馬六

Open Now

Now Closed

宜家新冠疫情嚴重，中午吃午餐時，伙記唔俾坐卡位，話要留俾大枱俾其他人，之後被迫坐四人位，同隔離枱非常近，食食下，最後竟然要搭枱坐，我哋兩個人，已經好迫，仲要坐多對男女，痴缐㗎，完全無衛生意識，決定放棄繼續食，馬上埋單走！以後唔會再幫襯，伙記態度仲要唔好

馬六無骨海南雞飯星馬菜當中最鍾意就係食海南雞飯。油飯爽口 夠鹹香， 海南雞分量也不少，有齊薑蓉+辣醬+豉油膏， 真係好味。 雞肉嫩滑， 跟餐醬料亦都跟足傳統。😀😀海南雞喇沙摻摻🐥🐥🐥湯底充滿濃濃嘅椰汁 同埋香料味🌶🌶🥜， 摻摻即係米粉+油麵🍜, 真係好鍾意呢個咁特別嘅口感。 我哋咁鍾意食海南雞 ，當然試下呢個新配搭啦。另外嗌咗一杯椰汁冰🍹🍹， 外型精美 椰汁味香濃， 只係加八蚊非常抵飲， 刨冰又滑 又順侯。😋😋😋

間餐廳係e條街十分唔起眼，好易miss左，但識搵一定搵到佢。喇沙湯底好濃，食得出好足料去煲。而我叫既海鮮喇沙滲滲，個油麵同米粉吸湯能力一流，可以索哂喇沙陣味。但海鮮比既料就有d流，兩隻蝦，兩粒蜆，魚蛋同魚片。

是日晚餐🥣美味推介！因為役情，而家出街食飯係少左，但耐無出街食，就搵間人少少食晚餐。呢間餐廳好細心，一入門先要量體溫，坐低就比個膠袋仔入口罩，仲有消毒紙巾比你抹。今晚食左呢啲：：：：杯桔仔檸檬茶好飲，無叫少甜都唔會勁甜。班蘭多士好脆好好食，夾住片牛油咸咸甜甜咁😋😋😋Laksa 最緊要個湯,好香濃足料，食個麵係會飲曬啲湯。海南雞無骨超方便食，雞夠滑😋😋仲有碗湯飲下，不過有啲味精，飲完幾口渴。不過呢間啲食物係好食😋!

📌都有一排冇食過喇沙了，經過《馬六》，門面幾靚吖，啲set睇落又唔錯，let’s go 👉.🙌🏼新加坡喇沙摻摻 ⭐️⭐️⭐️⭐️$48碗喇沙上枱已香氣撲鼻，🈶️2⃣️隻蝦🦐、豆卜、魚條（魚片切成條）、半邊蛋🥚、仲有太量爽口芽菜。湯麵🍜永遠最重要係湯底，呢個喇沙湯非常濃厚，配上大量椰漿，微辣洽到好處，忍唔住連個湯都KO晒😅🙌🏼馬來古方咖哩雞配飯 ⭐️⭐️⭐️$46嘩 ～ 一大碗咖喱雞，唔單止咖喱汁多，雞都🈶️好多舊，全部啖啖肉！咖喱汁好香濃，即時叫多個烤蔥餅$15點埋個咖喱汁😉🙌🏼糯米釀雞翼⭐️⭐️⭐️⭐️$26雞翼外脆內軟，去骨雞翼釀🈵️糯米，仲🈶️少少辣味，一人一隻啱啱好👍套餐加幾蚊🈶️特飲😉悠閑坐吓hea吓，又一個下午☺️

一看到班蘭多士就很想進來吃， 香港不多地方能夠吃到馬拉/新加坡風味的菜。🔸 咖央多士 (班蘭)有一點點斑斕的香味， 麵包的金黃酥脆、 一整塊邪惡牛油夾在中間，喜歡吃菠蘿油的朋友應該很喜歡這個西多士！🔸 咖央多士 (蛋黃)蛋黃味不太出眾，但因為有牛油夾在中間，所以還是很好吃的！🔸 白胡椒肉骨茶配油飯白胡椒肉骨茶應該著新加坡比較普遍吧， 有點像胡椒豬肚湯，很重胡椒香味， 湯底一流， 兩塊大大的豬骨肥瘦均稱， 煮了很久，一咬下去就散開，真不錯！🔸 凍手工拉茶去過馬來西亞朋友就一定會知道，馬拉的奶茶跟香港的有點不同， 不會太重奶香但是茶香很足夠，喝完後不會覺得很膩， 我現在點開始想念當地的白咖啡🤤有點好奇這店子的名字從哪裏來的，因為我去過馬來西亞的一個地方叫馬六甲，很多好吃的東西！

