麻辣香鍋

Open Now

Now Closed

今天難得和朋友相約晚飯👭 我們一致挑選了吃川菜，就選擇了旺角的麻辣香鍋，進入餐廳，首先映入眼簾的是簡約而又不失熱情的裝潢，明亮的燈光和舒適的座位讓人感到放鬆。服務生的態度親切❣️點餐時對於每種食材都能詳細解說，讓人感受到他們對食物的熱愛和專業👍🏻這道麻辣香鍋賣相誘人😍黑色大碗中堆滿色彩繽紛的食材，紅綠相間的乾辣椒與青椒、我們點了新鮮的鮑魚，羊卷肉片，萵筍，椰菜，土豆片，黑魷魚，鴨血和鹵豬頭肉，視覺上熱鬧奔放。香氣撲鼻，麻辣花椒與蒜香交織，醬汁油亮濃郁，散發焦香。味道上，麻辣鮮香層次分明，羊肉嫩滑多汁，蓮藿脆嫩，土豆片軟糯，鮑魚新鮮爽口，還有其他吸滿醬汁的食材辣得過癮卻不嗆口😋香菜在這個香鍋裏增添清新與香氣，令人回味無窮，是一道熱情四溢的川味佳餚！辣子雞賣相火爆🔥白色大盤中堆滿紅艷艷的乾辣椒，夾雜金黃酥脆的雞丁與花生，色澤熱烈誘人。味道麻辣鮮香，雞肉酥嫩，辣椒與花椒的麻辣刺激味蕾，花生增添香脆口感。蒜泥白肉則清新誘人，薄切白肉淋上紅亮辣油，覆蓋蒜泥與香菜，賣相清爽。味道濃郁，蒜香與辣油交融，肉質嫩滑，微辣中帶清新，令人回味🫶🏻總括來說，這家麻辣香鍋店無論是從環境、服務還是食材的新鮮度上都表

今日放工之後，約咗幾個朋友去旺角食飯，因為佢哋好鍾意食辣，所以特登揀咗間食辣鍋既小店。呢間餐廳裝潢得幾有中國古典特色，走入去已經感受到濃厚嘅文化氣息，真係幾有feel。。餐廳嘅食物種類真係多元化，無論係香鍋、酸菜魚、烤魚、片皮鴨，甚至小炒都有，真係應有盡有。最後我哋決定點一個招牌香鍋，仲加咗牛肉片、牛百葉、蓮藕、土豆片、香乾、花菜、豆皮、沙白同埋萵筍，配埋香飯，簡直係完美搭配！。香鍋嘅份量真係勁大，4-6個人食都夠，真係好抵！香鍋來到嘅時候，香味已經撲鼻而來。牛肉片煮到啱啱好，鮮嫩多汁，牛百葉就更加滑，搭配埋各種蔬菜，味道真係好豐富。仲有，香飯嘅搭配令整個鍋嘅味道更加升華，食落去真係好滿足。。除咗主菜，我哋仲點咗個黃金蝦球做小食，蝦球外脆內嫩，味道鮮美，完全唔會油膩，食完真係唔想停手。甜品方面，我哋選咗紅糖糍粑，甜甜地，口感軟糯，真係好好味，食完仲想再來一份。。飲品方面，我哋飲咗凍檸茶，清新解膩，正好平衡咗辣味。呢個組合真係一流，整個晚餐都好開心，大家都食得好開心，笑聲不斷。

