東湖小廚聯威餐廳

Open Now

Now Closed

I got satay beef with thick rice noodles with a dinner roll and 2 eggs and hot horlick. The plate of bread and eggs came first. Even though I ordered a dinner roll, I got 2 slices of buttered bread instead 😞 I wished they toasted the bread too... The eggs were nicely cooked! The yolk was runny when I took a bite out of it. The beef noodles were pretty good (maybe because I was hungry haha). The beef wasn't too chewy and there was a good amount of satay sauce. The breakfast set was pretty big, so

係銅鑼灣附近學完車，就記得附近有間食扒既餐廳幾抵食，就黎左食番個扒餐dinner先！ 我就叫左個瑞士雞扒餐配薯條$56，可選瑞士洋蔥汁或黑椒汁，熱飲加$7，凍飲就要加$9，如果唔加錢可以叫店員比杯水你都可以！等左一陣個扒餐登場啦！熱辣辣既雞扒係鐵板上，所以食時要小心啊！唔好燙親！瑞士洋蔥汁流係雞扒肉裡面好惹味，雞扒肉都幾嫩滑，而且都幾大塊；薯條係粗個款，所以都好香好脆口！係銅鑼灣旺區以咁既價錢而又食到唔錯既扒餐真係唔多，所以如果下次去開銅鑼灣既朋友都要黎食下啦！✨✨✨✨✨✨✨✨✨✨如果大家喜愛我寫既食評📝，麻煩幫幫手比個愛的鼓勵❤️，我會寫更多豐富既食評比大家！🤤✨✨✨✨✨✨✨✨✨✨

在熱鬧繁榮的銅鑼灣想找一處價錢經濟及不用等位的食肆, 知道渣甸坊應該有我們的心水,   店舖的 menu 全部貼在街舖外, 一目了然, 都是不太貴的價錢, 合乎我倆要求, 有2-3間之前已試過,  沒興趣番兜, 最後 終於挑上了這間, 要上樓梯的茶餐廳, 餐牌和其他茶餐廳的menu 無異, 都是很典型的菜名,  每人選一個, 分別是 :1) 香醋淮山咕嚕肉 $68 , 估唔到咁好食, 黑醋汁掛在肉上, 黑醋 份量剛剛好,   豬肉外層的生粉炸醬, 炸得脆口, 而且沒肥肉加上爽口的淮口, 真係 ichiban  2) 檸檬蒸烏頭 $72 送一碗白飯還有一杯熱飲, 這條魚, 等了25分鐘才到,  實在等得有點兒不耐煩,  上碟時, 已很驚喜, 這條烏頭不是小小的一條, 整條長度比標準的筷子還要長, 一試之下, 實在好味,檸檬的酸酸甜甜和烏頭真是好夾, 魚也新鮮 3) 題外話, 其中一位侍應亞姐, 過來吹水 話, 曾有顧客要求檸檬蒸倉魚, 佢地已同客人講過, 係一定唔好食, 但客人仍堅持, 當然唯有照落單, 結果: 事後咪後悔

同朋友係銅鑼灣睇完戲，已到晚飯時間了。經過渣甸街，見到東湖小廚聯威餐廳好似不錯，決定就係呢間食晚飯啦！餐廳位於1樓，空間感大，有兩人位，卡位，六至七人位，幾闊落坐得舒服。 餐單非常豐富，有中、西式飯，魚湯泡飯，精美小菜，粉麵類，扒餐等等。我同朋友好多都想試，苦惱左10分鐘後，點左兩個小菜：西檸煎軟雞、通菜炒鮮魷，仲有餐廳既皇牌黃袍叉燒飯。 西檸煎軟雞 炸雞吸收左西檸既酸味，非常開胃。而且，炸雞外皮唔會因為浸左西檸汁而軟曬，咬落去仲係脆口的，雞肉嫩滑又有肉汁，非常推薦比大家！ 通菜炒鮮魷 一餐飯少不了青菜，炒得有火候，通菜同鮮魷好match，整碟都非常有鮮味。份量幾多，鐘意食青菜既你一定要試下啦！ 黃袍叉燒飯 原來黃袍係指滑蛋，呢個飯一d都唔馬虎，叉燒厚切，肉質肥瘦適中，鮮甜美味！滑蛋亦嫩滑，如果多d醬汁拌飯會更好。 飲品方面，朋友點左紅豆涼粉冰，清涼解渴；而我就點左熱原粒柑桔水，酸咸味好出，好好飲。呢間餐廳總體來講非常滿意，下次一定會再去食。