某日下午我路過一間餐廳門口好多人排隊於是就拎左張籌諗住食下，餐廳門口好多人等位，不過好快就有位了，入座安排都好快，餐牌午餐有好多選擇，花多眼亂，最尾揀左咖哩雞飯，咖哩既味甜甜地，唔算太辣，咖哩更加入左香茅令雞肉味更香，雞肉仲要係無骨既，咖哩汁加埋滿滿既一碗白飯撈汁食一流。之後仲叫左個小食，咖央多士班蘭醬口味，班蘭味比較少見同特別，加埋香脆可口既牛油多士配呢個醬味道都好正嫁熱辣辣既多士，脆卜卜一啖一口，加埋一杯熱拉茶，又唔太甜，好好飲，滿足的午餐。

不嬲都好鍾意東南亞菜❤️今次黎馬六試一試啦就咁望入去都睇到好企理而事實上的確好企理整齊同乾淨午市同茶市餐牌選擇好多心大心細乜都想食 最後決定係！！！登登登登！哈哈咁喺等待過程中出去斟左杯水浸住香茅 薄荷葉同班蘭葉都幾清新架巴生肉骨茶湯米好香既肉骨茶呀 好優秀 飲左半碗好正肉煮到好淋好入味 一啲都唔韌 大大啖食肉好爽呀！喇沙摻摻好出色！真係好好食！個湯好香 材料好多好大方 溏心蛋都幾令我驚喜 蝦好爽口 而豆卜吸哂個湯仲正咖央多士（蛋黃）邪惡厚牛油呀！真係好好食 熱辣辣夠脆口咬落去脆到索索聲再有成層牛油好爽蛋黃薄薄一層岩岩好 唔會太膩凍手工拉茶（後）南洋白咖啡（前）兩杯都好香滑！好飲！真係好抵食 又好坐 員工服務態度都非常好！抵讚😚

路經見到"馬六"喺灣仔都有分店，坐低食個下午茶。Tea set都有好多選擇，食馬來西亞菜式，揀咗古方咖哩雞 配 白飯，未放入口咖哩味已經飄入鼻孔，好香呀👍🏻咖哩好夠味，係咁多款咖哩口味中，最合我意的😋以為下午茶份量好少，原來好大份，雞肉好多件，而且唔細舊。本來想飲椰青，比我發現原來有鮮椰青冰，係用新鮮椰青起肉+裡面嘅椰汁打成沙冰，呢個真係唔係週圍有得飲，透心涼，好清甜👍🏻想講下...店員服務好手快好貼心，下次去灣仔又可以再嚟✌🏻

其實呢，我好少食新加玻菜，但今日經過灣仔巴士站既時候，見到有間新開既，咪試下！兩個MENU都係差不多一樣既套餐，但一個係午餐，一個係下午茶（輕量版），我地去到既時候係下午兩點，又未係特別餓，咪叫下午茶試下！叫左一個巴生肉骨茶(無白胡椒）$46，藥材味十分香濃，同肉味配搭起上來，簡直係齒頰留香，肉湯應該燉左相當時間，排骨十分入味，加埋雞油飯，又暖胃又飽肚～ 另外再叫左一個馬來古方咖哩飯$42，咖哩香料十分突出，而且好濃郁，撈飯食真係一流，雞肉同時好嫩滑，而且飽吸咖喱的精華，十分出色！飲品方面，叫左個馬來拉茶同桔仔檸檬水，拉茶香氣濃郁而且質地香滑，桔他檸檬水都好特別，有陣陣甘甜的桔仔味，絕對唔係一般茶餐廳檸水咁簡單～

