抹茶館 (Moved) New Location

最中意朝聖 考完final都唔例外 食完某某抹茶屋之後 嚟到抹茶館食甜品 覺得真係天上有地下無(==v) tiramisu整得好好 一層抹茶粉一層cream，d cream打得好正好實，甜度剛剛好。而parfait就反而又點hea，雪糕裏面居然有冰，仲要都唔少 冰係中間？！ 不過整體個texture都唔差，都比到60分佢

抹茶館，顧名思意，抹茶系推介重點！我女朋友話見到ig嘅抹茶館啲野「睇落好似好好食」，當然就系咁所以去左礸石山嘅抹茶館啦！同仲有兩個fd一行4人去左食！去到，完全唔洗等位，正！不過睇到個菜單款式唔系多！最後叫左杯「 曲奇牛奶抹茶 」，幾大杯，個樣ok，飲左一淡，發現系超級難飲，可能系我唔識欣賞，但系我啲fd都系話難飲囉！系苦果囉！飲左半杯我都想嘔，決定放棄！雖然我都好中意食抹茶 雪糕，但去到完全系兩回事囉！杯野$44仲未加一！姐系大約$50，講真我覺得果$50唔值囉！但系啲野食就未食過，唔知好唔好味！

平時都好易俾笑臉定喊臉，但呢次有點難。。。。有點矛盾。。。人地話明抹茶館，當然主打抹茶嫁la,係，呢間的抹茶產品的味道係好，香港來講，都算係“優”，但我要趕住食完飯去睇猿人爭霸戰，所以要一次過嚮呢度食埋正餐先試抹茶野，但食完一面一飯（同朋友share）之後，我地異同聲都話差。。。結果，我只能俾OK了事！黑麻油豬骨拉麵，面質扁淋身，無彈牙感，湯很一般，俾我形容，我會形容為平淡，溏心蛋ok，整體上唔似80蚊的拉麵!照燒雞扒温泉蛋丼。。。呢碗我同朋友一致話散食的！照燒汁超甜淋落d偏鹹的雞扒上，成件事好怪，怪到我豪不客氣地說是難食！雞扒都幾“鞋身”，與滑身的半熟蛋白又係好唔夾，要我俾呢碗野的分，十分滿分，我會俾。。。。1.5分，呢1.5分係俾隻蛋的，佢能做到3成熟的效果，滑之餘，有少許質感！古人話先苦後甜係啱嫁！食過兩樣唔好味既主食後，終於可以叫我最期待既甜品了！雖然全部都係抹茶的甜品，但都花多眼亂，個個都想試。朋友好有耐性左揀右揀咁等我選左2個，第一個係牛乳軟雪糕抹茶飲品，牛乳軟雪糕好香濃細滑，抹茶飲料非常濃，濃到有點苦澀，正正係我喜歡的濃度，嚮香港都無乜飲過咁濃抹茶的飲品。其實我覺得佢咁濃

嚟到鑽石山抹茶館時大概6點鐘，等咗大概10分鐘就可以入坐。可能因為多客人，侍應們無論落單點餐埋單都好似好急咁，態度一般。抹茶紅豆銅鑼燒紅豆蓉+栗子+忌廉，本期望哩個組合一定好夾，應該唔差，點知食落口實在太甜太膩啦，食咗半份已經食唔落而杯抹茶牛奶又太苦，都係飲咗半杯就無飲整體嚟講，對抹茶館啲食物水準頗失望，應該唔會再幫襯喇。

朋友是抹茶控，她在IG上見到朋友post相，便立即引誘我過黎試食。鑽石山對我地黎講有啲陌生，不過鋪頭位置勝在方便易搵 ，一出地鐵就係荷里活廣場。上到3樓轉左個圈就見到鋪頭。雖然我地係星期六下午茶時段大約3點倒到達，但大約等左20分鐘倒就有位。佢門口有個大大既餐牌，我同朋友研究左一陣食咩就入得去。環境就不過不失啦，冇咩特別，但都乾淨。燈光就較暗黃，但吾知佢係刻意定點，啲燈會時不時變暗。如果佢係突登設計成咁，只能說咪鬼多此一舉啦。飲品就叫左一杯白朱古力牛奶抹茶L $44Um.我就飲吾出有白朱古力味，純粹叫做牛奶抹茶算。甜品就叫左抹茶雪榚芭菲同黑密葛粉條。前者我就覺得普普通通啦，啲頂頂放左啲抹茶雪糕，但味道吾夠濃。後者抹茶味太苦啦，吾係咁岩我胃口 。飯方面我地就叫左滑蛋豬排丼，反而呢個幾好食，首先佢夠熱，豬排又吾會太林太硬。佢菜都吾少，因為佢有加啲醬汁，令到有啲酸酸甜甜既感覺。 不得不提佢果到既服務態度，首先鋪頭咁多人，但樓面得4個人，個個waiter都忙到死，我連係門口羅位都要等佢汁完張枱先有人比飛我。服務員一啲笑容都冇，木口木面，好似見多我一眼都吾想咁。我舉手想叫人羅隻碗姐，舉左勁

