有口福

Open Now

Now Closed

九龍城有口福係區內老字號，主打四川菜，馳名酸菜魚更是招牌菜，深受食客歡迎。店內裝潢簡潔，老板娘熱誠招待，更介紹招牌菜式，讓食可以品最佳菜餚。酸菜魚份量十足，老板娘介紹話每日都係用活魚起肉，所以魚肉片片有厚度，食落又滑又有口感，唔會一挾就散，湯底濃郁鮮甜帶少辣，非常惹味，仲有大量酸菜、大豆芽、筍片和薯粉。非常豐富。 椒鹽九肚魚：表皮酥脆可口，魚肉乾身，嫩滑中帶口感。炸普寧豆腐：炸至金黃色的豆腐，豆味香濃，口感外酥內嫩。點些韮菜鹽水，味道更提升。家鄉炒米粉：炒得乾身又夠鑊氣，材料有甘筍絲、生菜絲、蛋絲和午餐肉等，無論口感和味道都搭得好好！啤酒夠凍，配佳餚美食真係最佳拍檔！

今日朋友帶我去食川菜 餐廳門面平平無奇 但食物質素就真係有驚喜首先當然叫咗呢度嘅招牌之一酸菜魚 本身我同朋友都鍾意食酸菜魚 而呢度嘅酸菜魚用嘅魚肉非常厚身有咬口 而且個湯底味道都唔錯 裏面有酸菜大豆芽薯粉等等嘅配料 食完一口又一口孜然寸骨 呢個係豬脾骨 可以揸住個骨啖啖肉咁咬 睇落去雖然好似比較乾 但係食落都夠軟淋 面頭佈滿孜然 非常惹味大盤花菜 呢個超有鑊氣好香好好味 應該係由豬油炒成 大盤花菜走過油 仲有啲鹹肉 屋企好難炒到咁香咁有鑊氣 價錢只係70蚊但係份量十足家鄉炒米粉 本身正常我哋就唔會嗌啲咁飽肚嘅嘢 但呢個係店員推介 咁我哋就即管信佢試一試 點知真係非常有驚喜 除咗份量好大之外仲要炒得乾身有鑊氣 雖然係好平凡 但真係好好味 而家諗起都想食

去九龍城搵食，話呢間出名酸菜魚，好，試吓。睇餐牌，除咗酸菜魚，其他菜式都好吸引，兩個人為咗食多幾味，忍痛放棄酸菜魚。尖椒皮蛋幾好，該綿的蛋心夠綿，尖椒夠香，好大份，非常滿足。麻辣無骨黑雞腳好爽，麻辣味夠出，但對喜歡多麻的我，可以再麻些。看來簡單不吸睛的炸普寧豆腐，豆腐滑到不得了，沒有特別調味，可以嚐真豆香。外層炸得香脆，浸一浸特製的韭菜高湯，給清香的豆腐掛上惹味的層次。大盤花菜炒得夠香，跟我在四川吃的一模一樣，很難得，感動🥹。家鄉炒米粉又是一絕。用料十足，米粉很晶瑩，最難得的是夠乾身，夠鑊氣，又香又爽。眼前的一碟還未吃完，朋友已決定外賣多一份帶回家😆。

