麥奀雲吞麵世家 (白加士街) (Moved) New Location

開頭以為個名係老子號， 應該衰極都有限。 點知叫咗碗雲吞麵， 先至發覺中招； 個碗只係大過個飯碗小小。 最重要係味道一般， 老表同雲吞成都好味D. 一D都誤值三十幾蚊。個牛筋撈麵還可以， 但d麵好重鹼水。最差嘅係d阿姐嘅態度， 今時今日真係十蚊都誤值。 我問有無辣椒油， 得一個字"無"。 點解連辣椒油都無?

琴晚原本去食澳牛炒蛋,點知因為做冬而休息一天之後就去左附近既麥奀食雲吞麵,因為聽聞這間店舖很出名,所以決定入去嘗試入到去見到雲吞麵28蚊,心想應該是物有所值點知來到果陣先發現碗麵份量超細,連下午茶也不如 味道也是一般,雲吞不是想像中那麼好我終於明白.名店也不一定是好的,因為愈出名的店舖,就是愈冇質素呢間野一定冇下次!!!!

今日好忙，Lunch諗住快快手，食麥文記，點知今日澳洲牛奶公司休息，搞到麥文記勁多人等位，唔想等，快步去咗左鄰的麥奀，諗住食過中環嗰間okay呢間都唔會太差，點知錯晒！一坐低，發覺雲吞麵碗要28，個心即刻諗你憑'mug'野可以賣貴麥文記4蚊?唔通係電腦打單同杯茶? 後來我終於知道...可能係杯茶份量，食麥文記我一定一碗就飽，呢到竟然唔得！我咁鬼細食都唔得其他人可能要叫3碗!雲吞同麥文記一樣，有4粒，可惜size係麥文記一半!， 味道亦不及，蝦肉新鮮度亦不及麥文記　湯底都普通，有d鹼水味麵，唔得，太硬一定無下次!

有些飲食品牌,總店水準好地地,分店就差天共地.當年曾在奧海城food court吃過麥奀記,差得令人乍舌.還記得麵條的鹼水味,非常之刺鼻.月前在佐敦開設分店,在老字號麥文記旁邊,是有意抑或無意?猛虎又及不及地頭虫?個人喜愛中環麥奀,同時亦喜愛麥文記.兩者到了今天,終於來個直接競爭.先吃蝦子撈麵,老實說蝦子同老店一樣.當然不是吃過最好的蝦子,始終都覺得車品品的蝦子是無敵.麵條柔韌彈牙,沒有鹼水味,另外的大地魚湯底,則比老店的淡,嗒落不及中環店的鮮香.這一個蝦子撈麵,份量貫切傳統不多,賣$40一碟.以佐敦指數,算貴.細蓉也是這樣子,羹不見天,麵條在面,份量細小,傳統的雲吞面從不是填肚之物,如果想吃雲吞麵而要有飽的感覺,對面的雲吞成可幫你.麵條一樣彈牙,也是沒有鹼味.雲吞保持細小身形,蝦多過肉也是麥奀的方程式,但是蝦肉則不及老店新鮮了.湯底的味道,比麻油味重重包圍,是一時錯手下得太多?是佐敦人喜歡重麻油香味?吃雲吞麵不同吃出前一丁呢.檯上的日本旅遊書剪報,把麥奀形容為"庶民派食堂之美食",日本人太高估我們香港人了,一個蝦子撈賣$40,一碗雲吞麵賣$28.加埋總共$68,以這個價錢水平來看,還

今日下午去佐敦食野，見到澳牛同麥文記都好多人，所以就入左去呢間唔洗等位既麥奀食，結果令我地感到十分後悔我地叫左個雲吞河同牛腩河，雲吞河$28，牛腩河$30!!!可惜，佢既份量同價錢係完全唔成正比既一碗麵係用好似飯碗咁細既碗載住，我去食糖水個碗仲大過佢:其實食5 分鐘已經足夠食完.__.先唔講份量，講味道!!!呢間野叫做”雲吞麵世家”，其實佢係一D都唔配呢個名的間野講到自己D 雲吞咁出名，心諗就算碗野細D 雲吞都應該好大粒好彈牙，點知...真係得個"諗"字佢D 雲吞得幾粒，而且粒粒都細過個pingpung ball食完都唔多覺入面有蝦，所以評唔到分，唔好意思而且個湯底都十分普通...至於個牛腩河，又係好普通，D 牛腩唔夠林，幾啖就食完成碗，個湯底都算可以接受。不過以佢既份量同味道，我覺得佢只值$10我地食完兩碗麵後覺得一D 都唔飽，唔比錢都唔知自己食過野.__.所以即係走去左隔離再食糖水可能入面D waiter 都知D 野太細碟，所以你叫完野食後佢地都會問你仲洗唔洗叫菜…