獨愛甜品，特登後試綠茶滋味 軟心朱古力抹茶芭菲 咬口軟心朱古力，入口即化再食抹茶雪糕，味道濃郁食埋餅餅同粟米片，豐富脆口又有忌廉及QQ水晶，質感軟腍多種味覺及視覺享受味道一流真係試過就知，獨沽一味都冇問題

與很久不見的中學同學相聚話明係中學同學, 住的地點自然相近,於是這天便"就地取材"到抹茶館high tea同學一直未試這餐廳就由我發板點了兩客抹茶甜品share抹茶TIRAMISU ($49) 8/10: 這客TIRAMISU之前就試過了, 水準保持得不錯, 小小木盒子裝着TIRAMISU, 面頭再灑上抹茶粉, 若每一下都切到底其實也不難每口都嘗到抹茶的甘香抹茶芒果芝麻布甸芭菲 ($59) 6.5/10: 芭菲的材料其實蠻豐富的, 由最頂層的抹茶軟雪糕, 芒果粒, 芝麻布甸, 到中層的忌廉和脆脆, 以致下層的抹茶啫喱和蛋糕塊, 整個造型也頗討好, 但這客芭菲的敗筆在於芝麻布甸的味道太濃, 輕易蓋過了下層抹茶啫喱粒的味道, 如果布甸份量減半而抹茶雪糕再多一點兒相信抹茶味道會更濃郁, 而且我們期望的是黑芝麻啦...看到這團白色的東東一開始真的摸不着頭腦, 總體來說是賣相勝於味道的甜品結語: 以抹茶為主打的食店來說, 抹茶館比起川善茶居, via tokyo等名店可說是攀不上邊, 但在這區來說, 有這種質素算是不過不失ENCORE機率: /5

話說同豬仔去依度食野係前排行緊見到，因為豬仔鐘意食抹茶或者綠茶既食物或飲品，所以就試下食依間啦雖然係星期日，但都唔係好多人等位，可能我係二人位，所以好快有位坐，或者忙得滯啦，見到張台仲有少少水漬，但小事，本小姐抹左當冇事，睇睇餐牌，本來想食下依度既甜品，豬仔話想我食飯咁就叫飯啦我叫左個香蔥芝麻生薑燒豬肉丼$69豬仔叫左個鰻魚滑蛋丼$89飲品就一杯白朱古力牛奶抹茶一杯栗子牛奶抹茶各都係R $39,L $44先講我個豬肉丼先，其實我又唔太覺得有芝麻響入面，但我同豬仔既飯都各配一個蛋花清湯，可能係俾我地當湯飯食掛，但又幾好食，個飯薑味好強烈，同埋豬肉細細片但入面會有兩粒好明顯既骨，食果陣要小心而豬仔個飯既鰻魚係冇骨架，幾好食到抹茶啦，係比較淡味d ，我果杯係栗子牛奶抹茶，所以有一粒栗子，而杯抹茶俾牛奶味搶哂，不過唔太甜就啱哂我飲鐘意佢cream cream 地既感覺囉獨係冰多左少少下次再試依度既甜品先

9:15pm 嚟到仲要等位, 皆因見到好多朋友情侶們食甜品飲杯茶主要係想坐下傾下計. 熱食其實都唔錯, 呢個商場入面都算好選擇. 今次試咗拉麵同沾麵, 份量幾多, 叉燒算ok. 沾麵個湯做得算唔錯. 抹茶飲品唔係太甜. 抹茶味唔會好假嗰種. 甜品亦都係唔會太甜, 賣相幾好, 只係水果份量略少. 坐得舒服唔會太迫.

上個禮拜約咗幾個舊同事出嚟聚舊，就近近地揀咗我公司附近嘅荷里活廣場食飯。其實一直都心癢癢想試《抹茶館》，因為見到佢 D 甜品好吸引，而且我本身幾鍾意綠茶／抹茶味，唔試過都唔安樂。打開餐牌，見佢飲品種類幾多，但好可惜非大部份都係牛奶抹茶類，對於好似我依類唔飲得牛奶嘅人，真係好無奈。於是我問服務員，可唔可以將牛奶轉豆奶，點知佢話唔得，認真失望！惟有叫杯「雪糕綠茶」，雪糕又細舊，抹茶味未至於淡，但濃返少少會好D～食物方面，都幾啱女士口味，而男同事則覺得唔多嘢揀！我就揀左人氣之選嘅「卡邦尼溫泉蛋烏冬」，而S 小姐就揀咗「吞拿魚三文魚親子刺身丼」。一般食卡邦尼意粉，醬汁係偏為濃杰，依個烏冬就好稀，搞到食落去有少少怪。S小姐個飯睇落唔錯，D三文魚都算新鮮～食飽當然到甜品時間喇！ 我哋分別叫咗「抹茶軟心朱古力芭菲」、「士多啤梨白玉紅豆芭菲」、「朱古力香蕉抹茶吉士銅鑼燒」、「抹茶軟雪糕白至餡蜜」D軟雪糕唔夠凍，嚟到已經溶溶地。而個軟心朱古力甜到cher 喉，最底嗰層好似係蒟蒻，就算有D抹茶汁，都完全無味！其他甜品，好睇唔算好食～ 試過一次已經夠！【總括食評】味道：好一般，抹搽味唔夠抹搽，完全嘥左「抹茶