通常出九龍城都係食泰國菜或者潮州糖水 但係今日就試新嘢食川菜 不過有意想不到嘅驚喜酥炸雞中翼 $80 雞中翼一開二 每件單骨雞翼都裹咗炸粉炸香 外皮酥脆內裏Juicy酸菜魚 $198 呢個係呢度嘅招牌之一 除咗酸菜魚之外 裏面仲有水晶粉/大豆芽/筍等等酸菜用嘅魚肉 魚肉好厚身有咬口而且都算滑 去骨亦去得乾淨 個酸菜魚湯底都算唔錯 酸味同辣味都適中 店員有推介可以加唔同配料係湯底 我哋就加咗炸豆腐串$40家鄉炒米粉 $78 呢個係店員推介話係餐廳最多人嗌嘅嘢食之一 嚟到非常有驚喜 因為超有鑊氣 米粉炒得乾身 裏面有椰菜絲午餐肉等等 而且份量超級大 食完都飽咗一半 必叫之選乾鍋肥腸 $98 乾鍋有曬花椒八角等等炒埋一齊麻麻香香 非常惹味 加埋肥腸乾淨而且都幾厚肉 可以額外加錢加配料炒埋一齊 我哋想食啲惹味嘅炒蔬菜 所以加左萵筍$50 蓮藕$40 個人覺得蓮藕加喺乾鍋都幾好味餐廳Default冇茶水提供 所以我地都叫左唔同嘅嘢飲 津路烏龍茶 鴻福堂系列飲品 夏枯草 汽水忌廉 青島啤大支裝 $32

今日收工遲左少少，入黑轉凍，想食番餐好既，即刻約屋企人黎九龍城覓食。 我地經過呢間舖頭，被香氣所吸引。 入座後點左蟲草花胡椒豬肚雞，入冬必食。另外叫左份幹鍋田雞，要補補。整多一份椒鹽九肚魚，齊！最先到係椒鹽九肚魚，筷子一夾已經知道炸魚功夫好，十分脆。入口果然如是，外脆內嫩，香氣噴發，椒鹽味道剛剛好，十分出色，是我近一年吃過最好吃的椒鹽九肚魚。跟著爐就上黎了，原來係蟲草花胡椒豬肚雞！儘管叫了半份，也很大一鍋，熱呼呼，喝一口湯已經足以驅寒，皆因裡面的材料很豐富。雞肉很嫩，而豬肚都好入味。最後有田雞，熱辣辣，冬天真合適，吃著吃著就流汗，田雞嫩而彈牙，滑滑的，而且味道惹味十足！總的來說會推薦給九龍城的朋友哦，你們‘有口褔’啦！

有水準酸菜魚，九龍城隱世酸菜魚，我選鹹水淡水魚，叫其他配料可以擺埋一齊落去煮，各樣食材新鮮，可選大中小辣，味道出色之餘不會口渴，用心酸菜魚小店，另有涼拌小菜小食，但我每次都叫酸菜魚已經10分滿足，值得支持，留意營業時間，唔好摸門釘，另外老闆員工態度良好，樓有有房可以一大班朋友聚會，另外可選海鮮刺身。喺我心目中嘅香港酸菜魚第一名。快啲同朋友一齊去試試，價錢合理。鍾意食大辣嘅朋友都可以試試。九龍城打鼓嶺道

😗刷openrice時看到有豬腰，很久沒吃過的菜式所以週末就跑去九龍城吃了！看很多人推薦的酸菜魚，點的中辣！！魚肉比一般連鎖店的肉質更紮實，湯料充滿辣椒和川麻的香氣，不是那種色淡但刺激性很強咸酸的香料味，喜歡吃酸菜魚的強烈推薦一試，還有不同的魚種可選。酸辣腰花-不錯，如果醬汁再稠一點可能更好吃。脆椒雞軟骨，推薦！喜歡香口丶香脆口感或者配啤酒的可以點。雞軟骨很入味，而且軟骨連一點點肉。花生和炸脆的紅辣椒比肉好吃！點他！餐廳不算大，幾枱座位，如果特意來九龍城吃的話建議先訂座。

