有得餃 (Moved) New Location

講左好耐終於食到依間'有得餃'啦😋自己本身好鍾意食餃子，我地叫左兩款餃子、一款炸餃、一碟炒麵同埋芝士煙肉簿餅，全部野食都係即叫即整，好新鮮好好味！個簿餅一黎到我地4個就食灑啦，可能太肚餓ge關係啦，但真係好好食，再加上好夠脆！其實我地4個見到間鋪頭入面，有好多種野食都想試，下次絕對會再幫襯！值得一提ge係，個西洋菜餃子可以再encore，因為少許味甘同配搭得好好味，加上自己本身好鍾意食西洋菜相反，個韮菜餃子就比想像中一般啦🤔因為食唔到韮菜ge香味，可能唔夠多韮菜掛

幾次到訪有得餃啦 這次帶友人試試留肚食甜品所以無叫好多藥膳雞腳湯 $44 必點最愛秘製上等德國醉豬手 $54 OK愛吃醉雞一類的應該會很愛 汁料是一樣的酒味足但不太夠凍野味温室番茄豬肉餃 8隻 $39這次坐室外 下過雨有點熱 昆蟲也比較多吃飽飽就轉戰甜品了 而 這就是 家的味道（不修邊幅？）

餃子的食評大家都寫了, 我寫下非餃子的食評, 星期六叫了一個油渣麵+腩肉, 價錢大約50元.麵條好食, 湯底都可以, 但油渣完全係差差差, 有幾差, 大約係炸了就舖係麵上面, 無用湯再煮下的, 可能呢個係上海做法啦, (因為寫住係上海油渣麵), 但可惜真係一D都唔好食囉, 所以我只食了兩條就放棄了.另外,  腩肉亦一般, 味道係OK, 但乾身的, 應該係煮好之後放係一個大盤, 面頭個層放到乾晒 (大約甘的情況).另外, 小店的風格大店的收費, 兩碗麵+一個小食+兩杯豆漿, 已經160元以上, 價格唔係相宜囉.招呼方面, 無乜招呼, 唔算好壞, 但好在無乜味精, 食了之後返到屋企都唔口渴.

一直都想試下呢間餃子店，每一次經過都見到間舖都見到出面有一大堆人。今次又係未夠7點終於見到佢唔洗等位，梗係要入去試下係咪真係咁掂啦。既然餃子係主打，餃子就一定係走唔甩啦。兩個人叫左一個麵，一款餃子（8粒）同埋一碟油。叫左個炆腩肉撈麵，炆腩肉好入味，而炆腩肉當然係有d肥啦，好食嘅話肥少少間唔中食下都唔緊要啦！麵條係粗身嘅麵，唔會煮到過淋，撈埋d腩肉汁一齊食都唔錯。最後我加埋點餃子嘅醬汁一齊食，酸酸地仲開胃wor！五花肉嘅份量都唔少，兩個人share 食就唔唔會話太膩。餃子叫左田園香茜花木耳豬肉餃。豬肉餃皮唔算薄，亦都唔算太厚，可以接受，餃子餡亦都算好多，加埋佢個酸酸地餃子汁好開胃啊！餃子個賣相雖然係平平無奇，食落一d都唔失禮，加埋佢既餃子汁真係唔錯。佢既餃子汁仲可以揀辣同唔辣，我揀左唔辣。另外叫左碟油菜，一上枱有成半個菜咁多我都有d嚇親，好少見舖頭叫油菜會有咁多！落單嗰陣姐姐仲問我地要唔要走油，好細心。餐牌上面仲有好多唔同嘅餃子，搵日要再過嚟試多幾款先得。

店舖小小，但食物款式多多......除了有多款不同的餃子之外，店內還有很多款小食，如: 口水雞、豬手、手帕青瓜、煎餅......., 最特別的是還有藥膳雞腳湯。店內的餃子有特別配製的辣汁，配合餃子吃，能提昇餃子的鮮味，絕配！

今朝突然想食餃子，我姑奶話呢間好食，一於就去買黎試下由於佢即叫即整，所以需要得大約20分鐘椰菜餃子好味😍😍😍😍由於外賣關係，加近我返工地點，唔會咁快凍，呢20分鐘值得等，好味，新鮮黃金煎餅呢知就凍左d😣賣相一般，但聞就一流😍好香口同味道唔錯😍呢間會回頭😍👍🏼

