馬六

Open Now

Now Closed

Lunch time 12點黎到已經好多人，聽人講里到出名喇沙，就叫左個海鮮喇沙摻摻🥘原來摻摻係指油麵加米粉喇沙好足料，湯底香濃唔太辣架，唔食得辣既都岩食，椰漿味香另外叫左份咖央多士，多士夠脆，有3種口味（班蘭，蛋黃同埋榴蓮），今次試左班蘭味，多士偏重牛油味

中午同同事揾新野食，附近開左間好多人等位既馬來西亞餐廳，就決定黎試下，大約等左二十分鐘入得。午市套餐多款式仲包一杯飲品，全日不設加一！原本想試喇沙，但見天氣好熱，所以點左海南雞飯馬六無骨海南雞飯+馬來手工拉茶 $68海南雞份量唔少皮薄唔肥，而且都幾滑下，點埋d醬好好食，碗飯有幾種米煮成，好有層次感！至於杯拉茶唔算甜，幾特別！巴東牛肉配米飯 + 桔仔檸檬茶 $66巴東牛肉好惹味，好香 少少辣，牛肉唔靭，好味！ 杯桔檸茶好清好夾！整體都幾好食！唔怪得咁多人等位！下次可以試其他餐

lee間馬來亞餐廳喺香港有好多分店，灣仔就有一間。通常每個week lunch 都會有1次走嚟lee度食。我既至愛喺海南雞喇沙摻摻，啲椰汁和辣到好啱香港人食，海南雞又整得好滑，米粉同油麵索晒椰汁味既湯啱晒lee排炎熱夏天，再配一杯青擰咸柑橘，簡直一流。lee間餐廳仲有肉骨茶套餐，我諗住冬天先試，到時食完會暖笠笠再同大家分享。大家見到幅相係唔係好吸引呢？快D去附近一間試吓喇，仲有咖央整得都好好味，但我忘記了影相

之前聽同事講過話灣仔公司附近開左間馬六，有幾間分店，佢係西灣河有食過，覺得幾好食，估計呢間新分店唔會點中伏。依然是一枝公甘做野做到差不多，然後是時候食個午餐，雖然都是叫下午茶來食，來到門口見到入面都幾爆，等左一陣先有位入。坐底叫左個下午茶的海南雞喇唦摻摻，然後10分鐘左右就上餐啦如圖所示。大大個碗，湯顏色橙紅奪目，香氣則沒什麼，筷子插落底，果然是得個碗大，但是都幾淺……試埋個味道，其實湯還OK，鹹和辣剛好，雞肉都算嫩滑，粉同面之間選擇食粉，最後可惜左就是個價錢是午餐價錢，分量就是下午茶分量，覺得唔是幾抵，事後還要再買其他小食來填飽。

查到這裏有馬來西亞喇沙麵， 特別過來吃的。這個店用的是油麵和米粉兩種麺放在一起，而我是喜歡類似米線的白麺，不過湯底還是很不錯。吃麺後再加一份馬來西亞咖吔和拉茶作甜品，好吃！下次會回來試肉骨茶。

馬六-海南雞.喇沙.肉骨茶馬六無骨海南雞飯拼白胡椒肉骨茶 ～用木托盤盛載上桌時還附有油飯同三色醬海南雞以龍崗雞製作，雞肉有濃郁雞味，口感嫩滑油飯香而不膩，夠乾身，粒粒分明，入口煙韌⋯⋯ 吃過最好吃的喇沙，點了海南雞摻摻🍜海南雞份量多，雞皮沒有多餘的脂肪，雞肉很嫩滑摻摻有油麵同米線兩款🥢口味亦非常地道，湯底濃郁！

