天機棧扒房 (Closed)

今天週末，下午同老公往廣華醫院探朋友，之後往找餐廳食晚餐，行至花園街華園閣，見一廣告牌，是天機棧扒房，有套餐也可以散叫，價錢公道，在晚上9後入座全單還有七五折優惠。於是就同老公搭𨋢上2樓入座，餐廳地方整潔，燈光柔和，座位舒適。這套餐好抵食，9點後還有全單七五折優惠生蠔海鮮拼盤：每人(太平洋生蠔一隻、鮮蝦三隻、松葉蟹棒三條)，生蠔大隻又新鮮，鮮味中帶海水味。鮮蝦爽口鮮甜，松葉蟹棒有甜味。巴黎汁田螺焗薯蓉：薯蓉綿滑，配田螺味道不錯！芥末蜜糖薯仔沙律：味道清新，開開胃。龍蝦海鮮濃湯：湯都夠濃，味道就比較淡。蒜蓉包好香脆玫瑰岩鹽燒石斑魚柳配原隻南瓜芝士意大利飯：石班魚柳燒至金黃色，肉質鮮嫩，南瓜面有一層芝士焗至微微蕉，配意大利飯食很惹味。炭燒西班牙黑毛豬肉眼扒配蘋果茸：炭燒味濃，肉質鮮嫩，配蘋果茸，甜中帶蘋果香味。可樂、凍檸茶

今個月業績非常好，約埋同事好好地獎勵下自己，一於走去搵好嘢食，朋友圈中呢間餐廳好有口碑，我哋梗係唔好放過，一於去探視一下。海鹽脆香軟殻蟹天然鹽香製作出嬌嫩軟殼蟹，簡直係極品，色香味俱全。巴黎汁田螺焗薯蓉呢個汁液調製得頂呱呱，鮮甜田螺焗得薯蓉香噴噴，軟軟綿綿好食到停唔到口。龍蝦海鮮濃湯 龍蝦香濃無比，鮮甜出眾夠幼滑，製作認真。鵝肝醬烤芝士釀雞腿卷配黑松露菌汁意大飯 呢個飯材料非常豐足，鵝肝芳香怡人，濃密芝士釀在嫩滑雞腿上，令你嘅口感到莫大滿足，再加上一等黑松露散發著幽幽芳香，意大利飯顆顆晶瑩亮麗，結實飽滿夠曬煙韌， 味道調教非常恰當。朱古力心太軟 甜品都係自家製作，菜色出眾之外連甜品同樣出色，軟綿得嚟又清甜，散發著陣陣幽香，呢一頓晚餐後，你會即時想到，很快會再來惠顧。

今日做完facial好肚餓，跟住走去搵野食，想起早前同事介紹過呢間餐廳講質素唔錯，於是就入去 試下。我地點了呢一款香煎法國鵝肝，多士鵝肝芳香無比，配上多士香脆鬆化，非常滋味，生蠔海鮮拼盤（太平洋生蠔x1+鮮蝦x3+松葉蟹棒x3)，生蠔超級大隻海水味 滿滿的，肉汁澎湃。新鮮大蝦，肉質爽甜幼嫩，長長嘅蟹棒，肥大肉厚，同樣鮮味無窮。-芥末蜜糖薯仔沙律，芥末清香加上粉甜薯仔，呢個沙律令人胃口大開。巴黎汁田螺焗薯蓉，秘製醬汁配上新鮮田螺肉，混合滑溜薯蓉，又係另一種享受。-龍蝦海鮮濃湯，全是真材實料食材炮製出嚟，濃郁又鮮甜，真係頂瓜瓜。-炭燒西冷扒 8oz ，重磅十足，炭燒得濃香撲鼻，肉質柔韌適中，汁液澎湃，炭燒西班牙黑毛豬肉眼扒配蘋果蓉，另一個黑毛豬 又係一個出色製作，上等食材，加上一流大師功力 相得益彰- 餐後甜品，紅豆椰汁奶凍跟法式焦糖燉蛋，同樣是自家出品，跟別家的不一樣，風格寧舍出色，真係要嚟親身體會，感受一下。ＤＲＩＮＫ～～

