龍門海鮮酒家

Open Now

Now Closed

昨晚食飯，6大2小，坐房，但入房後冷氣過大，服務員把冷氣調細後，地面，抬面餐具出水，最後只可把冷氣調大，寒食海鲜。我們在龍門對面的海鲜擋買海鲜，第一，負責人没有通知海鲜價錢，我們在進食前及中段有問，但直到埋單才知，第二，負責人诺免費给海鲜料煲湯，最後沒有，我們只渴淡淡冇味的公司湯，第三，加拿大象丈蚌，墨魚刺身冇味，最後要椒鹽，及後補發海鲜料湯，但發現有收費，不是200一位煮工已經包括嗎？6大2小已經每人200煮工，今次真是一個不好經歷

鯉魚門最出名就係海鮮，今日去到龍門酒樓嗰度叫咗好多嘢食。有長腳蟹，有刺身，有湯，基本上你想食嘅海鮮呢度都有，而且新鮮好食。首先刺身佢可以生食亦都可以放落個煲整熱食，個人來講比較鍾意生食配Wasabi豉油，食落相當有口感。至於蟹腳多肉， 食得滿足但剪殻嘅時候要小心。湯亦都鮮甜好飲，可以加唔同嘅食物落去作調味，我哋都飲到停唔到。總體來講海鮮新鮮，但唔多唔少都會有浸腥味，如果怕腥嘅朋友最好食有調味嘅海鮮。最後仲有水果，每人一碟半個芒果半個木瓜做飯後甜品，呢個雖然好普通，但因為芒果好甜對於我呢種鍾意食芒果嘅人來講真係好想讚下

月餅款式推陳出新 ....鯉魚門龍門酒家推出的 “ 水佬三寶月餅 ” , 就是有夠特別 ~ 打開月餅盒蓋後會看見一張祝賀中秋快樂的小咭 , 心情頓時樂了一下～ 這款由星級創意厨師 徐蒝 製作的月餅 , 我們吃過後均大讚特別 , 味道鹹香又帶少許甜 , 風味是十足 ~ 一盒月餅有四件 , 每件月餅都有個別包裝 , 月餅成份有綠豆、銀魚乾、魷魚乾、蝦米、花生等 , 難怪鮮味突出 , 魷魚乾的味道是越嚼越香 ,很過癮的體驗 , 而且滿有漁港風味 ~預祝各位 中秋節快樂 ！本篇完 ~

一切由籠仔蒸蝦講起......坦白講，我一向都唔like 在街外食海鮮，一方面，往往都係一個伏，被人在加工費，開天殺價；另外，就係海鮮不外乎是【蒸】，咁點解唔返屋企煮呢！不過，昨日的一餐，除了是貴外（都預左既)，其實都正面既。首先，欣賞佢既前菜【面醬青瓜】，一般的 醃青瓜大家就食得多，但係這個加入麵醬嘅，味道配合得幾好，加上我釣左成粒鐘魚，吹左咁耐熱騰騰的海風，清清地，幾醒神。這天，我們叫了4個海鮮，蠔、蝦、瀨尿蝦及貴妃蚌。最欣賞，反而是最簡單的籠仔蒸蝦，既免卻被滾水浸走晒d 蝦味，而蒸好而乾身的蝦，小朋友食都食得方便d 。而用籠仔上，影上都易d 🤣🤣🤣。另外，不得不提係生蠔。當老闆同我講新鮮的蠔當然要薑蔥，心諗咁新鮮，唔係應生食。但食落，薑蔥蒸真係提鮮。最後再同大家講下個湯，一個字～正魚有魚味，加少少芫荽，又做到提鮮效果。這間是少有各個餸，都平平均，如果服務員d 態度好小小，這就更prefect 。

吃全海鮮餐我通常都會選擇來鯉魚門。海鮮食材會跟"一樂也"買，然後拿給龍門海鮮酒家處理。幫襯了近10年，龍門海鮮酒家收每位$160元加工費，我們6人去，連小費及白飯一共埋單$1200元，加埋淨海鮮費$3000元，總共銷費$4200元。貴嗎？我認為不便宜，但絕對值這價錢，因為我們點了多款貴價海鮮，相信係外面的餐廳吃同樣的食材，應該會貴好多。今晚的主角是做緊promotion的Alaska King Crab，只賣$16元一両，6斤重的大蟹只售$1200元，真的十分超值。蟹腳用花彫蛋白蒸，非常好吃，蟹腳超大隻，肉質鮮甜有彈性，啖啖肉，食到阿P好滿足。蟹身用鹹蛋黄炒，我覺得好鹹，無乜點食。喜歡濃味的親友卻食得津津有味。這裡的蒸魚永無失手，火喉剛好，魚肉超滑有鮮味，魚鼓油撈飯一流。蝴蝶蚌由泰國來貨，是今晚的意外收獲。蚌肉極鮮，肉質富有彈性。大家明白此蚌為何會被稱為蝴蝶蚌嗎？白灼基圍蝦好鮮甜，有蝦味。油鹽水攋尿蝦唔算大隻，不夠啖啖肉，不過鮮味十足。美中不足是沒有爆膏。海鮮湯我連喝了3碗，好鮮甜，胡椒粉令此湯更惹味。敬送的生果每次都好靚，芒果及小木瓜都好甜。今晚的全海鮮餐眾人都十分滿意，食盡魚、蝦、

