LUMOS Restaurant and Bar

Open Now

Now Closed

老公生日，梗係同佢食好西啦。知道虹橋開咗一間餐廳，環境一流，食物吸引，夜晚仲有人唱歌添，所以我就揀咗呢度為佢慶祝啦🥳。Mussel $178隻隻青口都好鮮嫩，配合醬汁，真係好好味，連對海鮮冇乜興趣嘅老公，都對青口讚不絕口😍US Prime Rib Eye $498老公同我都鍾意食牛扒，店員介紹我哋食呢款肉眼扒，估唔到燒得啱啱好，肉嫩多汁。我好鍾意食有肥膏嘅部分，非常香脆，真係好邪惡😋King Prawn我哋見到附近嘅食客，都係叫呢款意粉，所以我哋又試下。老虎大蝦好大隻，配上意式茄醬嘅扁意粉，我覺得酸咗少少，但老公覺得可接受😆Chocolate Lava Cake我訂枱嘅時候講明係慶祝生日，店員話我點甜品嘅話，會幫手寫Happy birthday。可惜我哋等咗30分鐘，心太軟先上枱，味道一般，建議大家試其他甜品🤗

一路都想食呢間餐廳好耐😆但係咁多人讚，肯定好難book啦🙃 咁岩帶🐶去附近🚿，經過見有位梗係即刻沖入去食啦，午餐好抵食，有餐湯，主食，連飲品，本身叫左牛油果多士諗住咁細份實唔夠食，點知其實都幾飽，牛油果好淋好好味🤤未食到一半已經見有人等位啦😂好彩黎早一步😍😍

想試咗好耐，但walk in 一般都排唔到， 今日就book咗枱試吓。叫咗生蠔+酒set, ham,牛扒，重有個lemon tart。入餐廳都感覺到佢細心，有陣好香嘅香薰味，餐廳員工都著得整整齊齊，嚟到都好細心，介紹今晚speical menu, 酒到亦到有介紹吓枝酒，不過。。。係件牛扒真係太單薄，早餐扒咁，有d失望。當晚重有人唱歌，其實環境同氣氛都好唔錯，唔係食物要再努力一啲。

Lumos位於屯門井財街。第一次去呢間餐廳。有些驚喜，因為呢個地點附近好少呢一類有格調嘅餐廳，同埋食物都不錯。所以值得介紹。今次我係lunch time去。佢有set lunch. Set lunch有麵包，沙律或餐湯，主食，和咖啡或茶或汽水。⭐️蒜蓉忌廉汁燴煙三文魚及BB菠菜長尖通粉 $88長通粉軟硬度剛好。好creamy. 好味。⭐️韓式雞肉鮮菇芝士燴意大利飯 $98呢個飯我略嫌有啲辣。可能我個人唔係太喜歡有辣味嘅意大利飯。麵包外脆內軟，送上嚟嘅時候係熱的。好鬆軟👍黑松露蘑菇湯都好好飲，好有蘑菇味道。 餐廳員工服務態度好好。好有禮貌，好細心。

想食高質嘅西餐廳，仲有現場樂隊，同埋貴賓級嘅服務水準🥰，唔一定要出香港島！呢間位於屯門嘅餐廳，有齊晒呢啲元素，質素超級高🤩。.🐚法國焗田螺 香草蒜香牛油 ($148)香草蒜香牛油調味超級香，配埋鮮嫩嘅田螺肉好夾👅！滿滿嘅油香味，夾埋薯蓉食好滿足。.🐮美國 封門牛柳220gm ($268)牛肉質素好好！裏面係鮮嫩嘅粉紅色，而且肉質同樣夠嫩🥩，唔會起筋，食落有滿滿嘅肉汁。.🍝意式茄醬燴菠菜扁意粉伴扒老虎大蝦($188)扁意粉好夾醬汁！食落口感彈牙，而且仲蘸滿晒醬汁，味道香濃😎。老虎大蝦都夠晒大隻，而且煎出咗甲殼香味，好吸引🦐。.🍋檸檬蛋白撻($78)檸檬夠晒酸爽，令到甜品味道清新！最正係面頭嘅蛋白霜，焗到外層香脆，裏面鬆軟🍳。.💡Lumos! ($140)呢款調酒以楊枝甘露作為主題，既有椰子香味，又有芒果嘅果香感🥭。再加上抹茶粉，帶嚟淡淡嘅鹹味，令到味道更加立體。.🌼Why Not Tuen Mun ($120)飲落首先有桂花嘅甜香味，然後係傳統嘅酸Gin酒，飲得出有檸檬嘅清爽🍋、柑橘酸香味，好有特色。