搬咗入嚟元朗都三四年喇，對上一次食就係啱啱搬入嚟無幾耐，佢啲餃除咗名目比較多之外，味道其實無乜特別，印像中個餃皮好似仲幾厚吓添，最正其實係佢個汁啫，今日睇報紙見到佢有份搞快餐車，先至令我醒起佢嘅存在。不過唔知係咪因為用咗啲人手去搞快餐車嘅關係，佢哋呢間舖嘅人手明顯有啲緊張，做仔嘅喺廚房密密做之餘，仲要出埋樓面招呼人客，真係戥佢辛苦；媽咪就主要負責樓面，人年紀大咗手腳自然就無咁爽㗎啦，阿仔見到阿媽手腳慢就喺度詐哂型，不留情面咁樣喺啲客面前燥阿媽。嗌咗個秘製醬汁撈麵，加咗四隻蒜香萵筍豬肉餃，個麵嗌咗中辣，個秘製醬汁酸酸辣辣咁勁開胃，蒜味又夠哂重，個餃食到粒粒爽口嘅萵筍粒，不過如果豬肉嘅比重多番啲我相信會更好食，個餃皮 keep 住都係咁厚，呢個就係我幾年後先再嚟第二次嘅主要原因喇。不過不得不讚口水雞上面用醋醃過嘅蒜頭粒，令到個口水雞生色不少。

今晚同朋友黎到位於元朗千色廣場附近嘅有得餃，係一間餃子專門店。有各種顏色嘅餃子，五顏綠色嘅蔬菜餃，任君選擇。我叫左個秘制醬汁撈面，少辣，係店嘅自家制撈面。未撈之前，醬汁汇集於面上，醬汁入面有蒜蓉，好香嘅蒜香味扑鼻而来撈好之後，顏色變靚左，感覺都好味左，個汁酸酸地，好好味，好開胃，即使飽都唔會有濟嘅感覺。面嘅質感唔錯，餃子大大隻，味道都唔錯。

話說呢間位於元朗嘅小店《有得餃。 媽媽水餃》開咗美食車，以至聲名大噪， 多咗好多人嚟排隊。不過我想講， 《有得餃》除咗餃子了得之外，其他嘅嘢食亦都非常出色。【 口水雞】 例牌$49，雞肉嫩滑， 口水雞淋有鋪頭特色嘅酸辣香蔥茜醬汁，更加上麻醬，食落酸酸辣辣，非常之惹味。口水雞上面佈滿大量嘅蒜蓉粒，蒜香味十足，令人食都上癮。【 芝士煙肉薄撐】$43， 第一次食，估唔到咁出色。薄餐煎得非常香脆，滲出濃濃嘅芝士鹹香， 而且亦有煙肉脆片增加香脆口感，裏面嘅香蔥亦非常多， 香氣十足。可惜美食車仔只有餃子選擇，想試嘅朋友就要專誠到元朗舖頭食啦。P.S. 可能美食車令人手緊拙，舖頭出現唔夠人招呼嘅情況， 大家要畀啲耐性啊~

［有得餃？］有得餃係B仔附近嘅餃子小店，鋪仔細細，次次星期六日下午去食都要等下位，特別係多過兩個人，佢啲位都幾逼下。店鋪老闆娘係個好媽媽樣嘅女士，入到去見到貼喺牆啲雜誌都有佢個樣入得去就一定要食餃，最lile佢香菇餃，佢啲餃唔係sell皮薄架，係當飯食，食完好飽肚。再加個粟米餃，粟米好甜。雞中翼就有少少唔夠入味。薄撐可以一試，佢個邊邊煎到脆脆的，熱辣辣咁放入口超香口！因為今次4人行所以再加多個面就夠晒飽飽了！

聽聞有得餃去搞快餐車，佢啲餃子確係高質素嘅，絕對唔會丟我地香港地道美食嘅假。今次買外賣返屋企食，係芹菜豬肉餃，有得餃嘅餡料向來新鮮，新鮮就自然芹菜味強啦，芹菜同豬肉嘅比例係三七比，咁就有芹菜味又有豬肉味啦。

