龍記招牌雲吞 (Moved) New Location

這一餐是我短期工尾二的一餐.一間以前只是10元一碗粉麵的格局,因租金.因服務旅客的問題,已變成25元一碗.店的環境雖則舊,但尚算乾淨衛生.店員也充滿笑容地招呼客人.禮貌詞也不吝嗇.雲呑牛肉麵35元,汽水8元.雲呑蝦肉爽口.豬肉仍有肉汁,皮薄,大大粒都合格的,牛肉滑身.爽口.當然經過化學牛味欠決.麵亦林身.沒有鹼水味.至於湯底正宗鹽水湯加油,只有少少鹹味,碗粉衛生也一般,我只可以咁講.埋單43元亦不合理.當然呢間店無下次,

　　我很少吃粉麵的，但我下午要到附近的美容院做臉，所以才到附近的食店用餐，考慮到做臉要躺著，不宜吃太飽，朋友建議來這家。　　很一般的大排檔的格局，圓桌，環境真的很一般。　　伙計還在鄰桌包雲吞。　　店家十分吝嗇，坐下連水都沒有一杯。　　我要了一碗雲吞河和一碟菜芯加芥蘭。上來的時候，發現份量真的很少，很適合我，不想吃太多。河粉很通透，夠薄夠滑，吃下去很舒服，湯也沒有很油膩，沒有太鹽的感覺。再來就是雲吞，有三顆，不算很大，但都實實的，我個人對雲吞的喜好很一般，大概可以吧。　　至於菜方面，份量也是很少，我習慣不放油和蠔油的，因為不想吃太鹹，但伙記倒了很多，那就算了吧。　　以這樣的低價能吃到，就不能要求太多了。我對這餐的感覺也蠻滿意！　　

我剛好經過看到它，就進內試試。這間店的款式非常少，只有三種：牛肉麵、雲吞麵和鯪魚球麵。雖然款式少，卻門庭若市－－原來單拼麵食才20元啊！當然這個價錢絕不能稱為看到大象跳草裙舞的低價，但對尖沙咀這個地方來說，這價錢可算是相當不錯了。而它正因為款式少，所以處理食物的時間相當快。在這間店，我的目標是雲吞麵。畢竟能以雲吞麵作為它的名字，我有理由相信雲吞麵是它的招牌菜，也是它最有自信的作品。能成為一間店的招牌菜，如果不是很好吃、就絕對是有種跟別家的店不同的特別之處，因此我習慣上會選擇這種食物。如果好吃，那自然是中獎了；如果是不好吃，最少對這世界的了解又會多了一點；就算是地雷，也會是個特別的雷，被炸的感覺是與眾不同的……因此我那能不選呢？（歪理）上菜之後，我得承認果然有其特別之處……雲吞非常大，光是4顆雲吞也佔了大半個碗，著實是有點意外沒錯。吃下去的時候，原來每個雲吞也有三隻蝦啊（驚訝）！我咬了四口才吃完整整一顆……真的有滿足的感覺～麵和湯底就極普通了，湯底還是味精，所以基本上完全不喝///不過20元也不可以要求太多吧，所以很滿意！！總結來說，如果要來一個「quick lunch」，它的確是個很經

踏入2011年食咗好多餐，但竟然一篇食評都冇寫過，怪唔得做唔成達人，又冇戲睇啦 尖沙咀食肆多，但搵食一啲都唔容易。所以，一早揀定 13:0 o既龍記。同太太倆個人，分別叫咗：雲吞麵、鯪魚球麵，再加碟油菜添。自製雙拼之下，可以試晒兩款餸。先食鯪魚球，肉質比較滑，亦好煙韌。味道唔算濃，加啲辣椒油剛剛好...雲吞叫得招牌，的確比平時食開o既爽口同足料，有兩隻蝦响裏面。蝦肉真係有啲彈牙，感覺好新鮮。麵就真係冇特別，份量就比較少。油菜揀咗芥蘭，可能合時，夠嫰又唔會太腍。p.s. 食完好快就肚餓，有藉口食下午茶 lu

