好媽媽台灣館 (Closed)

1️⃣台式椒麻雞定食價錢：$72定食有前菜，主菜，飯，飲品同甜品，所以呢個價錢算係好抵食！雞扒都算大塊！而且有好香既麻辣味🤤🤤🤤所以雞扒好入味，送飯一流👍🏻👍🏻👍🏻前菜就有中華沙律同八爪魚🐙，八爪魚好爽口😍另外甜品係一粒啫喱，味道比較淡，可以清走麻辣味🤓2️⃣蚵仔大腸麵線價錢：$38去親台灣必食麵線！呢碗份量都算大碗！入面仲有幾多大腸同蚵仔😍大腸好淋好入味👍🏻蚵仔亦都好鮮味🤤3️⃣三杯雞髀菇價錢：$38本身喜歡食菇菇既我點左呢個小食，雞髀菇都幾多！炒得好入味，不過啲菇可能炒耐左有少少燶同乾身，呢度扣左少少分🤨

放假去食台灣菜味道很地道。像在台北夜市吃大腸面線涼伴苦瓜酸又甘，夏天食好開胃。菜脯pizza 勁厚，落料份量十足。但咸左少少椒鹽雞扒塊皮好脆，脆到薯片咁最驚喜係... 竟然想再幫襯佢嗰午餐C 牛扒加烏龍奶茶.. $38 平過茶餐真係唔expect 太多.. 但係...塊牛扒厚切，仲要係9成熟😨😨😨😨😨！咁大個人未見過$38 有厚切牛扒仲要唔係well done ! 食曬... 結論，想再幫襯嗰牛扒意粉😂😂😂😂😂

今日食晏時間係太子哩頭，朋友帶我去食台灣野聽嗰名好特別喔，好媽媽！！應該係家庭式既味道呢，一入到去見到滿座咁劑不過二人位置還是有的。後期愈黎愈多學生入黎食lunch，我諗哩度係學生既飯堂呀，因為真係平靚正我地兩嗰人嗌左肉燥煎雞扒飯，溏心蛋一集，豆腐一碟同埋菜莆煎蛋嗰肉燥煎雞扒飯真心大碟足料，好味，仲有半隻蛋架，難怪全場有九成人都食緊哩碟飯溏心蛋同樣好食，滷水豆腐就可以再入味啲，嗰煎蛋就略微太濃啦入面太老身了但係價錢實在好抵，質疑素又OKAY!!媽媽好野！💕💕溏心蛋💕💕肉燥煎雞扒飯💕💕滷水豆腐💕💕菜莆煎蛋

我係睇open rice 留言去食，極度懷疑假評。一心想食台灣野，入到去叫左幾樣野。柯仔面線(冇味)，柯仔泡飯(勁淡似水的湯，d食一堆堆咁)，鹽水雞(多骨肉份量少)，珍珠奶茶（得個甜）。。。。好伏！

本來今日係要去食餃子既, 但係排左10分鐘到就話餃子得返椰菜味..失望之際即刻諗到附近仲有間好食台灣菜~呢間小店雖然細細間, 但都有人排隊, 好彩我地兩個人, 唔洗等咁耐就入得~食台灣野梗係必嗌魯肉飯啦, 因為肉太細塊都有少少似肉燥飯, 不過個汁都幾好食既~朋友就嗌左麻油雞麵, 呢個忘記影相tim, 佢呢個麵質都幾似上海粗麵咁, 都幾有咬口,麻油雞好香, 雞都夠嫩滑, 配搭椰菜, 呢個唔係朋友嗌都未曾食過, 係驚喜之選!魯肉飯細細碗無咁快飽, 可以有胃口食其他小食, 小食呢, 我地就嗌左菜莆蛋批.叫得批都真係幾大碟下, 而且好香菜莆味, 鹹鹹甜甜好惹味, 蛋邊都煎炸到好香脆.你見到呢個工具都明個蛋批有幾厚啦

I wandered into the quieter streets of Nathan Road and found this restaurant not too far from the main road. When I walked inside, I waited for quite some time to get noticed by a staff. The restaurant was half lit with only a pair of customers dining in. Maybe because it was a holiday that they only half lit the restaurant, not expecting much to come in. After finally getting noticed by a staff member, I was ushered into my seat. Their tables found at the sides of the restaurant are different c

