抹茶館 (Closed)

經常同朋友一齊來抹茶享受品嚐抹茶每次食都係唔同感受苦澀含甜既感覺醇香的抹茶讓人感到很舒服不會很膩非常鍾意、只要經過就好嘗試在寶琳二期2樓超多好吃的吃貨的你們一定要去試試喔

難得跟很久沒見的朋友夾到時間，有一個下午的時間，便來到我們的蒲點新都城，先食完下午茶，再到附近boutique大戰先！經過抹茶館被它的甜品吸引便入去了。朋友點的，有兩球雪糕，一球抹茶味一球是奶味。我嘗了兩口，抹茶雪糕很重抹茶味，有回甘，很回味～整個窩夫很多不同食材，包括雪糕，紅豆，白玉，櫻桃，底層還有粟米片，口感一流，十分豐富，吃得很開心和驚喜呢！惟一美中不足是雪糕溶得很快，朋友吃得有點狼狽。也是很豐富的甜品。先吃紅豆和白玉，白玉十分煙un，紅豆不會死甜，就連我很怕甜都吃完不會覺得膩，不錯。葛粉則藏在這長形木箱，它也提供一條長條形的棍，頂部呈長方形，吃時把它壓在箱內綠色的葛粉上，就會從底部擠出一條條的葛粉條了。很新奇有趣，再把葛粉條浸在柚子湯內，吃時一入口是柚子味，很有嚼勁，再咀嚼下去就開始有回甘的綠茶味，層次豐富。店內不算多人，我跟朋友可以儘情聊天說地，價錢不貴且味道有驚喜。

我好喜歡吃抹茶館，因為佢杯抹茶好好味抹茶一流，不过呢間的水準，時好時一般。Cream好滑，抹茶香濃，建議一定要試番茄芝士烏冬都超好味，個source有時淡d有時濃d。蒜蓉頂瓜瓜.，好过穩，攻鼻力強！！

新都城行行下街、肚餓想食個下午茶～行左幾間都睇唔岩～經過呢間門口兩次，門口位侍應兩次都好落力，而且好好態度，見唔錯入黎試試～下午茶有好多款！選擇困難最後叫左地獄湯拉麵，麵質不錯～溫泉蛋亦剛好～湯底唔會太咸～因為拉麵好多都偏咸～但佢地既叉燒略微小小乾～浸下湯先好味啲～下午茶可配飲品，我配左熱炒米茶，炒米茶好香～而且唔使加錢～可以試試下午茶黎講不錯～起碼味道、服務都冇求其、冇馬虎！因為好多到下午茶時間就冇咁上心

記得對上一次食都年幾前，揀嘅都係同一款牛丼，單睇個樣係吸引嘅，到食落口就發現味道依舊，可能係連鎖店關係，質素叫保持到冇乜點變，只係落單時唔記得「走葱」囉！大食嘅人要留意，由於呢間店採用闊面窄底嘅碗，所以相機「食先」係冇問過，但內容量就唔太多，所以我食哂成碗飯（指1粒米都冇剩）都係唔覺飽。

黎到好好彩唔洗等，即刻有位✌🏼一開始比個2人餐吸引左，包野飲小食同主菜都係二百幾蚊，但望真啲佢只係包最普通既綠茶，想飲其他抹茶特飲都只可以原價減$10，而且個餐完全冇甜品優惠，所以最後就決定散嗌。主菜叫左溫泉蛋卡邦尼烏冬，溫泉蛋好滑，但個烏冬食落係比較淡味既，煙肉份量都唔少，但如果煎過會香好多囉，基本上我覺得佢應該叫做溫泉蛋牛奶湯烏冬至啱。甜品就真係完全冇令人失望，外表靚之餘亦非常好食，而且唔會太甜。兩層綠菜pancake中間夾著cream同麻薯，上面有雙色雪糕同紅豆cream，食落個口感好夾！個人就覺得唔落佢隨碟附送既糖漿同果醬都已經好好味😋提提大家主菜食到一半就要嗌甜品喇，因為佢都整好耐下。

今天適逢星期五，HappyFriday的習慣是同事們一起出去吃飯，碰巧今天只有四個人，ar頭說可以開車去遠一點吃順便走走，最後決定目的地是寶林。由於試過一次在星期天去新都成，實在人山人海的嚇人，所以自此以後都沒有踏足過新都成了，但閒日卻人很少，少得懷疑人都去了哪裡，逛著逛著，最後決定去抹茶館吃，回想第一次去抹茶館，是還有分店在銅鑼灣的時候，它吸引我之處亦是價錢低，吃得飽之餘味道亦不錯，對於上班族來說是恩物。我一向都喜愛吃日本野，所以放眼餐牌實在有好幾個套餐想試，最後就選了自製他他醬清甜醋炸雞肉飯，跟一個湯，再配茉莉花茶。甜甜酸酸的東西是我最愛，再配香口炸雞實在是很期待呢。飯到了！一點都沒有失望，目測鋪滿了白飯上面的炸雞，陣陣香味，大大件分量不少，旁邊還有鮮菜沙律和新鮮番茄，伴有他他醬，實在吸引。炸雞的外皮炸得鬆脆，呈漂亮金黃色，炸粉一點都不厚，剛剛好，雞肉有適當水分一點都不亁，咬下去還頗嫩的，讚。他他醬說實話一點都不特別，就是沙律醬混點甜酸醬，但配炸雞一起吃相當一流，配沙律菜和白飯亦出色。至於隨餐附送的茉莉花茶，味道其實跟香片差不多，有點搞笑，不過配套頗精緻，有一個獨立的茶壺。湯就只試

