邁爵斯 (福華街)

Open Now

Now Closed

呢個松露雜菌飯用料好足，一打開已經成陣松露味轟出黎。我食野已經吾係大啖，但啖啖都有松露同雜菌，好平均。個飯就可能因為外賣擺耐左，所以無乜口感。整體黎講，呢餐飯出去食應該過百，所以好抵食。另外對於一個女仔黎講，真係算大份，諗緊留一半聽日帶飯

就係因為一個youtube,呢一間咁嘅餐廳真係好大碟嘅比起平常餐廳,環境個樣都好靚嘅,但係味道就一般到爆囉,唔會有驚喜同開心啦，雖然係好平好抵，個卡邦尼意粉啲汁太多，好普通嘅卡邦尼意粉都整得太普通啦，所以唔會覺得好味，只可以惠顧一次，可能都唔會有第二次囉，但以呢個45蚊嘅價錢冇得要求太多。 如果個墨西哥卷啲薯角又太甜好難食，同埋嗰個卷成個整體來講就麻麻地啦，最差嗰個水果茶超級唔好飲喎，正常水果茶一定係咁樣，佢做唔到，仲要收人36蚊一杯，吾得呀😉

《邁爵斯》好似我的娘家咁.基本上我每個月種有一至兩次會返娘家吃飯咁.因為呢度啲意粉實在巨人份量.佢哋嘅改咗烹調嘅方法及食材.小編覺得實在太好味😋😋😋還有佢哋係間良心小店.希望佢哋會持續貢獻給窮苦市民大眾.好人有好報.❤️❤️❤️我哋都會持續支持！👍👍👍哈哈哈 我講到好似賣廣告咁.無奈我只是真心推介給大家.😘😘😘並無其他！今次四個人叫咗三個巨人意粉如下：1. 香蒜白酒蜆肉意粉 🧄X1 $39元2. 黑椒牛肉意粉 🌶 X1 $48元3. 香辣海鮮意粉 🌶 X1 $47元

位於深水埗嘅邁爵斯專買大大份嘅意粉啊🍝🗻而且價錢竟然唔高啊 性價比好高啊🧾👍如果大家正值糧尾💳 或者想食大大碟嘅意粉邁爵斯都係唔錯嘅選擇啊🚶🏻🚶🏻‍♀️🚶🏻🚶🏻‍♀️🍝🍝🍝🍝香蒜白酒蜆肉意粉🧄🍝🗻 ($39)一上碟就聞到好香嘅蒜味🧄 有啲似蒜蓉粉絲開邊蝦嘅蒜味🤤🙋🏻‍♂️🙋🏻‍♀️幫大家實測過 呢種蒜味係會留係口腔入面啊🤐🫢除咗好香 就見到意粉多到好似一座山咁啊 真係意粉山啊🗻 兩個人都食唔食啊🫃🏻🤰🏻意粉軟硬度適中⚖️ 唔會太淋 斷哂咁啊香脆炸雞🐔 ($32)除咗意粉好大份 炸雞都好大份啊🐓啲雞有啲過熟 食起上嚟有啲乾身🫗但呢個份量 再配上呢個價錢真係好抵食啊🧾✅吉列魷魚圈 ($42)呢個有少少失望啊🙁 因為炸得有啲耐啊個魷魚圈變得好硬🪨 好韌 咬唔到啊🗿希望下次去食會好啲🤞🤞草莓酸尾尾🍓 ($29)呢個係其中一款嘅乳酪特飲🍓飲嘅時候覺得乳酪同士多啤梨味分開咗🙁而且口感同味道都比較稀 好似溝咗水🚰 令到酸味唔夠🙁爵斯水果茶 ($33: Hot // $36: Cold)見到都好足料啊🐲🍊🍋 有好多水果同水果乾 有火龍果 橙 青檸等等同埋有寒天凍啊 有啲似台式飲品🥤飲落去似係稀咗嘅利賓納🍇 再有

呢間喺太子性價比高嘅西餐已經嚟過幾次主打平價意粉美食意粉份量非常大 一個應該要兩至三個人先食得晒絕對係平價之選 雞翼薯角都好出色👍🏻最好一大班人一齊嚟食先至可以試到多啲嘢

