Video
5-min walk from Exit C, Causeway Bay MTR Station
continue reading
Payment Methods
Other Info
Wi-Fi
Alcoholic Drinks
10% Service Charge
Live Music
TV Broadcast
Above information is for reference only. Please check details with the restaurant.
Recommended Dishes
之前行過已經想食㗎啦，所以今次一於捉番男朋友過嚟一齊試由於我地7點到就去到，時間尙早，所以人唔多不過愈坐愈多人，如果想傾計談心嘅，不妨早啲過去！食物種類都算多，有Burger、Pasta、Pizza，仲有扒据，真係花多眼亂！哈哈不過由於我地食完下午茶先嚟，所以今次都係以小食為主呢款係香煎鵝肝多士配無花果醬$148。鵝肝食落外脆內軟滑，一啖入口，油分慢慢滲出嚟，配埋多士同無花果一齊食，感覺清新得嚟亦無咁膩，唔錯之後呢款係香煎北海道帶子鮮果藜麥沙律$158。潮流興食超級食物，估唔到酒吧都追上潮流，整咗個藜麥沙律帶子燒得好靚，火喉啱啱好，外層脆脆地咁，唔錯之於藜麥沙律口感比較濕潤，入面仲食到啲青蘋果，成個菜都好健康，啱女仔食最後再一人一杯Margarita $78，一路食一路飲，再一路吹水正！如果日日都可以咁就好啦！
continue reading
由於想同朋友慢慢傾計，所以今次㨂咗間酒吧食飯，貪佢坐幾耐都得嘛環境唔錯，由於時間尚早，人比較少，所以我可以同朋友靜靜地傾計，唔錯先叫咗個墨西哥芝士焗粟米片$108，焗得好香脆！另外佢仲有3款醬比你沾：酸忌廉、牛油梨醬同蕃茄莎莎，我最鍾意酸忌廉食落好開胃，送酒一流另外仲叫咗隻燒德國咸豬手$208！大大隻，皮脆肉嫩！又係送酒必備如果自己唔識切，侍應仲可以幫你切，好細心！加分同埋佢啲薯條係我最愛嘅粗薯，特別有口感！讚呢啲酒吧當然唔少得叫飲品，我呢杯margarita 沖得幾好，酒味唔算太濃，易入口，適合女仔！有時幾個朋友坐低傾吓計、食吓嘢、飲番兩杯咁，就係我最大娛樂
continue reading
難得早收工，約左同事去Happy Hour，見M1 Bar & Restaurant 環境幾摩登同舒服就試下。叫左香蒜辣椒欖油煎虎蝦做小食，薄到有如紙一樣既香蒜炸到脆卜卜，經過欖油煎過既蝦，吸左欖油同香蒜既香，辣椒仔既辣，蝦又大隻，蝦肉又爽同彈牙。我自己將蝦肉連同蒜片放係法包上面一齊食，香脆法包吸左欖油更加香，有如小漢堡。吹完水見肚餓，索性食埋晚餐。西班牙黑毛豬比薩，濃郁芝士味撲鼻而來，新鮮火箭菜平衡左肥膩既感覺，黑毛豬果然正，肉富有彈性，而且好香又唔太咸，做到外脆內鬆又唔滯。最後個美國安格斯牛肉芝士漢堡配薯條，牛肉大到有如牛扒，而且肉汁多到一路食一路滴，好juicy，值得一讚係個包，用左日本竹炭，相對比較鬆化，加上烘到少少脆，係外脆內軟，承接晒牛肉滴出來啲汁，唔會浪費。間餐廳仲好貼體，食物慢慢送上來，方便大家吹水。
continue reading
M1酒吧是在行頭間頗有名氣的酒吧，過往只有小量小食與各式各樣的酒精飲料供應，但在銅鑼灣的M1卻以酒吧餐廳為主題。店內樓底很高，感覺很舒適，餐廳內有塊黑板寫上每天所供應的生蠔和特色菜式。我們先點了4隻生蠔加兩款cocktail。用叉戟生蠔的裙邊可得知不算太新鮮，而cocktail上的菠蘿味道也怪怪的。後來點了道香煎鵝肝配無花果醬，香脆的風乾火腿片筆直地豎立在鵝肝上。多數餐廳都會以紅莓醬之類比較酸的汁醬平衡油膩的鵝肝，但M1就用了味道較淡的無花果襯托，不會搶過鵝肝的香味，再加上風乾火腿片大大提升整體味道後勁。主菜則點了雙層墨汁墨魚餅烤菠蘿漢堡。厚切薯條十分香脆，但漢堡的包除了墨黑色之外也沒甚麼特別，中間的扒也略微過乾，可能包被疊太高，每口都漏掉了餡料，未能享受整個漢堡的味道。其實餐廳定位是比較高級的路線，需要在食物菜式上再下苦功，個人比較推介香煎鵝肝，而其他並未能顯出其獨特性，希望日後能有所進步。
continue reading
放工最岩chill一chill 銅鑼灣呢間bar & restaurant水準唔錯 兩丁友飲杯野吹下水好relax 其中墨魚餅漢堡好好食 仲好食過burger專門店！#雙層墨汁墨魚餅烤菠蘿漢堡 $108 用竹炭包做漢堡賣相好型 仲好有內涵 有兩塊墨魚餅 黑白各一塊 配上泰式辣醬 酸酸甜甜呢個組合已經冇得輸 塊菠蘿係新鮮菠蘿 唔係罐頭貨 厚切爆汁 成個burger好好食 質素好高😍#煙三文魚pizza $128 12寸既大pizza 但批底烘到脆卜卜 好似食餅咁 唔會好滯 煙三文魚份量大方 唔太咸 好食 dor食左大半個😋#56度低溫慢煮烤香橙黑醋西班牙黑毛豬肋骨 $98 個名好似好巴閉咁 不過燒得太乾 麻麻地 *****************************M1 Bar & Restaurant地址：銅鑼灣告士打道229-230號宇宙商業大廈地舖
continue reading