自己一個人食晚飯，去到新都城唸左陣見到呢間抹茶館，之前都唸住去試下， 襯今日自己一個食飯，咁就試下呢間啦入到去正路都會order 關於綠茶嘅食物，見到佢個餐牌都有好多綠茶食物嘅選擇，但我首先就order左個吉列蝦滑蛋丼試下先，之後先再唸試佢啲綠茶甜品等左一陣個飯都好快到，個賣相都ok , 咬落去隻吉列蝦度，嘩，好乾呀隻蝦，忍唔住要幫隻蝦影相，之後即刻試下其他吉列蝦，好彩只係一隻有問題，但其實其他蝦都無咩蝦味，有啲失望，飯裡面嘅醬汁自己覺得比較小，可以俾多小小汁會更好，之後都無再試佢其他食物，食完飯後就走了

係將軍澳，食肆好多，其實冇乜好食嘅嘢，所以求其搵咗間未食過嘅「抺茶館」。見佢企企理理，試吓無妨～叫咗2客set lunch, 包一杯飲料，價錢一般。同事叫了照燒雞飯，個賣相0k，佢話d料足，飯多, 不過d汁嘅味較淡，d雞係烚熟再淋汁。有隻溫泉蛋係面，好過冇。我叫了一客拉麵，加一杯冰綠茶。拉麵底好大，好多麵，d豬肉一般，係港式豬腩肉，冇燒過，冇乜味，蛋就唔係流心，係實蛋，so sad....杯綠茶太甜，麻麻。所以我個set要$69+10%就唔值。

抹茶甜品味道尚可，擺設精緻，環境舒適。有一位職員服務良好，但個別職員服務實在一般。我給予劣評的最主要原因是蕨餅。蕨餅不單賣相惡劣，味道還難吃得不行！蕨餅似乎早早就被灑上了黃豆粉，粉末因水分而凝固成一粒粒，口感異常的差；而且吃起來嘴裏滿滿的雪氣。平心而言，它其他的抹茶甜品味道ok，唯一不足就只有那蕨餅（大概因為少人會吃蕨餅，流量少）可是，看起來如此噁心的蕨餅，你也敢拿去給客人吃？！必須劣評

照燒雞飯。雞全部瘀瘀黑黑，雞皮大大條雞毛，掂唔掂 各位睇相自行判斷，不解釋雞肉瘀瘀黑黑，問過話係煮法問題，可安心食用，信不信由你雞皮上面啲雞毛，如果唔睇清楚應該會啃親

一開始見到餐牌，每款甜品都想點，見到白玉紅豆抹茶漬，以為只會上一隻碗(製成品)，點知真係好似餐牌圖示咁上左一set,有晒熱水，茶筌，享受自己打茶既樂趣！註：特製白玉紅豆抹茶漬 $39 (加10%服務費)呢個係一個甜品自己打既茶，雖然介紹卡上寫要放3分1既水，但係經試驗，都係放5分1水好啦，打出黎既茶要有細密綿泡咁就為止very good啦！紅豆超甜，抹茶超苦(>﹏<)但係睇在實惠既價錢份上，都係好開心最後嘆埋杯茶

每次都一定要食黑麻油拉麵，湯底超濃郁，黑麻油好香，我個人覺得仲好味過一蘭，呢度仲有好好飲的綠茶lattee，記得叫小冰，因為d野飲全部好多冰（叫左少冰都成半杯冰，試過正常叫一杯可以飲完大半杯仲係冰）不過真係好飲同埋價錢合埋，飲品$39，拉麵都係$69碗，所以一個月忍唔住總要食一次。

叫咗杯熱綠茶，不過杯茶得個甜字，除咗青B B 外，飲唔出茶味。叫咗胡麻生薑豚肉飯。得個鹹字。豚肉太乾。甜品叫咗有綠茶雪糕，不過同樣失望。都係綠茶味欠奉。個綠茶味杏仁豆腐叫做似樣啲，有番啲茶味。不會再試。明明綠茶係主打，偏偏綠茶味太淡。熱食亦唔出色。

近日影咗一些相片，現在等相片沖曬，不過都要等多一小時，又不想在商場四周逛街，友人提議去「抺茶館」飲杯野。我兩人都選擇了傳統抺茶($19)，等了一會兒，店員把兩份抺茶放上枱，雖然已經給我一張沖泡抺茶的卡紙，但她也主動告訴怎樣沖泡抺茶!先將倒出熱水，大約是杯的1/3，用掃打成M字的方向把抺茶攪拌至完全溶化，之後再加滿熱水就可以飲用。抺茶旁邊有兩粒白玉，口感煙韌而香甜，正好配抺茶一齊享用，抺茶味道都好清香，味道有少許的天然苦澀，好清新又濃郁，一邊嘆茶，一邊與友人傾下計都是一個不錯的地方。