綠林甜品

Open Now

Now Closed

飯後甜品是重要的！與朋友一行7人，幸運地吾洗等位！之前有朋友推介，都來過這間小店。其實此店選擇很多，所以好難下決定！但我一向鍾情腐竹白果糖水，所以都係照舊。但有好多其他的我也很想試！這裡想要傳統既又有！新穎既亦都有！我既第一個到，好足料，好　creamy，好滑, 只是有點過甜！朋友選呢個湯丸好大粒，感覺很滿足！這款美祿脆脆沙冰很適合小朋友，朱古力大人細路都喜愛！杏仁蛋白等了最久，差不多要15分鐘才送到！充滿住杏仁既香味！價錢亦好合理！

深水埗地鐵站附近出名多嘢食，甜品店亦都越開越多，但今日呢間我食完，我一定唔會再去食第二次佢個自磨合桃糊一啲合桃味都冇，我肯定無咩加合桃，因為入邊一啲合桃味都無，一定係加D唔知咩沖出嚟，同埋味道非常之淡，完全係冇「內容」嘅一件甜品呢杯$40港幣嘅榴槤甜品我食得出佢完全冇加任何新鮮嘅榴槤肉落去，全部都係用一啲榴槤糕去開出嚟，麥當勞$24嗰個榴槤雪糕好食過佢多多聲其實呢間甜品都算係深水埗開業左好耐，但個質素我覺得係每況愈下比幾年前退步左好多

今晚拉隊去左深水埗食晚飯，食完之後有人話一定要去食埋甜品先返屋企😏，於是就嚟左綠林。嚟呢間老字號嘅甜品店應該食咩好，冇人答到我，事關打開個餐牌太多選擇，令人眼花撩亂，如果你有選擇困難症嘅話都幾麻煩🤭。最後我們大人就決定食番傳統糖水，比較穩陣，馬來亞咋喳，木瓜燉雪耳同薏米腐竹糖水，扮細佬嗰位就點左oreo燉鮮奶加杯美祿脆脆沙冰，跟住再要左份糖不甩強迫大家share😅🤷‍♀️。六款甜品裡面我地一致認為糖不甩最好味，夠煙韌，甜度適中；另外木瓜雪耳都好味，可能因為佢最難出事啦，燉鮮奶有人話硬左啲唔夠滑溜，其他就普普通通冇乜特別。不過晚飯時食左好多炸野，所以食番碗糖水潤下喉都唔錯嘅。

間唔中都會去食下甜品🍮今日去咗深水埗食 綠林🤣我男朋友叫咗自己好中意食的黑糯米小丸子🙇🏻‍♀️唔知呢碗小丸子有咩魔力 令到我男朋友每一次都要叫 不過我鍾意食凍多過熱我呢就叫咗薑汁小丸子 如果天氣開始凍嘅時候喺度食碗姜就即刻暖晒

收藏咗呢間野好耐，終於經過深水埗可以去試。叫左個紅豆西米小丸子加雪糕（$42），D西米花奶超甜，紅豆份量好少，小丸子完全無味道，雪糕既味道好化學，好耐無食過咁難食既甜品，唔值咁既價錢。食中式糖水可能好D。

$31雖然而家越嚟越多糖水舖但係呢啲傳統糖水舖喺我心目中仍然有一定地位🤣平時最愛食綠林嘅雜果系列今次特登試新野揀咗Oreo豆腐布甸😙講真豆腐味係零嘅不過布甸真係好滑☺️就咁食個布甸應該麻麻但係加埋非常慷慨嘅Oreo碎同埋花奶就即刻變到好鬼正🤤

上網見到呢間甜品店好多好評，今日去開深水埗，所以順便試試。佢甜品既款式唔算好多，得兩頁紙，款式亦唔算好特別。我同老婆叫左個Oreo 豆腐布甸加個蛋白杏仁茶。Oreo 豆腐布甸一般般，布甸唔夠滑，豆腐味亦唔重。花奶無雪過的，係唔凍既，食落麻麻地。布甸上的Oreo 碎唔夠脆，好似淋左咁。蛋白杏仁茶就幾好，好夠熱，蛋白好多，杏仁味都好香。甜度適中，幾好飲。拉返average 呢間甜品店係普普通通，唔會特別想翻cheuk

久仰大名綠林甜品！我來了！今日黎深水寶玩具街買玩具俾屋企兩隻馬騮仔！行完一輪..又格價..又睇款..又花多眼亂..行到成身汗水！大熱天時..最好就係食個糖水！爽一爽！一直聽身邊d朋友介紹深水寶必食糖水綠林甜品！聽就聽得多！今日終於有時間黎試下有幾正！睇到佢地個餐牌經已勁興奮！因為實在太多選擇喇！傳統芝麻糊、蛋白杏仁茶、花生麥米粥、老薑蕃薯糖水、自家磨合桃露、烏豆桑寄生茶等等都有！仲有豆腐布甸、班戟、涼粉、小丸子、西米露、可配多款雪糕！淨係諗食邊樣經已超開心！最後我叫左個雜果涼粉加綠茶雪糕$40！大約五分鐘就上台！快、靚、正！雜果有木瓜、蜜瓜、哈蜜瓜、芒果、西瓜！涼粉爽口彈牙！綠茶雪糕綠茶味香濃！呢個價錢黎講算足料喇！總括：環境衛生！服務良好！甜品選擇多！上台快！品質良好！我會再來的！

