麥奀雲吞麵世家 (荃新天地)

Open Now

Now Closed

自己一向都喜歡吃雲吞，而「麥奀雲吞面世家」的雲吞又非常有名氣，所以我也忍不住要到此用膳。世家雲吞面(細蓉)一碗雲吞面有四粒小小的雲吞，薄薄的雲吞皮包著爽口彈牙又鮮甜的鮮蝦，味道真的不錯! 而雲吞面亦爽口彈牙，相當有口感，配上充滿大地魚香味的湯底一起吃，別有一番風味!上湯杞子浸芥蘭芥蘭口感不會過腍或過硬，而且相當清甜，芥蘭清甜的同時，上湯亦十分清甜，配上杞子後特別美味!這裏的食物相當美味，而服務又細心鮫殷勤，值得再次前來光顧!

話說有話說有日去荃灣辦事，就想試下食某間聽聞就結業冰廳嘅炸雲吞，去到竟然裝修中？？？咁我又勁想食雲吞，見附近荃新天地地下有間麥奀就唔理三七廿一入去。餐點選擇都幾多，湯麵撈麵、牛腩雲吞任君選擇，但因為我真係好想食雲吞又肚餓就直接叫碗大蓉！一碗大蓉得3、4粒雲吞，仲要非常細粒，不過真係啖啖蝦肉，係好味嘅！麵身夠哂爽口彈牙，亦都好香口！而湯頭就無咩特別，有韭黄加分～咁就49蚊，完全意猶未盡食唔飽！我知道雲吞麵喺以前係小食並唔係正餐，但以已經加咗底嘅情況嚟講就覺得唔太抵食

沒有印象以前有冇食過佢，但好多年前聽過長輩彈過佢雲吞麵麻麻又貴又多味精，所以一直冇試。當佢被米芝蓮推介就好奇了，老外識評雲吞麵咩？先說麵質， 銀絲細麵，有彈性得來又夠滑夠爽身，不是鐵絲貨色，好！但就沒有什麼蛋香味，以麵來說還是當年澳門黃枝記最好。再來是湯， 湯色清澈但不夠深沉，喝下味道偏鹹，有濃烈嘅胡椒味，太搶了，餘下味道淡薄不夠鮮味，好普通的一個平價湯底， 不像是名店出品。試下雲吞，細粒扁平，就只有一隻蝦，鮮味一般，冇豬肉蝦子大地魚粉吊味， 感覺寒寒酸酸。皮好在未有霉爛。淨水餃餡料豐富啲大隻啲， 不過蝦的鮮味就更少， 只有爽似乎是下了梳打粉，味道人工化。好在木耳夠脆口爽口，但味道幫不了多少。而接口的皮好厚好實， 一口吃下好像吃麵團一樣，口感差。 講到尾都係控製成本，唔捨得畀多啲餡料，撐不起塊麵皮。又奀又細又貴，就是現今香港社會的最佳寫照。

環境: 港島區既老字號雲吞麵終於系荃灣開分店, 選址系荃新天地一期, 泰昌旁邊. 餐廳裝修非常有氣派, 但亦不失傳統味道.食物: 貴為米芝蓮餐廳, 食物質素應有一定水準. 雖然分店通常比總店差少少, 但我認為呢間分店水準和我食過中環的差不多. 今次叫左個招牌雲吞麵加大, 麵身爽口彈牙, 雲吞亦保持水準, 蝦肉鮮甜有咬口. 雖然加大份量都唔會好大, 但貴精不貴多, 一碗熱騰騰既雲吞麵永遠都係好食同充滿香港味道.價錢: 價錢中上, 始終係米之蓮級數, 一碗細雲吞麵$38, 加大$48, 比起出面雲吞麵黎得貴, 不過食材質素應該是貨真價實.

每次行過，看到餐牌，再看看客人用餐的碗，呆了一呆，嗰碗雲吞麵咁細要$39？雖然知佢一向出名，但始終過不了心理關口，猶豫不決下多數都行過便算。今天，終於同朋友本住一試心情，走咗入去，叫了一碗招牌雲吞麵，一碗牛腩麵，都係大嘅，$51碗……一碟生菜，$30，嘩！係其他既一倍多……講多無謂啦，試味！1 生菜，其實只係好一般，收咁貴，又冇揀啲嫩啲嘅比你……唔值2 柱候腩麵……咸咗，味係ok，但偏咸，啲牛腩以呢個價唔抵，唔抵，好唔抵3 雲吞麵，雲吞細細粒，食到啲蝦係彈牙既，蝦味唔算出，但其實比好多麵家好，呢個價……一試，或再試都無妨嘅，但湯底都係偏咗少少咸至於啲麵，煮得OK，爽口彈牙，但咁總共都要百幾蚊，硬係唔甘心，同區行過啲嘅雄記，啲麵煮得冇佢咁好，但都ok，而最緊要雄記號牛腩好食過佢，平過佢（其實我覺得雄記都貴㗎）相對作為平日晚飯，雄記個價接受到，麥奀就真係偏貴，不過，亦由於貴，相對佢既環境會好啲，冇咁嘈雜同迫，食得 幾舒服，真係睇你想要乜，麥奀雲吞係得，但牛腩以個價就差咗少少，但都會再幫襯，想試試佢嘅豬手得唔得