今晚去左灣仔搵食響灣仔道附近見到間幾明亮既餐廳行近睇原來係賣新加坡同馬來西亞既野食既掀過餐牌 有海南雞 肉骨茶 喇沙等等人氣食物見到款黑醬油叉燒拌麵 幾新奇 平時都無見過呢款拌麵$58 唔連野飲 不過就有冬瓜湯拌麵既麵底係用雲吞麵個種鹼水麵 麵身都爽不過拌麵黎講就略嫌不夠乾身 碗底有太多水叉燒味道太重 好咸 肉質偏乾同太淋口感似煲湯肉 個人就唔多欣賞個叉燒另外叫左份咖央多士 $23有4舊 幾抵而且都好好味多士烘得夠脆 斑蘭醬香甜加埋大舊 咸咸地甜甜地好好味不過略嫌牛油味有少少遮左斑蘭味 建議可以薄啲見到餐牌仲有蛋黃味揀下次再試埋先

又到食飯的時候，今次試新野，到了馬六食下午茶，店子主打星馬菜，見餐牌的喇沙好吸引，價格又合理即試了。 下午茶時段，一行6人去到，要拎飛等一陣，不過好快有位。 店子面積中等，裝潢以白色及淺木色為主調，暖色的燈光，柔和次感，坐得尚算舒適。 Menu。 馬來手工拉茶，入口順滑都幾甜，有點似泰式奶茶。 海南雞喇沙摻摻，＄46。 喇沙入口有椰香味，酸香微辣，味道濃郁好開胃，油麵和米粉份量恰好﹐口感彈牙有層次，豆卜入味，海南雞嫩滑。 沙巴燒雞配蝶豆花椰醬飯，＄48，友人的，蝶豆花椰醬飯，成日見但未試過，淺紫色好靚～試了點有微淡的椰香味，都不俗呀。食物味道不俗，下午茶幾抵食，服務態度友善，又多一個飯堂。灣仔巴路士街12號地舖

之前去過星加坡食海南雞飯，又去過馬六甲不過無海南雞飯。今天路過一這間馬六，見它裝修美麗，入去試食。儘管有位坐，店員堅持要在門外按鈕拿票，好堅持；海南雞飯，套餐，$68，快，凍飲加$3；飯，不太油，軟硬適中，偏冷；雞，無骨，少肥，份量充足；湯，好喝， 不太鹹；醬，三款， 豉油、酸汁、薑蓉，酸汁最好味。

平日的下午，跟同事去了灣仔的馬六食飯。好彩預早了少少出門，大概12:35去到，等了大概5分鐘就可入座 (搭枱平排坐）。之後就開始出現等位的人龍了。上次來過食海南雞飯的關係，今次試試另一款口味，我選擇了白胡椒肉骨茶的午市套餐，同事則選擇了較為高價錢的雙拼飯餐(海南雞飯 配上巴生肉骨茶)自上來的是飲品，我倆也點了不用加錢的熱飲(這個金屬杯的保溫效能很好，成餐飯都保持到熱度)馬來手工拉茶的甜度好像平時飲的泰式奶茶，茶味濃都係好甜，剛好可中和胡椒湯的辣，飲到尾時杯底有殘留的茶葉渣。喝第一啖白胡椒湯，感覺是胡椒味很重，不過湯就較稀。肉方面大概有5件左右 有d有骨，有成舊肉。肉質算淋及入味。我覺得淨飲湯有點辣嘅關係所以我最後變咗湯飯咁食，因為我揀咗油飯所以成碗飯係好油，所以次選擇白飯較適合。而於蒜頭，肉骨茶內有整個蒜頭，而醬汁碟亦有一蒜頭碎可以一齊食用。肉骨茶內的蒜頭，不知道是特意弄一刀，還是凹了，(加了隻眼之後)聯想到有寄生獸的感覺，哈哈。

今日同女友去探係灣仔188開鋪嘅朋友，離開時順便附近食個下午茶，行經這店，我記得係土瓜灣食過唔錯，所以入左去巴生肉骨茶配雞油飯-入到嚟食馬拉嘢，忽然想食馬拉名物肉骨茶，又嫌下午茶餐size太細，所以叫左午餐，湯好濃，好重藥材味，好足料，有三舊骨，整整一個蒜頭，蒜頭完完全全吸收湯的味道，有湯香，又有蒜香，而雞油飯調味很好，剩食個飯已經好好味，無餸也可全碗吃下檳城黑醬油叉燒檳城黑醬油叉燒配蔥油拌麵-黑醬油好好味，鹹中帶甜，叉燒好大塊，醃得好入味，整舊叉燒都是醬汁的黑色，配合爽口彈牙的麵，好美味呀鮮椰青-跟餐加$22，清甜，冰涼，消暑解渴馬來芝士手工拉茶- 很香很滑，茶香中帶點淡淡嘅芝士味