今日同朋友去扒房食生日飯 因為有生日優惠，指定套餐可以4送1，都唔錯，幾抵。188元有頭盤、小食、餐湯、主食、甜品、飲品。 頭盤我要咗生蠔海鮮拼盤 有生蠔一隻、松葉蟹棒、 同鮮蝦。 生蠔肉厚好creamy,帶小小海水味道。鮮蝦肉質結實， 亦都夠彈牙; 松葉蟹棒味道都幾鮮。 朋友有點海鹽脆香軟腳蟹 炸得好酥脆，而且係啱啱新鮮炸起，好夠熱，勁惹味。另外點了 經典凱撒沙律、 法式田螺味道不錯餐湯係龍蝦忌廉湯，蝦味都幾重。 食完啲凍嘢再飲番個湯又可以暖暖胃。我的主菜點了西班牙黑毛豬肉眼扒配蘋果蓉，口感鬆軟，味鮮。再點上微微酸的蘋果蓉，令我越吃越開胃。 朋友點的碳燒美國西冷扒，7成熟，沒有說很厚身，但嫩而多汁。 法式焦糖燉蛋，上面一層薄糖燒得很脆，燉蛋甜度適中，好滑！餐廳環境有點小暗，好岩聚餐、傾計， 加上食物味道不錯又有餐點優惠，令我覺得回頭率應該很高。

雖然呢間餐廳離公司比較遠，不過我地班同事一耐冇食就會心掛掛其實我地都唔知佢嘅🐷係未特別出名，但去親都會點返同一個set - 炭燒美國豬扒 。話說塊豬扒燒到有格紋，賣相好靚仔，最緊要係好香炭燒味，厚實得黎好juicy，一d都唔油膩，雖然配菜得兩舊仔西蘭花🥦但好過無啦。講返個set，連主菜、餐湯、飲品加埋甜品都只係💲4️⃣8️⃣，仲要免加一聽落好抵，不過其實除左個主菜其他野都係好一般：餐湯試過雜菜湯有燶味、亦都試過中湯但清到咩餸都冇；飲品方面有得揀咖啡/茶/汽水/花蜜，建議大家揀返茶或汽水，因為所謂花蜜只係一杯熱水加pat jam喺底，而喜歡咖啡嘅你一定會對佢d咖啡失望；而甜品就係藥水顏色嘅（偽？）羅拔臣啫喱。題外話：其實最鍾意食佢個豬仔脾，不過食過一次佢就喺menu到消失左，強烈要求回歸呀😫

呢間食豬扒出名的扒房又幾好wor🤩雖然位置有d唔明顯😂個日同同事lunch黎食，發現佢lunch set又幾抵食！有個湯、蒜蓉包、野飲、甜品，甜品就係青檸味啫喱🤭味道麻麻～一個set total 50幾蚊 ，重點係個豬扒又真係幾香 好夠味 ！炭燒豬扒 可配薯蓉/意粉/飯 豬扒都幾厚身 所以就算叫薯蓉都幾飽～🤣 但我自己太為食所以仲加左個田螺焗薯蓉，好香蒜味！不過因為本身配左薯蓉再加呢個田螺就有d濟了！ 下次都想試下佢牛扒既lunch set😝😝😝

旺角雖然好多野食,但要搵一間似樣既餐廳食扒係有d難度的,今次黎到天機棧,話明扒房,當然要試試佢既牛扒喇！餐廳位置比較唔起眼,真係要認真睇先搵到,入到去,環境都佈置得唔錯,燈光更暗,如果要搵celebration既餐廳都算係一個好選擇,叫左個starter既salad,同埋牛扒,沙律賣相都幾吸引,食落都算新鮮,配合麵包粒幾有咬口,可以媲美好多高級餐廳,牛扒方面,無諗過一間係旺角小街既樓上扒房可以做到呢個質素👍🏻牛扒比較厚身,但5成熟黎講火喉都算合到好處,配合埋個sauce麵幾match,可惜份量爭少少,有d到喉唔到肺既感覺！成餐飯每人平均消費都係$300左右,性價比爆登👍🏻nice

想食呢間餐廳一段時間，然後終於有一天試到了。然後繁忙嘅生活，使我放下寫食評一段時間，但再回到這個頁面，我繼續記着要給這間餐廳寫出一個食評。題目說出不公的對待：就在一個晚上大約傍晚八點左右時分，就和我的愛人走進這間餐廳。最近lift 口就有位置，所以已經再沒有進入餐廳內部看看。環境上都挺舒服的。然後就隨心點了我們的晚餐，咖喱牛，仲有一個晚餐set ，所以有暮蓉鵝肝沙律再加甜品。都幾多嘢食嘅！但食緊個薯蓉嘅時候，聽到個經理同隔離枱介紹生蠔。做個西餐廳嘅過來人我即刻同我愛人講點解佢唔同我地介紹，係咪覺得我哋個樣唔會食生蠔呢？乜唔係每張枱都應該要介紹嘅咩？呢啲叫咩啊以貌取人？呢一點我已經唔係咁鍾意。不過算啦我就試吓你啲嘢食。食物上高都有七80分，鵝肝好惹味不過個咖喱牛好一般，嗰塊牛薄到....就嚟同張紙有得揮...仲要俾我食到半路嘅時候發現左隔離個牆既牆紙........真係好核突啦點解你一間好地地嘅西餐廳要用啲訂書機嘅釘咁樣釘住即刻又扣左分......你問我下次會唔會再食或者都會再俾機會你間餐廳嘅因為見佢九點過後好似有七折