和同事在九龍城見客，差不多晚飯時間，見到「有口福」標榜酸菜魚，一於光顧試試。餐廳地方不大，尚算整潔企理。奉行健康飲食，蔬菜不能少；以大盤花菜打頭陣！分量超多有驚喜，花菜爽甜，以肥肉炒香更開胃好味道。酸菜魚，二百蚊有找大大盤，兼且色香味全！魚肉片軟滑鮮甜，酸菜湯汁調味得宜，惹味可口。各式配料分量十足，更顯廚師功駕。炒豬腳皮老闆娘極力推介，豬腳皮爽滑中帶煙韌；味菜香口爽甜，十分美味。無介紹錯！酥炸雞翼香脆炸皮包著熱騰騰的鮮嫩雞翼，邪惡但卻深得我心。飲品除了一般汽水外，亦提供較健康選擇：蘋果醋和竹蔗茅根。

之前曾經在這裏吃過，最近朋友介紹這裏的酸菜魚，說是味道不錯，今晚便來到一試。酸菜魚小骨$198 ，配料有筍片，芽菜，酸菜，薯粉。酸菜魚可以選擇鉗魚或者沙巴龍躉，不過沙巴龍躉要$308 。鉗魚的魚質比較鮮嫩，魚骨亦不算太多，加上酸菜魚湯的鮮味，更加配合。酸菜不算太酸，湯底鮮甜，廚師加上芝麻令到香味更加濃郁。蔥爆羊肉$138，羊肉有肥有瘦，口感紮實，加點自家製的辣醬，可以提升鮮味。辣炒土豆片$88，可以選擇乾身或者濕身，乾身就有點像薯片，亦有點煙煙韌韌，口感層次豐富。青島啤酒$32，冰凍的啤酒一直是川菜的最佳伴侶。天地1號$20，蘋果醋帶點蘋果的香甜味道，酸酸甜甜，可以解辣。

抵食高水準川菜，除咗食辣，仲有其他唔辣嘅菜式。特別推介酸菜魚真係好好味，有淡水魚同鹹水魚可以揀。啲魚好滑完全唔腥，湯底唔會死鹹好有鮮味！普寧豆腐，呢個好得，第一次食份量咁多又大大碟，炸得好酥脆。我對家鄉炒米粉有特別既情懷，因為我嘅家鄉都係咁樣煮，所以好有家鄉嘅味道。全部嘅份量都好多，酸菜魚足夠三至四人食。同老闆娘傾偈先知原來呢度開咗好耐，整體好高質素同有水準。值得推介！！！希望可以長做長有！會多啲過嚟食

而家搭地鐵去九龍城真係好方便，今晚就同老公去搵食，老公喜歡去有口福，餐廳係九龍城係老字號，主打四川菜，食物味道好，街坊價錢，老闆娘招呼客人又親切。酸菜魚：一大盆上枱，份量真係好足，湯底辣度剛剛好，微辣中帶少許麻味，用鉗魚起肉做成魚片，魽魚肉厚身結實，肉多骨少！食落啖啖都係肉，配料有芽菜、萵筍同水晶粉吸收索晒啲湯汁好惹味！紅燒乳鴿：乳鴿炸至外皮金黃香脆，肉質嫩滑夠味。點些椒鹽更惹味！炸普寧豆腐：豆腐炸至金黃色，吃時蘸上韭菜鹽水，外酥內嫩，鹹鮮微辣，風味獨特。家鄉炒米粉：炒得好有鑊氣，米粉炒到乾爽又彈牙，材料亦好香口。

京蔥爆羊肉 : 羊肉肉香而不腥,爆炒後有淡淡嘅羊臊味，配上京蔥嘅香甜，食完一口一口，送啤酒一流。家鄉炒米粉： 米粉Q彈，配上白豬仔午餐肉10分惹味，加上火候炒得好乾身，好有鑊氣，加少少辣椒醬，香濃而不油，食得好滿足。招牌酸菜魚: 酸菜魚份量十足，餐廳用咗整條黑魚包括魚頭魚骨，煲咗個靚湯，再喺湯底入邊加入酸菜，泡椒，酸筍將酸菜魚嘅酸度提升到唔同層次，再用花椒香油令到魚肉入口爽滑，香辣麻香恰到好處，一啖接一啖10分過癮。而且仲有大量配料芽菜同寬粉，兩個人食到好飽飽。蒜蓉炒菜心： 菜心配搭豬腩肉一齊爆炒10分爽滑，菜心吸收咗豬油嘅香氣食落好香口，簡單嘅調味，帶出咗豬腩肉嘅油香，菜心嘅清甜。唔錯。

