抹茶館 (Closed)

一直都好想食呢間,記得上次黎果陣,條龍好長,所以無食到。今日再黎到,7點幾,竟然唔洗等,緊係即刻食啦。同行既朋友話佢D飯同烏冬比較正,而個人又中意食滑蛋,所以就叫左個親子飯。等左陣終於有得食,先試個湯,好重既胡椒粉味,但不失菜湯既清淡。之後就食飯上面D沙律,個醬幾好味,同D菜好夾,不過美中不足既係因為食唔晒D沙律,到食飯沐陣D醬撈左落去,好奇怪,如果分開放就好。最後到個飯,D滑蛋有一邊係滑,一邊係熟得濟,但都幾好味,好似汁既感覺。雞肉亦好嫩口,撈埋蛋一齊唔錯。值得一讚既係間店無論環境、店員服飾、食具都好有風味,幾FRESH既感覺。

愛抹茶，于是成了這間店的忠實fans，抹茶粉味道很正，抹茶牛奶味道也很濃，綿密的質感配上淡雅的抹茶香，真的不能更讚最喜歡它家的甜品，好看又好吃但是其他的撈面什麼的就不敢恭維了。。番茄味道夠重，但是意面似乎略硬，可能有人會中意這種口感吧~價格有點小貴，但是可以忍受啦！

好耐之前就聽過呢間餐廳，不過一路都無機會試，今日咁岩黎到沙田就拉左我朋友去啦。可能係平日既關係，好快就有位喇黎得抹茶館，梗系要食綠茶啦佢地d野食好夠綠茶味，如果你係本身中意食綠茶應該唔會失望。特別係個綠茶tiramisu，滑得黎仲帶有陣陣綠茶既甜同苦澀味道真系好好味啊。其他配茶當然冇主角甘養眼，但味道亦不錯Pancake微暖，而且軟淋淋加上糖霜、CREAM同綠茶，真系好好好好好甜啊。但如果有更香濃既綠茶味會更好我同我朋友兩個人夾埋叫左三樣野share食得好飽，如果有機會應該都會再去：D

星期日係沙田食完LUNCH再行街~行到咁上下另一半話好攰想坐下~即刻諗起食抹茶雪糕去到人多到不得了~等左好耐先有位之前已經睇定食咩雪糕~所以坐低已經可以即刻叫"抹茶軟雪糕餡蜜"($49) & "抹茶軟雪糕白玉餡蜜"($54)分別只係一個多幾粒白玉其他材料有蜜柑,士多啤梨,栗子,杏圃乾,紅豆蓉下層有果凍粒及抹茶果凍粒~口感軟腍..無乜特別軟雪糕好快溶~唔夠抹茶香味..奶味都好淡紅豆蓉好甜..有紅豆香味另伴上抹茶糖醬~糖醬反而夠抹茶味整體雪糕只屬一般

平日的星期五，如常上班，如常四週圍走，幸好的是午飯時間可早可遲，亦可準時，早一點食午飯，可以不用等位；吃遲一點，又可以吃個下午茶，但是撞正最高峰的午餐时段，一位難求。來到新城門廣場，當然不想在第一期搵餐，轉而第三期地下，還記得初初餐廳有酒和西餐廳的，可是時至今日已經改頭換面，究竟轉了甚麼的餐廳？呀，有兩間食意粉的，一間食日式的，在下當然不用多想，走進日式的抹茶館去了。還記得有次到屯門店吃過甜品，到沙田分店便吃個午餐。餐廳採用淺木和白色作裝飾，給予一種舒適而純美的感覺，亦有一種東洋和風感覺。從餐牌中得知有午餐供應，還有各款抹茶和芭菲，款式很多，必有一款啱口味的。在下想若是午餐並非想像中的充足的話，可加添一個抹茶芭菲呢！照燒雞配溫泉蛋飯。上桌後，飯碗頗大，而且份量不少。溫泉蛋呈半熟狀態，把蛋戳破後，蛋汁向四處流竄，沾滿了雞肉和米飯，好吃。雞肉未算是很滑溜，而照燒汁卻較甜，過了火位，因此在下覺得很甜。朱古力曲奇牛奶抹茶。眾所周知，餐牌中的照片只供參考，但是上桌後朱古力曲奇份量卻與預期有差距，有點失望。牛奶做的忌廉都幾滑的，可是抹茶味道卻很淡，較預期的濃郁頗有出入。整體味道理應有改善空間，照汁

系沙田新城市廣場行街經過抹茶館，比佢個餐牌吸引住等左３０分鍾先有位 最後嗌左抹茶軟心朱古力芭菲同埋牛奶抹茶抹茶軟心朱古力芭菲 - 佢有好多層 一路食一路好期待下一層既味道雖然拎到黎個陣個雪糕已經有少少融有D失望但系食到中間個陣先知原來仲有一層雪糕 覺得好驚喜睇落去好似吾系好多咁 但其實食落原來會好飽牛奶抹茶 - 牛奶滑得黎抹茶又夠濃味系熱辣辣既夏天最岩飲哩D冰涼既飲品!

