發記甜品 (Closed)

今日同老公出去旺角食發記，叫左個榴連飄香同芒果西米露。結論係又貴又唔好食。質素下降，D嘢又唔凍，西粉好粉一食就知cheap. 榴連又冇乜料，差！以後唔去。好失望囉。

今晚同幾個fds去食 叫咗四個甜品一杯嘢飲。結果等咗一個鐘 個梳乎厘一直未黎 ⋯催咗兩個 個女仔態度好差😓 雖然落order之前講咗要等 但都估唔到要等成個鐘 當時又唔係話有好多客 得四五張檯。如果係Miss咗張單 可以問番我地仲要唔要。我唔信個梳乎蛋要整成個鐘咁耐。 總之無下次⋯

本身行下旺角開openrice睇下附近有咩甜品鋪坐低食下，入嚟望見冇乜人，諗住坐低傾下偈朋友話嗰碗崩咗，面頭有毛用紙巾抹走咗毛髮其中一條，真係眼力唔好到睇唔到朋友話有5-6條係碗面真係好恐怖啊!!!衛生可唔可以做好啲下次唔會再嚟

呢間甜品舖裝修精緻，食物都唔錯糖不甩一共有六粒，每粒都好煙韌旁邊嘅花生粒都好夠，六粒舖滿哂花生粒都仲有剩！不過再熱少少就好！燉奶有得揀凍或者熱，熱嘅好香、好滑！個碗都好靚，賣相加分！

阿哥阿妹飯後未夠飽，建議去食甜品增加飽肚感，一致通過。去左最近既發記。入面裝潢睇得出有花心機落去。呢幅唔係一艘圖畫，佢會交替出現唔同既街景。發記好多年歷史，最早期係深井開鋪，而家周圍都有分店。佢地出名食榴槤飄香。一於就試下佢地既榴槤產品。榴槤炸彈，餡料用左D24, 味道不錯算太濃烈，唔知關唔關皮太厚既原因。餡料係足夠既，外層亦炸得金黃色，販畢在味道方面。不過阿哥就好滿意，一個人食左三件。薰衣草密糖燉雪梨。名字好美，可惜貨不對版。食到有花香，但唔確定係薰衣草味，同埋薰衣草少得可憐。蜜糖味重，差點遮蓋左薰衣草味。雪梨好淋，吸晒d密糖水。雪梨本身已經係甜，加埋吸左密糖水，唔使講。。。。甜到金栗紫米露加湯丸。芝麻餡湯丸，流沙餡，阿妹話好食。揾到二三粒栗子，但成碗甜品就食唔到栗子味，只有紫米加奶。食完阿妹話變左好飽啦。阿哥叫左水果茶，佢話健康D喎。不過，個人覺得咁大杯野，點都會加左糖漿落去。生果量同種類都算多，有基本既🍋🍎🍊🍉，仲有好多粒粒既百香果肉，飲落偏甜帶少少酸。 阿哥話，食完榴槤飲水果茶，簡直係絕配喎。

個晚同朋友打完邊爐想揾下間糖水鋪食，於是上openrice揾，就揾到e間發記最初以為係d舊式糖水鋪，去到點知發現係新式糖水鋪，真係"發"記跟住睇下有咩食，見到個曲奇妙趣沙冰，未試過，唸住會好奇妙，就試下個沙冰黎左，試左啖，真係好正，真係一分錢 一分貨，48蚊geh冰真係好純，一d味都冇，大大粒冰喺入面，真係好鬼過癮，大家不妨叫個黎試下去個陣可能少人，d服務員幾好，又淨係播twice d歌，幾高質，識貨

凌晨冇咩選擇就簡左依間。又貴又普通，一個楊枝金露加埋小丸子要成五十蚊，普通糖水鋪都係廿幾蚊，味道仲好。腐竹薏米糖水味道有d淡，加左個芋圓，芋圓太甜，而且一碗熱嘅糖水唔夠熱，只係暖暖地，整體味道同價錢唔成正比。唔會再幫襯

夜晚等食飯，和朋友行街行到悶悶地，便嚟呢間發記甜品坐下。我較口渴，而家一向麻麻地甜野，清清地特別啲，便點了這杯發記特飲(西瓜+芒果+士多啤梨)。一如所料，小果中芒果味較搶，期餘的味道不鮮明。不知道這三款水果有何優勢，能讓店舖用招牌名命名，但真係一啲都唔特別，自己整都可以。賣價36蚊，特飲的奧妙，相信是令餐廳「特別發」。朋友愛紫米露，自己無試，不評了。