自從宋王臺站開通後, 到九龍城就非常方便, 這天到九龍城取東西, 順便找間地道小店吃晚餐, 看到這間有胡椒豬肚雞煲, 就決定一試胡椒豬肚雞煲 (半隻雞) $228湯底除了豬肚及雞之外, 加了多款藥材, 另有紅棗, 杞子, 蟲草花等, 令胡椒味十足的湯底加添了一份鮮甜味道, 豬肚份量頗多, 軟嫩爽口, 雞肉美味嫩滑, 吃到底還發現有我最愛吃的雞腳, 絕對真材實料👍😋另外點了一些火鍋配料鮮萵筍 - 新鮮清甜大豆芽 - 這次吃才學懂原來大豆芽不是一般芽菜😅, 芽菜其實是由綠豆發芽而成，而大豆芽則是由黃豆發芽而成, 所以比較粗壯, 豆瓣亦較厚芋絲 - 爽口順滑炸豆腐串 - 火鍋的最好配搭, 除了本身口感特別之外, 還吸盡了雞湯的精華, 吃落非常可口家鄉炒米粉這個是店員推介, 果然沒介紹錯, 我和老公都非常欣賞, 米粉炒得乾爽彈牙, 香口得來完全不油膩, 材料很豐富, 有餐肉、雞蛋、椰菜絲、紅蘿蔔絲, 面層還灑上芝麻, 令賣相加分, 而且非常大碟, 最後吃剩大約一碗份量, 打包回家第二天放微波爐翻熱吃, 仍然非常好味這裡店舖雖小, 但充滿人情味, 招呼非常好, 很有家的感覺

九龙城里我能吃到我喜欢的猪肚鸡煲，真的不是一件很容易的事情，毕竟猪肚鸡在内地很多地方都做的很地道，但在香港不一定能吃到很地道的猪肚鸡。这家九龙城的有口福，我已经来过很多次了，最近天气一下降温，不想吃上火的麻辣火锅，就想吃一点滋补的猪肚鸡吧，所以我又再次来到这家。点了他家的猪肚鸡，再点了两个炒菜，值得一提的是，他家的炒菜十分的特别，有许多我在外面吃不到的一些内脏，这次点了，炒鸡肾。还有炒鸭肠，听说只有老板在才有的这两道菜，另外听了店员推荐，点了他家的炸豆腐，也十分的美味。喝个汤，吃点小菜，感觉无比的惬意，虽然店里并不是装修特别大，也不是特别的豪华，但是口味真的吃出了内地家里的感觉，因为老板也是内地人呢。

已經有一段時間沒有來到，今晚好想吃點川菜，便選擇了這裏。大盤花菜$70，椰菜花帶點焦香，加上腩肉的香味，和四川配料的香氣，頓時變了一道美味的小菜。手撕包菜$70，雖然沒有肉類，不過廚師運用了調味的技巧，雖然是蔬菜，都非常美味。乾鍋田雞$168，田雞件走了油，令到吸味能力提升，田雞帶點花椒香氣，味道惹味，是佐酒的一道小菜。紅燒乳鴿$68 ，乳鴿外皮香脆，內裏肉汁豐富，沒有炸得太乾，香脆可口。青島$32 ，冰凍的啤酒，是吃川菜的最佳伴侶。天地1號蘋果醋$20，這個蘋果醋，在內地吃川菜時都非常喜歡，想不到這裏也有這個蘋果醋提供。服務費$20 ，問過店員，這個服務費以人頭計算每人$10 ，因為沒有加一服務費，所以都非常之抵。