金御海鮮酒家 (皇后大道中)

Open Now

Now Closed

除非你是去翠玉軒, 因此十分明白午飯時段的中環即使訂位都無用, 去到還要等。好, 等...等完卻不是吃餐好的。中下價點心超高價埋單茶位$12, 大點$30幾總之離譜

5/2 同埋honey d同事1行7人飲茶(睇到大家d評語都唔好,但都無計,照去可也)之前1早book咗枱,honey佢地12:15到,我就12:30去到,滿咗8成.第1輪點心好快到齊,食到1點,再order喇,等咗好耐至有,d人真係多到吖...d位真係好迫,櫈背對櫈背,1d吉位都無.d侍應/送點心亞姐完全埋唔到嚟,我地處於被困既狀態.結果送點心/加茶呢d野,咪要人傳人咁囉.d食野普通啦,服務我又覺得ok喎.見d亞姐攞d點心出嚟,再睇睇係我地張枱既,佢都即刻鄒晒眉頭,因為都唔知點比我地好,睇見都覺得好無奈...呢餐都唔平吖,茶錢要$12/位(好貴),埋單$92x.總結今餐,呢間野真係好勁,明明1張中枱,佢夠膽叫8個人坐(睇見都迫),佢簡直係將不可能變成可能,好野!!

星期五重陽同個朋友唸住去飲荼唔想逼~之前一家人都黎食過都ok~只不過價錢貴左少少~~所以介紹朋友黎食上到去見到d位好的逼~d椅背貼背~叫左兩位，無人帶位~好辛苦先逼到入去坐低~見到枱面有茶未收~叫人...個阿叔問咩事呀(好唔耐煩)，我話我想佢收茶同開茶~跟住佢就話，唔係叫野就坐下先啦~再叫~竟是問我你想點呀~火都黎埋~我同個朋友話唔想食到一肚氣，點知佢咩住我指住d茶~我話d茶唔係我叫ga禾，你唔係想屈我比錯錢呀~唔埋佢就搭lift走人~今時今日咁ga服務態度~收得咁ga價錢竟然無美心ga質素，十分過份。

今午一行四人上去飲茶. 吃了叉燒酥炸春卷煎腸粉燒賣山竹牛肉豉汁排骨另炒了碟魚香茄子伊麵.所有点心都很新鮮.打個八折後, 只是$241以環境、地点跟食物水準, 算是化算.

之前的食評都較為負面，但我去過兩次，印象都不錯。我兩次都是去飲早茶，都有半價優惠。老實說，原價大點$29、中點$25、小點$21，確實係貴了點。但半價就幾抵食。尤其係食物質素頗好，服務亦非如之前食評所述般差，當然亦非十分好。所以最好都是早茶或下午茶時段去幫襯。推介︰椰皇燉奶。小點價錢，半價只需$10.5，原個椰皇盛著燉奶，入口充滿椰香，必吃！到其他地方叫碗雙皮奶都要廿蚊啦，重無咁好食。

比起中環大部份既酒樓，呢度價錢都平15%，野食都算食得入口，酒樓都算光光猛猛。當日人好多，我地坐響走廊的臨時位，旁邊有關二哥，後面系個出菜位。幾怕D阿姐一個企唔穩，成盤點心倒落我地度。最最最最令我唔會再幫親既系服務員既態度。尤其系個響門口果位知客，拒既態度足以令你思維上打拒一身。今時今日0甘既服務態度認真唔掂。所以，我決定要將呢間酒樓列入黑名單。

中環來說，酒樓裝修不算美，天花水晶燈的吊掛明顯不對稱。食團年飯，lunch hour，時間很重要，因為商務時間(11:30am - 2:30pm) 超貴，茗菜$12 一位，點心光是小點都$21。訂了五圍檯，人到才執檯，擾攘了起碼半小時，最初還要我們有一圍的人數才准取檯，豈不是要我們12 人看著他們執檯嗎？訂了不是一早準備嗎？他們溝通問題，把我們其中一圍給了其他客人，當然賴死不走，講明要5 圍。服務已經不值那麼貴。地方好窄，或者我們太多潛建檯，通道都變得好擠迫。食物種類多，但食物質素不值$21 一個小點。結賬5 圍檯共七千多元。環境、服務、食物，都不值這個價。知道下午茶時段有折，要試就下午茶去才較抵食。

下午到此間酒樓飲茶,小點成二＋幾蚊up,好貴,叫了六個点心,大中小點都有,正價要百六七左右,幸好有七五折,都係百二三左右,味道還可以,可惜冇平價粥粉麵飯食..