抹茶一向都是所有女孩的最愛，很久以前已經很想嘗嘗這一間抹茶館了，今次機緣巧合來到沙田，便試試當中的抹茶食物。今次我和朋友都只是選了飲品，原因是晚上都要吃飯，便不吃那麼多。我點了白玉雪榚抹茶，其抹茶的味道真的很一流，很濃的口味。雪榚球一萬個好味，creamy 環境不錯，適合一班人聊天，唯一是等位等得有點久... 吃完我和朋友都發現，原來飲一杯regular size已經飽過一份午餐了

倒是頭一遍到沙田的抹茶館用膳，飯和其他料理只是一般水平，而抹茶甜品方面仍有改善空間。點了三文魚飯和定食，總覺得三文魚的鮮味給醬汁蓋過了，而且不太喜歡先把Wasabi放進豉油的做法，整個飯的份量比較少。至於雞肉沙律，味道還算清新，可以接受。甜品方面，跟友人點了抹茶和扭紋雪糕各一，抹茶味道可再濃一點，而雪糕的奶味不重，令雪糕呈現水狀。假若稍微增加牛奶的份量，相信雪糕會更軟滑。

今日咁啱放假無聊, 心諗反正喺屋企煮公仔面都唔見健康得去邊, 於是就走咗出沙田搵野食, 既然難得放假就梗係諗住對自己好, 見到呢間抹茶館都知係食d新派d ge菜式, 又咁啱見冇人等位於是就走咗入去食...睇餐牌都覺得d菜式好吸引, 所以最後都好耐先做到決定...我覺得比較值得一提ge就係杯飲品, 可能因為我個人比較鐘意抹茶ge關係, 所以就叫咗個黑糖抹茶, 不過可惜我覺得太甜, 不過可能係我食開比較清淡掛, 不過我聽其他食過ge朋友講就話唔錯ge....呢間野整體都唔錯, 可以考慮有下次~~~

每次因為工作關係才會路過此層，不過要來新城市搵食絕非易事，每間食店無論什麼時間總是長期常滿，幸好我在late lunch下偶然給我碰到一間沒有太多人的食店~~抹茶館，從外看進去裝修簡潔整齊，看起來好像很舒服，可以hea一hea的地方，就這樣，一下子吸引了我視線並不自覺地帶領我雙腳來到這間店門前，再看看店外放出來的餐牌，大部份都與店舖名字一樣的跟抹茶有關的甜品和飲料，再看清楚原來還有拉麵及丼等像日式西餐的食物。看過餐牌後，點了卡邦尼溫泉蛋烏冬丶朱古力碎曲奇牛奶抹茶(如沒有記錯名字)卡邦尼溫泉蛋烏冬來到的時候，已聞到陣陣看味，再試下味，個味道好豐富，卡邦尼汁非常creamy，而且食極碗烏冬依然是熱辣辣的，值得一讚! 朱古力碎曲奇牛奶抹茶(如沒記錯名字)抹茶味很濃，加上牛奶與忌廉配合好creamy，好好味~~

威化棒，抹茶雪糕，兩顆抹茶軟心巧克力，一層鮮奶油，早餐粟米片，抹茶雪糕，鮮奶油，啫哩。這是它的結構。份量多，作為晚餐也夠了，要是作下午茶甜品的話建議兩人同分。威化棒無特別。抹茶雪糕不重抹茶味，卻嘗到濃濃的奶香。軟心巧克力上沾上一層抹茶粉，但味道被巧克力的甜蓋過了，只剩下死甜。厚厚的一層鮮奶油，太多了有點膩，與穀物片同食比較好。穀物片混和鮮奶油和抹茶雪糕後不單調，好吃。最後的啫哩卻是一大敗筆，沒味道，吃不下去。