店內用色都好有"茶味"留意看~牆上的裝飾是櫻花跟楓葉圖案呢一打開餐牌，我馬上就嚷著要點這款傳統抹茶♥因為在網上看到大家的食評...感覺好像好好玩似的~~而且價錢也便宜，只是HKD19!!!來了~來了~這個跟餐牌上照片看起來是有小出入，但跟圖的份量是一樣這是我第一次親自泡抹茶，為了減少失敗率，還是乖乖參考盤中附有的說明書好１倒入1/3水進裝有抹茶粉的杯子內２先用竹掃打圈攪勻 (垂直&僅接觸到底部 <-圖中是錯誤試範)３M字手勢攪拌至起泡４發現有柔和泡後就可向上提起，再享用抹茶我想是為了照顧像我這類又想試又怕苦的麻煩客人，所以當中附有兩顆丸子點糖後吃，真的有"苦中一點甜"的感覺XDD其實店內有好多款不錯的甜點，但我只有一個胃，吃不下那麼多...抹茶雪糕餡蜜♥雪糕綠茶味不算濃烈，配上周邊的水果/紅豆蓉，甜度恰度好處~每款甜點還有配有一杯茱莉花茶，老實說，這杯真的好好喝XDD 推介這杯配角茶~而杯子後那小碟其實裝有濃抹茶液，覺得抹茶味不夠時，就可加進甜點內♥

1. 傳統熱抹茶 $19 ~ 自己弄製, 要遵”M”手勢直至起泡, oh…好似唔太成功! 飯落沒什味道, 又唔太熱.2. 香蔥芝麻生薑燒豬丼 $69 ~ 味如有齊蔥味+芝麻味, 豬肉片肥肥薄薄, 感覺嫲嫲.3. 豬扒滑蛋丼 $79 ~ 豬扒大大塊, 輕輕灑上汁料, 味不太濃, 不肥膩.4. 抹茶白玉芭菲 $49 ~ 不太喜歡抹茶都覺得那雪糕好味, 加上粟米片混上cream來吃, 從未如此鐘意過. 而底層的綠茶啫喱簡直食不停口.

話明抹茶館就更係主打抹茶啦。一開始重以為D野食都係抹茶TIM, 原來D main唔係抹茶黎, 如果係既話會更有特色。 首先講番D關抹茶事既野飲先。味道唔錯。抹茶上面有cream同雪糕, 甜完之後有苦, cream既奶油味好足, 令到抹茶更滑, 但可惜冰可能加得太多, 所以其實抹茶味會淡左, 而甜味亦唔夠。野食方面反而比起佢地主打既抹茶更為好食。芝士蕃茄拉麵既蕃茄湯底既茄味非常濃, 同茄汁有得比, 而芝士方面, 面有一層焦, 應該有燒過。拉麵既口感適中, 唔會太硬而且帶點彈性。雞肉好滑但無茄味。朋友叫左個燒豚肉丼, 我食左一啖, 唔知點形容, 汁既味道甜甜地, 帶點柚子味, 開胃。最後就講下個芭菲, 真係好好味。我諗真係極力推薦, 綠茶雪糕既味道真係好好, 唔似得出面既野果種咁, 帶點奶香, 的確應該一試。會再黎, 因為真係唔錯, 食物既品質亦有水準。GOOD。 

其實我唔係好中意食甘苦既綠茶但係抹茶館d抹茶好苦但係好彩芭菲有紅豆蓉係側邊舒緩反抹茶既苦但係飮品就冇紅豆蓉所以勁苦我覺得好難飮另外，我覺得個價錢都叫貴，價錢同分量唔合符比例因為個分量都就少，所以我覺得唔係好抵食服務就ok la 燈光有d暗影相都影到好黑haha

可能我不大好抹荼，所以對抹茶的食品無咩興趣，但撇開個人喜好，食品與價錢不相符。我叫左個咖哩吉列豬扒，味道OK但79蚊加一就唔值。友人叫招牌溫泉蛋卡邦尼烏冬，又係無驚喜。無SET DINNER，飲品另叫，杯杯三十幾蚊，抹茶味香濃，賣相好好，喜歡抹茶人士應喜歡，我就一般。甜品係好似熱香餅中間加水果CREAM同雪榚，味道OK，但送的那所謂茉莉花茶完全無茶品，用來洗杯就得，飲就NO WAY。