這間餐廳位於人來人往的旺角地地鐵站,大概2分鐘,十分之方便，加上餐廳性價比十分高，適合朋友的聚會.湯色金黃濃郁，酸菜脆爽帶出鮮明酸辣味，湯底酸香微辣，非常開胃。魚片切得薄而嫩滑，入口即化，沒有土腥味，搭配粉絲或金針菇吸飽湯汁更美味。湯底香濃喝多可能稍膩，適合喜歡重口味的人。 鮑魚彈牙、雞肉嫩滑，醬汁濃郁帶川式麻辣香氣，微辣中帶點甜，醬香十足。雞肉燜得入味，鮑魚鮮味突出，整體鑊氣夠，適合配白飯或拌麵* 四季豆煸得外皮微焦，內裡仍保留汁水，口感爽脆。肉末炒得乾香，加上蒜末和辣椒提味，鹹香帶微辣，非常下飯。不三款菜式風味濃烈，適合嗜辣或重口味人士。金湯酸菜魚酸辣鮮美，鮑魚雞煲醬香濃郁，乾煸四季豆鑊氣十足，整體表現不錯。推薦搭配白飯或啤酒，痛快享用！

麻辣香鍋就係朗豪坊對面的地舖，鄰近旺角地鐵站出口，同朋友行完街，步行五分鐘就可以過嚟食川菜，好方便！我同朋友次次都會嗌招牌香鍋！今次我中午過嚟食，見到個場都好滿座！✦ 招牌香鍋 ✦任選五餸起炒食材配料係自己揀既，有幾十款選擇！之前成日試麻辣口味，今次朋友唔係好食得辣就試下香辣口味，小辣~配料方面我哋就揀咗牛肚、肥牛、萵筍、雜菇、薯粉。上枱時即刻聞到香噴噴的辣椒味，辣椒的顏色紅亮，牛肚同肥牛食落辣味溫和香口，令人越食越上癮！！而且份量好多，加埋個薯粉，兩個人都食到好飽~🌟口水雞賣相好正宗，雞肉的份量幾多，而且睇得出係雞髀位，冇咩骨，一啖全部都係肉😍❤️口水雞的肉質好新鮮又嫩滑，雞皮都好爽口，口水汁好濃厚！酸，辣，麻的配合得非常好！👍✦ 鑊氣小炒 ✦京蔥羊肉（配6張麼麼皮）羊肉好夠穫氣！京葱好香口，配埋羊肉的少少羊羶味，我個人好鍾意😍，麼麼皮上枱嘅時候好溫熱，食落軟糯有口感!羊肉配埋麼麼皮好似片皮鴨的食法。下次試埋佢嘅其他菜！

我最近又去咗我最鍾意嘅麻辣香鍋，真係每次去都唔會失望☺️京蔥牛肉配上六張麽麽皮牛肉嫩滑，京蔥嘅香味好突出，搭配麽麽皮一齊食，口感超級好🤩招牌香鍋有麻辣同香辣，我選咗香辣小辣配菜揀左新鮮鮑魚，四隻只需$68，鮑魚肉質鮮嫩，味道非常鮮美，真係好抵食！另外，蝦球同雞軟骨都唔可以錯過，蝦球彈牙，又大粒，雞軟骨香脆，食落去好有口感😋再加上花菜同土豆片，兩者都吸收咗香鍋嘅香辣，味道更加出色，特別係花菜，超級入味，真係好好食🤤🤤配碗白飯，將所有嘢一齊食，真係無得輸😋😋另外仲點左紅糖糍粑，份量都幾多，外脆內軟，點埋紅糖，正👍

麻辣香鍋 (旺角)旺角砵蘭街198號地舖今日我哋去咗旺角麻辣香鍋，真係好開心呀！一入到去，嗰種濃濃嘅麻辣香味就撲面而來，令人忍唔住已經口水直流。我哋點咗招牌香鍋，選擇咗香辣小辣，味道剛剛好，唔會太過辣。鍋入面有牛柏葉、海蝦、牛肚、五花肉片同埋鯛魚片，每一樣都鮮嫩可口，特別係牛柏葉，咬落去非常有口感，海蝦更係鮮甜得不得了，真係一試成主顧！另外，我哋仲叫咗一個水煮沙白，沙白嘅肉質滑嫩，加上香辣嘅調味，真係令人愛不釋口。夫妻肺片就更係一絕，薄薄嘅肉片配上香香嘅調味，吃得我心花怒放，根本停唔落手！飲品方面，我哋選擇咗金桔檸檬茶同埋百香果檸檬茶。金桔檸檬茶清新解渴，而百香果檸檬茶就更加水果味十足，酸酸甜甜，正好中和咗辣味。整體嚟講，旺角麻辣香鍋真係值得一試，無論係食物質素定係環境氣氛，都令人感到開心。下次一定會再嚟，繼續探索更多美味！

