綠林甜品

Open Now

Now Closed

曾幾何時，綠林是深水埗甜品表表者。松記彈起之後就冇黎食過---款式少過人、冇人咁忙但制作耐過人，最重要是唔好食。芝麻糊一舊舊，似係用粉開但又未攪勻咁款。如果係咁，駛乜幫襯佢，自己去超市買盒開水都得啦！ 失望!

下午三點幾其他甜品鋪都未開門綠林係唯一的選擇但真係極之失望連最傳統的糖水都做不好 價錢又唔平合桃糊 很杰身 但合桃味極淡 近乎沒有餐牌稱是自磨但食落似開粉 味道亦偏甜 可說是難食相反蛋白杏仁茶很稀很水並不香滑蛋白又碎碎的一夠夠杏仁味係有但唔香本應是招牌糖水都做得唔好其他糖水都可以唔使試了糖不甩的丸子煙韌度不錯但奈何沒有椰絲只有粗粒花生同砂糖欠缺了一份椰香 只有死甜而且底部唔知點解有水浸濕了花生同糖😖整體好失望！

在香港很多時吃一個糖水甜品也要 $35-$50這間綠林價錢很親民，$25 左右就有了，而且用材料都算多 腐竹薏米糖水加銀杏 銀杏份量很多，不會像外面只有幾粒甜度適中，好味老薑番薯糖水真的很夠辣，薑味十足番薯很多，而且很粉，好好味！怪不得客似雲來，門口要裝上一部攞飛的機了

每次路過都有人排隊，今天有位即刻進去食！符合水準的甜品鋪，夠新鮮夠味，份量還好，不過我滴係食開好嘢摡人，哩個水準都淨係過關～得閑會再去試下其他嘢，夏天可能會多滴幫襯

今日到深水埗睇電腦，經過綠林甜品。記得以前食過好好味，今日再試果然無令人失望。見招紙上有新產品，今日試左佢既新產品"花生豆腐花雪糕小丸子"，雖然名字上有點兒大集匯會，但食起上來，如果層次相當分明，而家花生粒好香豆腐花又好滑，最特別係我選擇了配上榴槤雪糕，沒有衝突之餘，榴槤的甜味令到整個甜品更香，最後我同女友食到一滴也不剩，大讚好味。另外亦叫了楊枝甘露配芒果布丁，楊枝甘露好味完全沒有苦澀，芒果布丁又香又滑。整體而言，所有甜品都好大份，價錢又平，絕對是性價高的甜品。

係深水埗食完晚餐，點少得去食埋個糖水，朋友去開的綠林甜品，雖人流多，但夠大又多位，燈光仲好光猛，糖水款式都多選擇。楊枝甘露豆腐布丁 $45楊枝甘露糖水好正，有芒果香，甜中帶微酸，水果味好實在，金柚清爽多汁，西米比例多，幾足料。豆腐布丁好滑好彈，味道清淡，少少豆味，配任何糖水都夾到。紅豆、花生、熱豆花、小丸子配抹茶雪糕 $44未食睇落感覺好似撞到爆，又凍又熱，又豆花又雪糕咁，但原來個味又幾好。抹茶雪糕配紅豆，甜度剛好，熱豆花加埋花生又香又滑，不過豆味唔算好重，仲有煙韌小丸子增加咬口，味道口感都豐富左，原來好多配料都夾到豆腐花。

Happy Friday ！ 班同事又來叫下午茶啦！今次仲專登叫到遠啲位於係深水埗嘅「綠林甜品」。以前同朋友去開深水埗食飯，食完飯都會去食糖水。叫外賣都係等一次。我叫左芝麻糊，佢有分無糖，少糖，同埋正常，而我就叫左正常。香香嘅芝麻糊，好味😋不過下次會叫少糖試下😬

同事提議點台式飲品，點知未能送貨，只好改食糖水來滿足自己的胃口。我點了黑豆桑寄生蓮子蛋糖水，要滋潤一下。材料都幾足，蓮子算林，反而黑豆有點硬。雞蛋應該煮了有一段時間，完全入味。糖水就偏小甜。

我只是說事實我和朋友各叫了一碗杏仁蛋白，稀釋到一個點簡直讓人難以置信💢一碗仲要成37元，好似一碗加了糖只有甜味的蛋白水，用左極少量杏仁！有相為證。千萬不要人云亦云跟朋友入去食，自己給點主見試試附近其他的店。但這間店有值得稱讚的地方，就是那個等位系統係有普通話、廣東話兩種語言，可以讓國內有品味的同胞品嚐一下呢種香港被改良過的美食，宣揚香港美食之都的美譽啊！我真心建議呢間甜品店應該快D成為米芝蓮三星啊！

去完黃金砌機後的dessert time! 去了深水埗老糖水店- 綠林甜品。呢間店好耐了，不過佢都有與時俱進，加入新式甜品。所以一直都人山人海，多人光顧。我們點了2個甜品。看似一樣，但好唔同。一個是凍豆腐花，一個是熱蛋白燉奶。一個是素，一個有蛋有奶。一冷一熱。不過講真，一碗豆腐花要$15蚊，街市買都是$5、$6 蚊，花3倍價錢我寧願食啲平時食唔到的甜品了- 所以無錯，豆腐花唔是我叫的。蛋白燉奶好香滑，而且有熱有凍揀。