過分！！！外賣三碗糖水 一碗Oreo豆腐花，一碗木瓜雪耳，一碗雜果涼粉,等左好一段時間 11 12點門口有d人 都知會慢d，又過左5-10分鐘行入去問，個收銀姐姐都話驚漏單去睇睇，好快過左兩分鐘左右就有外賣，個店員嗌住個no.我先拎，趕時間翻去都冇為意，翻到屋企打開見到頭一碗雜果涼粉，下面兩碗都係芒西，有冇搞錯啊 覆單都仲可以咁錯，真係打去DOE都曬氣，都唔介意等啦 ，可唔可以專業d啊？！

近期在研究點樣可以令頭髮更有營養，大家都話芝麻有利烏髮。即時令我醒起綠林的自磨芝麻糊。好耐冇食了，系咪應該為頭髮做返d野？嘿嘿！其實系畏食怪的藉口不過真心覺得綠林的自磨芝麻糊正！特別細膩，香飄誘人。我地兩個都食芝麻糊，一個凍一個熱，我更喜歡熱芝麻糊。會更香濃，更有益，好似為頭髮做左一個營養treatment即刻靚左。不過凍芝麻糊又勁爽口，糸營養品，又系甜品。真系好耐冇來，價錢加到24蚊一碗。雖然貴左少少，但真的好好味。好想日日都來食擂沙湯圓，就好似牛奶糸咖啡的伴侶一樣，我一直都覺得湯圓系芝麻糊最夾的伙伴，點都要加一份擂沙湯圓，驚喜發現，花生碎特別好味

通常同老公食完飯都會好想食個甜品嘅！今晚都唔例外！去左綠林食咗個薑汁蕃薯糖水，今日薑汁好夠辣，食到老公流晒汗！因為太好食所以仲繼續食，哈哈！我就叫咗個綠茶紅豆雪榚，雪榚可以揀雲呢拿、朱古力、芝麻，我就揀左雲呢拿雪榚！紅豆煲得剛剛好，唔太甜！面頭仲有D Oreo脆脆，真係好正！下次會再黎食過！

尼間糖水店由我係6年前舊公司做都一直係到所以係開左好耐既老誌號啦糖水非常有水準一直keep住人流滿滿好多選擇食過飯後過左來食糖水因為其實都食到好飽但心郁郁想食本店既《榴連班戟》$36好足料榴連味超重皮薄多cream無令我失望食親都鐘意食完再想再食鐘意食榴連就必點之選另外叫左個新出既《Oreo豆腐布丁》$26望落去已經好吸引上面鋪左好多Oreo 好邪惡仲要搖佢彈下彈下吾會爛 好滑吾會甜岩晒飯後食啊因爲真係好清香，食左都吾覺飽係好重豆香味超驚喜

今日我地一行8人，起附近食完飯，個個都好飽情況下，但都去飲糖水🤣增肥節奏，我地叫左芝麻糊，木果雪耳糖水，渣渣，雜果紫米露，楊枝甘露。雖然好飽但都食曬，芝麻糊就麻麻地，唔係好香，但都滑，楊枝甘露就好酸，個芒果超酸（下次可以走芒果嗎）紫米露一樣總體可以就芒果酸，咋咋就好好味好甜，就因為食左酸芒果，之後食哩個覺得距好好味。木果糖水無咩特別，就感覺好潤感。我地唔浪費食物情況下全部食物清曬，有個芒果酸到之前飽感覺唔見左。

每次在深水埗附近想食糖水時，就會想起綠林。今晚與家人晚飯後便來排排隊吧。雖然等的人很多，不過約15分鐘後，我們9人便擠進了店內。我們各有所好，今次寫寫幾款分享吧。* 丸子馬蹄露 * 據家人說，這個上枱時不夠熱。冬天吧，大家都希望有暖笠笠的糖水。* 粟子粒露(時令) * 粟子粒加粟子露。露的粟子味好淡，似是用板粟。* 紅棗圓肉蓮子雪耳伴桃膠 * 這個不錯，糖水有紅棗圓肉味，很多桃膠，非常足料，而且蓮子夠綿，不算太甜。

和朋友食完飯，男朋友黎接我去食番個糖水潤一潤，而架嘅天氣要啲糖份補充下。我叫左個生薑番薯糖水，男朋友叫了川貝海底椰無花果燉雪梨加半打糖不甩，無錯，他自己食晒！因為我晚餐飽得制，碗番薯都唔係好食得晒，要他包底😂🙈番薯🍠多，薑味重，好辣，食完都真係幾熱，相反燉雪梨不過不失，ok，味道是清的，可是海底椰同無花果偏少。糖不甩最後我只嘗過花生😂😂，只可以告訴大家，花生係好食嘅！碎粒花生加上糖，食落有質感！總結，價錢平民價，食落似屋企人煮的味道，值得支持！