龍記有三絕: 雲吞、鯪魚球、鮮牛肉。今天我和朋友試了兩樣: 雲吞河和鮮牛肉麵。鮮牛肉麵先到，牛肉很小塊很碎，量也不是太多，味道一般，都是些醃肉味。鹼水幼麵爽口彈牙，湯底是味精上湯。雲吞河後到，嘩~!雲吞好大顆~!我朋友見我那些「牛肉」那麼少，給了我一顆「大大粒」雲吞作安慰。那顆是蝦肉雲吞，蝦肉成份估計超過75%。真材實料。現在回想起那雲吞，也在流口水。

好耐無食啦, 好鬼掛住佢d 大粒雲吞, 大粒鯪魚球, $19一碗, 尖咀黎講算平嫁啦。不過lunch 時間, 好鬼多人, 好彩呢到d 人都係快食快走, 唔洗等好耐。同埋呢到勝在d 人做野手腳快, 落單唔洗3分鍾就有野食。讚好!我地叫左一碗雲吞. 一碗鯪魚球, 大家share 食, 就可以滿足晒我。水準仍然咁好, 每碗都有4大粒, 鯪魚球好咬口, 好實淨, 唔會好粉, 雲吞就有大隻蝦, 出面好難食到咁大隻蝦嫁!!正!!!!!!!!!!

去龍記, 唔需要煩惱, 因為只係3個選擇 (唔同我講重有米粉幼麵粗麵個d呀)餐廳食物選擇多有時有好嘅, 但選擇少有時更好. 因為佢只專注做個幾味, 一般泥講, 食物質數都更好. 另外, 人人都係食個幾款, 食物流量快, 比較新鮮.雖然龍記一次又一次加價, 但我仍然一次又一次幫趁由佢$16一碗食到而家$19一碗, 都依然係佢fans -,-鯪魚球米相比下, 我覺得鯪魚球係三寶入面最普通. 我鍾意七喜炸鯪魚球多d 雲吞粗雲吞真係好好食! 牛肉粗牛肉其實冇乜特別. 但有牛肉, 個碗野嘅湯底係最鮮美!一次過滿足三個願望, 正!ps 我一向都好鍾意食粗麵, 但龍記粗麵竟然原來之前冇食過 終於一試, 原來係好好食架!!!

今日到尖沙咀辦大茶飯前, 一心要試龍記出名既云吞麵, 地點都好易搵, 就近K11附近 全店只賣三樣野,分別云吞, 鯪魚球, 鮮牛肉 而小女子當然係點了云吞麵,唔使三分鐘已放枱上云吞係大大粒個種, 蝦肉特別多好爽口又夠新鮮, 豬肉比較很小, 沒有甘香味道, 麵條是正正常常老實講一碗唔夠飽 , 不過以 $19來說已經借回票價了 感覺上係 <占仔記> d friend

Lunch 同事帶左我黎呢到食大粒雲吞。黎到爆晒棚囉, 等位都等左十分鍾到呀!企係到等位既同時, 眼見十個有八個都係食大粒雲吞麵。呢到選擇唔多, 得雲吞, 鮮牛肉, 鯪魚球。佢地d 鯪魚球都好鬼大粒嫁! 下次要試下~今次我先食碗大粒雲吞米, $21。一碗有4大粒雲吞, d 雲吞真係好好味呀, 好彈牙, 好大粒蝦,啖啖蝦肉, 正正正!

返埋今day就放成個星期新年假, 祝各位新年快樂!!!公司班人都懶懶閒, 大家都比平時早了半小時食飯, 我都唔執輸, 執野走人~~個K11真係有得睇冇得買, 仲要有d店未開門添~~係啦, 人地都唔休做.反正都行到黎河內道, 順便買碗面返公司食!是日午餐:- 龍記招牌雲吞面是我隨意點的, 原先入去我係叫炸醬面架....哈~不過此店冇炸醬喎, 明白晒18蚊都抵食, 但就細碗d囉, 雲吞有成4粒咁多, 仲要大大粒呢!入面好多蝦, 好彈牙.我沾了少少辣椒醬, 中意食可以買一樽30蚊辣椒醬返屋企慢慢用呢~店員都係婆婆級, 不過非常友善, 多謝前多謝後.我會幫來架!!~

雲吞大顆有如乒乓球，一顆就有幾隻蝦，變相豬肉就不見影縱了。蝦沒雪味夠彈牙，應該是用新鮮蝦做的，味道不錯不過個人更喜歡傳統的雲吞。麵有明顯的鹼水味，雖也做到彈牙但個人不喜歡鹼水味只能給個合格。湯底不是平時喝慣的大地魚湯，色澤有點混濁，只用來和麵一起吃已經感覺湯偏咸，也就沒興趣深究用什麼材料來煮湯底了。