一入餐廳侍應服務十分良好，請示我與友人坐在卡位，並主動將抽屜內的餐具佈置好。首先我點了紅豆冰解渴，以上乘花奶沖出的紅豆冰奶味濃郁，沒有以過多的水份沖淡，紅豆粒粒完整大顆，紅豆粒塞滿了整杯冷底，紅豆與花奶的比列是二比一，口腔嘴嚼滿滿的紅豆粒感到十分爽快。第一道菜先上的是菠蘿咕嚕肉，色澤鮮明，亮亮的暗紅色肉塊與黃色的菠蘿、青色的青椒構成一幅美麗的作品。我先吃的是菠蘿，酸甜的菠蘿味道作為前菜成功提升了我對這道菜的食慾，菠蘿感爽脆，不會縮水，而青椒亦不會過生或是煮到過了頭，跟外頭的餐廳不一樣廚房亦注重餐廳的配料。到了主角咕嚕肉，一入口肉塊外皮酥脆可口，咬下去時肉質鬆軟，不會咬不開，肉汁與醬汁的混合一同衝擊著味蕾，只能一口又一口的把肉塊塞滿嘴裏，不時以菠蘿的果酸一解油膩，這是一道食不膩的小菜。第二道上菜的是友人點的炸雞脾，老實說雞脾的賣相一般，但令人驚喜的是雞脾的肉質頗為鮮嫩，肉汁多，比想像中更為彈牙多汁，另外值得一贊的是雞肉上枱時仍然有餘熱，大飽口福。接下來以鐵板呈上的美國什扒，一上桌滋滋的聲音看到滿溢的醬汁在鐵板上沸騰，我是次選了黑椒汁，鐵上除了不薯菜托盤吸收了肉汁的精華外，還有火腿、雞排、

在銅鑼灣，有不少不同味道的餐廳，可說是應有盡有，但本人特別鍾情於香港的茶餐廳，機緣巧合之下，走進了小巷，便看見一間不起眼的樓上茶餐廳。並看到有不少情侶和一家人進入店內！我和朋友都好奇地進去享用晚餐，晚飯時段，人流已很旺，座位闊落舒適。看見餐牌有不少中菜的選擇，口味和選擇都很大眾化。我便選擇了，蝦醬炒芥蘭，茄子火腩煲，乾煸肉鬆四季豆和西多士！上菜時，遠遠已經聞到蝦醬味，芥蘭十分新鮮，青綠，蝦醬爆多，每條芥蘭都充滿蝦醬的。師傅絕不馬虎，不會因為價錢便宜而減少材料的份量！茄子火腩煲，火腩就是燒肉，師傅把豬的五花腩燒得皮脆肉嫩，香口又有口感，用火腩燘煮茄子，令茄子不會油膩，火腩陪襯上紫色的茄子，就成為一道完美的煲仔菜色！而四季豆炒得非常有鑊氣，不會用過多的油去炒，上碟是乾身的，四季豆配上肉鬆，口感一流 ，絕不失色！在我們進食期間有不少客人最後的甜品就是西多士，而我們都叫了來嘗試，看見厚厚的西多士，感覺價錢十分便宜，只需$30！難怪差不多每枱都會品嚐一下！最邪惡的西多士出場了，西多士淋上蛋漿炸到金黃色，一啖牛油，一啖糖漿，再配上多士內的花生醬，十分邪惡！無論男女老少，都可以絕對自己一個吃完整個西

