享樂烘焙

Open Now

Now Closed

荃灣呢間麵包鋪日日都好多人買緊麵包有時直程入都入唔到去有日見到冇咁多人即刻沖入去睇下有咩包買 雖然佢出名既係bagel但我見d bagel偏細隻同埋口味冇話好吸引我所以pass左 bagel買左個甜品食 佢個甜品櫃入面既甜品全部都好吸引今次試左個大路既tiramisu小試牛刀 $32 個tiramisu 做得好好除左個外觀好精緻，仲有完美既分層結構清楚睇到有咖啡浸泡既蛋糕層，奶油芝士層同可可粉層味道有濃郁既咖啡香味同奶香，口感好絲滑，充滿層次下次會再試下其他野

收工過黎買左2個原味布丁撻同同事一人一個布丁撻既外貌好靚仔不過唔知佢幾時出爐食落個皮有少少淋不過味道係幾好味既中間蛋香都唔錯但同事話覺得中環名店好食d下次想試甜品櫃入面既撻賣相好吸引

23-10-2023 (Mon)重陽節假期晏晝,同老公由北區返嚟,去大窩口搵嘢,搵唔到,順路經過,就喺喥買上次打風前,”手快有手慢冇”買唔到嘅抹茶牛角包做翌日早餐啦(食評係2023年10月10日刊登嘅呢篇: https://www.openrice.com/zh/hongkong/review/yeah-%E6%89%8B%E5%BF%AB%E6%9C%89%E6%89%8B%E6%85%A2%E5%86%87-e5063657),入到去,見到佢哋將$26.00嘅抹茶牛角包放喺開頭嘅架上,就諗都唔諗,即刻夾一個先,夾咗後,用個夾輕輕拷都feel到佢係脆身.之後見到收銀嗰喥除咗有德式布丁撻外,重有$24.00一個嘅抹茶布丁撻,咁同老公睇重有咩嘢想食先,佢就被$28.00一個嘅伯爵乳酪軟包吸引,就要一個.去到收銀喥,我就要兩個抹茶布丁撻,盛惠$102.00.由於個抹茶牛角包太吸引,亦唔想擺到翌日至食咁嘥,所以返到屋企settle晒所有嘢後,就拎出嚟食,我將佢切開一半,牛角包外面脆到跌咗啲碎出嚟,但點解咁難切開嘅?原來有麻糬,佢唔係一粒粒而係一條咁擺入去.我食先喇,牛角包甜甜地,牛油味唔夠,

6-10-2023 (Fri)晏晝,天文台話可能翌日橫風橫雨,或會掛八號風球,於是請老公放工後,去教會前喺呢喥買定麵包做早餐,我叫佢買方包同牛角包,佢去到就打俾我,話冇晒淨方包,話牛角包有明太子同綠茶,我答就要呢兩隻味,而方包冇原味都好,都買一包啦,其他佢想要咩包就自己決定.之後佢返到嚟,我打開睇,牛角包就有明太子同原味,方包係芝士方包,同一個係亞麻籽包?因為佢冇攞單,所以唔知嚟同唔知價錢,而總數係$69.00.點解唔係買綠茶牛角包?因為我哋講完電話後,已經被人買晒,而明太子牛角包今次就冇好似上次咁用牛油紙舖住(食評係2023年8月12日刊登嘅呢篇:https://www.openrice.com/zh/hongkong/review/yeah-%E8%B2%AA%E5%BF%83%E7%9A%84%E6%88%91-e4933521),可能趕收工吧.到大前日(7-10-2023 Sat)朝,冇掛八號風球,但都唔係嘥啲包,尤其是牛角包,於是同老公食咗兩個牛角包先,先食原味牛角包,同上次一樣,微甜.味道:4分而明太子牛角包呢?今次一食,好鹹,重手咗,應該要一啖明太子,一嗎啖原味咁食至中和

💓芋泥bagel呢個真係正！好想芋頭味，甜甜地，Bagel好有咬感😙😙唔會太硬，亦都唔會好似麵包咁鬆軟😆同埋發現每個享樂麵包都好有麵粉香😋✨芝士條呢個都唔錯，不過日式嗰款正啲