“麥奀”，印象中好細嗰嘅時侯喺中環食過一次，今日行街街去到佐敦見差唔多晚飯時侯於是就入去揾嘢食。入去之前已經知道麥奀啲嘢唔平，因為相傳佢啲嘢食好出名，但呢次真係一試失望。入到去落單後食物好快就送到，非常有效率~~~講返今餐Order嘅食物：蝦子撈麵 ($40)：一上枱個賣相同枱上嘅剪報相差甚遠，簡直係縮水版，蝦子小得可憐；食落仲衰，蝦子味好腥，麵質硬，唯獨係個大地魚湯底叫做好啲。咁樣水準嘅蝦子撈麵真係估唔到係出自名店麥奀手中，失望十分~~~上湯水餃麵 ($30)：一般貨色，水餃唔見比十蚊碗果啲好得多，麵質又係硬得很，係得個湯底OK，而且份量超細碗，唔掂~~~今次到訪老字號“麥奀”真係預計唔到咁失望，完全係名大於實，質素只係好過十蚊碗少少，麵店沒有特別的裝修，沒有舒適的座位，只是普通茶餐廳的格局，但價錢一啲都唔平，咁嘅價錢真係唔抵食，唔會再有下次~~~

有時就是這樣，同一套管理製度搬去了另一地區，效果可以是另一世界。從前威靈頓街的麥奀做得好，搬去了中港城food court味道只能說比起附近餐廳好一點，而最近佐敦店就開在麥文側，有「挑機」之嫌。比麥文不同是可以雙拼，但胃納有限，要了細蓉，五分鐘上檯，不及麥文效率高，湯欠熱度，而味道亦較薄，不及麥文充滿著濃郁鹹鮮味，幸好麵無鹼味，爽口易消化，是較麥文精緻，至於雲吞，兩邊都推介唔落手，最好的散尾雲吞在中環鏞記。伙計是年輕人，效率不及中環老伙計高及醒目，要再努力一點了。

叫左碗牛腩麵，好快就黎左。但一見到咁細碗收成三十個大洋就火都黎埋！一試味道平凡，但食下食下仲發現碗麵有疑似蚊蟲異物(黑色有腳的)响入面！叫個侍應黎，佢居然問本少爺隻蚊响邊！(可怒也) 見過隻蚊之後就鬼鬼祟祟咁拿走碗牛腩麵。一句抱歉的話也沒有，簡直係不知所謂！一細碗牛腩麵收成三十個大洋，訖鬼佬還可以。幸好本少爺一向眼力好，才幸免於難。「奀，人瘦弱也。」有XX鬼命之意。想減肥就多去光顧啦！吃下那些疑似蚊蟲異物，想唔奀都難！

一起身知道要出佐敦，個腦充滿住隔離麵檔豬手麵的味道。可惜，去到，十一點幾，原來開十二點，又趕時間，只好食麥奀。雲吞麵又話攞獎又話盛，根本一ｄ都唔值，完全overrated 。雲吞，連最基本的蝦都唔新鮮，比起茶記西炒飯嗰ｄ用發粉發到蝦毛變大，呈透明狀的「蝦」，好少少而已。一食落口，成陣化學劑味，攞咩獎都係咁話。至於價錢、份量的的不合理，之前的食評都講左好多，唔再多講。可能，攞獎餐廳係有個人風格ｄ架啦。

本來想去澳門牛奶公司吃午飯, 但人太多, 結果來了這家米芝蓮推介的小店吃雲吞面.一進去看到餐牌, 嘩, 28元一個雲吞面, 史上最貴, 但我也抱著試食的心態點了它們的雲吞面, 嘩嘩, 小得可憐, 且也是沒有豬肉的雲吞, 面吃了五口便沒有了, 且不正常地放了麻油令它較香口, 但掩蓋了面的味道, 然後又是嘩嘩嘩, 有一團黑色物體在其中一個雲吞內, 吃了一口發現蝦腸還沒清除, 我的媽啊, 連食慾也沒有了, 連最基本的做雲吞慨念也沒有....所以說米芝蓮推介的也不是絕對好野. 最後我跟櫃台說蝦腸沒有清除, 她們一點反應也沒有, 真的搞笑.....

