、黑松露牛柳粒炒飯、brownie伴雪糕。-->雞翼：我哋都覺得同係屋企整瑞士汁雞翼完全無分別-.- 但係佢6隻要$108會唔會貴咗啲呢。。？LOL-->炒飯：黑松露配飯幾特別但。。$128唔抵食吖嘛-->brownie: 唯一可以讚嘅就係佢，賣相、味道都幾好，不過都有啲貴$108。。可能係我哋太在意價錢同食物之間嘅關係，不過有得俾我再揀，唔會再去呢度食啦

姐妹聚會,飲完傾完有少少肚餓,但過左12點個時間系中環除佐翠花M記之外,少有食肆仍然開鋪. 行至庸記抬頭見到來佬個招牌,快速決定轉入來佬. 之前知道呢間鋪頭系因為呢度宵夜時間D點心系現叫現蒸嘅. 我地試佐4樣野,1) 鵪鶉蛋燒賣 老式點心, 難得見到茶樓有呢樣野, 所以決定一試. 個樣比較小巧, 一口都能夠食到. 入面系豬肉(食落似蒸排骨口感)+一粒完整的鵪鶉蛋. 豬肉幾入味,配上薄薄的燒賣皮, 唯一不足系鵪鶉蛋煮得太過 太硬身, 食落口感唔好。2) 蒸排骨 食點心不好缺少的選擇之一必系蒸排骨. 出品不俗, 肉質滑嫩 入味, 味道岩岩好, 口感又唔會覺得肥膩. 賣相也不錯, 呈上果時果時D肉透亮吸引, 盤底D油亦系清透 睇落就一滴都唔肥膩。3) 鳳爪食點心嘅另一必選項目. 出品亦值得稱讚. 味道岩岩合適 唔會太甜或者太咸, 蒸鳳爪時間亦拿捏的正好, 鳳爪入口即化。 覺得來佬D點心都唔肥膩, 唔似出面有D茶樓食落會覺得好油膩, 適合宵夜時間亦好適合想keep fit嘅女仔。4) 黑松露素菜餃三角形, 餃皮幾透明同埋薄身. 味道唔錯, 黑松露味都幾濃,加埋冬菇粒等多種素菜粒, 粒粒大小都差

看到標題，不要以為我不滿意來佬的質素。來佬標榜舊式香港西餐，和太平館的定位差不多，但價錢略貴，行銷也更進取，不少做法頗能吸引眼球。是日和同事午餐，為省事叫了套餐醬爆蝦球，配香苗白飯和陽光焗豬扒飯。醬爆蝦球蝦的size略小，但爽口彈牙，配菜的紅椒、黃椒清甜爽口，確實不錯。陽光焗豬扒飯飯炒得乾身，厚切的豬扒份量十足，肉質不錯，夠鬆化，可惜略嫌太瘦，缺乏上乘豬扒的油脂甘香，有點失色。來佬餐廳這個「垃圾蟲」裝置是無數香港人的集體回憶，放在這裡代表了舊時代的香港，十分適合，相信對一眾海外食客也有不錯的吸引力，用餐當日不少自由行的食客都有拍照留念。 

尋日星期五Happy Friday，幾個同事諗住去老蘭飲杯野輕鬆下，Charmaine提議去食點心，我以為某某餐廳有新野出，原來佢講緊來佬餐館，未試過，都可以試下！去到來佬，人不是太多，店員安排我地坐地下果層。我好鍾意來佬既裝修，好有屋企感覺。睇餐牌，我地三個女仔樣樣都想試，但一籠點心都要三四十蚊，好貴，我地唯有就住嗌，叫左蘿蔔糕，黑松露上素餃、菠菜餃、春卷、鳳爪、叉燒腸粉、麻辣餃同埋個名好特別既”蟲草花鮮竹卷” (其實都叫左幾多，嘿嘿) 。我地最欣賞餃的質素，皮薄而且足料，唔似一般酒樓咁。同個職員傾開計，佢仲話真係入貨自己包自己做，即叫即蒸。我地心諗，難怪咁貴。講真，三十幾蚊一碟點心，都幾肉赤，不過要在宵夜時段食到有質素既點心，都唔係到到有，所以我地話一個月先食一次。特別推介︰來佬菠菜餃又真係幾好味，因為裡面真係啖啖鮮菠菜，仲有未見過全綠色的餃子，好特別，讚！意見︰價錢有少許貴，勝在層數多，不太嘈，可以好好咁傾下計，飲杯茶，食個包。

