澳葡牛奶餐室 (Closed)

最愛豬扒早餐，食返它初開店時的味道，早前段時間的豬扒味道比之前重，而且肉質比較硬，今次的肉質鬆軟好食。第一次遇到奶茶返熱服務？！侍應放低奶茶後，轉頭跟我說杯奶茶暖暖地唔夠熱，幫我攞入去返熱。返熱奶茶後，杯奶茶像拉茶，多了些泡，但變深色咗，沒了奶的滑，茶苦澀了一些，希望下次有改善。期待下次試瓦煲奶茶！！

昨日經過汝州街試左呢間餐廳，點知食到成肚氣出來。負責落單同收錢ge呀嬸，做事錯漏百出又係咁搵藉口，總覺得自己無錯。事原一開頭已講得好清楚要午餐X，同佢再確認左個餐係送葡撻同熱飲。點知出單後隔咗一陣望一望，熱飲加左$6。話比佢聽又話我地個餐可能唔跟？？吓無幾耐先問完你，咁快失憶？我攞個餐牌比佢睇返，佢話部機出錯....好，算。（一句唔好意思都無）。 跟著來葡撻，放左幾分鐘跟著又話我地個餐無葡撻？？同佢講話我地個餐係有的，但佢都照攞走左比另一張枱。佢再望望張單先叫廚房整多個葡撻。 之後，佢又攞錯兩次食物過來，望望張單又攞走左。呀嬸其實已經望左張單好多次。 最後，埋單時個呀嬸問八達通定現金，好清楚話八達通。佢又㩒錯制話㩒左機現金找數。搞左好耐又唔識取消單，跟著又㩒左個比我個餐更貴的價錢先可以八達通比錢。我話，我個餐唔係呢個價錢。佢大大聲話我比左再退收多左啲錢，（吓，你又唔早講？)。 食物方面長話短說，唔好食。 總結：呀嬸侍應服務態度驚人，做事錯漏百出亦不覺自己有問題。食物唔好食，杯茶走非常難飲。 香港服務就係呢種人／餐廳搞彎曬，一定不會再光顧。

經過门口被熱情阿姐推介新出沙煲奶茶所以入去一試,以前試過同一條街的分店,覺得十分麻麻,所以很久沒有再去了,今次抱著一試心情入去覺得十分不錯,沙煲奶茶有很濃郁的茶味,下午茶的蔥油豬扒飯都不錯,豬扒唔鞋,阿姐推介葡撻,加10元就可以,所以叫了一個試下,覺得十分不錯,不是太厚的皮做得酥脆,蛋亦有香味,而且服務的阿姐十分熱情,不停在門口招來客人,而且很有礼貌,在今時今日的香港十分少見,非常敬業樂業,如果香港大部分餐廳的服務員都是如此,就不會那么多人北上消費了

🍚 翻開menu，首選葱油金沙髀飯，簡直係屋企飯舖級別。金沙蛋黃撲滿炸髀，外皮香脆得嚟啖啖撲口，鮮嫩雞肉配葱油撈飯，聞落都飽哂！然後，就係葡汁牛脷焗飯嘅時候，牛脷正宗香口，焗得出面金黃，入口即溶，葡汁汁嗲得嚟滋味滿滿，攪拌飯底，過癮呀！🍴韭菜餃，好似小寶藏咁！炸得金黃脆卜，咬落去鮮味逼人，啱哂夾啤酒吹水。飲品方面，宇治金時鮮奶，實屬清新，紅豆又甜又腍，傳說中嘅社交媒體打卡聖物嚟嘅！最後，甜品篇章就輪到雙皮奶同杏汁燉奶輝煌登場，雙皮奶滑溜溜，富奶香到令人喉嚨哀戚，杏汁燉奶則甜得剛剛好，飯後甜品怎能少得了它們？💯 总结，呢間冰室絶對係平民化中嘅極品選擇，帶點小情懷點小思念，街坊味依然未改。下次行過深水埗，記得留肚食呢度啊！👍🏻