通常去銅鑼灣都係食日本野或者西餐，今日朋友介紹話原來呢度有間茶記又平又好味，咁就一於今日去試下啦。雖然餐廳位於2樓，但都好多客人喎，好彩地方夠大，一啲都唔覺得迫。睇睇menu見到呢度既鐵板餐好似好出色。不過黎到茶記，始終都係想食小菜，咁就一於一人揀一個餸啦。我地叫左個2人餐，有湯有白飯。個湯飲落好夠味，但又唔會太咸岩岩好。呢個涼瓜炆倉魚好大條呀，而且食落仲有魚既鮮味，魚肉都夠嫩，唔會比涼瓜蓋哂d味。西檸煎雞係我每次都必叫既餸，呢度勁大碟之餘又熱辣辣，好似好正喎。一食落口，d雞皮真係好脆，外脆內嫩咁，而且西檸酸酸地好開胃呀。朋友就介紹話呢個黃袍叉燒飯係呢度最出名既，原來姐係蛋包飯。d蛋夠嫩夠滑，撈飯食真係食哂成碗都唔夠呀。而且叉燒係我最鍾意既半肥瘦，唔怪得朋友咁推介啦。呢間餐廳夠哂地道，而且價錢唔貴，真係值得一試。

After a long day at work, I was starving and while walking a long Jardine's Bazaar, I found this little gem. A flock of people were outside its front door looking at the menu that was plastered to it. I went in hoping for some good food stat. As I climbed up its stairs, I felt that this is a newly established restaurant like it had been remodeled. Upon reaching the second floor, I was immediately greeted by a staff and promptly directed me to a seat - a corner table just what I wanted! I glanced

今日出左銅鑼灣做野，所以約左爸爸喺附近食飯。雖然銅鑼灣有好多野食，但一時之間都諗唔到食咩好，行過呢間茶餐廳好似幾多野食，就一於試下啦呢間茶餐廳都幾大間，都坐得幾舒服菜單都有好多張呀有晚餐有燒味有鐵板有二人餐有小菜，真係花多眼亂唔知點揀，好少茶餐廳有咁多款式揀左口水雞例牌，都有十幾件，少少辣味唔會太重因為想食少少飯，所以就點左燒腩飯，D燒腩仔個皮就係脆卜卜架 點左香醋淮山咕嚕肉，好開胃呀酸酸地，而且非常大碟，味道有少少黑糖味，平時咕嚕肉既菠蘿變左淮山，唔錯呀食左咁多肉一定要番D菜，點左鮮茄淮山浸時蔬，呢個清清地，淮山好爽口，有蕃茄消下濟，都幾好點左呢個柑桔蜜特飲，係原粒柑桔黎呀，點左小菜就可以加幾蚊點飲品爸爸就飲啤酒，埋單兩個人唔洗三百蚊，但食到超級飽，如果知佢份量咁大，點少D都夠呀～