一直想食呢間出名抵食又大兜嘅意粉，結果終於經過深水埗決定的起心肝試試佢～🎉🎉煙鴨胸沙律份量非常多，煙鴨胸上菜時仲有微溫。重點係個墨西哥薄餅有蜜糖味，好有驚無喜，口感即時豐富左🎉🎉香脆炸雞有成9粒炸雞咁多，每粒都唔係細，炸出嚟都算外脆內軟，$32無得挑剔了🎉🎉經典卡邦尼意粉真係好誇張，係好大碟，好似用左成包意粉去煮一碟出嚟咁。上面落左d蒜粒，其實完全唔似一般卡邦尼意粉，汁亦唔算多，冇蛋味，只有白汁同好薄嘅煙肉。意粉煮到有d太淋，好散。不過都係個句，$45真係算對得住個價錢🎉🎉總括嚟講唔算係特別好食，不過真係好大份同抵食，上菜速度都算快，服務都唔錯。如果唔係好肚餓都唔建議食呢間，因為驚真係會食剩🤣

月尾冇咩錢食飯？去邁爵斯啦！✌️嫌出面西餐廳食意粉太貴？去邁爵斯啦！✌️嫌出面西餐廳意粉份量太少？去邁爵斯啦！✌️女朋友想食西餐但又冇咩錢？去邁爵斯啦！✌️所有意粉及其他小食保證大件夾抵食👍，包大家食過返尋味😋😋。情侶去食飯👫，男朋友唔洗再擔心荷包肝硬化✌️女朋友就梗係食得開心又放心🤪（講笑😆😆）雖然餐廳細小地方淺窄，但環境不錯幾乾淨！呢間之前喺中環食過兩次，可惜最後執咗笠，所以今次同朋友嚟深水埗呢間食。同朋友抵食推介：經典忌廉雞肉長通粉 🍝🐔🥛$46（前面嗰碟）一碟Penne（長通粉）山，配上雞髀肉同蘑菇，淋上滿滿嘅忌廉汁同芝士，再自己加啲芝士粉，超級濃郁兼邪惡，正👍👍👍👍👍經典卡邦尼意粉🍝🐷 $45 （對面嗰碟）一碟意粉山，加上煙肉，蘑菇，黑椒，芝士，再淋上滿滿嘅忌廉汁，簡直正到嘔😋😋😋👍👍👍食飽再飲埋嘢：凍榛子朱古力 🍫🌰 $29唔太甜，榛子同朱古力味非常濃郁！！熱情果梳打特飲 🫒🍹 $26酸酸地，冰爽涼快👍所以若果到糧尾但又想食西餐嘅你唔緊要，嚟呢間位於福華街同大埔道交界嘅邁爵斯啦！！！

-呢間店又名「意粉山」，碟意粉真係成座山咁高，通常我一個人都食唔晒，要兩個人share或者打包外賣。白汁蜆肉意粉味道方面都唔差，蜆肉勁多，意粉汁調味都啱啱好。反而飲品價錢唔平，味道一般。所以我叫嘢食，覺得抵少少，性價比超高。我成日諗: 咁嘅價錢我成日驚佢做唔住，到底點樣可以維持生計？所以我打呢個好評俾佢，繼續支持一下小店。衛生方面就真係麻麻，因為自助形式，如果要求太高就唔去呢間店。另外服務方面都唔好有要求，當一間快餐店形式嘅Cafe就可以。

📍邁爵斯🇭🇰 深水埗福華街15號地舖一直都好想試呢間啲人話係窮人恩物 大份夾抵食一睇餐牌 真係好少見到仲有～$30嘅野食一上到檯 真係超級多 成碟意粉山😋 忌廉蘑菇雞肉長通粉 $46正常好味！ 偏淋咗少少😋 香辣蒜香大蝦帶子意粉 $78都真係有啲辣！蝦都唔少 好多香料可能比較適合重口味少少嘅人😋 滋味洋蔥圈 $30正常野！😋 香烤鴨胸墨西哥卷餅 $29我會推薦呢個！個餅皮好脆 裏面嘅餡都好足！好食！$29超飽😋 青梅梅 $29😋 爵斯水果茶 $36😋 小學雞 $30啲飲品偏淡 但係大大杯！

胃口大，又想慳錢，咁位於深水埗嘅邁爵斯(M.Y Majesty)就滿足到你嘅願望啦😊邁爵斯係一間西式餐廳，但食物分量就唔似西式啦😂係普通分量嘅2-3倍，食量唔多記得同佢講少分量啦🤏🏻。～～～～～～～～～～～～～～～～～🍝 經典卡邦尼意粉 $43我哋就試咗佢哋嘅卡邦尼意粉，味道就中中挺挺，芝士味夠出🧀 由於分量比普通嘅多，所以油膩感都更加容易有，所以記得要嗌啲小食或者飲品中和返。🥔 趣味薯角 $29佢哋嘅薯角比較唔同嘅係，會落蜜糖去烹調，甜甜地又咸咸地咁，味道非常之夾🤤重點係分量都係十分足，可以一次食到夠喉。🍹 芒芒 $29芒芒係用芒果🥭伯爵茶☕️同珍珠調製而成，味道都唔錯，珍珠幾有咬口，但個人就覺得甜咗啲。係一個新穎嘅嘗試😋呢間餐廳性價比非常之高 , 以平價嘅價錢就可以食到大分量嘅野食，簡直係窮人恩物☺️（睇嚟我哋應該會幫襯好多次🤭）～～～～～～～～～～～～～～～～推薦度：⭐️⭐️⭐️⭐️美味度：⭐️⭐️⭐️環境：⭐️⭐️⭐️📍深水埗福華街15號地舖#美食 #意粉 #香港美食 #邁爵斯 #深水埗 #深水埗美食 #foodie #hkfoodie #couple #hkcouple #enjoyer #hken

