抹茶館 (Closed)

當天中午時份，一人去了寶林的新都城2期的抺茶館食個中午午飯，幸好不用等太耐已經可以入座。看了一陣餐牌，最後點了一份火炙.刺身三文魚親子丼($99)飯上的刺身不算太鮮美，刺身及火炙三文魚都比較薄身，未達到好滿足的感覺，當中的珍珠飯都好軟熟煙韌，加上了一些三文魚籽增添咬口的口感。旁有一碗湯品，內有一些蛋花、煙肉、甘筍.....味道帶有胡椒香，清清地的湯中帶點香惹，感覺都不錯。埋單$108.9(連加一服務費)，價錢都真是幾貴又沒有包括飲品，食過午飯後又上班了。

到抹茶館食飯已不知一次，餐廳以抹茶為主的主菜甜品都試左唔少次，今次食既雖然與抹茶關係不大，卻依然叫人喜出望外、齒頰留香。今次同朋友一聚，點既餐分別係芝士雞肉忌廉烏冬同埋拉邦尼溫泉蛋烏冬。兩碟烏冬均為掛烏冬，因此醬汁飾演了最重要的一角。先看芝士雞肉忌廉烏冬，芝士醬汁偏黃，伴以芝士粉更是香味濃郁， 稍嫌雞肉肉味不足，稍微清淡乏味。 而卡邦尼溫泉蛋烏冬則是極具創意的一道菜，一般來說濃郁的卡邦尼醬汁多數配以意粉、天使麵等，然而抹茶館卻將其與日式傳統的掛烏冬和溫泉蛋混合。卡邦尼醬汁遇上清淡而堅韌的烏冬果然是一拍即合，加上溫泉蛋把原本較為膩口的醬汁沖淡了些少，因此更為可口，值得推薦

勁肚餓之際見個餐牌好似好吸引，就走入去食叫左個吉列豬扒滑蛋丼，男朋友叫照燒汁雞扒丼。野食黎到已經覺得中伏，滑蛋係碎蛋，雞胸完全冇味，個湯其實係滾水加胡椒粉飲品正價！完全唔抵食！冇下次！

見到新都城開左好多新餐廳，見到有間抹茶館，一直都沒有機會試，今日屋企無煮飯，於是終於同我親愛的媽媽去試一試，去到門口當然拎張飛仔先啦~等呀等呀~等左4,5個字，終於到我地了~懷住期待既心情，終於我地兩個人食左個牛肉溫泉蛋飯+三文魚親子飯再叫左杯黑蜜抹茶等等等等等，等左好耐~D 野食終於黎勒~ 牛肉溫泉蛋飯 ，D牛肉凍既，仲好硬......=.=個黑蜜抹茶不過不失啦~冇咩特別驚喜~D 三文魚.......極度唔新鮮~真係百佳果D都好過佢~ 完全食唔落~ 連我呀媽都話以後唔再黎同時我亦聽到隔離台話好難食.....真係不可一不可再

今日下午四點幾經過抹茶館，見到唔使排隊所以決定早d食飯，唔止唔使排隊，店內只有三檯客，打開Menu睇左好耐都唔知食乜好，因為選擇唔多而且價錢都唔平添，最後決定食和風柚子醋香味炸雞肉丼，只有三舊炸雞64元仲要加一添，炸雞粉漿太厚而且仲係好咸添，飯唔夠熱，不過碗湯夠熱都幾好味！

今日下晝做野經過新都城，只是一兩年既光陰，很多店鋪都改變了。路經抹茶館，見到餐廳尚有空位，口痕痕入左去食個tea。==抹茶紅豆雪糕銅鑼燒==個人偏愛吃pancake類的東東，故此極速叫左個銅鑼燒。以一個甜品的標準來說，我等了差不多二十分鐘可以算是一個頗長的時間，不過為左銅鑼燒，我可以等。甜品上檯時，當中的雪糕已經係半溶，如果星期六日就無得講，但在平日的標準，就真係要扣少少分。雪糕是標準的抹茶味道，有甘有苦，不是太甜。但主角之一的銅鑼燒就肯定在水準之下，咬下去的感覺很空虛，不是很討好。餐廳環境不俗，頗適合三五知己來個短飯局。最後還送上一小杯茶，係有誠意的細節，加分！