是日約了舊同事C小姐和T小姐見面，主要是把之前在台灣做咕喱抬回來的薑母茶帶給她們，還有就是見見面吹吹水。可惜只有C小姐和我是綠茶迷，今日選了抹茶館，結果打開餐牌，有接近99.9%的甜品和飲品都是和綠茶有關，真是委屈了T小姐~ :]點了一杯軟雪糕牛奶抹茶，端出來的時候，軟雪糕溶了三分一，跟餐牌上的圖片形成很大落差，感覺不太衛生。雪糕的味道還好，不過綠茶的味道就很淡，我猜可能是飲品做好後擺放了一後時間末端出來給客人的緣故。竹筒抹茶豆乳布甸的賣相其實很討好，布甸頂層放了一粒糖漬過的栗子，令整個甜品看起來更有日本風味。布甸算不上幼滑，內裡混了紅豆粒，本來綠茶紅豆最搭，但紅豆很硬，而且綠茶的味道太人工化，完全蓋了豆乳的味道。注入黑糖後，不但沒有幫助，只感到整體味道更不協調。比起一年前到鑽石山店的體驗，沙田店給人感覺就更差，而且此店人多，店方規定要齊人才可以入內，我們也等了差不多半個小時。另外，店內人手明顯不足，落單、上菜、埋單都需要等很久，人手不足不單令客人鼓噪，相信店員自己的心情也不好，出來的服務又怎會有質素？

23/6/2014 Mon跟相識16年嘅好友聚會，一行3人本想食SCHOOL FOOD，點知7點去到連飛都派曬!友人提議食抹茶館，就抱住一試心態去食，其實我好鍾意抹茶!!門口有幾個人等位，大概5分鐘就有檯，之後仲安排到卡位，位置寬敞特盛黑麻油濃厚豬骨拉麵 HK$79豬骨湯味濃郁，拉麵口感唔錯!配合叉燒、溫泉蛋、紫菜~正丫!卡邦尼溫泉蛋烏冬 HK$69係我至愛嘅卡邦尼~濃濃卡邦尼汁好香!烏冬夠彈牙!照燒雞肉伴溫泉蛋飯 HK$59個燒汁very nice，撈飯好好味!唔會漏!雞肉、溫泉蛋、生菜配合起來yummy~忌廉牛奶抹茶 HK$34白玉紅豆牛奶抹茶 HK$39綠茶配上creamy忌廉，大愛!紅豆 & 小丸大大粒，口感豐富!食後大家一致讚好，下次會再黎

已經第2次黎呢到食, 其實一向我唔好綠茶, 只係咁岩呢到有位就呢到食喇!第2次去食本身去食SCHOOL FOOD, 點知人地又落左場兜兜轉轉又黎番呢到食 當日4點幾去到個日好彩可以食到SET LUNCH(?) 唔知係下午茶定係SET LUNCH發現可以係4款飲品揀一款 係包埋既其實如果唔包飲野大概都要~$100一個人個一日我自己LUNCH 同DINNER當一餐食,所以呢個飯都幾滿足到我, 一個女仔雖然食唔哂但飽其實呢到既飯都幾大碗, 但我既男性朋友只係覺得岩岩好 我覺得幾好食 有一半好似食緊一半沙津一半飯咁食完感覺冇咁"漏" 冇罪惡感個日我飲左普通茶 冇咩特別 可能真係要比多啲錢叫其他野飲先知真實力😂 BTW, D雪糕好似幾吸引 下次會食!

星期五的晚上約了女友人到沙田聚舊，來到的時候已經七點半，到了餐廳門口拿飛，向水牌一望，差不多要等成70張飛......可能女孩子對雪糕那份特別的熱情，在等其他餐廳的同時最後都是回到抹茶館的懷抱。由七點半到八點半，雪糕的吸引力令女孩子會有額外的耐性和體力，打開餐牌，第一時間都是先照顧第二個胃 - 看甜品，其實我們還未食飯。自己先看麵食再看飲品，由於上次我已同小姐食了雪糕甜品，所以今次專程來試麵食，最後決定叫一碗拉麵加一杯凍飲，友人沒有叫飲品，叫了甜品。飲品先到，飲品有分大細杯，叫了大杯，下單不用一分鐘就到台上，很有效率。單看賣相幾有美感，綠茶配忌廉，不過味道不是太好，綠茶口感好粉，而且飲不到白朱古力的味道，只是普通一杯綠茶+ cream 而已。小弟的拉麵後到，拉麵的溫泉蛋做得好好，一百分之作，入味而且蛋黃半熟稠稠，四塊半肥瘦叉燒，豬骨的湯底有滿滿一層的黑麻油，令拉麵顏色很搶眼。豬骨湯味濃郁入味，每條拉麵口感彈牙，長而不散，很快就把它食光。屬於友人的銅鑼燒，兩塊班戟，紅豆蓉配芝麻奶凍和綠茶雪糕，看似叫一款甜品可試到幾樣甜食。小弟食拉麵已食飽，九成九的銅鑼燒是由友人解決，自己試了少少芝麻奶凍