話說同我兩個好貧友去食 lunchie，但皆因呢排慳家，所以我地講到明係要食 41-100。未去到已經收倒 Zinnamon 電話，叫我行快兩步，"you will be thrilled" said zin. 我一入到去已經見倒佢地兩個，猛叫我望，原來唔係未齊人唔俾入，原來係 reception 靚女，「又真係幾靚女」o.ook 講返正題，午餐餐牌有點心、海南雞飯、炒飯、仲有焗飯！價錢大約係 90-100 左右（未加一），中環黎講係 ok上次已經試過點心餐，未見得特別好味，所以今次試左個焗飯午餐先黎個湯，very well，但 zinnamon 冇 dum 個包落黎 (yes!)(縮手 ing shes not messing with my soup)羅宋湯 is ok，湯辣味夠，酸得黎有茄味，菜淋淋地，索晒 d 湯都幾好食 焗飯為葡國雞飯，味道不太濃烈帶有輕微辣味，但一般朋友一定可以接受倒灑嚮面有脆麵包糠，睇得出算係有心思雞肉算係幾大舊，足以滿足我同 Chups配菜方面，紅蘿蔔，冇乜特別但焗飯最重要既元素佢都有，夠熱氣夠熱辣辣! Zinnamon 果日唔喜歡食雞，所以叫左個正價餐

睇完戲已經9點半, 聽日仲要番工, 同女朋友就普普通通搵間餐廳食下, 雖然成日都會去中環食飯飲野, 但係總係冇去過呢間來佬餐廳~去到餐廳原來都幾full, (不過d人好似坐左好耐咁), 咁o岩仲有樓梯邊o既2人台, 冇所謂拉唔洗等, 好彩早幾分鐘, 之後都有幾多人入黎dinner, 叫左一個干炒牛河同來佬鵝肝充闊佬飯, 本來諗住試下佢地個雞翼, 不過女朋友冇咩胃口我又唔係好鐘意食雞就冇叫到, 如果用平時睇燒味飯o既角度去睇真係幾靚架, 仲有件鵝肝, 鵝肝煎得唔錯, 外面香脆裡面軟滑, 賣相一流~干炒牛河唔會太油, 好香老抽味, 茶餐廳完全唔係佢o個皮~

約了朋友在中環食午飯，佢一點放工，不想等位浪費時間。就決定試一間平時很少見人等位的餐廳。這間餐廳位於威靈頓街，餐廳其實不算細，只可惜分為三層，而且又沒有電梯，如果有長者或有小朋友同行，會有點不方便。餐廳提供點心自助餐，落單起計兩小時任食。標價108元，但要另加茶錢15元，和另收加一服務費，計起來大約每位135元。可能間餐廳位於中環，會有外籍人士來幫襯，而那些外籍人士可能不習慣在標價上還有茶錢和加一，容易起爭議。所以我坐下後侍應已經先後兩次告訴我自助餐是135元一位。既然是這樣，為何不索性標價135元一位呢？我相信是餐廳想用一個較低的價錢引客入去才說，這樣的安排令我留下不太好的印象！點心的款式不算很多，也不算少，大約有三十多款。始終餐廳位於中環，顧客對象比較多元化，所以點心款式都很大路。較地道的點心，例如牛拍葉、魷魚、魚雲之類的就欠奉了，但可幸的是其他的點心也不是局限於廉價點心，例如蝦餃，蟹籽燒賣等也有供應。至於點心的質素方面亦很大路，當然比不上五星酒樓，但與一般的中價酒樓質素相近。價錢便宜與否就真的見人見智，和要看能食幾多？如果一般女士只能吃三幾籠，以這裡的質素，就算是非常的貴了。如

