Video
Additional Information
茶水:午市 5元，晚市 6元
初一十五/誕期假期/星期六日收加一
Opening Hours
Mon - Sun
11:30 - 21:00
Above information is for reference only. Please check details with the restaurant.
Recommended Dishes
今日去買外賣，叫我等40分鐘，諗住買比媽咪食咪等囉，點知40分鐘之後返到去，同我講話吾記得煮！吾記得煮？等左40分鐘wo,大佬，之後再等左10分鐘就煮左出黎比我，但成堆垃圾一樣！其實吾想做我生意咪出聲囉，吾好晒我時間啦，我以後都吾會再幫襯！
continue reading
近期想食健康啲，減少食肉，聽朋友介紹，去到聯和墟哩間素食餐廳食下啦，咁我同朋友點左幾個小菜例如茄子煲，春卷加兩份齋去食啦嘅 本來都對哩間餐廳都有啲期望，希望培養到食素嘅習慣。點知啲餸一黎到，嘩，一睇就知好油膩咁，啲油唔洗錢，咁食法一定超肥，咁話曬叫左哩啲餸，無理由唔食嘅，點都要試一試有無問題。 點知真係超級油仲要係無乜味道食完一啖之後決定叫餐廳俾幾杯水我地去過一過水先夠膽食，但都係食左小小就覺得好似好唔對路，無謂食落去於是都係急急腳走，永久blacklist左佢。奉勸大家如果想食質素高嘅素食，你地有更好嘅選擇
continue reading
朋友約去聯和墟食素，行到門口先知佢哋新裝修，仲改埋名叫「聯和一起素」。最愛佢哋嘅牛油果雙雄- 牛油果壽司 -啖啖牛油果，牛油果迷一定要試。另外係王牌 -牛油果多士，新鮮熱辣，多士脆口，但記得要一坐低就落order, 因為製作需時。總結食評係低油少鹽，價錢合理，除中式素外，日式壽司好有驚喜，可以再去。牛油果壽司
continue reading
隱世素食店，做出少鹽少油新派素食，有中式，有日式。選擇唔算多，但夠揀。 上星期係粉嶺附近開工，行過見到有素，即刻入去試試。午市有簡單自選三餸飯，我揀咗手工做餃子面，餃子超好味， $38大大碗， 少鹽少油。晚市再同朋友去，先知招牌菜牛油果多士係咁好味 ，即焗，脆口。都係鍾情日式，又叫咗份牛油果壽司，素軟殼蟹壽司，份量好足，價錢公道 👍🏻牛油壽司，正壽軟殼蟹壽司而家好多食店，餐廳用新豬肉做餡，講真，食得素，就唔想食假肉
continue reading
行完山，朋友話想食素食，但我之前食過中式菜嘅素食都麻麻地，令我有點猶豫，咁岩搵到呢間睇啲相同食評都幾唔錯，價錢又親民，一於試下！當日去到咁岩係初15，好多人都訂左位，我地兩個人唔算好餓，點左兩個送，兩碗飯，兩杯野飲😀可能期間唔高，點知食落好驚喜！芥末咕嚕球芥末醬好開胃，咕嚕球脆卜卜，應該係用猴頭菇，食落真係好似肉，仲配埋蘋同青瓜！總之成碟都非常好送飯👍🏻紅燒豆腐茄子猴頭菇煲發現頭菇真係好百搭，點煮都咁好食，紅燒豆腐豆香都幾濃，茄子好林，整體黎講都唔會太油同鹹👍🏻豆漿係無糖豆漿有啲飲唔慣，如果加糖都幾好飲！百香果茶酸酸甜甜幾開胃不過想提下啲飯係敗筆，非常硬同乾，希望改善下，如果下次去粉嶺都再回頭食嘅一間素食～
continue reading