屯門有很多隱世氣氛餐廳，今次特地來訪LUMOS ，因為裝潢十分優雅，更有Live band ，十分適合下班後chill下。▫️LumosLumos是哈利波特發光的咒語。正如其名，點亮味蕾的甜蜜火花的咒語。混合椰子精萃、楊枝甘露、Rum酒，味道輕盈易入口，清甜新鮮。必點！▫️Why not Tuen Mun？相約飲酒消遣，人們總是到中環、尖沙咀或太子等地方喝酒。但除了這些熱門地方，為什麼不能到屯門飲酒？Why not Tuen Mum？匯萃桂花烏龍、檸檬及桃，果味清香撲鼻。茶韻芬明，蜜香淡雅，脫俗馥郁。更以gin為主軸，順滑易入口。▫️美國封門牛柳牛柳呈現方式非常精緻，份量也足夠。烹調得恰到好處，一咬柔軟多汁，肉質緻密，鮮嫩得來帶點嚼勁。▫️法國焗田螺 香草蒜香牛油這法國菜的經典超令人意外！田螺比一般的更大，口感彈牙有咬口。在底的薯蓉滲出香草牛油香，嚐到滿滿的優雅法式風情。▫️意式茄醬燴波菜扁意粉 伴扒老虎大蝦老虎大蝦鮮嫩彈牙，蝦味濃郁，口感厚實富彈性，散發誘人的海鮮香。扁意粉別具彈性，配上意式茄醬，十分掛汁。▫️檸檬蛋白撻酸酸甜甜的檸檬內餡是甜品的靈魂，晶瑩剔透。撻皮充滿牛油香，平衡檸檬酸味。滑滑

根本係一間趕客既餐廳！本身住係附近諗住過黎試下啦…book枱個陣寫明用餐時間係105分鐘但係我地食完野個刻大約一個鐘到即刻收晒啲碗碟+叫我地埋單…當刻個感覺好明顯係嫌我地嗌得少野食趕我地走咁🤷🏽‍♀️仲有既係order完一陣個待應又攞返個餐牌過黎問我地洗唔洗再叫多啲野食如果貴餐廳真係咁注重💵麻煩貴餐廳寫返每人最底消費金額啦重點係啲野食又唔係話好食又貴！如果係細食又想坐得耐啲既你地我唔建議你地揀呢一間！

近排係屯門有間高人氣新開張既酒吧餐廳，餐廳暗黑有格調，感覺超有氣氛，另外餐廳設有indoor 和outdoor加上華麗既bar枱，型格加少許浪漫有情調既感覺☺️ 餐廳職員話每晚7PM - 10PM都有live music show，無論坐室內室外都可以聽到👍🏻👍🏻感覺舒適休閒，係適合happy friday或者假日放工去度假飲酒談心👍🏻😋👍🏻真係適合情侶三五知己拍拖聚會慶祝節日既好地方✔️ 燒老虎大蝦扒及意式蕃茄醬扁意粉 配BB菠菜〔真心推介😋〕$188Seared King Prawn and Tomato Concasse Sauce Linguine with Baby Spinach👍🏻 掛汁👍🏻 蝦肉肉質彈牙👍🏻 creamy 👍🏻 酸甜開胃👍🏻 賣相吸引✔️ 美國封門牛柳〔真心推介😋〕$268U.S. Hanging Tender👍🏻 肉質軟淋👍🏻 口感豐富👍🏻 juicy👍🏻 牛味香濃配 薯蓉👍🏻 creamy👍🏻 嫩滑配 薯仔沙律及蘆筍👍🏻 爽口👍🏻 解膩✔️ 焗玉桂蘋果脆金寶〔真心推介😋 〕 $78Baked Cinnamon of Apples Crumble👍🏻 玉桂味濃