大盆花菜，呢煲花菜真系好有鑊氣，🥦菜花炒到卜卜脆帶焦邊，五花腩的香滲哂入菜度，辣椒吊味但唔嗆喉。豉油香帶住微微甜辣，🍚撈兩啖飯即刻清曬成碗，蒜泥白肉，薄到透光嘅五花腩片蘸滿蒜茸醬！🧄蒜蓉堆到成座山仔，🌶️淋埋紅油香到流口水。肥膏位彈牙似啫喱，瘦肉嫩滑到溜喉，蒜辣湧出，慢品回甘，芫荽爽脆解膩🧊麻辣香鍋，一上枱紅當當夠曬架勢！🍲花椒辣椒爆到滿屋飄香，蝦肉，蓮藕，薯仔索盡麻辣汁，咬落爽脆又有嚼頭。🥢最正系兜底嗰啲薯粉，掛滿辣油，啜入口，香辣惹味。

路過鉢蘭街，見到一間名為麻辣香鍋嘅川菜餐廳，內邊都好多人，基本上坐滿晒，所以我哋就入咗去啦。招呼我哋嘅係個靚仔，坐低之後，算好詳細介紹咗佢哋嘅菜式，因為當時好多人，所以佢介紹完就急急腳去招呼第二個，第一感覺都唔錯。我哋叫咗一個香鍋，配料有牛肉，墨魚餅，豬皮，炸豆腐同豬頸肉。牛肉好嫩，墨魚餅好爽好彈牙，豬皮都爽同咪好入味，炸豆腐偏硬身，有咬勁，最後豬頸肉都唔錯，都好爽，成個鍋色香味俱全，勁有食欲，越食越辣，停唔到口。口水雞，雞肉好嫩滑，雞骨見紅，配合嗰靈魂口水汁，紅色椒油，夾咪嫩雞肉，麻辣、鲜香、微甜等化學作用，直頭好味到震呀。酸菜炒肥腸，落咗好多酸菜同青椒粒，肥腸睇得出洗得好乾淨，完全冇嗰陣豬臊味，食起上嚟都好嫩滑，完全入味，火候充足，配合得天衣無縫。3道菜完全可以體驗到川菜嘅特色，而且份量十足基本上三至四個人食都可以，有下次，仲要試咪其他菜式。臨走前問靚仔，廚師喺邊度人，佢話係四川人，唔怪得啲菜四川咁濃！其他姐姐服務態度都唔差，問佢哋拎支匙羹，燙咗滾水後先俾我哋，細心！加分！