最近係旺角睇完戲 去左間抵食得黎又有質素既扒房食大餐環境唔錯 坐得幾舒服$188有得揀生蠔海鮮拼盤或者大蝦,鵝肝 又有扒食 仲有齊沙律,餐湯,甜品 真心推介我地分別叫左凱撒沙律同田螺焗薯蓉頭盤唔揀生蠔海鮮拼盤真係對唔住自己初頭以為每人一隻生蠔會唔夠喉 點知生蠔勁大隻 真係足足手掌咁大隻滿滿既海水味 好鮮甜餐湯係濃郁既龍蝦海鮮濃湯 味道掌握得唔錯 有龍蝦味但唔會腥 我同小胖男友都叫左炭燒美國西冷扒美國牛扒一般肉質較有口感 連埋牛膏位一齊食 肉汁爆發 牛魔王必食同行友人大讚既炭燒西班牙黑毛豬配蘋果茸朋友share左佢個岩鹽燒石班魚柳配原隻南瓜芝士意大利飯俾小妹試 個意大利飯好creamy 除左有芝士仲夾雜住淡淡既南瓜香味 幾好食甜品有心太軟,奶凍同焦糖燉蛋3款揀 小妹既心太軟好味道呢總結 呢間扒房服務好,性價物超所值 值得翻兜

平時經過旺角呢條街 淨係會留意到天仁茗茶 估唔到原來有間西式扒房係樓上上次排天仁個陣咁岩見到 於是當晚就去試試佢見佢有個set包哂所有野小食頭盤餐湯主菜飲品甜品 $188 其實都幾抵幾吸引吖我地一行4人 頭盤緊係咩都試啲芥末蜜糖薯仔沙律 細細地 幾開胃 本身仲怕薯仔會飽添 反而又幾fresh咁香煎法國鵝肝 上菜時已香噴噴 口感入口即溶海鹽脆香軟殼蟹好開胃 熱辣辣 唔會太多炸粉得黎 又新鮮 正!主菜來了炭燒美國西冷扒我地點左五成熟 真係五成熟架 平時其他鋪硬係會overcooked...塊牛幾軟身 又幾多汁 啲伴菜都唔會好油膩 岩哂我呀炭燒西班牙黑毛豬配蘋果茸係呀你無睇錯呀係配蘋果茸呀 黑毛豬dip黎食又幾盞鬼我個人中意黑毛豬多過牛扒 呢個煮得岩岩好 平時食豬最怕硬咬極都未咬完石斑魚柳配原隻南瓜芝士意大利飯淨係食肉唔夠 我一定要有飯落肚呢個真係岩哂我 好濃郁既芝士同南瓜味配上有口感既意大利飯 呀 好幸福甜品 我揀左心太軟好完美既ending 朱古力啲醬係岩岩好溫度 平時最怕入面係凍又唔流出黎呢個有哂視覺效果添呀總括黎講 $188 包哂小食頭盤餐湯主菜飲品甜品仲要多選擇 我仲有咩怨言呢回頭

今日去旺角覓食，旺角周圍都有好野食，有時行行下又會發現，每次都食唔到同既餐廳，今次又發現一個好抵食既西餐廳。餐廳燈光昏暗，好有情調，餐廳好大，好多座位，好適合同屋企人或情人黎食晚餐，晚餐好抵食，我地選左$188 套餐，有齊頭盤、餐湯、主茶、甜品、餐飲。海鹽脆香軟殻蟹（1隻）唔太脆，但好鹹香入味。生蠔海鮮拼盤（太平洋生蠔x1 、鮮蝦x3 、松葉蟹棒x3)好大隻生蠔，海水味唔重亦唔太鹹，鮮蝦新鮮。頭盤-巴黎汁田螺焗薯蓉，味道唔錯！龍蝦海鮮濃湯-可跟餐加$18轉酥皮精選餐湯一客酥皮焗得鬆脆可口，配合濃濃的龍蝦湯，非常美味。主菜玫瑰岩鹽燒石斑魚柳配原隻南瓜芝士意大利飯賣相好吸引，玫瑰岩鹽石斑魚燒到好香，南瓜入面裝滿了芝士意大利飯，份量夠多。鵝肝醬烤芝士釀雞腿卷配黑松露菌汁意大利飯雞腿兩大件，雞腿入面釀了芝士同雜菌，雞肉嫩滑，估唔到咁好食，食完以個主菜真係好飽，但仲有甜品。朱古力心太軟&法式焦糖燉蛋經典黑牛（+18轉餐飲）&凍檸檬茶