出黎深水埗食tea，附近間間都多人等位，就揀左間無人等兼入面有幾張吉枱嘅澳葡牛奶餐室，此澳牛不是彼澳牛😆大家嘅聽覺都有啲問題，無法聽到店員問咩，而我落單嘅內容店員亦聽不懂，真係廢了好大勁先落到單，不如餐廳考慮整返個qr code😂⭐蕃茄濃湯牛脷米線朋友點嘅蕃茄湯米線，濃湯欠奉，個湯底基本上無蕃茄味，橙色的清湯😂牛脷煎過味道正常，米線無過淋ok嘅，但如果想食米線的話我就唔推介了。⭐紅豆西多士好失望嘅西多士，單片薄切麵包，有用蛋漿浸過先炸嘅，但無味㗎…紅豆好硬又唔甜，下面有啲白色水但又唔係煉奶黎，感覺似紅豆冰拎返出黎嘅紅豆😂⭐熱檸水全餐最正常嘅野，有三片薄切檸檬浸滾水，穩陣之選👍見餐牌寫住加十蚊可以有葡撻，而葡撻又係呢間嘢嘅招牌貨，就諗住加一個啦，點知店員話買曬冇啦😂可能米線同西多士都唔係澳葡名物，叫錯野食了，呢餐真係堅失望…題外話：枱面、櫈、用具、餐牌都痴立立，希望店家可認真清潔一下💦

今日食完我就話你知，澳門菜樣樣正！啱啱食完個「巨人豬扒包」，又靚又飽肚，雞扒厚咁有得㨂，肉汁滿溢，好過癮！啲餐包又香又軟，一啖咬落去簡直係口福啊。🍔 話說返個「炸馬介休球」，咸香咸香嘅，外層脆卜卜，入面嘅魚肉又彈牙，啖啖肉感，食得我停唔到口。跟住試咗個「金沙雞翼」，哇！間間雞翼塗滿咗一層金黃嘅蛋黃酥粒，香口得滯，轉頭一想，仲想再嚟幾隻！🍗最後，點咗份「自家製雙皮奶」，滑嘟嘟嘅口感真係話不得啊，每一啖都充滿咗牛奶嘅香甜，完美收尾！真係飲茶好去處，感覺得到老闆喺食物上面嘅用心同堅持，下次仲要再嚟試埋其他嘢！🍮啱晒搵平民價錢但享受高級味道嘅你，記得唔好錯過呢度喇！

行過深水埗唔知食乜好，見到個招牌好吸引，所以入去一試，叫咗個下午茶豬扒包加沙津，唉….. 個包同豬扒又唔熱，塊豬扒又有筋，杯凍咖啡完全係街邊口味，總之超級十分難食，回水呀⋯⋯！

週末將至，計劃約朋友出來放鬆，互訴生活中的大小事，朋友想行街購物之餘，又可以食晚餐，於是大家多番決定之下，來到地點人流很旺，交通四通八達的深水埗「澳葡牛奶餐室」。餐室主打澳門同葡萄牙菜，每日鮮製雙皮奶，薑汁撞奶，杏汁燉奶等，葡撻也是每日鮮製。葡汁雞皇焗飯葡汁雞皇飯焗飯入面有雞球、洋蔥、薯仔等，雞球口感爽滑，配醬汁好夾，不會太多油膩，十分惹味，齒頰留香。巨人豬扒包賣相吸引開胃，厚切大塊豬扒，食落啖啖肉，肉質嫩滑，彈牙豐盈，配上生菜及番茄，麵包好脆，恰到好處，喜出望外的美味。葡撻剛出爐葡撻，蛋香又香滑，酥皮好脆，牛油味重，滿載的味道清新，別有一番風味。薑汁撞奶薑味適中，食出有點甜味，潤一潤口，食飽後用來消滯，令人心曠神怡。澳葡牛奶餐室（深水埗）地址：深水埗汝州街213-217號捷興大廈地下B號舖

星期六同朋友去開深水埗買嘢，食埋晚飯先走，見到呢間茶餐廳幾光猛乾淨，就入去試咗。呢間茶餐廳有一啲係澳門食物，比較有特色。巨人豬扒包$41- 真係巨大，塊豬扒勁長又厚切，口感好好保持到肉汁，個包焗得好香，外脆內鬆軟，上面嘅芝麻大大加分，裏面夾咗生菜蕃茄👍🏻香炸韮菜餃$38- 韭菜餃炸得勁香脆，餃子皮係勁薄脆嘅嗰一種，裏面嘅韭菜餡Juicy惹味😋咖喱魷魚$45- 魷魚好大碟，幾爽口，但係咖喱汁略嫌比較淡口，好彩加咗啲辣油，比較惹味。蘚茄厚切牛脷焗飯$75- 呢個焗飯幾有驚喜，鮮茄醬汁真材實料，食得出唔會係味精嘅味道，淡淡鮮茄香味。牛脷預先煮得好淋，唔會乾硬，加上焗飯有一啲芝士，少少奶香，撈埋茄汁蛋炒飯好好食😍咖喱牛坑腩飯$65- 呢個就正常發揮，牛坑腩淋嘅，但係又未到好鬆軟嗰隻，咖喱味正常，咖喱汁撈飯都係冇得輸嘅。熱薑汁撞奶$28呢個甜品好懷舊，薑汁撞奶傳統簡單嘅甜品已經好好味😋奶香加上薑汁嘅清香，食完好滋潤嘅感覺。