如果話最鐘意既甜品店TOP3，我相信發記係榜上有名的。因為佢主打既榴槤飄香係我最愛呀！雖然其實每次都係為榴槤飄香而黎，不過其實佢menu有勁多野都好吸引。如果有一日食得太多榴槤，呢個都會想試。至於呢個，唔知會係點，雖然好想買黎試，但驚買完唔想飲，就遲遲未有行動。佢個menu真係好多野簡，搞到明明可以次次唔同款，但我就走左去次次都叫榴槤飄香。。呢個係加左珍珠既，要+$3，純粹係想搵d野咬下。另外都有無加珍珠既，其實個口感已經好夠，因為佢其實仲有榴槤果肉，而且好香、好濃，無失望！至於芒果糯米糍，就不過不失，無話特別大驚喜，芒果夠大夠甜，都值得一讚既。總結：我會成日黎的！

好耐冇食過發記嘅腐竹薏米糖水，今日買左外賣返屋企食，一打開得2/3，已經O咗嘴用匙羹一潷落去得幾粒薏米以前係有好多薏米同腐竹，同埋呢碗真係「糖水」囉，以後唔會再食！

晚上同幾個內地同學食完飯 10點幾打算食甜品坐下傾下計，諗起旺角冇乜甜品店剩係記得發記 所以就入左去，我地5個人，但有3個同學去左朗豪坊去廁所，所以2個人入左去先，我地都已經好識做叫左2份甜品先，個店員仲行個黎問左2次我地幾多位，又極唔友善目光望住我地，覺得我地霸住張枱，到我同學返黎坐低落單，個店員表面上好好禮貌話“貴賓”想食乜野。 我幾位內地同學聽唔明所以冇反應，但我地香港人一聽就知係串緊我地， 食甜品食到一肚氣，以後唔會再黎，態度好惡劣！

另外上星期日同兩個朋友到來，一入門口一個黑髮四眼職員已經黑口黑面，其中一碗叫左芒果沙冰，點知職員送黎時倒瀉三分一卻沒有任何表示，仲繼續黑面，個職員係四眼黑頭髮，左臉下角有一粒癦屎，另外仲有一個齊陰單眼皮男店員講野好細聲，搞到落個單都差唔多要7分鐘，另外兩碗甜品仲要等超過15分鐘，向職員查詢時佢哋只係不斷強調等多幾分鐘已冇其他任何表示，最好笑係另外兩碗甜品未相已經吹我哋買單表示出邊好多人等緊枱10分無奈，總之經驗極為惡劣

今日同一大班朋友去咗旺角食打冷聚會，食完後大家仲意猶未盡，因為太耐無見關係，決定再搵個地方食甜品繼續聚下傾下計，一行十多人選擇去呢到貪其近剛剛間打冷店其實上次食佢個熱嘅燉雪梨已經好甜，朋友話比多次機會佢，咁就廢事煩又懶得再搵就比多次機會佢，點知又仲多次伏，太甜了我叫朱古力心太軟，等咗15分上檯，見到個樣都對板嘅，切開有流心效果，可是一食就甜到有點過份，朱古力味夠香夠濃郁嘅，帶一點苦澀，但甜到就過份多了，食咗半個已好膩口

同朋友係旺角食完飯，當然又例牌要食碗糖水先心息啦!由於係平日唔算多人亦唔需要等位。同行友人叫左芝麻糊湯圓，冇咩特別唔多介紹。而我點左一個心太軟($56)，需要等15分鐘左右。心太軟賣相好唔錯，打開玻璃罩會有乾冰製造煙既效果!呢心心太軟特別在蛋糕外皮比較脆,而且唔厚粉,入面流心甜帶少少苦!好味雪糕可以選擇其他味，但呍呢拿味雪炎糕配朱古力個人認為特別MATCH!兩個甜品埋單$91，旺角地段算價錢中等吧!行開旺角既朋友可以一試!

本身都想食榴槤嘅甜品，諗住榴槤心太軟特別啲，貴少少都試吓啦，點知就中伏😤好後悔冇睇其他分店嘅食評😫有人嘅感覺同我一模一樣一嚟到個心太軟已經搖搖欲墜咁，一聞，哇，有陣好怪嘅臭味😲對於鍾意食榴槤嘅我，個陣絕對唔係正常嘅榴槤味再食啖試吓啦，真係唔掂，直情臭到想嘔😷係又臭又苦又嗱喉，仲要一啲都唔流心驚係咪變咗，問吓店員，佢仲話用D24榴槤，係正常嘅，撈雪糕食會好啲😓唯有無奈接受，但我真係從來冇食過榴槤會係咁嘅味最後食剩咗半嚿有多嘅心太軟，真係頂唔順，平時我食甜品一定會清哂，今次真係擺唔落口朋友叫咗另外2款甜品，公平啲講句，個2款都ok，所以真係覺得榴槤心太軟嘅食材/配方出現問題，希望店方會改善吓埋單時店員話會同老闆提議唔再賣榴槤心太軟，或者都係一件好事，免得咁多人中伏😞