機緣巧合之下，發現銅鑼灣呢個黃金地段，居然有一間價錢吸引、食物質素唔差、又抵食既茶記；老闆話因為自己地方，唔駛捱貴租，先做到呢個貼地價。收左工同朋友兩個人，黎試呢度既頭兩位推介菜式----黃袍叉燒飯、鐵板美式什扒黃袍叉燒飯 ($63)黃袍其實即係厚厚既滑蛋，雞蛋嫩滑，而且蛋香味濃，好味! 😋呢度既燒味都係小店每日新鮮醃、新鮮燒，係米事實我就食唔出，但呢度既叉燒的確幾鬆、幾淋、幾入味，一碟有六件，每件都厚切。😍全個飯本身唔錯，但唯一缺點係叉燒汁太太太少!! 叉燒汁都算係靈魂之一，完全唔明白點解只比咁少…..😫美式什扒配黑椒汁 ($59)什扒有厚火腿、牛扒、豬扒、雞全翼、腸仔，仲有D薯菜。呢度每塊鐵板都熱辣辣送上枱，滋滋聲，大家記得小心D食呢個扒餐，味道唔係特別好食，但勝在價錢夠親民，份量又夠多；牛肉用鬆肉粉”那”過，一D都唔韌，不過就唔係好有牛味；豬扒肉質都算鬆，不過肉味比黑椒汁搶哂；雞全翼係滷水味，已經滷到入味，唔錯。至於呢度既炸薯條可以用三個字黎形容，好難食!! 薯條一D都唔脆，而且比D扒壓到爛熔熔，無論係外貎定味道都唔討好，身為薯怪既我要放棄食佢…😣呢度既食物係銅鑼灣區絕對抵食，而

今日收工後，就同朋友食個便飯，就搵左一間有好多家常便飯既餐廳食下。餐廳上都係卡位，入到去都幾多人下，同埋聞到好香，估計應該幾好食😋餐牌上小菜選擇有好多，而且仲有鐵板扒，又有經濟既二人餐都係$188。同朋友點左個二人餐加左個餸，包兩碗例湯同白飯。今日既例湯係眉豆煲雞腳湯，老火湯最重要係夠火喉，飲落碗湯完全唔同外面茶餐廳既例湯質素。雖然係跟餐送既，但係飲落一點都唔馬虎，湯既色澤好深色，飲落極為有味，而且唔係飲得出碗湯好足料，完全無加味精，就好似飲梗屋企媽咪煲既湯一樣，熱辣辣咁上枱，再食埋入面既雞腳，感覺好滿足😋Xo醬粉絲生蠔煲呢個極級推介，完全估唔到係茶餐廳可以食到呢個質素。生蠔全部都大大粒脹卜卜，食落都好鮮甜惹味，而且入面起碼有成八隻以上，非常足料。底下既粉絲都無失望，鍾意食粉絲既朋友仔今次就一定滿足，因為粉絲全部索哂xo醬同蠔既鮮味，而且粉絲處理得岩岩好，食落味道好吸引，最後全部食哂。家鄕梅菜扣肉呢個梅菜扣肉煲都值得一試，扣肉既肥瘦比例剛剛好，梅菜用來送白飯一流，夠咸味但唔會太過咸。而且扣肉夠肥，有一半係瘦，炆得夠入味，肉同皮都沾滿了梅菜的味道，食完令人回味。魚香茄子煲我最欣賞呢間餐廳

星期六放假做24孝男友同女朋友行街，食晏時間我地就系附近搵左間樓上餐廳食野，銅鑼灣人多搵到位唔洗排隊真係好好，呢間餐廳地方好大，夠晒寬闊！是日午餐有成8種唔同既選擇，豬、牛、雞、魚樣樣齊，種類好多樣化！我就叫左個皇袍雞扒飯，咁大塊雞扒啱晒食肉獸既我，雞扒外層煎得好香脆，d雞汁仲包住系肉入面，肉質嫩滑，咬落去好juicy...完全無雪藏味。雞扒下面仲有雞蛋，雞蛋炒到好滑，索埋d雞扒汁好香！之後仲叫左碟菜心，菜心新鮮清甜，唔會黃晒或者煮完又煮搞到淋晒！跟餐叫左杯凍檸樂都只係加$3，呢間餐廳雖然系銅鑼灣，但佢地既價錢真係好抵，最緊要係食物有質素，幾平都好，唔好食免費都無用😝