到外地旅遊，去鴨記買咭，款式多，抵好多。順便搵SSP朋友晚餐。朋友介紹隔離街道的餐廳。因為朋友將來超過五年也去不了澳門，所以佢想食澳門菜。在卡位就座後，要做最重要的事:點菜。 炸馬介休球葡萄牙鹹魚溝薯蓉再炸，在馬交的葡國餐廳's，以及澳門茶餐廳's 必定供應。 巨人豬扒包以往多次到馬交氹仔也沒有嚐過 ，只因氹仔果間質素下降，豬扒肉質唔靚囉! 但看到餐廳餐牌大大張圖片 ，頗吸引，朋友又嚷著要食。芝麻包包中間夾雜勁多菜蕃茄，還有酸酸甜甜的醬汁。     豬扒沒有梘水味，我喜歡。而且唔乾柴，容易咬，沒有出現攝牙隙。 葱油金沙雞脾撈丁          生炸脾，我所欲也。葱油撈丁，友人所欲也。所以點這款。 因為朋友未來這几年，應該很少機會食到/買到丁丁。炸脾和葱油丁分開上碟，二款味道就不會混在一起了。麵類煮過後容易粘在一起，先把葱油跟丁丁拌勻，免得結成一餅餅。鹹蛋黃炸脾粉漿夠薄，不是厚粉扮大隻。炸皮表面有層鹹蛋黃，只是不夠鹹。雞脾肉先天無得輸，總之肉質滑滑。雞肉有底味，估計醃料有落酒。 葡汁雞扒焗飯顏色好似咖喱但唔辣的葡國雞飯，在澳門餐廳老是常出現。其實葡萄牙當地沒有葡國雞嫁! 葡萄雞係正宗澳

澳葡滋味 食過翻尋味！昨日剛巧在深水埗區附近見客 同事突然醒起我係半個澳門人 🇲🇴 問我附近有咩好食🤭 我就帶左佢去深水埗有兩間分店嘅澳葡牛奶冰室😌✨ 我同過澳門人爸爸食過好幾次 每次都好心滿意足💓今次益下同事帶佢去見識下🤩兩個人被安排坐係四人卡位🥰澳門人嘅幸運👍在揀食咩時 見到餐廳加左幾樣新items落menu😏 居然有金沙薯條！！oh my god😍⭐️ 金沙薯條($15)薯條係採用正宗冰室嘅粗薯條🍟 每一條都炸至金黃色 口感香脆 💛 薯條每一啖都被香濃嘅咸蛋黃沙沙地包裹著😊😊好鬼正⭐️ 蔥油雞扒撈丁($48) 撈出前一丁以足料蔥油拌麵 一上桌已聞到好香好香 雞排肉質嫩滑 完全不會老👍 而且兩隻煎蛋都煎得好靚仔 🍳 真係呈現流心半熟蛋嘅形貌💓讚！⭐️ 吉列大蝦蛋蓋飯配 照燒汁 ($68)首先 個蛋蓋飯真係整得好presentable 😍 滑蛋勁大又fluffy! 入口嘅蛋香係100分 💯 同埋餐廳毫不吝嗇 比足四隻吉列大蝦🍤 配埋個照燒汁食 甜甜的很易入口 不會油膩👍⭐️ 馬介休球(兩個）($24)炸馬介休球可以講係成個晚餐嘅一大精髓❣️兩個球烹煮得十分好 外層炸得很脆 入面仍保留濕潤 每