星期五(九月廿九日)午膳和同事到金御飲茶。對唔往, 一定無下次。我知道當日係長假期前, 飲茶午膳的人多, 好多酒樓都會加, 但當日金御的擠迫程度卻是我前所未見。食客椅背貼椅背, 而傳菜員要側身穿過椅背間的空位, 餐盤在客人頭上舞來舞去的情形下, 才可將食物傳給客人。貼著我們一的一名客人忍無可忍下, 出言批評酒樓, 調解時, 傳菜員盛著貪物的盤子足足在我同事頭上停了分多兩分鐘, 幾驚她手軟。要賺錢也要顧顧服務和安全的問題。老實說, 如果真係發生火警, 以當日的擠迫程度, 走火通道又不明顯, 真係好危險。叫了的點心沒有來, 自然避不了, 不過實在怪不得員工。

我去過好多次,除左佢既名氣唔係咁高外, 佢係中環係幾乾淨同抵架1) 環境好好,大約開左一年啦.有廳房裝修都好舒服2) 食物新鮮, 早,下午茶半價,而粉麵就75折正價就好貴喇.佢地下午茶有個椰皇燉奶,$10大元抵,唔會好甜佢地冇加糖架係用佢d椰皇水燉蛋白,好滋潤^^~小點好似係$7 定$9, 唔係好記得但佢既小點同中點選擇多,試過一個唔記得咩麵線,好味~蝦餃新鮮個甜薄(餐)好香口熱辣辣,我去到都識佢地好多人喇.service都幾好一叫就有人喇可能有時太忙啦,唔夠人手.但一定要原諒,鏞記dservice都係一樣o者~食飽飽都係40大元

今日同同事去飲下午茶。o係下午茶點心一律半價既帶動之下，茶市幾旺，但6 個人都仲搵到位。叫o左十籠點心，o黎得都OK 快，唯獨是個甜薄罉同個煎腸粉千呼萬喚終不來，催o左兩次先慢慢來。伙記大多是新手，反應慢、上錯茶唔使講。值得一提既係金御有D 點心，外頭比較少食到：例如甜薄罉（卷狀，椰絲黃糖花生茸）、燒腩卷等等。碗仔翅有D 水，但勝在幾大碗同有金菇。由於人流高，食物雖然唔係好好質素，但都幾新鮮。下午茶圍番都成$30，唔太飽，下次要試埋D 粥粉麵飯先夠膽講佢值唔值咁既價錢。

呢日同屋企人飲茶, 見佢就腳又啱啱裝修同改名(前身係正陽樓), 就上咗去。其實佢都冇咩特別, 不過可能新開, d 人好似唔多醒目, 個waiter竟然o係我地一樣野未嚟之際攞張單嚟埋, 呢樣都算, 講吓d野食...家人話事, 6個人叫咗d普通點心, 講吓個腸粉, 未食個個都話佢個賣相輸晒, 白色一片, 加番兩條菜會好好多, 味道不過不失。之後個香芉糯米卷, 唔係蒸得好夠喎, d糯米同塊香芉都生生地。個金錢肚本人略嫌咸咗少少, 其他咸點如燒腩卷,叉燒飽等, 我冇食, 不過家4都冇咩特別comment。到甜品, 我地叫咗涼瓜炸湯圓同香芒布甸, 前者我食唔到任何涼瓜味, 而且中間黑芝麻太甜, 後者都冇咩香芒清甜...aii... 做咗百彈tim...