放假同男朋友出黎銅鑼灣行街，仲未食午餐既我地就搵左間樓上茶餐廳食野。餐廳比我地想像中大好多，地方寬敞，兩點都仲有唔少食客。職員非常熱情招待，安排好座位俾我地後主動介紹有咩好食，最後我說叫左個黃袍叉燒飯！今次係我第一次食，原來黃袍係指雞蛋，黃金色既蛋鋪系米飯上面，再系雞蛋上面擺叉燒。雞蛋既熟度岩岩好，唔會太熟，口感好滑...至於叉燒既密汁味道甜而不膩， 肉質非常稔身， 而且叉燒是半肥瘦的， 口感鬆軟、味道一流！堅持餐餐都要有蔬菜既我另外叫左份灼菜心，菜心清甜，挺不錯。最後，一杯簡單既凍檸茶估唔到會俾到驚喜我！茶味濃郁而且好清香既檸檬味，本人偏好甜，所以覺得甜度岩岩好～呢間茶餐廳好唔錯，簡單得黎食物質素好，旅客想黎香港試下茶餐廳，呢間係不二之選。

同女朋友係銅鑼灣行到行到好累，於是就係附近隨便搵一間食店充饑～咁就黎到一間茶記『聯威』食下小菜！　試下近排冇咩點品嚐到既鑊氣小菜：）    店面係睇得出既大眾茶記外觀！　所以大家一望就好清晰咁知道佢係一間茶記而且最方便我既就係，可以係門口已經見到有咩食同埋幾錢～　可以預計自己岩唔岩食／想唔想，可以諗清楚覺得冇問題先入去食！　我個人非常喜歡呢一點：Ｄ入到去就係平時大家去其他茶記／冰室既裝修，唯一唔同就係『聯威』既地方比較大，無論食野定行路都可以隨意而為，唔洗就住就住！　而且比較有趣既就係，無論我坐得幾肉酸，幾隨意都唔會有人理，有人笑！　咁先係茶記既特色：Ｄ    餐牌每樣都標好價，簡單易明，同店舖門口既無異。- 蝦頭高蟹肉炒粉絲 特登黎到食小菜，為既就係食茶記獨有既鑊氣，　呢個炒粉絲唔單止鑊氣足，亦即係食落去既時候係會有種熱透心既感覺，但同時又唔會熱到入唔到口！　而且唔會好乾身難入口～　味道方面當然足夠香濃！　亦都相當足料，除左蛋同蟹肉外，仲有芽菜等健康蔬菜～　增添一點健康！- 香醋淮山咕嚕肉 糖醋排骨就食得多，但係用糖醋方式整既咕嚕肉就比較罕見同有特色，『聯威』既呢道小菜非常不錯，熱辣

今晚加班後同同事都無屋企飯食，佢建議去公司附近呢間餐廳，佢同老公食過話d小炒整得唔錯，所以一於試下！我地揀咗最多人氣嘅皇袍叉燒飯、西蘭花炒帶子花枝片、薑蔥焗廣島蠔。皇袍叉燒飯 - 餐牌上面係無嘅！同事食開話中午嚟食過餐牌上面有餐跟先會有，如果夜晚去食，就算餐牌無都唔緊要，店員都會幫忙寫單照做，只係收正價但無餐跟($60)！叉燒厚切，肉眼望好瘦，佢用左梅頭肉整，所以質感好淋好入味！炒蛋亦都炒得好滑，無諗過一個普通嘅叉燒炒蛋飯可以到咁出色，好味！西蘭花炒帶子花枝片 - 即叫即炒！廚師炒得好有鑊氣，帶子花枝片炒得好爽好香，唯一係呢啲小食係無白飯跟嘅，需要就另外柯打，但我哋有叉燒蛋飯，所以無再order！最後呢煲薑蔥焗廣島蠔 - 上枱時候仲有 “吱吱”聲，好熱好香！蠔肉好肥美，而且大細適中，咬落亦好有咬感，完全無過火~ 味道甜甜哋帶有薑蔥香味~ 好正！以後喺銅鑼灣加班行街又多咗間選擇，見到隔離枱好多客都叫咗鐵板，真係隔離飯香，下次等我又試吓先！