前排同屋企人去左澳門，對於澳門嘅美食～意猶未盡！有日去左深水埗行，經過呢間主打澳門葡式菜嘅冰室，即刻拉埋屋企人繼續食😋冰室價錢好親民，所以忍唔住咩都嗌咗黎試吓😂澳門美食之一定系豬扒包，所以見到佢有個巨人漢堡，即刻嗌個嚟滿足下～真系超巨型，成座山咁高🍔食漢堡包梗係要配埋薯條，所以就另外嗌多份金沙薯條，咁大碟都只係$28～另外仲嗌咗幾款小食，最驚喜嘅係竟然有炸馬介休球，連經典澳門葡式菜都有～而且價錢只系$38，超抵啊！最後當然要嗌d 飯後甜品，有雙皮奶同埋葡撻😍好滿足！唔講真係以為自己去咗澳門一轉，一間餐廳集合晒好多澳門葡式美食👍🏻

唔知道幾時開始，香港好似越嚟越難食到正宗嘅澳門食葡國菜好多打正旗號，有澳門兩個字嘅餐廳，都根本食唔到澳門嘅味道今日喺深水埗行街，就俾呢間茶餐廳嘅雙皮奶吸引。再細看餐牌，哇有好多澳門小食同菜式，所以即刻入去試一試。先點左個巨人漢堡，下午茶時段叫嘅話仲有埋薯條！佢係一個超巨型嘅豬扒包，但係用上咗漢堡包嘅麵包；重點就放咗喺個豬扒上。塊豬扒又大塊、燒得又香，非常推薦跟住我見到竟然有馬介休球！二話不說點來試試相比起澳門，佢哋嘅馬介休球更大粒。咬落去薯仔非常軟身，每一啖都夾雜着葡萄牙鹹魚嘅香味，立即有自信係澳門街道嘅感覺！今日我仲試咗葡式焗西蘭花同埋好吸引我嘅薑汁燉奶我兩道餸都好好味呀！總體呢道味道真係比港式嘅茶餐廳有個人特色，份量又大CP值高，真係非常驚喜

雖然呢排開咗關，但係都仲未有時間過到澳門🇲🇴食美食行完鴨寮街都要搵間餐廳🍴醫下肚見到一間葡式茶餐廳入面有得巨型豬扒包,即刻入去試吓☺️☺️☺️巨人豬扒包$41應該係平時豬扒包嘅兩倍大😇入面有兩層嘅豬扒🤤兩個人食非常之足夠，豬扒醃製得好香，味道啱啱好😍葡汁魚柳焗飯 $65 焗飯嚟講性價比都算高😁好香嘅葡汁，配埋香脆嘅炸魚柳，熱辣辣一啖一啖，食到停唔到口瑞士雞翼 $33顏色上得好均勻，肉質鮮嫩，一定要叫既一個小食香炸韭菜餃 $38主要係韭菜餡料為主，個皮夠薄，同埋揸炸得好爽脆，要趁熱食☺️冰鎮奶茶🥤$12香味濃郁嘅奶茶，用冰鎮住，唔會俾啲冰溝淡咗奶茶嘅味道，飲到底都依然好濃烈😇值得一試

👧🏻😋👅🍽✨港澳風味齊全抵食-澳葡牛奶餐室🇭🇰 深水埗汝州街213-217號捷興大廈地下B號舖 🇭🇰-🇵🇹個名叫得澳葡, 緊係有好多葡國特色野, 豬扒包, 葡撻, 雙皮奶, 雞皇飯等等🇲🇴下午茶去到6:30超好! 食個early dinner可以試多啲款同抵食啲-🍔👐🏻巨人豬扒包 配薯條 $46 (下午茶餐)💯真係巨! 同我個頭一樣咁大🤣 入面係經典burger既生菜番茄, 當然唔少得熱辣辣既豬扒💯個包超脆!! 仲好香芝麻味, 薯條又係好經典既粗身波浪形-🐠 炸馬介休球 $38✨原來馬介休係葡國菜既主要材料, 超薄既炸皮包住滿滿既醃製鱈魚, 質地軟棉棉仲好鹹香!-🥟 香炸韭菜餃 $38💯睇個樣以為會炸太勁會好拮口, 但原來咬落係薄脆, 炸餃都幾特別!💯韭菜同肉碎好juicy, 肉夠肥, 正🤣-🍜 輕量蔥油雞扒撈丁 $46 (下午茶餐)✨蔥油咁heavy好彩下午茶係細份啲✨蔥油好香, 仲有幾棵西蘭花扮下健康🤣-🧋冰鎮奶茶 套餐特飲 +$12💯用個透明冰桶裝住幾威😂 茶香唔澀都幾滑-☕️華田鮮奶 套餐特飲 +$12✨平時華田用水沖呢杯用奶沖？但的確好香奶味-🥧出爐葡撻 套餐加配 +$10 /