Having tried their Sai Wan Ho branch a few days ago, we decided to drop by for lunch again when we saw this branch in Wan Chai. It was quite crowded but still we managed to get a cart seats for 4 for just the two of us. The lunch set menus seemed to be the same as that in Sai Wan Ho. Last time we tried Laksa & 檳城傳統老鼠粉. This time we decided to try something different.I am glad that I had ordered this 無骨海南雞飯拼巴生肉骨茶 set because the 無骨海南雞飯 was so so good! The chicken was very good, rich in chicken fl

今日要去灣仔上堂，自己一個唔知食咩做夜晚，行到呢一間係巴路士街嘅餐廳，就諗住是但試吓啦！入到去先知原來呢間餐廳主打馬拉菜!!!!肉骨茶，喇沙都係佢哋嘅王牌😍😍我唔算好肚餓，所以就冇嗌到飯😖係咁以叫咗碗喇沙同埋一杯沙冰就算😇😇點知都有好大驚喜👏🏻👏🏻今次叫咗碗新加坡喇沙摻摻同埋一杯柚子沙冰呢碗喇沙比我想像中更加正❤️材料好足，有勁多海鮮！又有個魷魚，仲有我最愛嘅糖心蛋😍😍食落去啲面唔會太林，而且湯底喇沙好濃！而呢杯柚子沙冰直頭係出色😍😍😍大大杯😍😍仲有新鮮嘅柚子肉👏🏻👏🏻加埋80幾蚊喺灣仔食價錢算係咁！

話說有日盲撞撞，係灣仔道發掘到呢間餐廳，又好想食海南雞飯～坐位都好舒服, 我地仲有卡位坐!打開餐牌，又幾多野食咁，叫左個海南雞飯(輕量版)- $42雖然係下午茶，但份量一D都不少，海南雞既肉質嫩滑，而且唔會肥淋淋咁，又幾好味～雞油飯都好香口，唔會太多唔會太少，配著海南雞既醬汁一齊食，有蒜汁、甜酸醬同醬油，食到我地都Lim lim脷馬來拉茶係最推介之選，茶同奶的比例好好，而且入口好香滑～一個字：正！

今日到灣仔開工，路經灣仔巴路士街~原來有一間東南亞美食>.<馬六海南雞決定入去食個下午茶啦🤓🤓必點海南雞飯米飯部分則淋上雞湯與雞油一起蒸煮，融入雞肉香味的米飯不但粒粒分明，還漾著油亮的誘人光澤，還可以搭配黑醬油、蒜末或辣椒醬，更添風味喔！😋😋朋友都叫左個海南雞, 不過係下午茶, 我大大食梗係食午餐啦!我見到菜牌有一道菜叫參峇芥蘭一定要試試啦！香氣撲鼻，有一種獨特的椰奶混和辣椒和香料的辣味，香濃可口可帶出食物的鮮甜美味😋😋新鮮青檸檸檬茶非常解渴，而且檸檬冇苦澀味😋😋下次一定會再黎幫襯🥳🥳

呢排香港天氣忽冷忽熱，搞到個人好唔 精神。今日行過灣仔道見到 馬六 有正宗肉骨茶，啱曬我可以補一補!生肉骨茶配油飯肉骨茶 源自馬來西亞，以新鮮骨排和中藥淆製成湯。材料包括冬菇、玉竹、覺參、當歸、紅棗、甘草、胡椒粒及生熟地，配油飯和油炸鬼，伴上醬油、紅椒和蒜一齊吃。飲咗個湯成個人暖笠笠，補身養生，飽腹滿足！檳城傳統老鼠粉店員推介 係檳城傳統美食，香口惹味。 老鼠粉即係我哋嘅銀針粉 ，加上肉碎、冬菜粒、魚乾仔、花生，材料豐富。以乾炒烹調乾鍋上碟，自己再攪拌撈起，香味四溢，令人垂涎欲滴!班蘭咖央多士意猶未盡 點了班蘭咖央多士。斑蘭醬配厚牛油，份量絕不吝嗇！多士薄身脆口 微溫，配合溶解中的厚牛油和斑蘭醬，滋味無窮！這裏提供嘅飲用水，係用薄荷葉、班蘭葉 和香茅葉浸泡， 感覺清新清爽 ，香味怡人!