第一次寫食評，就係因為食到大家都嬲嬲地！今日跟屋企人黎食晚飯，落完單在佢覆一次的時候，明明我地全部都親耳聽到佢講錯左，然後好心提一提佢，佢仲好惡咁話自己無錯，錯左再幫你換囉，真係好心提一提都態度咁差。我自己點左一個五十幾蚊雙拼飯餐包台式飲品係便宜，所以都無乜好大期望，屋企人就叫左其他，味道正正常常但好多油。之後食到一半諗住加單叫佢比本menu我，西曬面口up up咁拎比我，好似人地得罪左佢咁⋯⋯一食完就走黎問仲有無加單，無就去櫃臺比錢。雖然我都知出面有人等緊，但飯食完、杯野又未飲曬，洗唔洗咁急催客賣單走人？又唔係霸住佢張枱幾個鐘唔食野，比錢你賺仲要食完背脊骨落！如果唔係路過走入黎都唔食尼間！尼餐真係食得好唔愉快！

之前同事都有推介過話好正好抵食，lunch經過就決定入泥一試！！兩個人叫左超多野食！一個豬扒肉躁飯，牛肉麵，花枝丸，鹽酥雞，台式奶茶。。。-花枝丸：裡面凍嘅，要叫佢再整熱過-台式奶茶：落單時已叫佢走甜，但佢冇理過，杯野都係好甜-牛肉麵：d牛肉唔算淋，麵質就太淋，冇咩口感-豬扒肉躁飯：正常，冇咩特別-鹽酥雞：炸到好老好"鞋", 完全唔juicy..唔知會唔會係我地黑仔呢。。。但一路食嘅時候都一路有好多人等位。但對我泥講，都係冇下次

最近在上網看到關於這餐廳的介紹，加上距離學校不遠，就決定與朋友去試試。我和朋友都點了個套餐 包括前菜 滷肉飯 酥炸雞排 和 台式飲料 之前看到這個涼拌苦瓜有不錯的評價，加上我也喜歡食苦瓜，所以點了這個。味道清甜 開胃而且偏爽口，但是我比較喜歡鹹味的苦瓜，所以我覺得一般般。酥炸雞排剛剛炸好的，熱辣辣。外層香脆，裡面也有肉汁，不是很乾。點了椒鹽，味道更好。香芋珍珠奶茶甜度剛剛好，不是很甜。滷肉飯很好味，飯有很多汁而且配上黃色的醃蘿蔔，味道非常夾。溏心蛋亦不錯。滷肉份量多。整個套餐份量多，大滿足，但是一個女仔很難食完整個餐。這個套餐大約是1.5人份量。

記得上次經過嘅時候，排晒長龍，今次經過總算碰到唔多人嘅一日，一於入去試一試。麻油雞烏龍麵雞係大大件，份量也不少，食落覺得好滑。加咗麻油之後，令成個湯底更加好味。而麵煮得剛剛好，唔會太硬。另外仲有椰菜，感覺更加健康。不過個人覺得落咗太多姜，或多或少姜嘅味道過於重。蚵仔大腸麵線麵線應該算係台灣其中一款有名食物，呢度嘅麵線好有台灣嘅感覺。每隻蚵仔都幾大隻，不過大腸嘅份量略嫌少左d，同埋成碗麵線有少少鹹。三杯雞髀菇係台灣夜市已經好鐘意食菇，見呢度有叫左個小食。煮嘅時間剛剛好，而菇亦都好入味，不過都係略嫌有少少鹹。(廚師今日重手左？)另外加多22有多一款小食同飲品，叫左滷水豆腐同 。可惜滷水豆腐唔入味，屬於失敗之作。飲品就係百香果紅茶，叫左少甜，百香果已經攪爛溶於紅茶中，都算係食物嘅唔錯配搭。