今日同朋友去旺角行街，夜晚突然間想食啲香口辣嘢。喺附近搵到呢一間麻辣香鍋🌶️舖位唔算好大，但係入面好光猛而且非常多客人🤓喺門口睇咗幾眼餐牌之後決定入去試下先！一坐低我就覺得今次冇揀錯餐廳，因為店員服務好好，仲會提供熱水比我哋洗餐具，除咗去酒樓飲茶或中菜館，我都真係好少遇到呢項服務（食飯途中，我問店員姐姐拎多一隻匙羹，我仲見佢專登用熱水洗一洗先比我🥰）。舖頭叫得麻辣香鍋，梗係要揀佢嘅招牌啦！🍲招牌香鍋好似車仔麵咁任揀餸菜，最少五款起炒。我哋揀咗小辣配牛肉片、豬頸肉、墨魚餅、豬皮，炸豆腐。小炒：酸菜炒肥腸。冷盤：口水雞。另外再嗌咗兩碗白飯,凍酸梅湯同埋凍檸茶。首先上枱嘅係口水雞，非常推薦大家叫呢道冷盤👍‼️雞件做到黃皮肉白骨紅，好嫩滑，而重點就係佢嘅口水汁，辣得嚟帶點酸，真係好好味，我仲用佢嚟撈飯💯🤤接住第二道餸就係麻辣香鍋，估唔到係咁大兜😂應該係三至四個人份量呀嘛（我哋兩個人咋🤣）。入面嘅牛肉片好嫩、豬頸肉夠爽口、墨魚餅好彈牙、豬皮吸曬醬汁嘅味道，炸豆腐外層微焦內嫩（配口水雞汁一流！）。最後一道係酸菜炒肥腸，啲豬大腸處理得非常乾淨，一啲騷味都冇，再配埋一大碟酸菜，真係低估咗佢哋嘅份量，實在太

最近去咗呢間旺角<麻辣香鍋>，平日去都full House，價格相宜，啱晒鍾意食辣嘅朋友。招牌香鍋🥘我見台台都會叫招牌香鍋，所有配菜都可以自己揀！有麻辣同香辣，我選擇左香辣嘅小辣，唔算好辣，但香氣十足，鍾意食辣嘅朋友可以叫中辣！我哋揀咗好多配菜，上菜一刻真係好誇張，好大鍋🤣🪹新鮮鮑魚（4隻）特別值得一提，真係非常大隻且彈牙，吃起來鮮甜可口。🐖豬大腸的處理也非常乾淨，冇肥膏，煮到好腍好入味 ！沙白高質量，有好多隻！新鮮冇沙。五花肉片，出奇地唔係好肥，薄片唔會好油膩！其他蔬菜萵筍、土豆片、豆皮同金針菇也為鍋中增添了幾分風味，全部Sok 曬d汁，正！🐟鮮椒魚（$198）鮮椒湯底麻而不辣，份量真係非常之足，好多魚同配料，魚肉滑嫩，與薯粉搭配得天衣無縫，薯粉更是吸滿了湯汁，煙韌滑口！涼拌黃金皮蛋，搭配左香醇的醬汁，令人好開胃！

旺角行過見到入面都幾多人，就入去食。估唔到佢唔單止價錢唔貴，份量仲超大🔥！欣嘗佢嘅辣唔會死辣同好咸，雖然我地係點小辣但都好食唔錯，值得再Encore。 🔹 自選麻辣香鍋揀咗香辣小辣， 辣椒炒到香氣撲鼻，配菜好多選擇，點左飽魚（竟然有飽魚仲要都幾大隻）、金菇、豆皮、萵筍、豬腩肉、土豆，全部配菜唔會太乾但又好入味，仲要好大盤超足料，必食！🔹 鮮椒魚好多魚片，魚片嫩滑唔錯，個鮮椒唔會過油或過咸，但如果個椒味再出D會更好。仲有薯粉底，份量大到２個人都食唔哂。🔹涼拌黃金皮蛋比較小見嘅黃金色皮蛋！比一般皮蛋青甜但都幾濃郁，下面有青瓜絲，濃郁＋清新嘅口感幾好

今日去旺角行街想食辣野，就去左呢間好出名既麻辣香鍋試吓，個個都讚話好正麻辣香鍋配肥牛 豬大腸 牛百業 豬頸肉 雜菇 呢得呢度開餐，就緊係要試下呢度既名物，麻辣香鍋啦，我地揀左麻辣味既中辣，中意食辣既就會覺得岩岩好，好正好惹味孜然牛肉 配6張麼麼皮呢個牛肉有牛味又夠林，孜然味好香，配埋麼麼皮食好鬼正黃金蝦球 黃金蝦球大大粒，份量十足，蝦肉好爽口，黃金醬整得好出色，外皮都炸得好香脆 酸梅湯 烏龍茶 飲品選擇好多，解辣多選擇