clean ｜ simple ｜elegant深綠魅力｜簡而精彩 商務午餐 business lunch.BREAD 🟤⚪️五穀麵包 ｜鬆軟配牛油｜細嚼麥香.Daily Soup Mixed Salad ｜是日餐湯 雜菜沙律沙律醋夠特別｜粟米忌廉湯加cream ｜好smooth .*MAIN COURSE*Charcoal-Grill N.Z. Premier Rib Eye Steak (200g) with Seasonal Vegetables and French Fries｜坑烤🇳🇿一級肉眼牛扒（200克）配蔬菜及法式薯條.店員介紹 7成熟｜厚度適中 肉質鮮嫩 非常juicy 醬汁分開上｜ 食到原味肉汁 絕對高質.Roasted Japanese Miso Crab Meat with Mrymiya Furikake Risotto｜烤松葉蟹蓋甲羅燒 伴 鰹魚飯素 意大利飯.非常cream既risotto｜味道溫和唔太濃｜蟹甲燒就係滿滿的 每啖都十分滿足｜淡淡海鹽味.*SET DRINKS*Coffee/ Lemon Tea/ Soft drink.結束前 就冷靜與熱情下 檸

首先幫要店舖講返句先,睇之前open rice嘅負評因素,佢地已經大大改善哂,唔知係換咗批職員,還是已經全部再三訓練過。唔理咩原因都好,而家由等位>埋枱>落order>到添加水呢幾方面, services和禮貌都確係非常好的裝修唔使講確實幾靚(屯門區嚟講, 都叫超班了)至於主角食物方面, 由前菜到甜品,試咗5, 6樣嘢, 完全冇伏嘢,真心好味的厨房似喺大酒店浸過(只係有個小建議, 個海鮮拼盤$499,如果啲生蠔/貝類呀, 隻數可以係雙份會比較好啲, 話哂寫住2人份量嘛, 呢度又咁多情侶嚟, 一隻的話, 邊個食好呢😂最後唯一有小小缺點, 就係有live band表演時, music太大聲了,唔只係我咁講,聽到左右隔離2枱都有咁嘅反應,唔只影響到成個餐廳嘅氣氛,連歌唱者嘅評價都會降低咗,歌手真心唱得好好,但食緊飯時, 就算係張惠妹,佢喺你耳邊轟耳大唱聽海,你都聽到想跳海啦😆呢間餐廳食物真係good good,希望佢可以長做長有🫶🏻

龍蝦湯出色Cocktail幾有特色青口牛扒羊扒意粉意大利飯都相當唔錯～火候味道相當有水準～廚師👍👍👍餐廳環境氣氛仲有歌手都好舒服今次伏位1. 枱太細唔適合太多人～訂枱7個人，嗰張U型卡位我覺得只可以坐到5個人😮‍💨～要我坐出街加張凳，好彩有個小朋友😑2. 海鮮拼盤份量係四至六人～全個Menu最貴嘅一道菜，頂～半隻龍蝦，半隻麵包蟹，兩隻生蠔，兩隻大蜆～係咪玩嘢先？3. 時間唔太足夠～餐廳安排得好好，逐道菜上，但係最後上甜品，侍應話5分鐘，轉頭另一位過嚟話唔好意思～唔好意思～夠鐘交枱，我係好合作嘅，不過印象唔好囉～下次人多未必推介。

原本諗住一家四口食壽司郎，前面有三百幾枱客，即閃，係市中心食，乜都排，最後坐輕鐵去紅橋，食左呢間同周邊鋪頭有極大違和感嘅西餐廳。好耐未試過食一餐飯，有多人過黎招待，無訂枱，接待嘅姐姐話要2030交枱，見有個幾鐘食，無所謂，食食下姐姐走過黎話原本訂座取消左，我哋可以繼續食，全程態度友善。落單嘅叔叔又係好有禮貌，孤寒嘅我通常唔比叫野飲，齋飲水，叔叔成餐幫我哋添左4、5 round水。食完前菜，主菜隔左一陣未黎，唔知係咪見到我眼望望，有個著得好四正嘅侍應主動出黎話好快會到。最後4人埋單八百幾，4道菜，沙律無影相。