早前曾牽起一陣任食熱潮正在減肥的小妹都抵受不了誘惑，選擇去來佬餐廳大吃一頓我們無預先訂位，星期日的中午都要等30分鐘才有位呢可以任食GE點心就係晒呢張點心紙上面喇~其實選擇唔算好多裝潢方面可算是不錯，是以木色為主調，典雅之餘帶點懷舊的氣息，可惜只可上載8張照片....還是把照片QUOTA留給食物吧以下食物是比較推介的:鵪鶉蛋燒賣、蝦籽燒賣皇 & 菠菜餃鵪鶉蛋燒賣材實料，有成粒蛋係入面，味道屬一般，勝在唔係好多地方有得食蝦籽燒賣皇粒蝦好大隻、都算爽口我覺得最好味就係菠菜餃，D菜夠脆身，唔會咬極都唔斷，不過塊皮略厚水晶鮮蝦餃同埋鮮蝦帶子餃。蝦餃爽口彈牙，不過唔算好大粒~帶子餃我第一次食，同蝦餃味道好似差唔多，出面未食過呢種餃，不能比較，但我個人覺得口感不俗蓮蓉煎堆仔，好香芝麻味，蓮蓉不會太甜~完全唔覺得膩~~~我鍾意羅漢上素腸粉，皮薄而滑，不過點"1"份卻是一碟....其他東西"1"只是代表1件....這一碟...實在有強行填飽人肚之嫌XD以下是質素一般的點心:腐皮卷普通，唔夠香脆鳳爪麻麻馬拉糕唔夠鬆，沒有綿密的感覺這種傳統點心都係一般酒樓比較好吃。以下是...不吃也罷的點心:排骨不好吃，

星期六在中環食晏，原本就不想食太多，經過這店，想起之前也聽說過由名人投資，但食物和招呼就好壞參半，反正未試過，也試一下吧。入去不用等位，兩人坐下就有待應送上餐牌，只說有兩小時任食點心，根本不想食太多就問她有無散叫，她才答餐牌內可散叫，態度和普通茶餐廳一樣，但看看餐牌內價錢則與太平館等一樣，並不便宜。隨便點了來佬炒牛河，焗田螺和一個海鮮湯。海鮮湯的料有蝦兩隻、青口兩隻和魚一件算是新鮮，但飲—口湯就知不是自家㷛，感覺是用粉開出來再加料，入口完全味精水的感覺，比罐頭湯還要差。焗田螺大家都明白是急凍田螺肉釀回殼肉再加味，然後放在薯蓉上翻焗上檯，但明顯這店是連釀的動作都懶，只放在殼上，味淡但卻很油，入口螺肉有一點霉的感覺。至於來佬炒牛河更是未食已打節扣，翻開河粉還是見白色，入口河粉太漿，牛肉就被梳打粉弄到完全失去肉味，整個河粉根本就不是炒出來而是用計撈了就算，所謂來佬汁就是瑞士汁(甜豉油汁)但做得差，入口還有一點輕微煮燶的味。

同事生日，中午時間與她來吃生日飯。六個人，叫了四個點心餐、一個焗飯餐及一客多士。菜蝦餃,上素餃,小籠包 x2：試了菜蝦餃，蝦爽口，菜餡也多。鳳眼餃,菠菜餃,燒賣：試了鳳眼餃，外表真的包很像眼睛，因此叫鳳眼吧。 面層有少許貌似魚翅的東西，令賣相更漂靚。內裡的蝦肉十分多又爽口，好味！蝦餃,粉果,牛肉燒賣：蝦餃的蝦肉爽口。炒飯 x2：跟點心餐的。小小的一碗，不算十分乾身，但也不油膩。炒米粉 x2：也是跟點心餐。小碗，配料不多，但不油膩。芝士忌廉蟹柳魚柳焗飯：汁料不太膩，稠道適中。魚柳和蟹柳份量頗多，味道不錯。發哥鴛鴦多士：兩件是傳統的練奶加花生醬，兩件是很特別的腐乳加砂糖。練奶加花生醬都是一貫的香甜味道。而腐乳加砂糖是出奇地配合，甜中帶點鹹香，味道不錯啊！餐飲 x5：檸茶、檸水、奶茶等，味道正常，無什麼特別。埋單約五百多元，平均每人一百元左右，價錢合理。