今日朋友介紹嚟呢度食，目標是坐一個鐘左右食飯傾計，面對面坐是傾倒計的，旁邊的聊天也不至於太受影響。呢度用qr code自助落單，沒有加一。由於我是吃素的，所以在app下單以後加了備註，然後找服務員協助，她再三和廚房說明，態度認真有善，而且結帳時主動提出協助分單。食物方面符合水平，選擇微辣是符合預期的。座位方面，如果人多服務員會協助併枱，當時就見到有這種操作了。如果午餐menu轉咗，下次都會再嚟，又或者試一下其他時段。

麻辣香鍋 (旺角)旺角砵蘭街198號地舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：招牌香鍋 (麻辣,大辣) (連5配料) 共 $278招牌香鍋 (麻辣，大辣) $28：麻辣與大辣的完美融合加上香葱和香茜，還有自選的5種配料精心炒製，變成足料大香鍋，令人驚喜！😄😄😄新鮮鮑魚(4隻) $68：鮑魚4大隻，隻隻大份飽滿，肉質彈牙有勁，炒至邊緣微焦，鮮甜的鮑魚滋味在舌尖盡情綻放，令人難忘！👍👍👍小酥肉 $48：外表金黃色，散發著誘人的香氣，咬下去卻意外地鬆軟可口，肉質鮮嫩多汁，入口即化，讓人難以抗拒，份量也相當豐富，絕對能滿足您的食慾！😍😍😍鯛魚片 $42：鮮嫩多汁的魚肉，搭配上恰到好處的調味，在口中化開的感覺讓人欲罷不能，每一口都能感受到鯛魚的鮮甜滋味！😋😋😋牛舌 $46：牛舌以薄切炒製， 所以非常入味，而且肉質厚實多汁，入口嫩滑，令人難忘，加上麻辣調味，簡直一流！❤️❤️❤️牛肚 $46：醬料的調配恰到好處，既不會蓋過牛肚本身的鮮美，又能突出其獨特的風味，值得一試！👏🏻👏🏻👏🏻

一個禮拜唔食辣，已經周身唔聚財，今日收工就近近地去咗旺角食川菜。平時有時經過見到都要排隊，今日6點零去到未到食飯時間可以直入。金湯酸菜魚（中辣）魚片份量多而且嫩滑，仲有好多唔同種類嘅配菜，例如萵筍、薯粉、雜菇同酸菜，增添咗層次感。湯頭酸中帶香，辣得過癮又開胃。麻辣香鍋（小辣）配菜五份起，我哋揀咗三菜三肉。肉類我哋揀咗牛柏葉、田雞同埋豬大腸，菜就揀咗蓮藕、土豆片同埋娃娃菜。一上菜嗰刻超大盤，調味嘅醬料非常入味，風味濃烈，加埋大大隻嘅紅辣椒望落去賣相超吸引。麻辣嘅味道爽得來又唔會太過刺激，適合重口味嘅朋友。藤香雞一擺低已經聞到好香嘅藤椒味，雞件肉質鮮嫩，內裡保持到肉汁，散發着陣陣嘅香氣。金桔檸檬茶百香果檸檬茶兩杯嘢飲嘅味道清新又酸甜，金桔同百香果配檸檬茶都係好夾，食住辣嘢飲零舍解渴解辣。我自己都鍾意金桔多啲，相對上冇咁甜；男朋友就鍾意百香果，果香味濃郁，層次感重啲。值得一提嘅係阿姐嘅服務態度超好！我哋坐咗喺梳化，本身中間有個擋板隔開咗，變咗兩張二人枱。姐姐特登幫我哋拎開塊板，等我哋食得舒服啲，話如果陣間個場係滿先隔返開。我哋隻碟裝晒啲骨頭，佢又主動拎咗兩隻碟過嚟幫我哋換，勁貼心。