常常走過  聽到抹茶抹茶  真係啱曬抹茶控  我愛但唔嗜   因為原本抹茶係帶苦澀的  怕會整得太甜  突然想食甜品  下午4 5點人人少少  決定一試  一看meau  原來佢有好多款丼定食  賣相相當吸引  決定會再黎食  但都要試過甜品先可以再決定😄  除了多種抹茶甜品  都有少量其他口味(士多啤梨，芒果)  啱曬唔愛抹茶既人  就係我媽咪了銅鑼燒第一次食  應該都pancake差唔多  賣相擺盤幾靚  分量亦挺多  可惜cream太多好漏既感覺  士多啤梨亦唔甜  但都唔算太酸芒果芝麻抹茶芭菲💪抹茶雪糕夠滑  唔太甜  頗有抹茶香亦食到佢既苦澀味  正！  配芝麻類似果凍質地  意外地夾  既有芝麻味亦唔會遮蓋抹茶香~  值得一試兩樣甜品  每人一樣   非常飽  如果係食完飯食建議2人share一個甜品  除非係食下午甜品   結果夜晚我好似先食飯亦食得唔多   因為呢個甜品真係好飽肚呢🙈

大肚腩排成個鈡，滿心期待，入去叫左个傳統green tea, 滑蛋炸蝦丼！超級難食，好似唔識煮甘，完全唔明白點解甘多人排隊去食？？永無下次！！👎👎👎👎👎👎👎👎👎👎👎👎👎👎👎👎👎

昨晚收工後，見呢個排晒長龍，反正唔太肚餓，就等埋一份。點知一等就等左半個鍾有多。入到黎覺得好舒服，可能係間餐廳都以抹茶色作主色，好暖粒粒感覺我地叫左一個 牛肉飯啲牛肉好淋，又有牛肉汁。啲紅色一條條既有啲辣辣地。又香又惹味碗湯都唔差，清清地，唔會得味精味。綠茶甜品到呢個甜品冇得頂，層次分明。雪糕又滑又香又唔流。另一個球狀的，唔知係咩，但好特別，有啲花生味！之後就係芒果汁加忌廉，粟米片，晶狀體等等，好多配搭，做出的一個食物，成個藝術品一樣。好想食埋其他，未走已經要確定要再食多幾次！

終於食到抹茶館！排左一個鍾度。叫左兩個主食- 蒜香牛肉飯同芝士忌廉烏冬牛肉幾好味，仲有隻溫泉蛋添味道唔錯既，不過杰得濟，好漏抹茶幾好玩，有得自己斟黑糖忌廉綠茶，好好飲，加埋黑糖唔會太漏軟心朱古力芭菲，普普通通～整體黎講野食普通，主打綠茶都冇乜特別

星期一晚上等了30分鐘入座，叫了兩個飯，一款飲品和一份甜品。火炙三文魚親子飯($89) - 在menu的賣相十分吸引，但實質三文魚的份量小和薄，味道亦很一般，不值這價錢。另外，湯很咸。香葱牛肉温泉蛋飯($69) - 牛肉的份量多，牛肉味濃和帶少少咸味，飯伴有温泉蛋，芝麻和洋蔥，很香口。  傳統抹茶($19) - 按照右上角的卡紙來沖泡抹茶，味道較苦澀。加多些水後，味道如一般綠茶無異。但勝在好玩！伴有兩粒圓子，口感“煙韌"。抹茶軟朱古力芭芙($59) - 內裡約有7種配料，綠茶雪糕奶味較濃，綠茶味淡，帶有少少綠茶份粒，不算滑。紅豆蓉甜度適中。軟朱古力上有抹茶粉，外層少少苦，內裡的朱古力很香濃！但是中間的榖麥片太多，底層的四方粒本以為是綠茶味，但是是無味的。不過以這價格，味道還可以。雖然沒有想像中好食，但食品的選擇多，價錢合理，會再幫襯！