係門口檔海鮮買完入去加工， 但大廚煮得幾好食先黎一碟椒鹽瀨尿蝦， 好惹味， 蝦亦好鮮甜再有䜴椒炒蟶子， 䜴椒蜆， 清蒸螺仔， 粉絲扇貝， 亦都不錯最令人回味的是油焗奄仔， 多膏又多肉， 味道一流最後芝士焗龍蝦， 已吃到有點飽。 所以覺得有點滯總括而言， 味道幾好， 而且服務周到， d姐姐好好人， 十分滿意

鯉魚門一向出名食海鮮，特登一行7人黎同朋友踐行。坐係海傍，日落黃昏，份外依依不捨。但既然黎到，當然就先將一切拋諸腦後，食完再算 象拔蚌兩食，有刺身同火鍋白灼，幾爽口。刺身點wasabi，鮮味十足，白灼就較爽口。大大粒帶子，鮮甜又充滿蒜香，略嫌油左D。辣得黎唔係好香。花螺唔係好入味。避風塘炒瀨尿蝦，蝦肉炒得恰到好處，又嫩又甜，避風塘亦惹味。花雕蛋白蒸蟹。成餐飯至愛li道。一啖蛋白放入口，洋溢一陣酒香，蛋白蒸得好滑。清蒸保留左蟹既鮮味，蟹肉鮮嫩清甜，夾雜點點酒香， 一個字，正！咕嚕肉都可以，但不及海鮮做得出色。飯後每人送上半個木瓜，清清油膩。曲終人散，不過至少餐飯留低比我地一個美好既回憶。

叮噹太早上大叫要吃「椒鹽鮮魷」好吧，晚上便同另一對出鯉魚門吃好了。找到這家龍門是因為叮噹太上星期公司有同事farewell 吃過，很不錯，所以再以她公司名義再訂。可惜今次出事了。先說食物：油焗「掩仔」十分好！蟹膏香又鮮甜，一流出品公司湯：即例水也不俗，清甜味美冇乜味精，算有良心聖旨：十分好，新鮮而汁料惹味，很想送白飯炒飯口感不錯，干身、足料（合格）。出事的偏偏就是那目的食品「椒鹽鮮魷」！！！可惡。最可惡是，那根本不是「椒鹽鮮魷」，而是「椒鹽墨魚」！太過份了。落單時當然說得都分清楚，而龍門的部長回復時竟說是「墨魚」。叮噹太當然十分嚴正重申是「鮮魷」，否則一定退回。部長不置可否走咗去。出來時自然是 ... 可惡的「墨魚」！這些表而上油料、食材分工的海鮮酒樓，你跟他們說根本浪費精力，浪費一個晚上。所以也吃了算，也打算給錢算了。有那一個香港人沒有受個這些店子的氣呢？而「墨魚」最大的問題是沒有「鮮魷」的爽、彈牙。換來是廚師用刀功把墨魚片簿，扮似「鮮魷」再走油，結果是牛肉干之類的口感，跟「鮮魷」、甚至「吊片」完全是兩回事。一味不合格的冒充「鮮魷」，令之前所有本來十分不錯的海鮮失去光彩，值得嗎？廚師

難得爸爸話要海鮮，就算血壓超標，都唔理住，一於海鮮賀父親節！精挑細選，我地就揀咗鯉魚門，因為阿爸至愛的媽媽未去過沿途見到不同種類的海鮮，爸媽都覺得好有趣［雖然日日都去街市，不過有仔女一齊行，乜都開心Ｄ］。事不宜遲，即刻去片睇吓食咗乜：　椒鹽瀨尿蝦，好正。平日阿媽話唔食瀨尿蝦，因為覺得＂冇肉食＂，今次佢大啖大啖咁咬，非常滋味。　＂人人有份＂，跟住上的豉椒蟶子，係姐姐＂非佛＂，一條條，彈彈彈，又真係好美味！　＂過冷河＂，食件清清地的豆腐，雖然唔太喜歡佢豉油滿瀉，但好在不失原來豆味！　跟住又係阿媽的粉絲元貝，佢話係最好食　阿媽大人想食肉蟹，所以唔係當造都照叫；好彩都好好味！！　我地再三叮囑佢要原隻蒸，都係斬錯件　又係時候食Ｄ菜，好大盤金銀蛋莧菜，好有睇頭　＂不是父親節咩？點解全部都係母親至愛＂　haha...重頭戲，爸想食的薑葱蠔，好有鑊氣，連沙鍋上菜，勁！　佢仲送咗個連怕魚味的家姐都話好飲的魚湯，仲有生果盤。。。究竟承惠多少?。。。　大部份海鮮係去龍門的另一寶號＂寶德＂買；酒樓再每道餸收加工費HK$70金銀蛋莧菜，約HK$90豆腐，HK$65茶每位，HK$10另有兩碗飯，茶，前菜合共，HK