話說我哋都無嚟一段時間.呢度還是我最愛嘅其中一間.今次嚟佢哋已經有少少改變.其中就是啲殘舊裝修.佢哋已經全店修葺過.長身多咗好多擺設及掛畫.令外菜單已經有好多更新.大份嘅意粉.仲有佢哋啲人情味.全部都係番晒呢度.無令我失望！😋😋😋👍👍👍今日點餐如下：1. 香蒜白酒蜆意粉 X1 $39元2. 黑椒牛肉意粉 X1 $48元3. 鴨胸卷 X1 $29元4. 芒果梳打 X1 $26元5. 凍香芋歐蕾 X1 $ 29元🚶🏻‍♂️👉📌邁爵斯 (深水埗) 深水埗福華街15號地舖

準備糧尾無錢又想出去食？不如試下呢間意粉小店🫶🏻🌟香蒜白酒蜆肉意粉 $39你無睇錯我都無打錯！係$39有咁大兜意粉！！！極度懷疑佢識意粉廠老閭意粉唔洗錢咁炒比大家食😹就算係$39，餐廳都絕對唔hea做🥹蜆嘅份量都唔少，不過應該就係急凍一大包嘅蜆肉，有啲會有沙🙌🏻個底有用蒜蓉爆香先再加意粉落去炒，仲加咗一堆炸蒜喺面，雙重蒜味係幾惹味🧄🌟日式雞肉串燒 $28另外嗌咗串燒～係超市一包照燒雞肉串嘅味，甜甜地嘅燒汁，不過不失🫶🏻

呢間簡直係中學回憶，入到去都係咁多人，份量又多又抵食！😍「碎蛋沙律牛角酥」🥐 （$27）牛角酥做得好好👍🏻，表層好酥脆，裏面好軟熟😚，而且淋上咗少少蜜糖🍯。碎蛋沙律🥚🥙就同大家平時喺七仔食嘅味道一樣，不過不失，冇乜嘢特別。但係整體都幾好食🤤「草莓酸尾尾」🍓 （$29）味道可以，帶少少士多啤梨味，亦都有啲士多啤梨肉🥰，但係感覺比較似士多啤梨奶昔🥤，有少少失望🥺「玫瑰酸尾尾」🌹 （$29）玫瑰味都幾香，有少少酸味😣，但係都同玫瑰味夾得幾好，算係比較好飲😋「卡邦尼意粉」🍝 （$45）認真呢個價錢呢個份量，真係冇得輸😤。味道十分之正常😌，就係平時食開卡邦尼意粉嘅味道，但係份量真係好驚人😧，而且配料都好足夠，只係$45真係邊度搵呀，值得推薦！👏👏

同朋友去開深水埗，之前都聽聞過一間性價比高嘅小店，一於去幫襯下兩個人叫咗兩樣野，份量我覺得三至四人份量香蒜白酒蜆肉意粉$39呢個係全場最抵食，份量多，蒜蓉🧄蜆肉都好足料芝士火腿牛角包🥐$29 + 薯角加紅茶$22(套餐)牛角包好好味又焗到脆身，薯角份量亦好多，仲淋咗啲蜜糖，正

陪婆婆係附近見完社工後，時間又唔上唔落，就諗下去邊填下肚行行下，諗起一間周不時會食既西餐廳，大件夾抵食 ~ M.Y Majesty香蒜蜆肉意粉 $38推薦：極大份，3-4人份量，足料 多蜆。意粉硬度適中，乾身 冇咩掛到啲汁，蒜味略淡，味道中矩中規。鴨胸墨西哥卷 $29 / 套餐 $51推薦：墨西哥卷：頭尾餅皮偏硬，入面有鴨胸+極幼沙律菜，整體口感 入口脆 咬落軟綿綿，配合埋燒烤醬汁，都算 配搭得不錯 及 有層次感。蜜糖薯角：蜜糖唔均勻，有啲炸得好乾身，作為炸物愛好者，覺得非常好食。