門市黎講，我淨係去過尖沙咀嗰間，但今日放假真係懶得出門，叫左荃灣分店嘅外賣lunch，又幾好食！叫左雲吞水餃麵同埋菜心+腩汁。個菜本身係落蠔油，但打去叫佢轉腩汁比我，佢即刻應承，正！個菜都好爽口，腩汁有啲啲咸，撈埋落湯麵到好啱味！😍雲吞係佢地招牌，果然係好食。個size夠正宗地細，隻蝦大大隻，佔左粒雲吞9成😍 水餃麵好食，餡好多。個麵口感都唔錯，冇浸住送黎所以唔會淋哂。個湯其實就有啲太咸，要飲多啲水先得。但個外賣落order到送黎我門口都係20分鐘，真係好快好方便😍😍😍

好耐無食雲吞麵今日途經雲吞麵世家麥奀就入左去喇。店內裝修以翡翠綠色為主配搭木傢具，比人既感覺舒適簡約，坐低後侍應好有效率遞上一杯中國茶，雖然茶色好濃但係無咩茶味既，點了牛腩雲吞麵 ($53)。牛腩雲吞麵 : 份量偏細碗，不過牛腩份量都多。湯底睇落以為會好濃味同好咸，點知飲左一啖完全改觀哂，出奇地清甜唔知係咪加左韭黄既關係 ; 雲吞內裏係原隻蝦，幾爽口而且有五粒。食完之後意猶未盡所以叫多一碗雲吞水餃麵 ($49)雲吞水餃麵 : 湯底都見有落韭黄，而且都清甜。麵亦無鹼水味，水餃 (含蝦肉、豬肉、冬菇、木耳絲、荀) 口感豐富，而且每一粒都頗大粒。價錢略貴了少許不過都值得一試。

依間啲麵好爽，水餃正，雲吞又好多蝦，個湯底好好味，又有九王，好夾，點辣椒又好特別，撈麵用一定好好味，但店員就態度好差，問多幾句就態度差，去左三次，每次都見到店員話啲客人，食左幾次，食物好，環境好，就係差在請人差水餃麺(大)$51 要大先夠食，細既就39元，不過就大少分量，個人而言每次都食大，雲吞都好好食，細細顆，但好足料同多夠味，九王都好新鮮，牛腩就未試過，有機會就會試下，不過每次食野都要睇到有食客比人話，其實好小事，啲姐姐都好火，真心無奈

十多年前在中環食過一次麥奀雲吞，當年的記憶是，雲吞細細粒，價錢偏高。所以食過一次就再光顧。今日行經荃新廣場，突然聞到濃濃的雲吞香味，原來新開了一間麥奀記，在濃濃的香味吸引下，我決定再試一試。因為不肚餓，所以點了淨雲吞水餃。$43有4粒雲吞，3粒水餃先嘗一口湯，湯頭偏淡。沒有店外聞到的濃厚香味。雲吞依舊細細粒，其中一粒仲要爛開。蝦肉爽，但味道平淡。水餃體形比雲吞大三分一，有木耳絲，冬菇絲，豬肉及蝦，有咬水，味道比較豐富。結帳是自行到櫃檯付款，當時人客很少，收銀的叔叔可能在沉思其他事情，全程沒有溝通。總括而言，比麥奀記好味道的雲吞，在香港多的是，我就唔會再浪費錢同時間食喇。

麥奀雲吞麵世家進住荃灣區今次點了三款食物淨雲吞柱侯牛腩麵牛筋河粉雲吞精瑩通透細細粒蝦新鮮 牛腩不太林有少少硬牛筋juicy, 河粉滑。三樣東西價錢超過100蚊， 老實說食得不是太飽。

事源今日晚飯時間，入去叫麵又無人理，我倒瀉咗茶，又無人理，又無人抹，又無人拖番個地，重衰過去快餐店。而且，個3位阿姐掛住等放工，乜都唔理，掛住傾計，最慘係個經理。