平時上班經過這家新開幕餐廳，感覺餐廳裝潢簡潔， 坐位都算多， 但不會太逼夾。餐廳主要是星馬食品， 沒想到一個人吃，也可以點這個主打 肉骨茶伴海南雞飯套餐。餐廳的大大小小感覺一絲不苟。無骨海南雞配巴生肉骨茶餐點十分豐富，無骨海南雞的份量十足。雞肉嫰滑，但不會太肥。皮入口也是爽脆，配上雞油飯和醬汁-蒜、酸辣醬、黑醬油，十分惹味。而跟餐肉骨茶是藥材味較重嘅巴生，合符港人口味不會太濃，配上煮得夠軟淋的骨排。吃幾口飯再配上肉湯，仍一大享受！

同事話灣仔有間新開嘅馬拉餐廳，當然要即刻去會一會啦！午餐menu選擇多，樣樣都好似幾吸引咁，價錢唔算好貴第一次食所以保守d揀左海南雞同肉骨茶海南雞跟餐有一碗湯同油飯，配三款醬，個人覺得配黑豉油同中間紅色嘅酸辣醬最開胃好食，雞肉已經去哂骨，食落啖啖肉，唔知係咪隔離飯香，試左幾件我覺得好好食，下次要叫呢個先得Menu有兩款肉骨茶，我叫呢款係胡椒味重d，辣辣地，係新加坡風味，落雨天食，驅寒一流。肉骨茶好大碗，有4大舊肉，有d好滑，但都有舊肉係鞋，不過味道ok，同樣都係配油飯，食完好飽午餐配一杯飲品，選擇都幾多，有拉茶、白咖啡、美祿等等，我就揀左熱桔仔檸檬水

終於都有機會試到呢間，越開越多分店嘅馬來西亞餐廳。落住雨，下晝2:00都仍然要等位。下午茶啱啱開始， $42就有個海南雞飯，仲有埋嘢飲，當然就試吓啦。可能係下午茶嘅關係，海南雞嘅量唔算多，但都足以蓋過一半嘅飯嘅。雞肉咬落去感覺唔錯，好滑。雞有些黃色肥膏，健康人士食嘅時候要留意一下。隨餐附上嘅三款調味料最加分，份量都吝嗇之餘，味道都好正宗，絕對夠撈雞同撈飯😋見人地嘅海南雞喇沙好吸引，上面海南雞嘅份量又好似冇少到咁，下次試埋先～

今日係灣仔行到又累又肚餓，噤啱見對面有間餐廳就過去睇吓有乜食，見係新加坡和馬來西亞都幾啱食，就入去試吓好唔好味先坐低後待應放低一張午餐和下午茶餐牌我即刻睇吓有乜選擇先，基本上午餐和下午茶既選擇係差唔多一樣，只係份量大小，另外，跟杯餐飲或加錢轉特飲，還可以優惠價追加一款小食。我見唔係好肚餓就選左食下午茶，我選左：海南雞喇沙摻摻，加左個：石叻單骨雞翼（四件），叫左杯：馬來芝士手工拉茶。海南雞喇沙摻摻：份量剛剛好，豆po索左湯好好味D湯少少辣幾惹味，椰醬味幾濃，入口幾香滑糖心蛋，需然熟左少少，但都還有少少流心幾滑，都幾多冇骨海南雞，入囗啖啖肉，肉質好嫩滑石叻單骨雞翼（四件）：熱辣辣，脆咯咯，入囗外脆內嫩，味道係似香茅雞翼味馬來芝士手工拉茶：超冰凍，入囗好滑好香茶味而且感覺到個芝士味，個味道係同現在好興既芝士奶蓋飲品味道一樣呢間店既食物應該幾好，因為我一路食，一路有好多食客入來光顧，多到冇位要在外面等位。