聯發燒味茶餐廳 (Closed)

服務態度很差, 食物質素很差, 衛生環境很差, 收錢會計計算能力很差.先講服務, 粗聲粗氣黑口黑面, 經常聽唔到客人指示, 而且經常串顧客.食物方面, 燒味很一般, 叉燒都是最差的部分而且沒有用心去做, 很硬很肥很難食.燒肉涼的而且不脆過鹹, 飯很硬而且有米蟲, 湯完全係味精湯, 完全食唔落.收錢阿姐可以幾十蚊也收多你十幾蚊, 仲要連續幾個客收錯, 這是真的巧合的嗎?

Paul Lafayet 的 Grand Opening 活動完結後，我們也各至各地散東西，上星期，心裡總是有個叉燒飯的情意結，是日一個人食飯，心有不甘的我決定要找間傳統的燒臘檔食返個叉燒飯，而大前題就要是一間我未曾食過的燒臘店。於是，立即過港，係古老既上海街油麻地段找。開著貴網的apps，按地址按地圖去尋覓，可是找對了地址，那些傳統燒臘檔早已人去樓空，或是早已變成另一類型的店舖。已深入在上海街，發覺租金昂貴同香港社會的轉形，漸漸地把這些純買燒臘飯的食店轉變，當中有不少，早已變身茶餐廳，要找這些燒臘飯店，飲下玉冰燒，的確是要花時間找一下。我特意在辦館找來的小瓶玉冰燒，就要留待下次的機會 (不用開車)，才能夠真正的體會當年玉冰燒廣告的魔力。 找不到古式的純燒臘飯店，在油麻地的彌敦道，燒臘茶餐廳倒是有一間。在沒有過多的時間讓我去尋找的情況，心知道這一家的燒臘只是一般的質素，誓要食叉燒飯圓夢。既然要食叉燒飯，就一定要單併才視以尊重。在這一個世代已同往日的不同了，斬大舊叉燒，鋪滿一整碟飯，已經冇乜地方會做得出。雖然這碟只是普通的瘦叉飯，但為了壓抑心中的

上晏有嘢做放假，無帶飯，要食晏，路過見到燒味都唔錯，就叫咗個燒鵝瀨攞走，還送例湯(不過送完即止)。佢入晒袋俾我，見到一碗湯，另外一個紙杯，心諗例湯以紙杯俾客都幾特別，未見過，有新意！返到office一睇，原來佢係將瀨粉D湯另外搵紙杯放，以免D粉太過軟身，諗得都幾細心！但換句話說，無例湯飲lu！碗粉就中規中距，隻鵝唔肥，又唔得D骨無肉。

題目叫未試過, 意思係未試過飲過一碗味精多成咁的例湯話說表姐的bb剛出生, 我同男友一起去廣華探望蘇蝦, 因為未食晚飯的關係, 就到了這家燒味餐廳食個簡單的燒味飯, 我就食了一碟油雞义燒飯, 油雞斬得比較細件, 但雞肉都算幾滑同幾有雞味, 骨斬得碎, 食時有少少碎骨, 义燒的味道都可以, 但唔算一等一問題係碗例湯, 因為聽佢講係我至愛之一的青紅蘿蔔豬骨, 所以就叫一碗飲, 但一飲一啖... 嚇死 就好似筆一更味精放入口咁, 想即刻累番出嚟, 雖然例湯於呢類餐廳飲就實預左佢有味精, 但就估唔到有咁多, 真係夠哂晶瑩剔透因為印象太深, 送碗湯一個特大的喊面, 但碟飯都ok

同朋友係榕樹街打完波,就來呢度食飯呢間野地方都幾大,裝修唔錯,菜單整到好高級,但是冇咩人來食,應該係價錢比較貴叫左單拼飯,有菜送,菜味道唔錯,都幾嫩瘦叉冇咩油,又易咬,味道好正+埋野飲要39蚊

起初以為他便宜才進去點知,路邊餐牌是騙人的外賣才有20幾蚊一進去吃,就35蚊最便宜凍飲+2感覺被騙了,坐下又不好意思走只好點菜,燒鵝飯,一般般鵝皮不脆,味道一般般鵝肉吃落去有點亁哎..........................

來的唯一理由是兩手拿著重得走不動的行理，坐埋一角叫碟燒味飯，再打的回家。餐牌有四分一本黃頁般厚，沒精神細看，叫了燒鵝拼乳豬飯加OT。雙拼飯料不少，燒鵝髀已消脂去皮，連骨髀肉肉嫩帶淡淡五香味道，僅餘的鵝皮，卻是腍得過分，是日銷路麻麻；片皮乳豬連著很厚的脂肪，點睇都唔覺得很「乳」，皮以麻皮豬來說未免太腍了，肉醃得頗鹹，似乎兩者都是多吃無益。配料麻麻而飯當然就吃不下去了，埋單四十三元，感覺是純粹來填肚。