深水埗綠林甜品細細個成日黎食因為價錢平味道好大個左之後已經好好少再食今日經過就決定重捨一下童年回憶兒時味道門面既外觀同以前一樣冇咩點變變既係糖水既價錢細個食既時候只係十幾蚊碗又平又滿足依家普普通通叫一碗已經要差不多三十蚊都明既，今時今日香港食野大部分價錢都係用黎比鋪租見到期間限定既栗子🌰粒露所以就叫左一碗黎試下但係真心失望😞雖然係有粒粒栗子🌰但係栗子露入面既栗子成分好少食落好稀稱不上露食落完全似甜栗子開水不過味道都算過得去啦另外叫左個木瓜，雪耳，糖水冇錯！三樣野應該係分開！完全吾似一齊煲出黎木瓜質地吾夠淋，仲有少少硬糖水的確係糖水，飲吾出有木瓜味甘樣埋單已經成60蚊可以食到餐飯其實如果質素好價錢貴少少都可以接受但依家性價比太低了果然回憶係應該用黎懷緬才不至於令人失望😞

由細食到大但係搵唔到咩理由再食呢間，深水埗越開越多糖水鋪，不過呢間算係有返小小名氣，但係keep唔到個水凖了。上次去點左個芝麻胡+黑芝麻湯圓+芒果楊枝甘露小丸子:芝麻胡都已經無乜技巧可言，淨沖水都可以整到好希，個碗都唔係大嫁啦。黑芝麻湯圓，我唔知佢煮完有無隔返上水，入口係一pat 野而且芝麻餡料勁少，建議店主可以換過另一個供應商。而芒果楊枝甘露小丸子算叫做最正常既一碗，不過可能芒果同西柚都唔係當做所以成碗較酸。

係呢頭食完飯想食糖水朋友話想吃粒露，就去左呢間糖水舖同埋原來呢度都有得用app拎飛下次就拎定飛唔洗排隊😆見到有個桃膠系列，連木瓜奶都有得加桃膠😂朋友係話想食栗子粒露，所以先嚟咗呢度，見到好多栗子粒粒！好濃！但朋友仔話今日嘅粒露有啲太甜🤔通常第一次去幫襯嘅糖水舖，我都會叫蛋白燉鮮奶，因為最穩陣同埋自己鍾意食，都好滑同有蛋香紅豆沙配湯圓，一嚟就聞到果皮味，好香😄薏米腐竹糖水，好足料，啲腐竹唔會煲完到一塊塊👌🏽

🥢由細食到大老字號甜品店🥢店面裝潢簡簡單單，但Menu卻一點也不簡單，選擇很多，而家太多新式甜品店，這家以楊枝甘露、芒果及豆腐布甸系列和中式滋潤糖水，如杏仁茶、馬蹄露和芝麻糊都有供應🥢雜果涼粉雪糕$40用上新鮮什果，而且全部都甜的，涼粉較嫩滑，配上花奶，甜度剛剛好🥢桑寄生蓮子蛋茶$30感覺是有點涼茶味道，內有蓮子粒，有消暑解熱功效🥢榴槤斑戟$36超鬆軟口感，加上新鮮榴槤肉，榴槤迷一定要試下，係幸福嘅感覺🥢豆腐布丁西米$38🥢馬蹄露$22🥢竽頭西米小丸子$28🥢總括呢間食過好多款甜品都覺得幾好味，絕對可以帶一家大細過來一起食的一間甜品店綠林甜品 地址: 深水埗元州街77-79號地下 #綠林甜品#深水埗美食#甜品#榴槤#香港美食#香港小店#今晚食咩好#今晚食乜好#食好西#食好西系列#非廣告#吃貨#吃貨日常#吃貨人生#吃貨日記#支持小店#旅行日記#食評#hongkongfood#food#foodie#hongkongfoodie#eat#eatgoodwesteatbadwest

一大班人打算食完飯去食佢既榴蓮班戟，一行11個人。落單位姐姐要求我地慢慢落單，我地就好慢咁講我地要4份榴蓮班戟，之後等左幾秒先再講要一份芒果班戟。點知，我地連個芒字都未講，個呀姐就鬧我地話 ，你講慢啲，我寫唔切。但其實我見到佢已經寫完。之後佢既態度越來越差，我地每叫一樣野，佢都鬧一次我地講得太快。因為我地多人，所以想問下可唔可以泊多一張枱，眼見好多枱都吉左。我地見到個男職員，就問可唔可以，點知佢一句話，你問櫃臺個呀姐，呢啲野唔關我事，我話唔到事。好啦，我地行去櫃臺好聲好氣咁問，佢又話佢話唔到事。最後見到個著便服又執枱帶位咁，心諗係老闆娘啦，再問佢。點知佢答都唔答，將啲執緊既碗扔落張枱，再好大力踢左張櫈一下，抹一抹張枱，就執翻走啲野。我地叫左好多野，其中一個係Oreo豆腐布甸。因為我地有人唔食花奶，咁就叫佢唔好落啦。點知佢仲要一面倒一面話，加花奶先好食，我地講左唔要，佢都繼續倒，態度仲要好差。當晚既人客唔多，但員工既服務態度都可以咁差。其實呢間甜品店既甜品都幾好食，但點好食都好，食個甜品都要食到我好似受緊氣咁，食到一肚火，好食都唔會再翻去食。