由等入座到坐底，成個感覺非常好，因為餐廳職員相當友善，服務好好，不論入座安排至捱介食物、飲品都做足，值得一讚。法式龍蝦湯配香脆蟹肉醬雲吞 $55龍蝦湯味道鮮濃，湯配上香脆蟹肉醬雲吞，一咬就有好Creamy濃郁嘅蟹肉醬湧出，再配上餐包點湯食，特別得來更滋味。澳洲封門牛柳（250g）＄228牛柳質素唔錯，食落有香香的牛味，食落口結實帶有少少既牛肉味，肉汁鎖係肉既內層，配上燒汁帶出另一種口味。另外，底層配上薯蓉，也有沙律伴碟，增加飽肚感。法式白酒牛油汁煮新鮮青口 $168青口新鮮，煮得恰到好，不會過熟，令青口嫰滑，而且青口肉大大粒鮮甜，個汁有淡淡的酒香，用麵包沾汁食，正Apples Crumble $78鍾意食甜品既我當然要試下甜品，外表鬆脆，酸酸甜甜嘅蘋果配埋充滿牛油香氣嘅餅碎，好好食，推介🩷推介🩷推介 - Cocktail去到一定要試既Cocktail，聽聞Bar Manager係之前港島區著名餐廳既Bartender，今次向我們推介左兩款Cocktail，兩杯都好好飲，適合不同口味既人選擇楊枝甘露Cocktail清晰的酒配上自製的芒果乾係面，配上燈光效果。帶有豐富的果香和奶香，口感柔滑

今次去咗屯門一間新開嘅餐廳一入到去就覺得餐廳格調同平時屯門餐廳好唔同裝修同氣氛都比較似市區嘅西餐廳🍷侍應對於餐牌同埋嘢飲 做咗個好詳細嘅介紹🫡睇得出對員工嘅要求就真係幾高🤭講吓嘢食先～我哋叫咗個烤大啡菇及溫泉蛋配黑松露鮮冬菇忌廉扁意粉🍝首先一上台已經俾佢濃郁嘅黑松露香氣吸引咗芝士嘅份量唔會太多面嘅質地偏硬好適合一啲鍾意有咬口嘅人而且醬汁同埋面嘅份量啱啱好唔會食到成口都係醬 亦都唔會感覺到好飽好油膩另一個我哋叫咗澳洲特級牛肉竹炭漢堡包配法式薯條🍔🍟講真我對漢堡本身就麻麻哋不過呢個burger充滿驚喜漢堡扒同埋煙肉嘅味道大家互相配合煙肉嘅鹹味唔會搶咗漢堡扒嘅肉味加埋半溶嘅芝士同埋外脆內軟嘅竹炭麵包令到唔好burger嘅我都食咗一半🤣🙈最後叫咗個Apples Crumble做結尾😚細細個咁兩個人食share啱啱好由於啱啱焗起所以碗邊有少少熱🔥食嘅時候真係小心啲🤓酸甜酸甜嘅蘋果配埋充滿牛油香氣嘅餅碎令到餐飯加左滿足感❤️

屯門紅橋入面有間好靚嘅餐廳，見到裝修都好華麗。打卡就啱唒！呢度夜晚仲會有live music show添🎵 。烤松葉蟹蓋甲羅燒伴 鰹魚飯素意大利飯超好食，入面嘅蟹膏滿滿，意大利飯嘅醬汁好惹味食完唔口渴。另外坑烤紐西蘭一級肉眼牛扒配蔬菜及法式薯條🍟，牛扒有200g，入面好juicy 😍😍外面煎到香香脆脆的～ 我叫左七成，Hailiah 都食得，薯條🍟份量好夠兩個人食。下次再過嚟食晚餐，因為我哋只係住附近好近🤣