喜歡抹茶館的飯，很多款都很有興趣想試。當中以溫泉蛋系列最愛。這個是沾著湯吃的麵，很特別，且挺好味。冬天來一杯熱呼呼的抹茶，作為抹茶愛好者，真係飲過再三回味。我很愛吃抹茶館的芭菲，第一次吃嫌太多忌廉，如不太愛可以選擇少忌廉甚至走忌廉。我會再次光顧，輪流試不同的甜品^^

同屋企人去食5個人叫咗4個麵食3個甜品2個茶其中1個係唔辣嘅香辣牛肉烏冬1個係卡邦尼粉(唔肯定個名) 個汁有1種奇怪嘅味道1個係有不能形容嘅苦嘅抹茶芝士慕絲1個係抹茶 甜到好似得糖+水全部事實 呢間冇下次

新都城2期前身是美食廣場一帶的地方，翻新裝修了一段時期，終於開市多間食肆了，分別劃分了5,6間餐廳，其中一間叫抹茶館。不知從哪年哪月哪日開始戀上了抹茶的甘苦香味，色澤天然翠綠，天生已經是大自然的美食恩物。來到抹茶館門前，已經被餐牌上滿滿陳列出各式各樣以抹茶為題材的美食和飲品所深深吸引住，二話不說就決定選擇抹茶館，在侍應生的帶領下與姐姐就坐在四人枱前。閱讀餐牌的內容，除了抹茶系列的食品，還供應多款日式食品，分類有丼飯、拉麵和烏冬各式各樣的美，真令人花多眼亂。今次是衝著抹茶而來當然是以「抹茶」為目標首選，但因為有太多愛好之選，不停地翻閱餐牌琢磨了許久才決定點餐。 傳統抹茶在電視的日本節目裡才能看見的自製抹茶，在這裡也能親身體驗一下由自己親自攪伴抹茶的滋味，配套設備完善，還附上說明的卡片以便客人參考調較方法。不久前看過電視介紹過茶道裡抹茶攪伴時要"M"字形而不是"O"字形打圈，說明書上也同樣，我也慣性使用沒有"耳仔"的杯時用一隻手拖著杯底飲用。入口有點苦澀，茶味濃厚甘醇，再配上兩粒白玉子小食，完全品嚐到日本風味的抹茶。(不過到最後還沒有攪伴至"柔和的泡沫"的效果時喝掉了。)19元的價錢就能

早喺兩三個星期前，看到圍板已有多時既新都城美食廣場其中一區貼上抹茶館字樣，那刻除左興奮，仲有得救既感覺，我可是超級抹茶控呀！為左止抹茶癮，平時只好去鑽石山那店，或好偶爾到銅鑼灣朝聖，這次終於唔駛搭車，隨時隨地可吃至愛抹茶軟雪糕呢！跟鑽石山店一樣，除了主打抹茶飲品及甜品外，這裡也有主食，如飯丼﹑拉麵及烏冬，款式亦較鑽石山多呢！除了之前看到兼吃過既山椒豚肉丼﹑柚子胡椒豚肉丼﹑清酒蜆拉麵﹑蕃茄拉麵及咖哩吉列豬扒飯外，乘著韓風大熱，多了好幾款炸雞丼，當中以韓式炸雞温泉蛋丼最有特色，紅丼丼既韓式炸雞配上温泉蛋，相信嗜辣及吃蛋既朋友定會喜歡惹味但軟滑既雞飯。我不吃蛋，所以點了他他醬雞肉丼。實物跟餐牌圖片一樣賣相吸引，雖然只得三件炸雞，但都算大件，而且丼內配有生菜蕃茄沙律，既清新﹑可消除炸雞既膩，又飽肚；炸雞做得很好，沒有炸得過火，色澤靚，也沒有油淋淋，而且調味很好，面頭有少少疑似豬扒醬很開胃，即使沒點他他醬也很好吃，三扒兩撥整碗飯就讓我幹掉了！老公點了黑麻油濃湯豬骨拉麵，這個看上去跟一般叉燒拉麵差不多，有兩片紫菜﹑兩片叉燒﹑半隻滷蛋及葱花，只是多了黑漆漆既麻油，呷一口湯，意想不到順喉，味道濃而不涸