雖然地點格攝啲，喺荃灣行過去要行到仁濟醫院嗰邊，但都非常值得。希望香港多啲呢啲尊重食材，同埋用優質食材嘅食店/麵包店。呢度嘅食物食完唔會好似食其他連鎖店嘅麵包，個口有種唔舒服/唔自然嘅感覺、或者好咸，食得出係用天然材料，貴少少都值得。整體上麵包、烘焙品都高質。反而想講啲比較普通或者可以唔試嘅食物😬1) 綠茶撻：去咗幾次都發現賣晒、但有一次俾我見到就買咗嚟試，點知覺得綠茶味唔太出、紅豆就得兩粒（唔知係咪咁啱錯手少咗幾粒），比較奇怪。如果同嘉多X個綠茶麵包布丁比、我鍾意嗰個綠茶苦澀味多啲，因為濃好多。呢度我覺得原味布丁撻好食d，蛋味好香！2）朱古力咖啡scone: 咖啡味唔重，又係同嘉多x比嘅話, 我欣賞佢哋多啲。享樂嘅話綠茶同埋好有伯爵茶scone 好好多。其他必試：bailey’s 蜜瓜包（比較甜，但裏面啲bailey’s cream好濃郁）、Bailey’s toast、綠茶同焙茶bagel (裏面有麻糬好有口感）、綠茶牛角包（裏面又有麻糬又有綠茶custard cream), 但呢個超級飽當做晚餐都可以。店內有太多選擇，想試新嘢之餘又想食返之前食過好食嘅食物，所以每次入到去都有選擇

抹茶麻糬牛角（$26）- 有麻糬抹茶奶酥餡，整體低糖，主要甜味來源於個奶酥。外面有D似菠蘿包脆脆、杏仁片。可能唔係即日食，無明顯感覺牛角包既Crispy。特濃抹茶拿鐵小吐司（$28）- 同牛角包比，較甜。麻糬大大舊，叮熱之後麻糬淋左更好味，有米香。個包抹茶味淡，中間個奶酥抹茶味濃D，麵包個頂有舊甜甜地既嘢，有D似雞尾包上面既東東。焙茶Bagel （$20）- 驚喜！好濃茶味，比起抹茶Items有驚喜！有麻糬 餡，同Bagel口感一樣都係煙煙韌靭，但密度同麻糬有分別，整體口感好正！

享樂麵包絕對係我心目中既no.1🏆知道佢推出左新既開心果冰心包，但係成日都遲去所以都冇得買，今次好好彩去到既時候仲有得賣！即刻買個翻屋企食～好正～雖然價錢貴啲，但係絕對物超所值，真係推！行過路過唔好錯過😂1⃣️開心果吉士酥皮冰心（$32） 外面層皮酥脆而且帶牛油香，食落係有層次感既，面頭仲有啲開心果碎🤤一掰開中間，滿滿既開心果流心～食落口係凍凍地既而且creamy既質感，開心果既果仁味好香，伴上底部既微甜黏糯既麻糬同埋外面既酥脆麵包皮，痴線勁正！  

13-8-2023 (Sun)晏晝,同老公食完下午茶同喺街市補完嘢後,就行嚟睇有冇呢篇食評https://www.openrice.com/zh/hongkong/review/%E5%BF%85%E8%A9%A6%E9%BA%B5%E5%8C%85%E5%BA%97-e4911564提到嘅開心果吉士酥皮冰心,我哋嚟到行咗一圈見唔到,唔通要買曲奇?最後睇到原來擺喺凍櫃入面,咁就要一個啦.我哋返到屋企雪住,到食完晚飯,生果後,再抖一陣拎出嚟,睇到食用日期係即日,咁事不宜遲,飽都要食.先切開一半,切到底係黐住好難切開,係喎,唔記得佢係有麻糬.睇見開心果吉士唔少,食落,面嘅酥皮層仍好脆,開心果吉士好滑,味道又夠,而底嗰舊麻糬其實分辨唔到佢嘅存在,或者佢嘅作用係隔一隔開心果吉士同個底,唔想整腍佢?呢個好飽嘅老公都大讚邪惡好食.上次食評係2023年8月12日刊登嘅呢篇:https://www.openrice.com/zh/hongkong/review/yeah-%E8%B2%AA%E5%BF%83%E7%9A%84%E6%88%91-e4933521

明太子麻糬燒食過享樂麵包好多次，但今次黎到荃灣分店，就試下新野，第一次食明太子麻糬燒麵包🥖🥖明太子中間有一粒大麻糬，明太子醬十分香濃，麻糬做到小小拉絲效果，都幾好食。🥰🥰享樂有好多唔同麵包可以選擇，下次再試下其他麵包先😤😤

享樂烘焙麵包真係幾乎從來唔會中伏🤤,除咗佢人氣超高嘅bagel 系列,其實佢有好多麵包都好好食🤤今次荃灣新店開張,當然要試吓佢新出嘅小山園抹茶麻薯牛角!🌸小山園抹茶麻薯牛角 $26用咗小山園抹茶🍵做成嘅抹茶cream塞滿牛角包裡面🤤,係相當有驚喜😳,好濃郁茶味而且抹茶微苦味突出,係我食過差唔多最濃嘅抹茶牛角😍,裡面仲有海量麻薯,面頭嘅抹茶脆脆雖然令成個牛角更美觀,但因為甜度相對頗高,我比較唔鍾意🌸明太子牛角 $22享樂烘焙明太子系列嘅包我都好鍾意,呢個明太子牛角一樣係好鹹香惹味,不過鹹味就有少少over左﹍﹍﹍﹍﹍﹍﹍﹍﹍﹍﹍﹍📍享樂烘焙荃灣街市街152號坤成樓地下6號舖