今次無意經過上去食, 一個餐188元另加一1) 包了前菜沙律2) 龍蝦湯幾好味3) 主菜我叫了牛扒,  另一個叫了雞卷 兩個都不錯4) 鵝肝好食, 加多35元多一件待應好好服務, 值得讚, 

對於食評，唔好食就唔好食。呢間算係我覺得值得推薦的餐廳來。講真食西餐黎講，呢間價錢算佛心了。餐廳有幾種套餐揀，但兩個女仔食唔到咁多野，就每人揀了188的套餐。首先會有一款小食，一個前菜，一個湯，主菜，甜品同飲品。小食我揀了海鮮拼盤，而友人揀了軟殻蟹，我個拼盤簡直超值丫，有一隻生蠔，3條蟹棒，3隻蝦，而質素係ok既；至於前菜我地揀佐沙律同焗田螺；湯係龍蝦湯；主菜方面我地叫佐塊扒同蘑菇釀雞肉配黑松露意大利飯，這兩個超好吃的，特別是意大利飯配松露，那浸香味太吸引了；甜點有3種選擇，驚喜的是心太軟也在選擇系列，市面上很多餐廳套餐都會有心太軟選擇，但都是要加錢的，這間竟然不用，我和友人當然是選擇了心太軟，這間餐廳貼心的是他們會看客人吃完東西後就馬上把甜點上來了，不用我們三催四請。總括黎講，呢間係我近期認為cp值比較高既餐廳

近旺角煙廠街那邊真係好旺好多嘢食， 今晚想吃西餐， 個friend帶咗我去 一間樓上cafe， 佢話啲扒餐好抵食。 要乘搭一部比較簡陋的專業 直上二樓。 一出𨋢就見到cafe餐室嘅格局， 時間尚早， 不過侍應都提醒進餐時間個半鐘。晚餐$188 ( 每位)每位会包括生蠔，鵝肝或炸軟殼蟹。 先來的是餐湯--> 龍蝦海鮮濃湯， 飲落有那種甘甘地嘅連龍蝦殼淆製嘅 蝦湯底味， 唔算好濃郁海鮮味。鵝肝雖然細細件， 但外皮煎得很香脆， 咬落甘香柔潤， 但建議表面可下多一些鹽 提升香味。另外一款是椒鹽軟殼蟹。 蟹仔細細 但竟然都有肉 又juicy. 椒鹽很香口。 旁邊的 沙律伴菜加上黑醋汁， 酸酸甜甜很開胃。 其中一款頭盤是蜜糖芥末薯仔沙律。 味道標準， 不過原來份量頗精巧。 巴黎汁田螺焗薯蓉個 friend 話唔察覺有"巴黎汁"但田螺幾美味， 薯蓉又滑又香。炭燒美國西冷扒選了五成熟( 很專業只有單數一,三,五,七成熟)。 塊扒好靚， grilled 出來的格仔紋睇見已經食指大動。 肉質咬落軟嫩， 雖然切開有點raw， 但一啲都唔韌， 很有肉味，肉汁豐富。對我來說剛剛好， 如果選七成熟就

今晚同好友去旺角買化妝品， 之後佢話想食扒，所以黎到天機棧扒房～我地每人揀左個$188 既餐~ 超抵食，好多野揀。我地先一人一杯餐飲，有熱檸水同凍咖啡～之後我要左海鹽脆香軟殼蟹，佢有成隻軟殼蟹，食落熱辣辣又唔會油膩，NICE!朋友叫左個田螺焗薯蓉，薯蓉口感幼滑，配上田螺，搭得幾好！另外仲叫左個法國鵝肝多士，超大隻，食落好有罪疚感，太正！然後就到龍蝦海鮮濃湯，湯質幾濃稠，但口感幼滑，唔會好飽！MAIN 叫左玫瑰岩鹽燒石班魚柳配原隻南瓜芝士意大利飯 (限量供應), 賣相係吸引~燒石班魚柳皮脆肉唔會話乾身, 無骨，食落啖啖，唔錯，而RISOTTO 又唔會話太CREAMY！另一個MAIN 要左個炭燒西班牙黑毛豬肉眼扒配蘋果茸, 同樣賣相冇得輸~食落軟矓，配埋香甜蘋果茸呢個配搭，正！最後仲有２個甜品，心太軟外脆內軟，而紅豆布甸好滑溜。