呢間餐廳第一次係同事帶我去~返PM SHIFT, 收工一齊食個宵夜先返屋企...今次帶男友人去啦~食O左叉燒腸粉同來佬汁炒牛河友人飲黑牛, 我就雪糕紅豆冰成餐友人好鍾意~ SO 開心~因為中區收工後唔食24小時連鎖餐廳之外我都唔知有咩好食...食物質數兩樣都好好, 本人唔鍾意食野太咸, 我覺得牛河咸O左少少, 不過都仲接受到雖然而家牛肉係咁加價, 不過佢都有幾多牛肉~ 所以感覺好抵食~腸粉好過一般茶樓WOR 又... YUMM,,,服務又好好, 好FRIENDLY, 不過枝飲管飲飲O下紅豆凍裂O左 環境都適合收工食宵夜吹水~一定會再幫襯~

深夜了，還未吃晚飯，但又很想找一些可以令自己開心的東西來吃，於是點了這個香蕉船。意想不到的竟然來個小煙火，真的是叫自己喜出望外。還記得當自己還是小孩的時候，香蕉船真的是不容易可以吃得到。而這個香蕉船可以喚起兒時的樂趣之餘，更教人多了一份驚喜，真的很開心。食材方面，除了不可缺少的香蕉之外，就是三款不同口味的雪糕，分別是士多啤梨、朱古力及呍呢嗱。甜甜的味道總是有一種可以減壓的感覺，加上這幾天轉涼了小許，吃起來特別滋味。

Hong Kong is a wonderful, culturally diverse place and what's even better is that we would sometimes put our own spin on foreign cultures and create something unique out of it, and the Hong Kong take on Western cuisine is a great example. Loyal Dining, situated on Wellington Street, is a restaurant that serves 60's and 70's Hong Kong-style Western food. The word "Loyal" is a transliteration of the restaurant's Chinese name "來佬" (pronounced "Loi Lo"), an old-school Cantonese term referring to Wes

I was simply having a fabulous experience in Loyal Dining, especially when I'm the kind of person treasure the taste of atmosphere as much as the food.Needless to say, the retro 70s tribute easily triggered the specific appetite of Hong Kong local food! A casual lunch-out with my friend, we were arranged to our table with just a short waiting. We were immediately impressed by the gorgeous interior of the restaurant. The restaurant is furnished with dark wooden table and leather furniture. We can

為左慶祝我的大壽，老友特登約我提議的中環來佬餐館，品嘗超值抵食的點心放題。 點心放題可以任食兩個鐘，而且只係98蚊，真係點都要試試。 餐館位置鏞記旁邊，好易搵。甫入室內，樓底極高，分設上下兩層，布置充滿懷舊色彩，最突出的係放左隻大大隻綠色垃圾蟲，真係好有親切感！ 由於我地預早訂檯，所以侍應安排了我地坐舒適的梳化卡位，抵讚！ 食物方面，分別有：來佬推介、懷舊點心、湯、精美點心、粥麵飯同甜品等六大類合共31款食品，種類話多唔多，話少唔少，其實只要點心質素對口胃，多少選擇唔係問題。經過多輪點選進食之後，我地都覺得極有水準！ 最大力推介的有以下幾款： ＊蟹籽鳳眼餃：開口的蝦肉餃上灑上蟹籽，皮薄料足，幾次番點，仍然好回味，實在係必吃之選。（散叫一籠要32蚊，食多幾粒已值回票價！） ＊來佬菠菜餃：來佬推介，當然亦值得一試。果然，咬開餃子，全是嫩綠鮮菠菜蓉，好味！ ＊鵪鶉蛋燒賣：難得有呢款懷舊點心又點可以錯過呢？細細粒鵪鶉蛋附以小小豬肉燒賣，一樣無令人失望！ ＊脆皮鮮蝦春卷：細細條，蝦肉足，又脆口又熱辣辣，正！ ＊中式湯：原本無諗住叫湯飲，但睇見佢寫住無味精，即管試試！一奉上來，見有湯渣（豬骨、木瓜