話說上次去朋友屋企打邊爐，朋友專登去元朗《有得餃》買咗啲生餃食。呢隻餃子未煮已經脹卜卜， 煮好後一試，果然係正嘢~今日經開元朗《有得餃》， 就買咗份煮好嘅返屋企在再品嚐。 呢度嘅餃子有成廿款咁多 ，而且味道非常之特別、創新。除左食開嘅白菜韮菜餃子外，仲有啲pizza、咖哩雞味餃子。今次揀咗芹菜豬肉餃， 一份8隻拎走，$38。由於要佢煮，所以都等咗五分鐘。一番到屋企，聞到點“宿宿哋”嘅味，再望真啲，原來呢浸酸酸哋嘅味係黎自隨餃子附送嘅辣椒香茜醋醬汁。 一食第一口， 香芹味非常濃郁，餃子餡料溢出 。豬肉唔會太肥，點埋個秘製醬汁酸酸辣辣，仲有好大陣蒜蓉芫茜味，勁正~~不過食完之後,口臭咗成晚。 下次一定要試埋其他嘅味道先得， 鍾意食餃子嘅人一定唔可以放過。

老遠入到來元朗，同事推介不可不食的餃子，果然沒有令我和老公失望，餃子皮薄餡靚，西洋菜餃和粟米餃都好味，再配秘制辣汁，這醬汁無論配餃子和麵都同樣出色

唔知係咪女仔特別鐘意食水餃啊雲吞啊依類 一啖可以食到菜啊 肉啊 澱粉啊!最緊要係又方便又平❤今日大胃D又黎同大家覓食元朗😎 #小店介紹 #有得餃 #媽媽餃 依間好多元朗地膽媽媽都食過 一致好評👍我雖然未做人媽媽但食好西係我既嗜好😈我地叫左 #野味韮菜豬肉餃 好大粒!一啖一個得既 但唔夠斯文唔襯我😂餡料都好多 唔錯!但煮太耐 皮有2隻都爛左 不過自家製就無所謂啦 所有餃子都配有個汁一齊食既 咸咸地dd辣 唔夠辣既仲可以加個佢地自家製既辣椒醬 依個真係不得了 後勁凌厲🙈#姨臣炒麵 ❤ 本身唔知咁好食 純粹因為叫 #Eason 我偶像所以嗌黎食😂其實睇落同食落似撈麵多過炒麵😗食落甜甜地 都唔錯👍#芝士比薩炸餃好膩 好滯😓不好吃 似係普通蕃茄肉醬味 同行既話佢個 #德國醉豬手 幾好食 同埋又唔貴 下次我都會試埋其他小食同餃子✌

從小到大，我對餃子也有一種情意結。小時候，若媽媽說要包餃子，我們三姊弟便會興奮莫名，因為覺得有得食又有得玩。長大了之後，雖然已沒有再一起包餃子，但一提起餃子，便會勾起我的快樂回憶住元朗的朋友知道我喜愛餃子後，便特別介紹一間小店給我，名字很可愛，叫「有得餃」，說一定不會令我失望！那麼有把握？好吧！試一試好了！店鋪小小的，只有幾張桌子，比較適合2-4人一起吃。若人較多，恐怕室內位置不太夠，那便可能要選擇坐室外了。菜式沒有很多 ，從店名已經知道，這裏最出名的是餃子，可以選擇烚餃或炸餃，各有特色！我們先點了一個和風玉米豬肉餃（$37/碗），粟米大大粒，又香又多汁，配上他們特製的醬汁一起吃，辣辣的，不錯！吃完一碗不夠喉，我們再點了另一碗野生冬菇有機白菜豬肉餃（$37/碗），名字確實有點長，哈哈，不過絕對貨真價實！咬下去後，可以清楚看見內裏的白菜、豬肉及冬菇，新鮮好味又清新，難怪會自稱為水餃專門店。除了餃子好吃外，其實其他東西也不錯！好像這個芝士煙肉薄餐（$40），薄薄一塊，非常外脆香口，還未放進口，已經可以嗅到它的香味了！另外這個天旋地轉雞中翼（$35）仍是不得不提的！名字改得有趣，其實即是醉雞