這次也是到一樂也買海鮮再到旁邊的龍門酒家加工豉椒蒸蟶子, 我對蟶子是情有獨鍾的..清炒象拔, 非常鮮甜!生蠔煲, 非常肥美呀!鮑魚仔, 好味~鹽焗蟹, 第一次吃這個煮法, 蟹殼淡淡的咸香, 非常惹味! 實在一試難忘避風塘炒瀨尿蝦, 一貫高水準!上湯煮瀨尿蝦非常鮮味, 忍不住喝了好幾口湯@@清炒海班, 說到吃海鮮, 魚是少不了!還有我最愛的炒球! 這間酒家炒得不錯, 兩味大班也難分高下!吸收了以往經驗, 芝士焗龍蝦這道菜是沒有人吃龍蝦的, 所有人都只顧吃伊麵!今次改大蝦好了, 便宜一點, 開邊後吃起來也方便配番杯白酒, 真係一樂也

有朋友嚟香港購物，話想食海鮮，西貢同鯉魚門二選一，決定去相熟既龍門。四個人到隔離海鮮檔買海鮮，有黃油奄仔、瀨尿蝦、蟶子、細既東星班同貴妃蚌。先黎蟶子同貴妃蚌，有水準。再黎瀨尿蝦，外面超香口，蝦肉保持濕潤，蒜容勁好味。條魚火喉OK，剛好，老友非常歡喜。之後再上既油焗黃油奄仔，香濃既蟹羔再加上少少粗鹽吊味，真係精彩再用瀨尿蝦既蒜容送咗兩碗揚州炒飯，飽飽!!唔該廣哥!!!!

與從温哥華回來的auntie到鯉魚門食海鮮，一如以往幫襯相熟的海鮮檔"一樂也"，酒樓選了和"一樂也"相熟的龍門海鮮酒家。"一樂也"太子爺向我們推介十分罕有的平脚響螺(見圖：$1,100兩隻)，建議由酒樓切片，自已堂灼。螺片比象拔蚌更易熟，口感極爽，爸爸十分欣賞，過我同妹妹都覺得味道沒象拔蚌鮮，螺片亦切得太厚身，$550/隻我倆都覺得唔值。奄仔蟹是另一推介，雖然細細隻，但隻隻爆膏，蟹膏甘香幼滑，仲有少量白膏。全晚最好吃的是由美國來的貴妃蚌，用蒜蓉粉絲蒸。貴妃蚌非常厚肉，味道極鮮，火喉控制得啱啱好，一啲都唔韌。魚痴爸爸點了黃皮老虎兩食，炒球和蒸碎頭腩(見圖)。眾人都十分滿意這條黃皮老虎，讚其魚皮爽滑，有魚味。開邊蒸巨型瀨尿蝦相對失色，瀨尿蝦一的都唔彈牙，肉質又腍又梅，膏又少，no good！八人份量海鮮價$2600，加$1,100酒樓手功費，埋單總共$3,700，如果唔食平脚響螺而改食象拔蚌，呢餐算抵食。

(16/6/06)因為好食,要和好朋友分享。第一次去鯉魚門,的海鮮小巷,感覺像離島。dept dinner,我們首先在門口的海鵬海鮮檔買海鲜,然後來這間酒家加工(@人加工費$75)。白灼蝦,一般。象拔蚌兩食:sashimi及火鍋灼。即劏即食,當然好味,不過估唔到灼熟比生食更清甜!蒜蓉炒絲蒸帶子:不算大隻,不過味道較得唔錯。清蒸石斑:蒸得o岩o岩好!蝦醬炒通菜:不太油,ok!椒鹽賴尿蝦:5隻大大隻的。上湯龍蝦:兩隻,上湯獻唔太杰,龍蝦大隻到食唔晒。炒蟶子:食過北角新和富大隻的,鑊氣十足,呢個好一般。薑蔥炒蟹:肉爽甜,但膏唔多。鮮鮮湯,其實係例湯,我地要求加蜆煲一煲,味道唔味精水果是每人半個木瓜,半邊芒果,出街食,真係未食過咁豐富既"果盤"呀!甜品:椰汁芋頭紫米露,完全唔馬虎!又唔太甜!正!呢度服務又周到,真係好完滿的一餐~