一邊工作一邊想起往年在台灣吃過的滷肉飯，放工二話不說便跑到這間台式餐廳，回味旅程的美好時光。滿心期待點了好媽媽滷肉飯($23)，白飯本身煮得偏軟，加上淋了大量滷肉汁上面，令整個飯吃起來稀爛沒有口感。滷肉的份量不多， 差不多全熟的溏心蛋亦令人失望。滷水拼盤 ($90)分別有雞翼、豆腐、大腸及牛肉。最有驚喜是滷水雞翼，不單只表皮吃得出味，就連雞肉也吸收了滷水汁的精華，咬落肉質軟腍，用黎送飯一流。台式椒麻雞定食 ($72)定食套餐非常豐富，前菜有一大碟中華沙律及辣味螺肉。主角椒麻雞麻辣味十足但味道頗咸，空口吃的話確實太重口味了，撈飯吃應該較好。套餐還有一件精緻甜品，是一顆味道非常甜且口感像蒟蒻的東西。吃飽後，侍應拿了兩碗免費的飯後糖水給我們，正是我最愛吃的芋圓呢！甜度適中，芋圓Q彈，很有家的感覺。

都有好耐無放過假，放個下晝假relax吓先，行過一間喺Prince Edward嘅台灣餐廳 <<好媽媽台灣館>> 就入去食番過悠閒lunch先😙，呢到嘅裝修都有啲台灣feel，都幾潮~ 價錢都相當實惠，如果係學生仲會平$3 tim~我今次叫咗中式牛柳飯，賣相就普普通通，啲汁甜甜的，好適合送飯，啲牛柳大大嚿，好juicy，而且都好多件下，側邊仲有啲配菜，係海哲同埋中華沙津！食飽個飯就回家瞓番個靚覺先😴🥴🥴

2019年2月10日 (星期日)第一次幫襯，叫了鹽水土雞同滷肉飯（滷雞翼併滷豆腐）套餐，另加涼拌苦瓜。苦瓜有驚喜，渗着淡淡的梅子幽香，没有半點苦味卻清新可口，水準以上，可作招牌菜式。香噴噴滷肉飯令人垂涎三尺，食指大動，飯面自選雙併小菜（滷雞翼併滷豆腐）只屬配角，味道一般，印象濛糊，滷肉飯細屑的肥肉邪恶卻甘香，令人欲罷不能，三扒兩撥已經食完。滷肉末混合了醃漬蘿蔔碎，蘿蔔脆去油腻，與滷肉直係絶配。鹽水雞味道平平，相反伴碟的青爪就清爽香甜。台式飲品卻比下去，無乜特别。周年誌慶晚餐送甜品，芋㘣同地瓜固然煙韌，好有咬口，之不過幕後功臣其實係羗味濃郁的糖水。話時話，好媽媽精彩盡在細節上，細微位全部一絲不苟。裝修佈置營造台灣小店風味。枱面上除了印有招牌菜，一句『工作愈辛苦，愈要吃得好』都好温情，好貼題，好有媽媽feel！埋單果陣啱啱見到廚師大佬，豎起手指公讚佢嘅苦瓜好食！大家都好開心！

#肉操飯 隻蛋真係非常好食，好似用咗日式醬油浸製嘅流心蛋，出邊好多都係普通滷水蛋，但肉操太少而飯又淋又濕。#菜圃蛋pizza 賣相好得意，好多菜譜，啱啱炸起趁熱食好味，如果放耐左會比較油膩。#椒麻雞 上次食係好有麻辣味但係今次就這只有鹹味，我侍應查詢，佢話應該係啲醬汁少左另外比碗醬汁我，不過都係保持唔到上次嘅水準都係好鹹，本來塊雞扒幾嫩滑而伴菜係沙律菜加沙律醬。#百香果紅茶 少甜 估唔到咁好飲，見到真係有百香果嘅果實喺杯底，其實都應該係糖漿溝出來，但味道係有新鮮果汁嘅感覺。#麻油雞烏冬 我朋友叫㗎，話非常好食，所以特登嚟食，我就冇食到啦講真總括來講真係好抵食，兩個人食到非常飽都係二百零蚊

十点之前要点单，十点半收市，服务员跟我说每一个奶茶都好喝，好吧，很难喝，就是粉末冲的，真的太差劲，不过菜圃pizza和炸鸡排都还不错，菜圃很酥脆，卤肉饭只能说分量很大，味道我觉得一般般，不像是卤肉饭！