上星期三約了老友去尖沙咀參觀博物館, 參觀前先帶老友試試龍記的招牌大粒雲吞。這間麵店已幫襯很多年, 每次出開尖沙咀, 都心思思很想來吃一碗大粒雲吞麵。我覺得這店很有性格, 因這店只賣三種食物, 雲吞、鮮牛肉和鯪魚球, 而且三樣都很好吃, 這裡除了價錢越來越貴外, 其他所有都是多年沒變過。婆婆店員依舊親切, 我點了雲吞鮮牛肉麵, 老友則要了雲吞鯪魚球河, 兩支樽裝可樂。雲吞依舊大大粒有三粒, 啖啖蝦肉, 吃得暢快。我們把鮮牛肉和鯪魚球交換一點來吃, 牛肉很鮮嫩, 鯪魚球比雲吞更大粒, 很新鮮, 無腥味, 生麵很彈牙, 唯一不好的是我那碗十分油,但老友碗河粉又沒問題喎。$30吃得飽飽又滿足地行去博物館參觀去。另又想到冬天時來這裡買些生料回家打邊爐亦很不錯呢, 一於下次試試。

全女班的龍記賣3樣嘢---雲吞,鮮牛肉和鯪魚球!!但我最欣賞它的湯底,以蝦米,豬骨,牛骨煲成,很清甜不油脷,很獨特,味精就更有!!雲吞--大件,抵食,雖然鮮度不足,但加上半肥瘦豬肉,也有其大的风味!!鮮牛肉--嫩滑!鯪魚球--加果皮和葱打成,煮時加了羅漢果,.咬落既鮮甜又爽,正!!這價錢,這品質,開飯之選!!

以前日日係尖沙咀返工,一定會去呢間麵店食,因為除咗平之外,仲可以食到你好飽,係我食咁多麵店中份量最大同最好味好耐都冇去呢間食囉,因為冇再係尖沙咀返工,但今日再去呢間麵店食,味道同服務都冇減其實店裡除咗有雲吞麵外,仲有牛肉麵及鯪魚球,真係估唔到呢間麵店雖然得三款,但仍然有咁多食客,真係勁......雲吞麵---一碗有四大粒,內裡有好多大蝦,呅感非常豐富牛肉麵---有好多好多牛肉,仲好新鮮鯪魚球---雖然我唔食鯪魚球,但係見咁多間麵店之中最大粒嫁不過唔可以係繁忙時間去食,因為太多人,但幸好味道同服務都冇減

不知是否有兩間龍記招牌雲吞麵店，但我鐘愛去河內道那一間。七年前在河內道一間商業大廈做野而知道有呢間雲吞麵舖，到今日在漢口道做野都想起呢間大大粒既雲吞，我介紹同事lunch time一齊走去老遠幫襯多年既麵店！基本上餐廳只有三款食物(唔計疏菜和飲品類)，有大大粒既雲吞、鯪魚球(同樣都都係大大粒)，同埋鮮牛肉。可能我鐘意食蔥既原故，每次我都會叫雲吞麵多蔥的。仲有佢既幼麵係非常彈牙，我推薦大家叫幼麵試下。另外，建議大家先食d麵，之後先食雲吞，或者先食一粒雲吞之後食麵，因為麵質會變“淋”就失去原有彈牙既感覺。其實佢既招牌雲吞，賣點並唔在於佢夠大粒，而係佢用新鮮既蝦去做，唔係好似其他店咁，夾雜其他豬肉和唔新鮮既蝦(有腥味)。仲有，佢既辣椒油，都係好香，可以試少少。基於我唔食牛肉，我同事就試左佢既牛肉，佢都覺得佢既牛肉好嫩好鮮。我每次有星加坡既朋友來香港，我都會帶佢地黎我其中一間鐘意既餐廳，最緊要係有香港既特色。雖然只係一間平民既麵店，但亞姐既態度都係親切有禮既。不過有野略嫌差d既係，如果佢既湯係底冇咁多油同埋咁(咸)鹼性太重，咁就接近完美啦~~不過只係17蚊一碗，都唔可以有太大既要求既。溫馨提示