今日本來想去麥文記,點知好多人無位.咁見隔離開左間新麵店,係門口個阿姐係咁叫試下.好啦,就入去試下. 首先,間舖裝修簡單比起麥文記差唔多. 坐低,無認真留意就叫左我常食的炸醬撈麵及芥蘭. 點知,一上枱.我嘩左一聲.. 呢碟咁細碟叫做撈麵... d炸醬..... 少到..我真係唔適形容..跟手.我先睇一睇...40元一碟.....嘩.... 好.. 即刻試下碟麵有幾巴閉先.. 車... 不外如事.. 一d都唔好味.. 好普通.. 比起麥文記只得60分. 賣40蚊. 我只會比你坤一次.. 無下次.. 食完真係有d火火地....

去完附近之後一家人諗住去試吓呢間嘢一入到去見到個餐牌經已打個突罐裝汽水$12芥蘭每碟$18蠔油撈麫$30...叫咗兩碗雲吞麪、一碗淨水餃、一個蠔油蝦子撈麪加一碟芥蘭碗撈麪送嘅湯細到好似擺上神台嗰碗飯個撈麪得一個麪,多咗蝦子就貴$10 ($40)碗雲吞麪細到阿媽都唔認得...「呢啲咁嘅嘢用嚟呃鬼佬就得啫」(我阿爸講嘅)張枱上面仲有張日本食評佢上面都係寫住量少呀etc五粒星滿分佢得嗰三粒星,仲要好似好威咁...貴夾唔飽最後埋單三個人夾埋$146!!!!!!!!!我覺得紅磡間大光燈好過佢好多啦~

上星期六晚師傅一條冷十一點幾都未食飯, 鬼死咁肚餓, 於是又返番去自己地頭搵下野食, 可惜又冇咩心水, 眼見呢間食店最近新開張, 雖然明知唔抵食, 但偏偏又貢左入去, 師傅呢種明知山有虎, 偏向虎山行嘅精神有時都可謂疚由自取!鬼死咁肚餓, 所以一坐底諗都唔使諗即刻柯打左一碗雲吞麵, 等左幾分鐘先有得食; 一放低師傅就真係眼都凸晒, 雲吞麵真的非常細碗, 個碗差不多係平時酒樓嘅湯碗, 內裡放左四粒雲吞同埋麵, 師傅先試湯底, 湯底幾清冇味精, 而且有少少蝦籽嘅香味, 感覺不錯; 再試下個麵, 麵係全蛋麵, 麵身爽口彈牙, 煙煙韌韌加上冇鹼水, 真係一流; 而雲吞有四小粒, 雲吞皮夠薄, 而餡料就胡椒味好重, 感覺係d蝦唔夠新鮮, 加上餡料頗實唔爽口, 雲吞黎講唔算太出色!師傅應該大約用左三分鐘就食晒碗雲吞麵, 當然個感覺就係好似冇食到野咁啦, 內心掙扎左三十秒, 師傅決定再柯打一碗牛腩麵, 牛腩麵黎到時師傅將隻牛腩麵個碗同雲吞麵個碗比一比, 發覺牛腩麵係大碗少少, 不過咁都好正常, 皆因牛腩麵貴少少嘛; 牛腩係用柱侯汁煮, 柱侯味夠香夠濃, 加上炆得夠入味, 所以味道不錯, 可惜牛腩水準

和朋友去唱K前, 在附近搵野食, 朋友都沒岩心水, 我就建議吃雲吞麵吧, 就到了這間在佐敦新開的雲吞麵店, 坐下就試試吧,看一看menu上的食物, 平均價錢都要2x, 撈麵大約就是 4x.朋友叫了一個雲吞麵, 我就叫了一個牛腩撈麵.味道只是一般, 食物份量比較少... 可能比較適合女孩子吧.我吃完之後感覺就好像沒有吃過一樣 = ="總結 : 就是只是一般, 沒驚喜~