2-8-2023 (Wed)自己放假,晏晝又要去買嘢,買完就走嚟買麵包,因為可能有啲撻要盡快拎返屋企食或雪住,由於係平日晏晝,所以終於冇乜人喇,我一路睇,一路聽到收銀各俾錢嘅客人推介啱啱出爐嘅德式布丁撻,咁我夾咗兩個包,就衝去夾先,但收銀阻止,話佢哋夾.咁我唯有唔夾住,繼續睇有咩包啱先.夾完去收銀喥,就叫佢俾兩個各$20.00嘅德式布丁撻,$32.00嘅芒果吉士塔同$36.00嘅開心果紅桑子撻,我本身就要咗各$20.00嘅咖哩煙燻牛肉酥,日式明太子牛角酥同$12.00三個嘅迷你牛角酥,總共啱啱好$160.00.德式布丁撻用待別製造嘅膠盒裝住,返到屋企,佢仍然好熱,嗅到好香蛋味,我先趁熱食呢個,拎嘅時候有啲難度,要好小心,否則好易整爛,其實建議佢哋改良個膠盒.上下嘅高度係撻嘅一半,咁合埋又保護到佢,拎出嚟時又容易.個布丁餡好滑,味道又唔會太甜,撻皮脆,唔錯.味道:5分之後我食我嘅日式明太子牛角酥,拎出嚟睇,咦?!原來面上舖咗一張牛油紙,以保護面上嘅明太子.由於我驚太飽,所以決定食半個,我切開時,外層好脆,但中間比較難切.食落明太子微辣同微鹹,亦食到佢嘅鮮味,幾惹味;牛角酥有啲煙韌;牛油味

享樂啲包不嬲高質，竟然比我一次過買到冰心包同麻糬牛角酥🥰 ▫️開心果吉士酥皮冰心開頭以為雪咗會唔脆，點知酥皮個仲係一樣咁脆咁鬆化咁好食! 酥皮牛油香好濃，入口一啲都唔油膩，面頭搽咗一層薄薄的焦糖，食落有陣焦香~開心果漿一搣就流岀泥, 入口好香滑, 開心果味濃郁又唔會太甜. 底層仲有一大片薄薄嘅拉絲麻糬, 口感軟糯，令個包食落口感更有層次同變化❣️開心果控一定要試下喱款夏天限定! 🤩 ▫️小山園抹茶麻糬牛角牛角包好酥脆，名副其實嘅外脆內軟~面頭仲有厚厚一層抹茶奶酥同杏仁脆片，食落充滿抹茶同奶香，甘甘甜甜得泥又唔會過於苦澀。牛角包中間嘅小山圓抹茶醬濃郁，再夾住成條拉絲麻糬，口感好豐富❣️🥰

一向好鍾意享樂嘅包，自從荃灣開咗分店，就更加方便買到🙆🏻‍♀️▪️開心果吉士酥皮冰心🍞特製酥皮就算雪咗，仍然好脆，帶牛油香，而面頭淋咗焦糖醬同開心果碎。開心果吉士呈流心狀態，好香滑，而且開心果味幾出，又唔會好甜。底部仲有一層大福皮，口感軟糬，不過偏薄，存在感較低。另外，呢款係夏天限定，而且每日淨係出爐一次，要把握時間買啦！▪️小山園抹茶麻糬牛角🥐牛角包酥脆，面頭嘅抹茶奶酥充滿抹茶甘香，加上杏仁片作點綴。入面嘅抹茶吉士好濃郁，中間再夾住成條麻糬，好Q彈，仲可以拉絲享樂烘焙📍荃灣街市街152號坤成樓地下6號舖📍新蒲崗大有街3號萬迪廣埸地下E號舖📍九龍灣常悅道21號The Eastmark地下3號舖📍元朗元龍街9號形點 I L1樓1097號舖

［享樂烘焙］每年夏天都會推出冰心包，而今年的口味是：開心果吉士酥皮冰心！酥脆的酥皮包裹著香濃而微甜的開心果吉士忌廉，就算直接從雪櫃拿出來享用，外層仍能保持香脆的口感👍🏻底層夾雜著煙韌的大福，脆與韌，加上冰凍的開心果忌廉，不同口感的美味享受😋果然是店方的重點出品！同場加映開心果系列及抹茶麻糬小吐司，款款都好味好食😋享樂踏入開業5周年，更選址荃灣開設第四間分店，希望店方繼續保持水準及初心，烘焙出更多健康美味的麵包！- 開心果吉士酥皮冰心 $24- 開心果乳酪布里歐 $24- 開心果麻糬Bagel $20- 抹茶麻糬吐司 $28